Mizo thawnthü te hi hriat vè hrim hrim a ṭhà:
Hmanlai hian khaw pakhatah hian in ropui tak, thir in hi a awm a, chu chu Chhawnlaihawihi te in a ni a. Chhawnlaihawihi chuan nuta pasarih a nei a, ani hi an unau zinga a naupang ber dawttu a ni a. A nutate hian an farnu neihchhun anih avangin an duat em em a, a duhzawng tawh phawt chu engpawh lamsak zel an peih a. Ani lah chu a pangchang theihtawp bawk a.
Ni khat chu vana kumchiri par a ngen ta tlat mai a, a nutate chuan vana lawn an tum ta a. Sum an suih teuh a, an sumsuih chu an tiang chhawng a, zan tam tak riakin an bei a. Nakinah chuan buhfai an tlachham ta a, an pang ber chu buhfai la turin an tir a. Ani chuan an in a thlen veleh –
Ka u Chhawni, Chhawnlaihawihi,
Chhawrtiangah maw i zal a,
Khartung thuah riat mi hawn rawh,
tiin a u chu a han kova. Chuveleh a u chuan kawng a lo hawn a, a nau chu buhfai a lo pe a, a ute hnen lamah chuan a kal leh ta a. An inkohdan chu Bakvawmtepuin a lo hre ru hlauh mai a, an hla te kha a chhinchhiah a, an tih ang tak chuan ni thum lai chinah a va dil ve ta a.
Chhawnlaihawihi chuan kawng a lo hawn ve mai bawk a. Buhfai pawh chu la ta lo chuan amah Chhawnlaihawihi chu a man a, a kalbopui ta daih mai a.
Nakinah chuan a unauteho khan buhfai an tlachham leh ta a. An pang ber bawk kha la turin an tir a, a tihdan pangngai bawk khan a u chu a han au va. Mahse a reh ta vang vang mai a, chhangtu awzawng a awm ta lo. A u chu a bo a ni tih a hre ta a, a uteho hnenah a kir leh vang vang a, an farnu duat tak chu a bo ta tih a hrilh a. An unauza chuan baklengin an hawng a, an farnu chu mi ahluana an duat anih avangin zawng turin an chhuak ta a.
Thui fe an kal hnu chuan an pang ber chuan, Chhawna vai vai, Chhawna pai thei ta love,
Ka u Chhawni in hmu maw,
Chhawnlaituaite in hmu maw,
a ti a; chutiang zel chuan an mi hmuh apiang hnenah an ti a. Mahse tumahin an hrilh thei si lo. Hma lam panin ram-palai-lengah an kal zel a. Hmun pakhatah chuan mual leh mual hi a lo insu bup bup mai a, chutah chuan pakhat khatin tlan tlang an han tum a, mahse a chilh hlum ta zel hlawm a, an pang ber erawh chu Thuro-ah a chang a, rang takin a thlawk tlang a, amah chauh chu a kal thei ta a.
Nakinah chuan khaw pakhat hi a va thleng a, a hlasak ngawi bawk kha a han sa leh a. Bakvawmtepu in bul lawk chu a lo ni reng mai a, a u chuan a nau aw chu a hriat veleh inah chuan a ko lut a. Bakvawmtepu feh bo ni a lo ni hlauhva, a lo haw hmain Chhawnlaihawihi chuan a nau chu a thukru ta a.
Bakvawmtepu losul hawng a lo thlen veleh Chhawnlaihawihi chuan, “Nau kan nei si lova, nau ka chhar thei ang, i duh angem? ” a lo ti a. Ani chuan nau a lo awt nasa hle mai a, “Duh tuk e a,” a ti a. Chhawnlaihawihi chuan a nau thuhruk chu a phawi ta a; a hmel a chhe lo bawk a, an duh em em a. Nasa takin an duat a, artuiin an chawm a, naupang duhawm leh chak tak mai hi a ni ta a.
An nau a chak hle tawh hnuin ni khat chu Bakvawmtepu chu lo lamah a feh a. An nau pawh chuan belmang a inhnawih dum nuau a, a pu feh chu a um ve ta a. Lo a thlen chuan a pu chu buanah a cho va, an inbuan ta vak mai a. Bakvawmtepu chu a chak loh zawk avangin a nau chuan a keuh hrep mai a. Chutiang chuan a nau chuan a buan fova, an inbuan zawh veleh a pu chu a hawn khalh a, a pu lo thlen ve hma hian a lo inphih fai leh vek mai thin a. Bakvawmtepu feh hawng chuan loa a mi buan a hneh loh zia chu zan lamah hian a titi suah suah thin a, a nau chu a i tih reng a hre si lova.
