Mifinga chhiarte zingah i tel ve dawn em?
Mihringte hi chuan, hausak leh retheih te, zirsan leh san loh te, hmelthat leh that loh te, kristian leh kristian lo etc. kan in enna leh tehna pakhat a nih laiin, Pathian chuan, ‘fing leh finglo’ hi mihringte min enna ber a ni.
Lal Isua khan, mi fing leh mi ‘a’ chungchang a sawi ngun hle. Mi a han tih mai ai pawh-in ‘mi mawl’ kan tih te hi a kawk zawk awm e. Thil hre ve si, a nihna tak tak pawh pha lo, ni hmingpu ve si, nih tur ang (quality) ni thleng pha si lo te hi an ni ber awm e.
Tehkhin thu ah pawh, nula panga fing leh nula panga a te chungchang a sawi kha (Mt 25:1-13). Nula thianghlim sawm zinga panga te, mo neitu a lo thlen hun a ruai chaw kil tura in peih te kha’ mi fingah a chhiar mai a. Panga dangte erawh kha chu, nula thianghlim 10 zingah mite ni mahse, ‘fing’ a chhiar tel an ni ve ta lo. A awmzia chu Kristian ni ve ngawt mahse, Lalpa lo kal hunah anlo welcome ve hman lova. Ti chuan, Mo neitu khan tute nge an nih a hre bik ta tlat lo a ni – a rapthlak hle.
Bible-in ‘Kristian’ a tih te hi, Lal Isua hnungzuitu tak tak te, mi rinawm leh ‘Lal Isua’ chhandamtu tan a ‘nung’, ‘thu hretu’(witness) leh ‘a lokal leh hun nghaka in peih tak tak te’, ‘midangte tan a entawn tlak a nung te’ an ni. Tunlai kan kristianna nen han teh khin ta i la….kan rinawmloh zia leh kan dawt heh zia te, mahni hma kan sial zia te han thlirin – Bible-in Kristian a tih te – ni phak kan tlem hle awm e.
‘Mizo’ te zinga tamtak te pawh hi, kristian hming kan han pu ve ringawt pawh hi a lawmawm hle laiin, Lal Isua’n mifing te zinga min chhiar tel loh vaih chuan, a pawi hle dawn a ni. Ram hruaitu pam-ham, party leader mahni hmasial te leh, rawngbawltu leh beram pu pawh kan danglamna a tlem ta hle. Rawngbawltu leh beram pu kan nih ve na te hian van ram min thlen lovang tih a hlauhawm ta hle. ‘Reverend’ tih te hi, ‘Pathian title’( Ps. 119:9) a ni a, ‘zahawm’ ‘thianghlim’ sawiselbo’ ‘entawn tlak’ ti a koh ngam an nih a ngai, hetiang title hi ‘transfer Certificate’ pek a in pek ngawt chi a ni lo. Mizo kristian te hian, Bible a ‘Kristian hming mawi tak’ leh ‘thianghlim’ ‘hlu tak’ hi, kan ti hming hliau (common) zo dawn – i fimkhur teh ang u. Bible-in, ‘Pathian chhungte chu, Pathian nung kohhran ho, thutak ban leh in nghahna chu an ni’ (I Timothy 3:15) a tih kha.
Khawvel hi a kalphung pang ngai a a kal muah muah reng pawh a ni mai thei, he khawvel hi mi chitin inpawlhna leh lemchanna khawvel a nih tlat avangin ‘mi fing’ leh ‘mi a’ te hi, thliar-hran leh hai-then mai an harsa thin, mahse, ‘mahni tuh rah seng na khawvel’ a nih tlat avangin, hun leh hmunin – tu te nge an nih a rawn hai lang tho tho thin. Mi a (Pathian thu zawm lo) deuh te hi chu, minister an ni emaw, party hruaitu an ni emaw, berampu an ni emaw etc. khawvel mit hmuhah an mualpho fo dawn nih awm hi maw !!.
Mi fing te hi chu, khawvel ‘thli’ chi hrang hrang pawh lo tleh mahse, van lam ropuina chang ve turin an ding nghet tlat a, he khawvel ‘ropuina’ chuai leh mai tur hi an thla hlel ve lo. Chatuan thil a nih tlat avangin, khawvel nawmna leh hausakna te, lalna te hian, chatuan hremhmunah min hnuk lut dawn a nih chuan, a man hla lemlo hle ang. Mifing kan tih te hi, hun lo la awm tur thlir-lawk thiam a, lo in hmakhua lawk mi te hi an ni. Mi a te hi chu vawiin a ei teuh, vawin a nawmsak, naktuk a ral leh mai tur – thlahlel mite an ni.
