Zonet website ah hei hi ka lo chhiar a:
Aizawl City Traffic Police-te’n lirthei tlan chak zawng tehna, speed gun hmangin lirthei tlan chak 23 an man tawh. Traffic Police hotute chuan speed gun hmanga an mante hi pawisa an chawitir a, lirthei ke hnih nei vek a ni. Tlan chak lutuk vanga man hi Rs.400 thleng pawisa chawitir theih an ni a, mahse Rs.200 chawitir pawh an nei niin Traffic Police te chuan an sawi a, tlan chak vanga man tawh, man nawn lehte chu Rs.1,000 thleng chawitir theih an nih thu an sawi bawk.
Kan Corr. zawhna chhangin Traffic Police-te chuan, 1 khawpui chhunga tlan chak theih chin chu darkar khata km 30 a ni tih an sawi a, mahse 2 kawng chho thawlah chuan 3 hei aia a chak pawhin an 4 ngai thiam niin an sawi. Dan bawhchhiate driving 5 licence cancel-a hrem theitu chu DTO a ni a, mahse Traffic Police-te’n licence cancel tur hian DTO chu thu rawn an pe thei tih an sawi bawk.
https://zonet.in/?p=6838#more-6838
Rilruah zawhna lo lang chu:
1) “Khawpui chhung” an tih hi eng area chiah nge?
2) “Kawng chho” tih hi eng anga chho nge? MacDonald Hill chhohna kawng chho pahnih pawh hi a chhoh dan a inang lova. Venghlui leh Thakthing Venghnuai kawng chho/chhuk anga ulh vek lo kawng chhuk-chho tam tak kan Zawlkhawpuiah a awm tih kan hria. Enge a tehna chu ni ang le? A chhan chu…
4) 30 km/hr aia chakin ‘kawng chho’vah i tlan chuan ‘ngaihhnathiam’ theih i ni an ti bawk si a. Speed limit 30 km/hr aia chak engzat speed nge ‘ngaihhnathiam’ theih chin chu ni le? Tin, ‘ngaihhnathiam’ tih hi eng ang chiahin nge an ngaihhnathiam dawn le? An hmelhriat zawng leh duhsak zawng deuh te leh ngei deuh te ngaihhnathiamna a in ang lo angem?
5) Tin, “Licence Cancel” tih hi enge a awmzia chiah? Licence neih leh theih tawh lo tura cancel nge? Thla 6/12? etc
Kan ram leh a bikin kan khawpui enkawlna rahbi kan siam mek lai hian ngaihtuah tel ngai chu mipui te dikna (rights) hi a ni. Motor (2 or 4 wheeler) khalhtute hriat tur leh hmuh tur chiang tak traffic sign sorkarin a siamin a awmna turah dah a ni em? Nge police ten inti thuneitu takin an dan siam hi an lekkawh pawp pawp?
Traffic rules fel fai zawk sorkar atang te pawhin awlsam tein hma a lak theih. (Ka hlauh ber chu Traffic police pawisa duh deuh ten pocket money siam nan an hmang ang tih hi a ni. A dawt lehah chuan Transport Deptt leh Traffic police te hian sum siam nan ang maiin an hmang anga, a pawisa tling khawm awmze neia hman awm mang si lovin)
Ka experience ve mai mai pakhat chu – Zarkawt ah MacDonald Hill chhohna Pu Zalawma Bldg bul kawng chhovah hian traffic sign hmulovin ka motor ka park a, ka thianpa te inah thingpui ka in a. Haw ka tum chuan ka car an lo hnuk daih mai a. Police stationah ka va kal a, min hrilh chu hei hi a ni: No parking a ni a, reilote chauh park phal a ni, chuvang chuan police breakdown truck in police stationah an hnuk. A chhungah an lut a, a gear an neutral a ( gearbox tih chhiat chu an duh bik lo, an ngaihtuah dan chu a tha ve tho) mahse an hnuhna hnu chu ka car bumper hmalam hmun hnih laiah a pawp.
Park loh na turah ka park avangin chawi tur erawh ka chawi mai a. Mahse ka car kawngkhar an hawn avang leh bumper ah tihchhiat vanga ka lungawilohna ka hrilh chuan police hoten sawitur an nei mang lo. An polite lo ka ti a ni lova, ka thinrim ka lantir paw’n an hrethiamin ka hria. Mahse tihngaihna an hre lo. Thiamthu sawi tur pawh an nei lo. An sawi ber chu SP hnenah thlen rawh an ti a ni. Chuan SP chu ka va hmu ta a, ka hmelhriat anih avangin duh ang takin ka va sawi a, ani pawh chuan sawi tur em em a nei lo.
