…..Rem lenti tura lo kal a ni lova, khandaih lentir tura lo kal a ni zawk.(Mat 10:34)
Leichunga a lawm em em mihringte hnenah renthu leng rawh se.(Lk 2:14)
He ka chang pahnih rawn lakchhuah hi diklo taka ziak ka hmuh avangin kan tuihnih ve dawn a ni.Kan chang lak chhuah pahnihte hi a inkalh hle mai. Pathatin, remlen tir tura lo kal ka ni, a tih laiin; remthu leng rawh se a lo ti bawk si, ti tuin; rem lentir tura lo kal ka nilo, a ti leh bawk si a, a thu leh thu hi a inkalh ta em ni? tih mai awl tak a ni.
Kan chang lakchhuah hmasak hi lo chhui hmasa ila. Chanchintha in inrem lohna, indo-na a rawn thlen dan hi a mak hle a ni. Miin Pathian thu hi atan a ni tih hria a, hlu titaka a hriat atang chiah hian, hlu ti velo leh ring velo te nen in mil lohna a chhuak nghal thin.”Khawvel chawk buaitute” tiin a duh lo fo thin.
Chanchintha in ringtu te hnenah thu a neih avangin , a ringlo te duhzawng nen a in mil thin loh avangin, hei hi a ni ngei ang, Lal Isuan, rem lentirtur a lo kal ka nilo alo tih thin na chhan hi. Bible chang dangah chuan,”Mite’n an sawiseltur chhinchiahna” tih ten kan hmu. Lei leh Van inrem tawh lo, inrem lehna atana lo kal ngei hi, kan remna tur anih laiin, kan inhialna, kan indona ni ta tlat hlawm a ni. Kan remna tur ber avanga khawvel mite’n min duh lohna leh min dodalna zawng zawngte hi, do lentir tura lo kal ka ni a tih nen hian a inmil hle awm e.
A chang pahnihna ve thung hi chuan,”Lei chunga a lawm em em mihringte hnenah remthu leng rawh se” a ti ve thung a. Van mipui te hla sak hi a mawi hle mai. Lei leh Van inrem tawh lo chu, Pathian fapa khawvel sual tlantura a lo kal tak avangin, kan inrem na thu, (Lal Isua thu) hi leiah hian leng vel rawh se, tiin duhsak takin min rawn hriattir ta alo ni.
Kan inremna Isua ngei chu, lei a mihringte, ngaihdan in awmchhun a ni. Krista Isua chu kan inremna lungpui anih ava tul em. Amahah chuan kan awm mek a. nimahsela, aduh velo te erawh chuan, chu remna thu chu an huat ber leh hnawk an tih ber a ni thin. Chanchintha in Martarna hiala thlen laiin, remna thu hi khawvel leng tur a ni thung si.
Heng kan han hi a tlangpui tak meuh meuh a ni a, he thu pahnihte awmzia erawh kan hriat thiam ka beisei. Mihring duhzawng leh Pathian duhzawng a in persan em avang hian Pathian thu awih hi thil awlai tak chu a ni lo. Mihring duh dan Isua’n a rawn kalha, Isua duhdan hi mihringte chunga rorel tua a tan thin avangin, a duh lo tuten an do thin reng ani. Isua duhdan chu lungawina ber leh duh bera neitu tan erawh chuan, mahni duh dan leh ngaihdan kalsan in, nitin ka thi thin Paulan a lo tih ang hian nitin, Krista Kross chu an pu zel thin a ni.
Leichungah remthu leng rawh se, a tih ang hian akn remna thu hi khawvel hmuntinah leng vel rawh se. He remna thu hi keimahni kan lo rem loh avangin, min ti thrntuah a atang zawk lek lek a ni e. Keimahniah hian keimahni hi roreltu kan lo nih thin avangin, keimahniah Krista thu hi alo thlen dawn apiangin keimahniah harsatna a thleng mai thin zawk a lo ni. Kan duhdan thiata kan chunga roreltu alo nih dawn avangin azuitu nih hi a har hle reng a ni.
Min remtu Isua lo tuipui leh lo remtu kan nih apiangin, a hmu lo ten remlo mahse remna chu keimahniah a thleng zel ang. Chanchintha, kan remna tur Isua hi kan lungawina anih hun apiangah”Leichungah remthu leng rawh se” kan ti ve thei ang. Chuti anih loh chuan, remna thu, Isua chanchin an puan apiangin kan thil nin ber atangin ngei ang. A duh lo tan do tham, a duhtu tan chatuan lungawina tling a ni e.