Bible chuan – kan thih hnuah (he khawvel kan chhuahsan hnu) pawhin, kan nunna (thlarau) erawh chu a la tawp dawn loh thu min hrilh a, chuvangin ‘chatuan nunna a pawimawh’ hle. Chu chatuan nunna nei tur chuan, tun kan dam chhung hun hi ‘duhthlan na hun’ a ni, a pawi mawh khawp mai. Kan thlan fuh chuan, mi fing kan ni a nga, chatuanin Pa hnenah kan cheng tawh ang. Kan thlan fuh loh chuan, mi a kan ni a nga, kum 5 chhung (term) tih ang reng a ni ve lo, inti fing takin, meidil-ah, chatuanin i cheng tawh ang. Chumi chatuan nunna ilo chan tawh humhim tur chuan, vawiin ni a hun i hman dan kha a pawimawh hle. Bible-in,“Ngai teh u, tun hi hun lawmawm chu a ni a; ngai teh u tun hi chhandamna ni chu a ni” (2 Kor. 6 : 2) a tih kha.
Khawvel thilah pawh midang te bum theih, pawisa tlem te a thlem thluk theih te hi mifing an tling pha lo. Chutiang bawkin, mite tihder a, an ‘thil hlu’ neih, sum tlem te a thlemthluk tumtu te hi, ‘bumtu’ ‘mi verther’ ‘mi tenawm’ an ni. Thlarau lam thilah pawh, Satana leh a pawl te hi, chatuan hremhmun a min hruai luh tum a, sum leh lalna tawktarh (bait) a, min veh min veh tu an ni a, ‘kristian’ thlarau lam a ‘muthlu’, satana’n sum leh lalna hmanga a bum thluk theih te hi a lawm, Lal Isuan mi A a tih te chu. Lal Isua lo lan hunah ‘nula thianghlim panga ‘A’ te ang khan, anla che chhe viau dawn a ni. Lal Isua’n mifinga a chhiarte zingah tel ve pha ngei turin –i in enfiah thin ang u.
‘Nimahsela, keini (Misual ho)zawng boral tura hnungtawlh pawla mi kan ni lo va; nunna humhim tura rin na nei pawla mi kan ni zawk’ (He 10:39) Amen.
Similar Posts:
- Mifing a chhiar zingah kan tel ve em le?
- Kristian Chi 2 Te {Sunday Pual}
- Kristian sakhua leh Mizo hnam sakhua danglamna
- Isua i pai ngam dâwn em?
- Mi Nung Nihna
May 1st, 2011 at 5:11 pm
chh1ar phawt ang aw niang!
Report this comment
May 1st, 2011 at 5:11 pm
Tlaiah chhiar tan ang
Report this comment
May 1st, 2011 at 5:17 pm
#1 @Ozima, i first loh hlau lutuk kha….
Report this comment
May 1st, 2011 at 5:18 pm
Pathian ngaiha fing nih hi ava pawimawh em
Report this comment
May 1st, 2011 at 5:19 pm
Ka chhiar chhuak a, tha ka ti khawp mai.
Finna(Wisdom) hi Thuthlung Hlui lamah chuan kan hmu hnem hle mai a, Lal Isua sawinaah an ngai a. Chu finna neite chu Lal Isua neite an ni. Pathian ngaiha Finna neitu chu NUNNA neitute an ni a; chu mi nei lo chu eng pawhin zir sang se mi fing tiin Bible-in a sawi lo, a sawi pawhin khawvel mi fing, hriat hran theih turin a sawi kher thin.
I thahnem ngaihna pawh a hlu ka ti.
Report this comment
May 1st, 2011 at 5:31 pm
Thuthlung hluia Thufingte bu ah hian ‘mi fing’ nih dan tur tips chu a tam khawp mai.
Report this comment
May 1st, 2011 at 5:34 pm
Ka bula awm te hi chu tihian ka ti thrin “Lal Solomona bula awm angah in ngai rawh u”…. Kan fin ve hmel deuh alawm hetiang tawngkam te hi hmang ve zeuh2 ila..
Report this comment
May 1st, 2011 at 6:20 pm
Paula khan a sawifiah mawle…. 1Korinth 1:23 ah khan ‘Keini erawh chuan Krista khenbeh thu kan hril thin anih hi; chu chu Judate tan chuan tlukna,Jentailte tan thu atthlak a ni a:nimahsela Judate pawh ni sela,Grik pawh nisela,kohte tan zawng Krista,Pathian thiltihtheina leh Pathian finna chu a ni’ ati a ni. Pawmawm khawp mai. Piangthar dik tak ka nih hnu hian keimah ah hian a thawk a ni.