A thawi dam nan “Vairamah chuan lathi in an vaw pawp pawp mai a nia” te a ti ta mai mai a. Mahse, sorkar thuneihna leh mipuite dikna chungchang kan sawi tak tak chuan ani pawhin a dik a tih thu leh awmze neia sorkar dan kalpui a tul thu a sawi a. Police mawl a ni lova, police officer fel tak a ni tih ka hria. Ka sawi duh a hrethiam nia ka hriat avangin ka lungawi thawkhat a ni.
Dikna hi a uchuaka buaipui pawl an tam a, chutianga kalpui a tul ka ti a ni lo. Kan ram changkang chho mekah hian, mipui mimir nghawng leh a bikin mipuite dikna nghawng thei thilah hian sorkar hian uluk leh zuala hma a lak a ngai a ni. Sorkar a fing zo vek lo a ni pawhin pressure group leh opposition party ten awmze neiin sorkar an khalh ngil a tul a ni.
A nih loh chuan Aizawl khawpui hi khawsak hrehawm tak khawpuiah kan siam ang tih a hlauhawm. Sorkar kan nei a, mipui ta a ni. Mahse sorkar inrelbawlna hi mipuiten chik taka kan bih reng loh chuan mipui tana hlauhawm sorkar ah pawh a chang thei a ni. Dan siamtute kan nei. Tunah phei chuan municipal sorkar kan nei ta. Dan mumal tak siam turin kan thlan tlinte hriat tir ang u. MZP lo inrawlh kher ngai lovin Taxi Owners’ Assn, Bus Owner’s Assn, PRISM, YMA etc te kan awm hi.
Tin, mipuiten sorkar thuneihna pek tur chin i hre bawk ang u.
Similar Posts:
- Traffic police-in zana bike-a intlansiak thinte an veh dawn
- Parking uluk dawn
- Aizawl khawpui kawng chhe lutuk leh traffic jam (A thling baw hawkin!)
- Chief Secy. Car leh Bike insu
- Rotluangliana’n traffic police duty a su
May 3rd, 2011 at 1:41 pm
Tlan chak lutuk hi chu pedestrian leh motor khalh tu te tan a him loh avang in hetiang a dan an keng kawh thei anih chuan a lawm awm ngawt ang.
Report this comment
May 3rd, 2011 at 1:44 pm
kawng chhoa chhuk zawnga tlan hi enge a speed limit…
Report this comment
May 3rd, 2011 at 1:46 pm
aizawl chu ke a kal leh bus chuan hi a nuam ka ti lol
Report this comment
May 3rd, 2011 at 1:55 pm
I zawhna #2 Kawngchho tih khi ngaihtuah chian a ngai khawp mai. Kawng hi a chhoh zawh poh leh a lehlam zawng a kal chuan a chhuk nasa ve zel.
Chhuk leh chho hi a inchen em tih pawh hi ngaihtuah a ngai viau mai. Chhuk zawng a mel 3 kha chho zawng chuan mel 5 a ni daih! (an ti)
Report this comment
May 3rd, 2011 at 2:01 pm
hman deuh tawhah west delhi ah in rawk tum 2 hi mi in an hmu a …chuan an um ani awm e..an misual 2 chuan in compound hung na bang an lawn kai a, an lawn na ber kher kha police station alo ni sia, an man chiang hle lolzzzz….
Report this comment
May 3rd, 2011 at 2:04 pm
Mahni ke bak wheel dang nei ve lo tan hi chuan 30 km/h pawh hi ka duh ai chuan a chak mah mah…
Report this comment
May 3rd, 2011 at 2:05 pm
hmana guwahati-a rukru an um pawh kha coumpound wall glass top a lawm liam ve ringawta a tuk zingah ban khur chhungah taksa thler vekin a ruang an chhar
Report this comment
May 3rd, 2011 at 2:24 pm
#6chemtatrawta :
ka dinhmun chiah ani i rawn sawi hi 
Report this comment
May 3rd, 2011 at 2:37 pm
Kei chu ka motor hi tlan muan chuan a thi zel a. Tlan chak ngei ngei a ngai.
Report this comment
May 3rd, 2011 at 2:42 pm
Hetiang order mumal lo hi a lawm buaithlak thin chu. Chuvang chu a nia, dan (act) ah te hian definitions an dah hmasak thin ni. Engle khaw le, chutia kawng chho a speed 30km/h aia chaka tlan an ngaih thiam a, kawng chho leh eng chen a 30 pel nge tih an sawi chuan si loh chuan, kawng chho ah chuan duh tawk a chak in tlan mah la, an order ah ngei chuan tanchhan i nei tho tho mai. Law court ah pawh an order chuan thiam loh a chantir theih che ka ring lo. Tlan chak vak a tha e ka tihna chu a ni lo va.
