Thian chhan thih ngam, Mizo pasaltha te!

May 20th, 2011 11:00 pm by Henry Vangchhia

Mizoram, Mizo te tan nunna thapa, thisen ngeia hming ziaka ram tana inhlan te thlalak thenkhat (12 lek):

China ram a ralthuam la tura kelawng ngat a kal te an ni a, a vawikhat na ani bawk. Burma sipaiin kawng tluanin an lo bei reng a, mahse an kalna tur kapkaw chawpin an han thleng chho a, ralthuam thapui pui an zo tawk phur chungin Mizoram an rawn thleng thla leh ani, engemaw zat chu hmelma kutah an rawn thi nghe nghe a ni. – Pu VL Ringa Sailo

A hmasa zawk hi E Pakistan buai lai, ‘tuna Bangladesh nita ‘ Pakistan Comando nen India Sipai Marasia a rawn tawlhlut luhchhuah tuma kan beih na lamah famkhua a lawi ta a, a hnuhnung hi chu Lengpuiah dama hmuh theihin a la awm e – Pu VL Ringa Sailo

Capt. Lalthlana hi Khatlaah a nupui fanau te nen khawsa in a harh ngaiin ala harh reng – Pu. VL Ringa Sailo
Capt. Lalliana Sailo hi, Baktawngah a awm a, amah pawh a hriselin a kum aiin a hmel a la naupang -Chungnunga

Sangzuala Sailo hi feet 6 leh inchi 2 a sang a ni. Mizo paah chuan hleitling ve tak ani awm e.

null

An uang ve thei viau ania

A chhe beibawi na a, a huaisen zek a nia. Famkhua a lawihma ta lua a ni – Pu VL Ringa Sailo

Mi huaisen:

Thlalak te hi Pu. Ringa Sailo min pek anni hlawm.

60 Responses to “Thian chhan thih ngam, Mizo pasaltha te!”

Pages: « 1 [2] Show All

51
sparta Says:
May 21st, 2011 at 12:24 pm
An chanchin hi ka chhiar hrep tawh a, ngaihnawm ka ti in ka inchhuan pui em em thrin. Champhai Assam Rifle camp an lak dan chanchin te kha oooo thitur ringawt a inpe te kha ka va han ngaisang tak che u em. Tuna MNF(Party) ni lo Hmana MNF in ti khawp a harsatna an lo tawrh avang a nuamsa chauh kan ni a, chu tih lai kar a, lo sawisel tawk an awm hian ka thin rim thrin ka haw hluah hluah…. Thisen a an leisa RAM hi a enkawl tuten an enkawl thrat loh chuan an thisen mawh chu phur rawh se.
Report this comment
52
H.Vangchhia Says:
May 21st, 2011 at 12:28 pm

Report this comment
53
Zorunpuia Says:
May 21st, 2011 at 12:33 pm
Pu chawngngilha zawhna hi a pawimawh khawp mai. MNF ramhnuai Sipai a tir atanga lut ho kha mi thra tak tak Ram tana inpe tam tak an awm laiin a hnu fea suahsual rawngbawl duh vang hrim hrim leh hotute thunun zawh loh tam tak an awm ve a, chung ho chuan khawi emaw laiah mi pawisa an dil a, an duh duh an khawih a, a then phei chuan mi nunna hial an lo la ve ngawt thin. An inchhalnaah chuan MNF an inti ve tho bawk si a, an hotute lam erawh chuan an hriatpui tawh si lo.. Heng hi kum 1978 hnu lam khan a hluar hle a, hotulu lam buaina nghawng pawh a ni ve thei bawk. Khang hunlai kha chuan hnawksak tak tur an ni.

Pu Thena a han CM a, chutiang ho chetdan report a dawng zauh zauh a, a ni chuan, chung ho chu in Inah an rawn kal a nih chuan hlauh hlek lovin an mitah hmarcha phut lo theh ang che u” a ti e, tih te pawh kha sawi a hlawh hle a. Khatiang khan a hunlai chuan midangte tana hnawksak uchuak leh kawhmawhbawl tlat mai kha an awm a, chung ho chu an hotute thunun zawh loh leh hriatpui loh, mahni thu thua lo che ve ngawt ho kha an ni.
Report this comment
54
H.Vangchhia Says:
May 21st, 2011 at 12:42 pm
Pu Thenphunga lam sawi tawh chuan Zorunpuia hi angai dawnlo tih ka rilruk sa. A pathian lo chauh ni berin ka hria hairehai NOI
Report this comment
55
H.Vangchhia Says:
May 21st, 2011 at 12:43 pm
#54 ngawi*
Report this comment
56
alchemist Says:
May 21st, 2011 at 1:40 pm
A hmuhnawm a, mit a ti tlai a, ram tana nun hlan tute avangin rilru pawh a thar e.