Tin,he lehkhathawnah bawk hian a chang hnihna ah hian Pathian thufing thuruk,thufing inthup kan ropuina tur atana Pathian in a ruat lawk chu Paula hian a sawi chhuah thin thu a sawi a ni. Chu finna thuruk chu khawvel-a mifing ni-a in ngai leh lalte hian lo hre lawk tase Isua kha an khengbet miah lo ang a ti hmiah bawk a nih kha.
Post tha tak a ni. Mahse Bible ah hian finna chi hrang hrang alo ziak a. Kan ngaihpawlh erawh ka hlau hle.
Report this comment
May 1st, 2011 at 6:25 pm
Sawi belh ve tur ka han van tak em. Sawi zawm teh u, ka lo ngaithla ang e.
Report this comment
May 1st, 2011 at 6:34 pm
Zawhna hnuai a paragraph chu ka chhiar a, a chhiar tlak dawn hi, kan chhiar zel teh ang ka ti a.
Report this comment
May 1st, 2011 at 6:44 pm
Vanram kai tur lehkai lo tur( fing leh fing lo) sawina mai niin ka hria. Ka ngaihdana Vanram kai tur te chu :
Lal Isua hi i ring em?
Ring e.
Vanram ah lut rawh..
“Tupawh amah ring chu an boral lohva chatuana nunna an neih zawk nan” (Joh 3:17) He lai chang ah hian chiang leng lawng tak a ni.
Report this comment
May 1st, 2011 at 6:47 pm
@11 Rinna chu thiltih tel lo chuan thi ani. Heeee…..
Report this comment
May 1st, 2011 at 6:58 pm
@sisen: …second mouse get cheese…
Report this comment
May 1st, 2011 at 7:13 pm
Mi fing finnate chu ka tiboral ang a …
Report this comment
May 1st, 2011 at 7:17 pm
Last para….Amen
Report this comment
May 1st, 2011 at 7:56 pm
@Krista Mahse Bible ah hian finna chi hrang hrang alo ziak a. I tih chu ziakin han post ve ta che, hriat a chakawm em mai. Anih loh leh hetah I han sawi hlek zawk dawn emaw ni.
Ka va han hre chak tak em, min han hrilh teh a, a theih lawm ni.
Report this comment
May 1st, 2011 at 8:02 pm
Eng pawh sawi thiang….sawizau belh zel ni rawh se….
Report this comment
May 1st, 2011 at 8:34 pm
ngaihnawm ve
…….hriat belh zel chakom khop mai.
Report this comment
May 1st, 2011 at 10:44 pm
#16: A remchan hunah post ka lo tum ang. Tuemaw hian min bei chiam mai ang ahhhh….
Report this comment
May 1st, 2011 at 11:00 pm
Nula thianghlim sawm tih tehkhinthu hmang khian ka lo sermon ve tawh a, lung lung a leng e.
Report this comment
May 2nd, 2011 at 12:16 am
Mizote hian Pathian vang a at deuh chhalh hi thlarau riau hian ka hre thin a,Pathian in hmang tur a min pek kan conscience, reasoning, logic, deduction te hi kan hmu sir deuh hu thin, hei hi a himlo khawp mai. A bik in pentecostal leh charismatic movement heng tawnghriatloh, taksa chetna, damna ah bik te hian. Tin, zawhna pawh zawt chuanglo a rintawp(blind faith) te hi kan dahsang viau mai a, zawhna, zir, chhut,adt hi kan hmu tisa leh viau mai bawk a, a diklo khawp mai.
Mizo Kristian hmasa te khan enge an rintur chu, engvangin nge an rin ang,adt,adt zawt lemlo khan an lo ring tawp mai a. ‘Isua hi lo ring ve tawh rawh u” tih chiah te kha an tlangau pui a, an lo ring ve ta mai te kha chhuan lokal zel a kan rinna ngheh loh nachhante pawh hi a ni thui khawp in ka hria. Kan society hi social bondage structure a ni a, a hniak tam lam in an zui tawh chuan dik emaw hi kan ti tlat zel bawk si.
Bible chuan finna hi a dahsang takmeuh,a bik in hun hnuhnung ah chuan finthiam a ngaihzia pawh a sawi uar khawp mai. Finna miin a tlakchham chuan ui lova a pe theitu Pathian hnen a dil tur pawh in min chah bawk.
Hetih lai hian hmelmapa hian finna replica hi a lo duang ve zung zung bawk, a expert em em bawk, a chhan chu a bawhchhiat hma khan ‘perfect in wisdom’ a siam ni miau hek. A tak leh a lem hriat hranna ni ber pakhat a ka hriat chu a lem chuan ‘Thu tisa a lo chang hi a ring ve lo’. A dang pawh a tam ang. Tin, inhnial theih tak pawh a ni ang.
Report this comment