Report this comment
May 3rd, 2011 at 2:56 pm
Thil 1:
Tun tum chu ka ngaidam ang che
Traffic Police hian ngaihdam theihna an nei reng reng em ni le, DÂN awmzia hi zirtir tha leh deuh se, chuan an man tawh a nih chuan an ni lo ngaihdam theih ve ngawt theih a ni lo tih an hre tawh ngêi ang.
A reng rengah Police/Traffic Police te hi dân kengkawhtu an ni chiah em? Ngun takin han ngaihtuah ve teh u……….
Report this comment
May 3rd, 2011 at 2:59 pm
A tlangpuiin speed limit aia km 5-10 vel a chaka tlan chuan an ngaihnathiam thin a (khawpui chhungah speed limit hi Km 60-90/h ani tlangpui) mahse school zone ah chuan ngaihnathiamna an nei lo.
Speeding emaw no parking a park in ticket min pe a, chuan kan duh chuan fine hi sawrkar ah kan pe thei a, dik ni a kan inhriat chuan Court a kal kan thlang thei.
Fine pe duh bawksilo, court a kal duh bawksilo chu Sawrkar ba thringtu dept in in inah an rawn kal anga, in TV leh thil hlu hlu fine man hu zat vel tur an rawn la hmiah hmiah mai ang
Tiang hi tih dan phung tur chu anih ve tho ka ring Mizoram changkang lo ah pawh. Mahse Police zawng zawng an corrupt vangin pawisa faiin an chawitir deuh ziah ang che u anga, in chawi loh chuan motor document man sak ah te an vau vel ang che u nga, in chawi pawn receipt an pe ngai mang lo ang che u a, pawisa hi an eiru nghal deuh zel bawk.
Chuan mizoram ah No parking a park hian fine hi cheng eng zat tur nge ni le?
Report this comment
May 3rd, 2011 at 3:05 pm
ka hriatna in min phatsan a ka ngaihtuahna hian a chhut phak ta lo te anih ngawt loh chuan khawi hmunah pawh hian fine kan pek zat hi chu ‘a zatve let’ ani ziah
Report this comment
May 3rd, 2011 at 3:08 pm
Dilchhut buaive vak peihlo mai teh ang.
Chhunah chuan tlanchak vak pawh tum se an tlanchak theih loh tawp hi, tullo puiah kan innghakkhawm rui zel a ni zawk hi a.
Report this comment
May 3rd, 2011 at 3:15 pm
Keini chu traffic a jam nasat tak tak chuan Mercedes Benz te, BMW te, Audi car chak tha tak tak te ho pawh hi satel chunga chuang a hnapkhawn inhnuhtir ang vel an ni
an tlan chak mawh khawp mai 
Report this comment
May 3rd, 2011 at 3:30 pm
Mi rama thíl awmdan nfna teh chuan, kan thil thar hian awmzia nei bawk mah se, ka inkhalh chhuah hìan phunnawina sawngsawhlawt si lo ka va ngah tak. Right of way pawh kan observe lo va, kan khalh lir suau suau mai zawng a nih hi. Motorcycle tlanna kian lo car khalh ve ta mai, mobile phone hmang pah nen, a tam lutuk, mi ramah kan rama khalhte hian khalh ngat se, ticket an dawng zing teh ang chu! Vawi sarih tìhsuala driver license tìhtawpsak ni ve thei se. Sawi tur ka ngah mai, kan tihdanphung tha tih riau ka nei tam lo.
Report this comment
May 3rd, 2011 at 3:41 pm
Keini lamah hian an tihdan hi tha tih riau ka nei, Zu rui chunga lirthei khalh chu an lirthei an laksak a, ticket chiah an pe a, pawisa in an khul tir leh mai. Ka hriat chin Two Wheeler ah chuan R.2500 an chawi tir ngei ngei, no concession
Hetiang thak thak hian Mizoram lamah te hian apply ve chhin ta se, rui chunga lirthei khalh an tlem sawt ten ka ring a, signal jump pawh Rs.200 thak thak han chawi ve se, an jump nawn leh mai mai chuan ka ring lo khawp mai
Conclusion : Mizote hian tlakchham em em kan nei, chu chu DAWHTHEIHNA hi a ni. Thlen hman loh hlau niawm fahrana kawng chep tak kara inzep lo hian nghak hram hram thin ila CHETSUALNA tam zawk hi chu kan pumpelh ngei ang
Report this comment
May 3rd, 2011 at 4:01 pm
Traffic Jam thatna: Ke-a kal an hlim.