Rambuai lai kha ka hre phak ve che che a, kan inbul hi Sipai camp a ni a, sipai kan hlauh theih zia min ti hrechhuak. An motor kawh ringawt pawh kha kan ngam lo a, kan intihthaih thin. Capt. Thangrehlova leh Capt. Lalhleia hmel ka hmu hian mihuaisen, hero tak a che thin te hi movie vela an tih lan anga hmeltha tak leh piannalh, han en mai pawh a ngaihzawn awm hliah hliah thin ang hi an ni lo tlangpui anih dawn hi tih te min ngaihtuah tir mai mai bawk.

Rambuai lai film hi hmuhnawm deuh, quality deuh in siam theih se. Thalai te zingah Mizo nationalism tuh thar leh nan te ka ti mai mai.
Report this comment
57
H.Vangchhia Says:
May 21st, 2011 at 1:59 pm
alchemist

(Rambuai lai film hi hmuhnawm deuh, quality deuh in siam theih se. Thalai te zingah Mizo nationalism tuh thar leh nan te ka ti mai mai.)

Hman kum khan a thawnthu a tel ve ngei MNA ami telna kha an siam a, a quality vaklo nangin min khawih khawp mai. Youtube ah ka en tlatin ka hria a, a hming ka hre tawh silo. Youtube anilo nge mawni?!

Ni e, tha deuh hlekin siam awm sela ka ti khawp mai, ka en tawh kha a quality lo a uihawm.
Report this comment
58
PKfanai Says:
May 21st, 2011 at 2:03 pm
56.Kei chu Thangrehlova leh Lalhleia te thlalak khi nalh ka lo ti ber zawk asin. Thangrehlova khian America meuh pawhin jungle warfare ah chuan tih ngaihna an hriat loh Vietcong pasaltha min hriat chhuah tir a, Lalhleia khian Tomb Stone film a Doc holiday min hriat chhuah tir. Lalhleia khi tawng tam lo, thluak hmang tak, phut zuk nei lo, anih duh hmel.
Report this comment
59
hmingtea Says:
May 21st, 2011 at 11:46 pm
A lunglen thlak ngei mai.Ka mingaihsan em em Capt Lalhleiha te Thangrehlovate thla han hmuh chu a hlimawmin rilru a ti thar ngei mai.
An nin nuna hlanin ram tan an thawk chhuak a an pu ten an pumpui leh an tanghma hai nan an lo hmang ta hi tuaur thiam a har duh awm.

Kapkima khi kum 10 liam ta khan kan in kawm a khan hunlai kha chuan cachar (ne hill)ah misonaryin a awm .

IG kah chanchin ka zawt a sawi tha duh vak lo.

A rilru nat thu min hril ve kauh khauh.an pu minister lo ni mek te chung chang ah.

HV good post
Report this comment
60
H.Vangchhia Says:
May 22nd, 2011 at 3:26 am
hmingte #59 Chinghne rualin ram fate an enkawl ania, lungawi ngaihna a awmlo alawm (Ka hmuh dan)

Nu (Mizoram) in a hrin, a fate (Mizo/MNA) a hmangaih a, a eitur neih ang chhun2 in a chawm lian. Nu a damlo (tam tla/famine) a, pu te (India) hnenah purchaw lak an tum, annin eng anlo tih silo. Fate riltam chuan nu ber (Mizoram) leh a unau (Mizo te) tan an ram chhuak ta, indan hial an tum ta anih chu. Thiam takin Chinghne rualin hma an hruai ta hlauh mai. Nu ber (Mizoram) fate chuan a thlawnin an thisen an hlan ta a ni e. Ka tuar thiam thei lo.

An zui Chinghne rualin anpu te (India), an chhuahsan hnute hnenah an vui leh vaina zawng2 ngaihdam an nih dawn chuan tih tauh an ban tur an hrilh. Intiamkamna nen an lo chhuak. An hruai Ram fate (Zofate), annu tana ramchhuak te chu engmah lovah an dah ta. Nu ber (Mizoram) duat ahun tawh teh reng nen chuan nu ber thuam tur ai chu an pumbilh zova, mahni hmasial takin an pumpuian tifan a. Tuikuk vawk iangin dulkiar hiarin pa te tak te te an kal poh irh erh e.

Aw Capt. Lalhleia te leh pasaltha dangte, in thisen a thlawnin aluang em ni, chutiang turin thangthar ten kan phal ka ringlo. Kan nu ber (Mizoram) hi, a hrinte (Mizo) hian thlahthlam ka phalin ka ring love.

Thalai te u kan chhuahna, kan nu intawm, kan nu ber Mizoram hi min hmangaih angin i hmangaih let ve ang u.
Report this comment