Similar Posts:
- Rem thu leng rawh se
- Belhtlak Pathian.
- Lalpa,eng ti tur in nge min duh?
- Kan ram leh sakhua sap salah hruailuh a ni
- Kristian ka ni em?
May 16th, 2011 at 1:02 am
Chhiar ang
Report this comment
May 16th, 2011 at 1:03 am
Saitawka hi nula rimnaah pawh kal khalh a har dawn a nih hi a awm ve tawh chuan..
Report this comment
May 16th, 2011 at 1:09 am
Italic pawimawh ber khi spelling mistake a tam nghal em em ringawt aa…
Report this comment
May 16th, 2011 at 1:21 am
hm…bible thu belh leh paih chu sual lian tak a ni…te ka tia..i belh/paih ka ti miah lo aa nia….inkalh hi a tam ve mai..mahse kan hriatthiam loh vang a ni fo..ka lawm e
Report this comment
May 16th, 2011 at 1:36 am
Krista avangin chhungkhat nilo pawh kan in ti chhungkhat angin Krista avang vekin chhungkhat pawh an in tuithlar thin zia a entir.
Report this comment
May 16th, 2011 at 1:42 am
@Bawngtlaia, Nula lamah na na an chuan min hmakhalh chak khawp ang! Tluk chi ni heklo che.
Thil reng reng hi inkalh tir phet tum tralh chuan Chaicheh leh Suankual pawh hi an inmil thei reng renglo nia!!!
Khum lam pan dawn teh ang.
Report this comment
May 16th, 2011 at 1:43 am
Thu thar a awm em ni
(NOI)
Report this comment
May 16th, 2011 at 2:11 am
Bible paradox hi a tam lutuk.Tin, Bible hi dual meaning nei pawh a tam lutuk.Plain text a chiang mai(logos), spiritual a awmze dang rawn nei leh daih(rhema) pawh a tam mai. I chang rawn dahchhuah 2 te pawh i hrilhfiah dan khi an pawmawm reng, kei chuan 1 na khi spiritual warfare sawina ah ka ngai a, 2 na khi prophecy rimnam(Isaian Lamlian thianghlim a tih kha) ah ka ngai bawk e.
Report this comment
May 16th, 2011 at 2:12 am
matthaia khi a context atang in lak chhuah i rawn dah ani lo maw
lrpa i email ka duh hle mai
Report this comment
May 16th, 2011 at 3:30 am
Zawngtah sawi takah chuan ka tleirawl lai deuh khan ka thianpa inbul ah hian zawngtah kung a awm thin a, a la awm reng mai thei! Zawngtah par tuvu hi bakin an rawn tlan thin a, kan chang thin a lawm le..hmuhchian nan electric bulb kna zawngtah kungah khan kan khai a. A tuvu var rawn dum zawk kha kan perh thin a, vengthlang lam ngaihtuah tawh hek lo i!! zan dar sawmpahnih thleng thlengte kan perh peih reuh sia..vengthlang lam ho lah..inchung vawm addict zawngin an lo ngai..hahaha..perh thum dawt kha nuam ve riau!!
Report this comment
May 16th, 2011 at 3:42 am
Ka chunga mi chu post nilo zawk ah i post a ni lo maw, a va in tuha lo ve, hairehai
ka la chhiar chhuak hrih lo, mahse a post tupa khian a in kalh lo loh thu erawh a sawi chiang sia, a thupui atang pawh hian, tlak duah lo teh ang, kan comment sual palh reu reu a nge, a chhung thu hre hawt lo chuan.
Report this comment
May 16th, 2011 at 3:45 am
@10___- Irpa,,…. kha mi zana kan inchung rawn perh dawt dawt tu te kha nangmahni ani maw lo ni reng che u a….
ka muthilh theih loh phah nghe nghe ta-in ka hria…. chiang tawh lo… 
Report this comment
May 16th, 2011 at 4:50 am
nice post…hriatthiam har deuh hlek na a atha viau e..mahse spelling mistake atam em mai a…chhiar anuam lem lo anih hi…tin ahrilhfiah kual dan poh khi duhthu asam lo..khi aia nalh khian rawn tihve ka la tum ange…mahse peihna hi angai si a..ka tlin meuh angem chu ka sawi thei love…
Report this comment
May 16th, 2011 at 5:32 am
Bible hi a chang mal tawp a lak anih chuan i rawn tar mai loh pawh khi inkalh ka hre nual mai, ka rawn pho lang ve lo ang. Mahse a bung pumpui ka chhiar in a inkalh lo.