Report this comment
May 3rd, 2011 at 4:02 pm
“Chuan SP chu ka va hmu ta a, ka hmelhriat anih avangin duh ang takin ka va sawi a, ani pawh chuan sawi tur em em a nei lo.”
I hmelhriat ni lo sela chuan Sawitur angah nawt ang a… SP chuan,,,
Report this comment
May 3rd, 2011 at 4:45 pm
Millenium chhak Prison ho office kawtsir thir ban bulah khian tumkhat chu ka bike ka din tir a, a bulah chuan 2 wheeler dang pawh a awm nual, ka kalsawn zawk hlan chuan No Parking tih an lo tar a, Traffic Police pakhat hian a lo chang rang bawk a…
Ka Bike kan khalh sawn tur chu Traffic Police chuan No Parking ah i park min ti a, min man a tum ta a, kan inhnial vel lai chuan Prison a thawk hmeichhe pakhat, ka bike dahna sir a dah ve chuan a rawn lasawn dawn bawk a, chunu chuan hei ka hung lawk a ni a, min lo hre thiam mai a ti a, an inhre thiam a, kei chu min man talh a tum zui ta zel a….chupa chu ka kalsan lui ta a..Traffic ho hi fair lo ka tih phah ve hle a ni….
Report this comment
May 3rd, 2011 at 5:29 pm
20 kmph aia muanga tlan an phallo ang tih hi ka hlau ngawt mai..
Report this comment
May 3rd, 2011 at 5:35 pm
Traffic rule hriat loh bakah traffic manners pawh hrelo tam zawk. Man zel sela, pawisa chawitir se, a vawi 3 na emaw ah chuan suspend sak zel mai sela. An suspend chhungin pawisa chawiin traffic law zir that tir leh zel se.
Traffic rules/law leh traffic unwritten manners hria ilang chuan heti em em hian traffic pawh a jam lo deuh tur!
Report this comment
May 3rd, 2011 at 5:55 pm
30km/h aia muanga tlan chu kawngpui tha clear bawk si ah chuan ninawm chang a awm ang a! Zahngaihna tel miah lova chaka tlan erawh a varpawhloh thlak deuh.
Report this comment
May 3rd, 2011 at 6:28 pm
Ram tam takah chuan tolerance level an nei a, a tlangpuiin speed limit+10% a ni thin. Aryan-a awmna ram, NSW-ah pawh hian 10% a ni.
Report this comment
May 3rd, 2011 at 6:35 pm
Vawiin tlai chu police uniform ha ngei mai, bike modified ngei, silencer pir chhoh zet,bengchheng leh khu zet mai, a silencer pir chhoh nasat em avanga a hnung a tlan ten a khu an hip loh theiloh pa hnung ah ngei kan tlan chu(h). Police Uniform leh modified bike hi ava in hmehlo tak em, an tam em em bawk, discipline chhe lutuk.(an pu te ka dem)
Chhun ah chuan an khawl thar chu hmanna a vang awm, kan inzui dem dem zel a ni si a.
Khawl thar neih chu hmasawnna ah i ngai ang, trial and error hi mizo mentality nen hian a inhmeh ber mai e. Kum khat vision( Tunkum chu kan thar hnem) tih bak hi kanla pello.Nakkum ah chuan an dan zam hi an thlak leh vek tawh ang.
Report this comment
May 3rd, 2011 at 6:36 pm
Speed gun hmanna chang an hria chu an va ti tha ve.
India ram khawpui ber ah pawh speed limit an tar kuau a, an speed limit ai a chakin Police ho pawh an lim pur pur mai
Aizawlah khian motor khalh zir ve se a tha ang. Aizawl Traffic Police hi an ti tha thlawt ka ti, mahse improve an ngaih lai hi hrilh hian pawm thiam ve se….!
Report this comment
May 3rd, 2011 at 6:46 pm
Traffic speed limit dan siam mai bakah Speed Limit hi hmun tinah an tar ngei turah (ralkhat atang a thlirin) ka han ring ringawt a. An tar lo anih chuan dan bawhchhe tu te hi police in an prosecute mai thei dawm em ni? Courtah “It’s your words against mine” tih ringawt hian police ten mi prosecute theihna an nei anih chuan, kan Court hi a la neu hle turah ka ngai.
Report this comment
May 3rd, 2011 at 9:37 pm
30 km/hr. !!!????… satel kawngkal kan va ang om ve chu tiang zat em em te chu a…
Report this comment
May 4th, 2011 at 1:35 pm
# 28. Aizawl khawpui angah chuan 30/hr hi a muang chhe lem lo asin. Two wheeler tan pawh.
Report this comment