Chhawnlaihawihite unau chuan engemawtia Bakvawmtepu tihhlum theih nazia mawlh chu an ngaihtuah ta a. Nakinah chuan Chhawnlaihawihi chuan zai dang a rel ta a. Bakvawmtepu hnenah chuan, “Tirawh siamtu inhrilh ang,” a ti ta a. Bakvawmtepu chuan, a siamtu chu, “Chunga parva thla sen,” a ni tih a sawi a, Chhawnlaihawihi pawh chuan a siamtu chu, ‘Luia nghaleng’ a ni tih a hrilh ve bawk a.
Bakvawmtepuin Chhawnlaihawihi siamtu a hriat veleh chuan lui lamah sangha man turin a kal ta a, a sangha man chu a han sawisak vak mai chuan Chhawnlaihawihi chu a sil urh mai thin a. Chutiang bawk chuan Chhawnlaihawihi te unau pawhin tih an tum a, a nau chu vanah a thlawkchho ta a.
Parva thla sen neitute hnenah a han thleng a, nau duhawm takah a han chang a. An lo duhin an lo duat em em a, eng emaw khalh a ngen apiang chu an khalhtir zel a, a khalh nin hunah a pe leh zel a. Nakinah chuan parva tui a ngen a, a tihkeh an hlau hle a. Mahse chu pawh chu a khalh nin hnu chuan a pe leh mai a. Naupang thuawihtak anih avang chuan a ngen apiang an pe duh ta a.
Nakinah chuan parva a ngen ta tlat mai a. A tihsil an hlau hle a, a tihsil emaw, a tihhlum emaw chuan, hnuaia Uibukin a tuar ang tih an sawi bawk a. Chu tak chu Chhawnlaihawihi nau duhthusam chu a ni. Mahse tunhma khan fel taka a tih thin avangin an khalhtir ta a; thawklehkhatah thlawktheiah a chang a, a thlawhpui ta vang vang mai a.
A u hnenah a thlen thlakpui a, a u chu a pe ta a. Tichuan Bakvawmtepu buan tur chuan a thawk leh ta a. An inbuan veleh chuan Chhawnlaihawihi chuan parva thla chu a lo elh tliak a, Bakvawmtepu ban ruh chu a tliak ve nghal a. Chutiang zelin a ke ruhte a lo elh tliak zel a, a tawpah a lu a thuai bunsak a, Bakvawmtepu chu a thi ta a.
Chutichuan Chhawnlaihawihite unau chu an hawng dun ta a, an ute thihna hmun kha an thlen chuan hnah pakhat, engmah la tawk ngai lo hian tui an thal a, an ute ruang chu tui chuan an theh a, an lo nung leh ta zel a.
An vai chuan an haw ho ta a, an khua an va thleng a, mahse an thir in kha a lo tuiek vek tawh a, a nal em avanign an tawlh thlu a, an chhung chuan an thi mang ta vek a ni an tia lawm.
Thulakna: Mizo Songs and Folktales by Dr.Laltluangliana Khiangte
Similar Posts:
- Mizo thawnthu dang leh, sei lutuk lo!
- KUMHLUI THLAH NAN
- News from Switzerland of the East
- Sehrep thenfai dan awlsam
- Thawipuii leh Khampa
May 6th, 2011 at 9:32 am
zoitliana tan chhiar ang aw XD
Report this comment
May 6th, 2011 at 9:35 am
i han chhiar ang hmiang.. sei e mai, a ngaihnawm ang
Report this comment
May 6th, 2011 at 9:41 am
Ka vawi khat hriatna.. Ngaihnawm phian, Mizo folktale tak tak a ni e
Report this comment
May 6th, 2011 at 9:46 am
tak tak nise.. An farnu hi nila.. Thla(moon) khi ka ngen chak.. Ngaihnawm ve mai mai
Report this comment
May 6th, 2011 at 9:52 am
chipchiap chhun nisat laiin ngen ta tlat la
a ngaihnawm reuh lutuk. miz thawnthuah hi chuan belmang inhnawih, inbuan tih vel hi a tam e,a ti mizo thawnthu tu
tha ve phian 
Report this comment
May 6th, 2011 at 9:54 am
Ka chhiarchhuak e. A ngaihnawm hle mai. Mihringte, hnam hrang hrangte hian an hun lai mil zelin thawnthu an nei a, chu’ng thawnthute chu kan tunlai khawvel changkang tawh takah hian thil ni thei lo leh awihawm loh tawpthang mah nise kan hlut thiam a pawimawh khawp mai. Kan hun lai ang zelin thawnthu kan nei a, tuna kan thuziak tha ber berte pawh tun atanga kum 1000/2000 hnuah chuan thawnthu awihawm loh tak a ni thei.