Uluk taka zir hi a tul reng a ni, Tu hnena sawi nge? Tu tan nge? Tu chungchang nge? Engvanga sawi nge? etc. heng question hawi zawng a danglam ang bawk hian chhanna in ang reng pawh a tum thuhmun siin a ti danglam daih thei tih hriat tur.
(I chang rawng dah khi entirnan kan hmang nghal mai ange)
Entirnan: (1) Rem lentir tura lo kal a ni lova, khandaih lentir tura lo kal a ni zawk.(Mat 10:34)
He thu hi Lal Isua’n mihring leh mihring inkar dinhmun tur a sawina a ni. Amah zui avanga khawvela mihring te (mahni chhungte ngei pawh) huat hlawh dan tur, fapa in pa, mo in a pi, etc. sawi na a ni.
(2) Leichunga a lawm em em mihringte hnenah renthu leng rawh se.(Lk 2:14)
He thu in a sawi hi mihring leh Pathian inkara remna lo thlenna a ni.
A hmasa zawk khi mihring leh mihring inkar, a hnuhnung zawk khi mihring leh Pathian inkar. A inkalhna ka hre thlawt love.
Report this comment
May 16th, 2011 at 7:45 am
@cmawia rawn post a zarah thilmak tak ka hmu-
“Tih tak meuhvin ka ti a che u, Hmeichhe hrin zingah Baptistu Johana aia ropui zawk an la chhuak ngai lo; nimahsela van rama mi te deuh pawh ani ai chuan an ropui zawk si a.” (Matthaia 11:11).
Mak in ti ve em! Vanramah chuan mi an intluktlang vek turah ka’n lo ngai deuh ngawt pekah! Mi te deuh pawh an lo awm ve zel! Pathian a lal ber, 2nd Isua (A dinglama thu), 3rd grade-ah vantirhkoh senior dan indawt, 4th ah… Chutiang zel chu lo ni dawn maw. Mhs, a Hebraiin ka en law.
Zawlnei te chuan lawmman an hmu hnem bik dawn si a (Rugga 1:1).
Report this comment
May 16th, 2011 at 9:13 am
SHALOM, REMNA hi thliar a ngai keuh. Chanchin Tha avanga Lei leh van inremna te, hnam leh hnam innghirngho phahna Chanchin Tha te …
Report this comment
May 16th, 2011 at 9:15 am
#10 : Zawngtah vangin nupui-pasal i INREM ang u. Kan inrem loh chuan a nà zâwnga inchhawn zankhua a awl!
Report this comment
May 16th, 2011 at 9:31 am
Pathian thu zawng hriatfiah zawh rual a ni lo e..a mak em a ni
Report this comment
May 16th, 2011 at 9:56 am
Bible thu hi alova ropui tak em. A inkalh, kalh leh lo, hriatfiah sen rual a ni lo.
Report this comment
May 16th, 2011 at 11:01 am
Mi tawngsual chang niawm hrim a duh lai lai rawn phawrh chhuah chuan inkalh chu khilo pawh khi a awm teuh ang chu. Duh lai lai lak lohin a pum khan han chhiar la, enge a sawitum chiah chu i hrethiam mai ang.
Report this comment
May 16th, 2011 at 11:17 am
@Fonz
lrpa@rediffmail.com ania. mahse a chang chuan email hi ka hmu lo fo thin
Report this comment
May 16th, 2011 at 1:36 pm
A nih a bu pum chhiar tawh te min chhanah hei hi ka rawn thawh e. Evi leh Adama te fapa kha khawchhak lamah nupui a han nei a ni si a,Evi leh Adama kha mihring hmasa ber in ti bawk si a, a va inkalh chiangkuang ve. Zawhna mai mai. Pathianin rul kha tun atang chuan bawkkhupin i kal tawh ang a ti a. bawkkhupa a kal hma hian engtin nge a kal nelh nelh ang le ?
