A hun leh ni chu hriattheih ni tawhlo mah se tumah hmelhriat ka neilo tih erawh ka la hre reng. Ni e,kha sikul ka luh tan ni kha chuan khual ar chanah pawh ka chang nasa bik awm e! Kan khuaa ka ngam reng turte pawh khan “He lai lung chu Ek a ni maw?” ti ta se hnar kan hup nghal vat ang. Tumah hmelhriat nei heklo le zia kha chu ka thup nasa khawp mai.
Kan class kha kan tam ang renga hmelhriat pawh kan nei tan chho ve ta. Thla khat chhung vel kha chu zia ka han thup ve a; thlakhat a han pelh erawh kha chuan ze thup a har tan ta! Ka ze ngai a rawn chhuah leh avangin chetdan mak pui puiin kan han che chho ta a. Khang kan chetdan zawng zawng erawh kha chu mihring damlai kan la hmu duh a, kan la kawm duh a nih chuan sawi vek chi a ni lo a, sawi dawn pawhin kha a chilh tlat thei nia!!
Hremna mawlh mai kha!!!
Khatianga kan zia kan han pholan tak tak takah kha chuan zirtirtu tan khan en liam mai mai kan har ta aniang a tir lama nungchang tha ber pawl ni thin kha hrem tawk ngun ber kan han ni chho a. Class a han din te kha chu ngaihah kan nei tawh! Amaherawhhchu, super kuk leh main kuk kha chu ngaia neih a har khawp mai. Min han kuk lawlh kha chuan khua hi a sik vawt emaw tih a awl khawp mai!
Thian sual kawm hi a lo pawi a ni e! Kan thianpa pakhatnen kan han thudun kha chu kan sister khan kan class a a rawn luh apiangin kan pahnihin kan bengah a pawt ziah a. Vawikhatchu tlai deuh tawhah a rawn lut a, a hmanhmawh bawka kan inhlei pawh kha a hmulo turah kan ngai a. Duhtawkin kan awmhleia. Period a tawpa “vawiin chu beng a rim dawnlo a nih hi” kan tih rilruk lain kan pahnih hming chu a lam a, min ko chhuak a kan bengah chuan a pawt leh ta hram a.
Inhremnana classmate te hmaa inthingthittir kha chu keimahni hunah kha chuan an ti duhlo khawp mai. Min han thingthittir ve ngawt a, midang zirtha tur kha kan lo insiamchhiatkhum ta thin a. Tumah zir tha thei chuang bik hek suh. Classmate te nen khan ngaihtuah miahlohin class tlingtlak chang kan ngah khawp mai.
Shaolin soccer nge World Cup in?
Kan Class kha a senior ber kan ni bawk a class dang kha chuan engtin vak mah khan min ti ngamlo hrim hrim a. Class atanga ka thianpanen hnawhchhuah kan tawh pawh khan classmate te lo insiamchhiatkhum thei tawhlo mah ila class dang games tal kha kan tibuai hram thin. An inkhelhna sirah kan lo thu a, kan zawn a ball a lo lum apiang khan a liam thui tur zawng pawh ni chuang lovin a liam duhna lamah khan a rem zawng zawngin kan lo pele mai thin a. haw ngam heklo le! Min ning ve thin ngawt ang. Class atanga hnawhchhuahlah kha kan sister khan a hrat em em si a!
Vawikhat chu class VIII ho games lain class kan off hlauh mai a. Intum kan rawt a, an lo pawm ve mai a. kan khelh tan hmain kan sikula a lian ber kan class ami chuan “Shaolin Soccer nge World Cup in kan khelh ang?” a ti a. Engtinmah an chhanglo ngawt vei a le… kan han inkhel mai a khelzui ngamlo an tam the a sin! Hmaa ngal awm tawh phawt kha chu kan class ho khan kan chhir pawp zel mai a keini class ami lah tumahin an chhir ve ngam si lo. A nuam ve duh angreng phian!!!
Nunhlui ka ngai!!
Khatianga kan lo tualchaina hmun kha tunah chuan tualchai an awm tawh ngailo a, kan inkhelhna hmunah khan tumah inkhel an awm tawh ngailo. Kan hank al leh pawhin zirlai naupang tumah hmuhtur an awm tawhlo. Kha hmun kha an sawn tawh a, tunah chuan hmunruak tih theih tur khawpa reh a ni tawh.
Ni e, min hrema min chhuahtir thinna hmun leh pawna kan thingthitna hmun thinah khan hrem tawk avanga thingthi an awm tawh ngailo anga hlim em em a kan nuihna thingkung hnuaiah khan zirlai naupang hlim em emin an inkawm khawm ve tawh ngailo ang! Khang kan nunchan zir hunlai kha tunah chuan ‘hman’ a ni tawh a, thenkhat tan chuan thawnthu mai mai a ni tawh.