He thawnthu hi hmanah ka hre tawh thin a, ka lo theihnghilh hmin der tawh a nih hi. Chhiar tur i rawn chhawpchhuak chu a bik takin vannei ka inti kher mai. A dang pawh han ti zel teh.
Report this comment
May 6th, 2011 at 9:57 am
Mizo thawnthu hi ka ngaina bawk a, Synob bookroom ami ka hawn thla teuh mai. Zanah nu ber hian kan fanu mut dawnah a chhiar sak thin. Post tha tak niah ka ngai e.
Report this comment
May 6th, 2011 at 9:59 am
rose-tei chu iva tho fuh hmel ve vawiin chu
Report this comment
May 6th, 2011 at 10:01 am
@rose … Chhun nisat laiin thlapui ka en duh te ti vel tlat thrin ila tiroo.. Nuam awm mai mai
Report this comment
May 6th, 2011 at 10:04 am
lolz. bedbawih chu a lo lang leh ta hlawl mai. phuk phuk a
chiap chiap zan thim pingling laiin ni zung sei ber ka duh te ti vel la 
Report this comment
May 6th, 2011 at 10:10 am
chiap2 meidil/hremhmun khi ka duh te tivella tiraw
Report this comment
May 6th, 2011 at 10:11 am
#7 Synod*
Report this comment
May 6th, 2011 at 10:13 am
hehe.. Nia
Report this comment
May 6th, 2011 at 10:27 am
badbawih chu chhiar hmasa loin i lo OT nghal ngawt ani maw?
Report this comment
May 6th, 2011 at 10:33 am
Kumchiri Par hi ka hmu chak….???
Misual a Sass ber ka thliah ang.
Report this comment
May 6th, 2011 at 10:34 am
A tha khawp mai.
Report this comment
May 6th, 2011 at 10:44 am
He thawnthu chu ka hre deuh hlek tak…van lunglenthlak mai mai.. Farnu mal nei lo tan chuan hriatthiam chi pawh a ni lo..
Badboy hi chu OT nuam a ti ve hrim2..
Report this comment
May 6th, 2011 at 10:47 am
ehee chemtatrawta mai mai chu,nang lo ni lek a
Report this comment
May 6th, 2011 at 10:48 am
He thawnthu hi ka hriatdan chuan bakvawmtepu a ni tlat lo!
Report this comment
May 6th, 2011 at 10:55 am
@rose, an farnu khi a hmel pawh a chhelo reuh alawm.. Pawlan min sai ai chuan ka ti ta lehnghal aa..
Report this comment
May 6th, 2011 at 11:00 am
rose OT loh hi chu ka thiam vak lo
chemtatrawt a hi chu maw.. @rose, Pawlan a saihlum neih len ber in a sai dawn hrim2 
Report this comment
May 6th, 2011 at 11:00 am
n’e. chemtatrawt kan khaw pa lo ni reng che a
Report this comment
May 6th, 2011 at 11:02 am
bbadboy Says:
May 6th, 2011 at 11:00 am
rose OT loh hi chu ka thiam vak lo chemtatrawt a hi chu maw.. @rose, Pawlan a saihlum neih len ber in a sai dawn hrim2
I INHMEH
Report this comment
May 6th, 2011 at 11:02 am
OT zuai
TSA post ah vakul hian ka nick a abuse, ka duhdan hi ka ngaihdan a ni lo
https://misual.life/2011/05/.....l#comments
Report this comment
May 6th, 2011 at 11:04 am
#24 in sum teh khai
Report this comment
May 6th, 2011 at 11:06 am
comment zawngz zwng chhiar chhuah ka chak teh reng nen.hun ka nei lo..post erawh ka zo hram e…atha tak a ni
Report this comment
May 6th, 2011 at 11:09 am
comment chu an nawi hlawm lutuk@el..badbawih leh la-rose i ten an vil aa…virgin 2 in…
Report this comment
May 6th, 2011 at 11:14 am
#27 i tidik
ka nuih huk chu le. Post hi ka like khawp e, kan thawnthu neih tam tak te hi thangthar zingah hre lo tam tak an awm ka ring tlat. Rimenhawii te kha rawn post thei ula lawmawm ngawt ang
Report this comment
May 6th, 2011 at 11:21 am
28 hi kan chhakchhuak pa kha i van ang ee..
Report this comment
May 6th, 2011 at 11:21 am
chemtatrawt leh
mi post vil mai mai hi a nuam phian XD
Report this comment
May 6th, 2011 at 11:33 am
#29 ka ni lo hlauh
irc lamah chuan ka nick hre lo hi an vang ania ( inlak lar ve te hi angai thin) 
Chhakchhuak chu ka ni lo a, Zawngte Cherchhan ka ni..ehermmm
keichu irc lamah leh fb lamah ka tam hle
Report this comment
May 6th, 2011 at 12:22 pm
mizo thawnthu lah hi ziak dan a inanglo hlawm..tuna mi pawh hi i phuahchawp belh chu ni em lo maw..