Report this comment
May 16th, 2011 at 1:43 pm
Hnam sakhua, a nih leh Adama leh Evi khan fa pahnih (Kaina & Abela) chiah kha an nei in i ring em? Bible ah hian mihring dang a siam tel leh telloh a ziak em? Bible hi Biography book a nilo a, History book pawh a nilo. Hnam/Mihring chhui bik a nei thin. I tan leh ka tan a pawimawh chin bak thailan a nilo e.
Report this comment
May 16th, 2011 at 1:45 pm
@Hnam Sakhua(#22) pawh hi mihring tak hian thil hi hriatchian iva duh em em ve mawle….. Van Indona Part-1(Gap Theory)-a comment 32-na leh 47-na a naupang chanchin ka ziak saw va chhiar teh.
Report this comment
May 16th, 2011 at 7:04 pm
Mr Sangtea, a dang a ziah loh te chuan ni ang chu.Bible-ah hian mihring dang a siam tel thu chu a chiang mai lawm mi? Siam tel lo se khawia mi nge a neih ang?
Report this comment
May 16th, 2011 at 10:05 pm
E le, i boss rorelliana fanu ani ang chu!
fiamthu mai mai
Report this comment
May 16th, 2011 at 10:18 pm
Pathian thu chu tlemte hria ila a hahdamthlak mai…
Report this comment
May 16th, 2011 at 10:34 pm
22
Hnam sakhua # Nang pawh, fate engzat nge i neih a, nupui engzat nge i neih kan hre si se hlei nem, Rorelliana ziak ah a chuang si se lo ang a…..
Report this comment
May 17th, 2011 at 8:13 am
Mr Duhlova chhan ngaihna kan hre lo a ni e ti mai rawh u.
Report this comment
May 17th, 2011 at 8:22 am
29
Hnam sakhua # Bible hi a nih ang ang-in kan pawm a, a ziahlan loh avang a, kher kher hi a fuh lem lo.
Paula te meuh pawhin..” a kimlo in kan hria” anlo ti, mihring finna a chhuichhuah sen a ni lo. Bible-in, nupui a han nei a ti miau si a, neih tur an awm a ni mai.
In pu Rorelliana phei chuan ziak se a short cut nasa viau lawng maw?
Report this comment
December 26th, 2011 at 7:05 pm
Bible hi a ril em em a, a thusawi hian kawng hrang hrangin a dik thei. Mahse, a dik hmasa leh dik 2-na, 3-na te thlengin a awm thei ang. Chutiang bawkin, ataka zawm tur leh thlarau lama zawm tur a awm hrang leh a ni. “Rem len tir tura lo kal ka ni lo, khandaih len tir tura lo ka ni” tih pawh hi, Lal Isua lo kal chhan 1-na chu “Setana leh Isua (+Isua ringtute) indo-tir” hi a ni, Isua a lo kal veleh indona (khandaih) a intan a ni. Pathian nena inremna lampang chu secondary a i a, helaia “Khandaih” hian Setana leh Isua (+Isua ringtute) inkar thu a sawi tum ber a ni.
Report this comment
December 26th, 2011 at 7:22 pm
Bible dual-meaning tih thu hi sawi dawn chuan a tam a, pakhat chauh sawi ila, Isaia 9:6-a “Maka, Remruattua, Pathian Chaka, Chatuan Pa, Remna Lal” tih pawh hi. OT & Judate rindanah chuan Messiah hian hming 5 (hming 2 zel inkawp) a nei a, (1).Remruattu Maka (Heb.Pele-Yoes), (2).Pathian Chaka (Heb.El-Gibbohr), (3).Chatuan Pa (Heb.Avid), (4).Remna Lal (Heb.Sar-Shalohim), (5).Chatuan Roreltu (Heb.Sophet-Olam) te an ni. Isaia hian “Chatuan Roreltu”(Eternal Judge) hi a telh lo emaw, Bible ziakchhawngtu (copyer)-ten an ziak hmaih palh hlauh emaw a nih an ring nghe nghe a ni.
Chuvangin, Mizo Bible-a “Maka, Remruattu-a…” tia inziak hi English Bible atanga kan lehlinnaah an chhawm niin alang a. Lal Isua nihna (title) 1 a nih tho avangin a dik lo tih dawt theih chi a ni lo. Mahse, Isaia 9:6 thu kal tluang pangngai-ah chuan “Remruattu Maka” (Wonderful Councelor)(Heb.Pele Yoes) hi Bible Scholar-te pawmdan tlanglawn a ni. Kei pawh ka pawm hahdam zawk.:lol:
Report this comment