Ka thiante leh min hrem thintu zirtirtute kha an la pangngai vek angem aw??? Ka thiante nen khan min hrem leh dawn ta se a cahgn chuan ka la chak thin. Mahse chakloh pakhat ka nei SUPER KUK MAWLH MAI KHA CHU(H)!!!!!
Similar Posts:
- Rulngan thattu hremna leh kei!
- Kan Sikul
- Ka thianpa sex life!
- Kan hma hun hi !!!
- I hmanlai lawk ang u
May 11th, 2011 at 9:31 pm
Refresh tlut tlut chuan kan 1st ve mai alawm!
Report this comment
May 11th, 2011 at 9:37 pm
Refresh tlut tlut kher pawh ngaihloh hi @saitawk. Lungkham em em awm lova hun kan han hmangte kha chu ngaih a bang thei lo a nih hi maw!!
Report this comment
May 11th, 2011 at 9:42 pm
Pawl 4 kan zirlaia Hotupa Buata’n ka bek sam a pawh tilh thawt kha chu a va na tak. Wrong direction a sam keh/pawh re re hi chu a na duh! @Ozima hian tuar ve se ka ti eee!
Report this comment
May 11th, 2011 at 9:46 pm
Post lehah chuan min lo kian ve tawh teh u, ka first ve duh a nia, vawikhat na reng reng chu.
Sikul lo kai ve tawhna a han ram rup mai hi chu lung a leng ve thei fu a nia.
Report this comment
May 11th, 2011 at 9:52 pm
Primary kan vengah,Middle leh high skul,kan veng bawr velah…kei chu ka mikhual vak lo,skul kal tirh pawn…luck bik a sin
Report this comment
May 11th, 2011 at 9:53 pm
Naupan lai hi zawng lung ati leng thin teh e!
Report this comment
May 11th, 2011 at 9:58 pm
A ngaihnawm hle mai. A chhunzawmna han ziak leh la a tha ang. Lung a tileng thar leh tlat mai.
Aw khawnge lenrual hlui zawngte kha?
Hmanah chuan nau ang nui za thinin;
Hlim leh lawmin tlaitla eng hnuaiah,
Duhthu lengtin kim kan sam za thin.
Report this comment
May 11th, 2011 at 9:58 pm
Kha chilh nge kha chih le? Kha chih tiin ka lo hmang ve char char.
Sual huai lo te hi sikul kalna reng rengah pawl lian ber pawl kan ni ziah, mi venga sikul ka kal pawn tu’n min tihnawmnah ka hre ngailo. Mahse thiahte zingah kha chuan Tairil mawlh kha aw!!! hit chuai a, ek a chhuak a, nuih a za bawk sia……………..
Middle sikul a hmeichhe hnute deh mawlh kha, deh zawk a; mei kawh a tlangchhiat char char a ngai. 
@Bawngtlaia: i nick atang reng hian han first thei zia zang i ni love
Report this comment
May 11th, 2011 at 10:02 pm
Kei chu kan Pawl ah a Upa pawl ka ni ziah! Ka huai fal lem hlei lova!
Report this comment
May 11th, 2011 at 10:04 pm
Class 7 kan zirlaia kan thianpa Zorama kan madam-in ko chhuaka Arbawm a chhip chhuan tira a niin bang a perekah khai uaia a duh hun huna kûn hniam chunga min rawn chhiat khum laite kha aw….. Thianpa Puia nena inti police tawka neck tie lem awrha pawl hniam zawk te hmaa kan inla bora laite kha koh kir leh theih ka va chak em ve le.
Report this comment
May 11th, 2011 at 10:07 pm
@Ozima
hahahaha…….i hrat hmel hle mai a.
‘Middle sikul a hmeichhe hnute deh mawlh kha, deh zawk a; mei kawh a tlangchhiat char char a ngai ‘
Ozima leh D_auaChwngthu in awm ve hi chuan first lo turah ka lo inngai tawh hrim hrim.