Report this comment
May 6th, 2011 at 1:09 pm
Bawiha hi mizo thawnthu lam pawh ilo hawl tel a ni maw?Tizel mai rawhle.
Ani hi kan chhuang ania. NERIST(Itanagar) tlangval chhuanvawr,IIT Guwahati tlangval bridge designing chauh pawh nilo musicte pawh ahnehsawh hle.
Report this comment
May 6th, 2011 at 1:31 pm
hmanah hemi chanchin ang deuh,mahse achangtute hming danglam,hi ka hre thin,a thawnthu hming ka theihngilh toh. Tlem2 in a in modi’ deuh chauh. Ka chhiar chhuak thlap e,post tha tak a ni!!!
Report this comment
May 6th, 2011 at 1:38 pm
Hetiang lam chanchin hi post ziah thei awm se thil tha tak a ni ang.. Kan Mizo thawnthu hlui te hi a bo pil tak tak thei tawh mai dawn…
Report this comment
May 6th, 2011 at 2:08 pm
Ka la hre ngai lo. Bakvawmtepu chu hetiang lo deuh hi chuan ka hre thin; ka va theihnghilh chiang tak, ka hriat pawlh vek tawh bawk. Kan thawnthu hian universality a nei chaurau ka ti.
Report this comment
May 6th, 2011 at 2:15 pm
Mizo thawnthu ah hian bakvawmtepu hi a lar riau,eng chiah nge maw a nih le?
Report this comment
May 6th, 2011 at 2:28 pm
A ngaihthlak nuam khawp mai, post tha tak a nie, thumps up, taste the thunder, hairehai
Report this comment
May 6th, 2011 at 2:40 pm
ka lo theihnghilh tawha tunah ka hre thar leh…kum 3 vel ka nih in ka pi (hmanni lawka boral) in min hrilh thin…va ngaihawm ve aww….
Report this comment
May 6th, 2011 at 2:41 pm
Hei chu nizan khan internet-ah ka chhiar tawh tak e. Khawi website ber nge ka theihnghilh ta tlat mai,mizo thawnthu danh pawh a awm teuh tak asin. Ka’n zawng leh ngat teh ang; a tha tlat mai kha site kha.
Report this comment
May 6th, 2011 at 2:46 pm
doc cfl..heihi ami https://mizowritinginenglish.com/
Report this comment
May 6th, 2011 at 4:08 pm
ZoIItian: #33 comment hi…..
I thu lo post chu a tha hle mai. A ngaihnawm bawk. Kan thawnthu te hi hun a kal zel hian a danglam ve zel tho hrim hrim a ni. Kut ziaka dahthat a ni hi a lawmawm takzet.
Good Post.
Report this comment
May 6th, 2011 at 4:13 pm
#42. Krista. Ha ha ha! ha ha ha!
#33 Eric. I fiamthù chu a ni êm lo mâw?
I MI SAWI LEH HRIAT KHI KA NI LO
Report this comment
May 6th, 2011 at 4:16 pm
@ZoIItian: I fiamthu a lo sang hle mai….
Report this comment
May 6th, 2011 at 4:54 pm
@ZoIITian: Ka puang vek law law dawn che u maw ni chu aw eric a chawp chawp chuan.
Report this comment
May 6th, 2011 at 5:02 pm
Han inpuang hlawm teh u. Ozima pawh hi rawn puan let ve ula.
Report this comment
May 6th, 2011 at 5:08 pm
@funny: Min lo ON char char rawh, ……….chuan lehlam site tih dan ang deuh in ‘vaphai pa,…….’ kan inti lawl lawl tawh mai thei a sin.
Krista hi chu a hring a hran in ka la hmu lova, mahse kan sikul jr a nia an rawn luh hmain kan chhuak hman. kei chu puan ka duh velo a nia kan sir te ka hnial vak vak a min hmuh hunah min kuk fawk fawk ang. LOL
Report this comment
May 6th, 2011 at 5:32 pm
Chawnglaihawihi hi ka hriat dan em ni ta kha aw? Chhawnlaihawihi hi ka hmelhriat thar tlat mai! THIR IN a awm tih an phuah theihna tur chuan, thawnthu hlui zualte aia tharlam a ni ngei ang!
Bakvawmtepu leh Sazaltea a ni ta lawm ni kha? Text-ah ka chiang lo em a, ka ziak thiam niau lo ve! Ziah dan pawh ka haihchham, ka hul!
Report this comment