Report this comment
May 11th, 2011 at 10:10 pm
Middle sikul a kan thianpa, khawchak lam atanga rawn pem thar, lian deuh, a biang buang deuh mai hi awm a, english a bu en chung pawn chhiar thiam thathum lova, Hindi kan han test mai chu hrem hlau ve bawk si, a bu entawn tur in a keng lut ve ngawt a, a keu pawh a keu ngei; a answer lai tur a hre chuang hlei law, mark 0 tho hmu zui
@Bawngtlaia: min delete leh tho ang ka tia saitawka ka first tir mai mai nih khi
Report this comment
May 11th, 2011 at 10:13 pm
I ziak lunglen thlak mange. Hei keipawh 1980… chho vela ka classmate te nen FB ah kan tui thei khawp mai, sawi tur lah kan ngah. Hmeichhe awmkhawm ang lek2 kan ni fo mai hairehai
Report this comment
May 11th, 2011 at 10:15 pm
Mawina @Bawngtlaia, awih re re suh! @Ozima hi chu duh chuan hmakhalh a awl lutuk… thenawmpa’n a ti.
Report this comment
May 11th, 2011 at 10:20 pm
Thupuan: zanin zanlai hian hnam sakhuaa pathian a rawn inlar dawn a. Ngaihteh, tihtak meuh in tihtak meuh in ka hrilh a che u, second tur in ka rawn let leh ang. ka liam mai ta’ng e. @Keimah Thingtlangpa thuziak hian min tilungleng tlat.
Report this comment
May 11th, 2011 at 10:25 pm
Nangmah Thingtlangpa chu i ziak ngaihnawm thiam hle mai, lung te pawh a leng dawn rum rum alawm le! Mahse i sual hmel e, I class mate ni ila chuan ka rethei viau ang ka ring,.
, hetiang lampang hi kei pawhin ka ziak vea, ka la rawn chhuah ve ange! good post! Kei ngei pawh hi mizo tawng ka thiam loh em avang hian, i thu thenkhat hi ka sawisel lo mai teh ang! 
Report this comment
May 11th, 2011 at 10:37 pm
First……. angah in ngai leh phawt teh ang,… (rilru a dam nge nge)
A hmasa-in chhiar phawt teh ang…..
Report this comment
May 11th, 2011 at 10:43 pm
hnukte pawh a ulh mai dawn a lawm le.. thra khop zel mai(Y) aia u ten mawngsuzi min han pek thrin kha aw ! ava han na duh thrin tak em, mit apual rulh thei thrin in ka hria
Report this comment
May 11th, 2011 at 10:45 pm
OT,Civil Services results chhuak a mizo hnahthlak tling hriat theih chin te:
33 322760 HAULIANLAL GUITE
912 007853 MICHAEL KHAMSEI TOUTHANG
821 022896 THARI SITKIL
826 201383 PAUZAKHAM NGAIHTE
kan lawm pui tak zet e
Report this comment
May 11th, 2011 at 10:56 pm
#19, WD, an hming chu chhiar sual a va awr nawk nawk ve! Zo hnahthlak an nihna zawnah ka lawmpui e. (Tan lak chu kan ngai mawle)
Report this comment
May 11th, 2011 at 11:33 pm
@keimah-thingtlangpa….mapuia chu i lo puitling ta hle mai. proud of you.
its me someone mirage…who knows u pretty well
Report this comment
May 12th, 2011 at 1:05 am
Mirage, min hria elo?
Report this comment
May 12th, 2011 at 1:11 am
Ehe vai film van ang sawt ve, tawp lamah an inhre tan weinch……unau inlo ni reng ang e @Thingtlangpa
Report this comment
May 12th, 2011 at 1:15 am
Ozima, i rawn sawi takah chuan ka ringhlel ta tlat!
Report this comment
May 12th, 2011 at 3:09 am
ziak ngaihnawm hle mai…kei school kal lai kha chuan kan pawlah a te pawl ka ni ziah mai a…annual sport kan neih thinah tak ngial pawh khan ka tel phak ve ngai lo…matric kan exam ve kum khan…science practical kan exam…viva turin huphurh tawkin ka va lut ve…khawi school teacher nge an nih pawh ka hre lo…’in class-ah i te ber em’ tih chiah min zawt pek a..min kal tir leh nghal daih..in chhiar nasat ve nen huphurh nen…ka ngei letling zawk angreng lutuk a aw…
Report this comment
May 12th, 2011 at 7:17 am
lung iva ti leng roh ve mawle . .
Report this comment
May 12th, 2011 at 8:14 am
#8 ozima : KHA CHIH tih hi a dik zawk e.
Ziak ngaihnawm hle mai, keipawh ka sikul kaina thin a tawp vek tawh. Hmuh tur an awm tawh lo. R.B School(Zarkawt) New Montessori(Electric Veng) South Point School(Zarkawt)
Report this comment
May 12th, 2011 at 10:35 am
Uniform hak lai hunte kha a hunlaiin ninawm hle mahse, tun hnu hian a ngaihawm duh teh a nia… Nun hlui kan ti vawng vawng..
Report this comment