Ka hmangaih em em che asin

May 21st, 2011 3:30 pm by zoho

Vawikhat chu hmelhriatloh nen kawng ah kan insu palh a,

‘Awh khaih, min ngaidam rawh, ka tihpalh’ ka ti a.

A ni pawh chuan ‘Keima thiamloh zawk alawm’ a ti a.

Hmel hlim tak in kan inthen leh ta.

In ah ka haw a, choka ah eitur ka siam lai chuan

Ka fapa kum nga mi chu ka hnung ah alo ding reng a.

Ka hmulo chuan ka su thlu palh ta a,

‘I ninawm, kalsawn rawh, lo awm hnai suh, ka buai buai nen’ ka ti ta hrep a.

Ngawi reng in a kalkiang ta a, a rilru a nat hmel khawp mai.

Chu zan chu ka muhil thei ta reng reng lo mai.

Aw zawite hian ka thinlung ah thu a rawn sawi ta a-

‘Hmelhriatloh ah chuan thatna leh hmangaihna I lantir a,

I hmangaihte lak ah chuan I thinrimna I hrithla si.

Choka a bawlhlawh bawm kha va hai la,

Pangpar I hmu ang,

I tan a a rawn hawn a nih kha,

A paih lai a a biang a beidawnna mittui luang kha I hmuh a hlau asin’ tiin.

Tunah chuan keima biang ah zawk mittui a luang ta thung,

Ka fapa khum bulah chuan ka thingthi a,

‘Bawihte, tho teh, heng pangparte hi ka ta tur em ni?’

Mutchhuak tak in a lo meng a,

‘Kan school huan a mi an nih kha,

A sen kha mawi I ti thin lutuk si a’ a ti ta ani.

‘Min ngaidam thei ang em? Ka vin che kha ka thiamloh der a ni,

Ka hmangaih em em che asin’ ka ti ta a.

(Kan fate ai hian kan hna leh sum, khawtlang, kohhran, inkhawm, pawl leh nuam kan tih dang te hi kan dah pawimawh ang e. Kan fate rilru kan tina fo a, hun kan pe tlem em em a, a pawi hnu ah kan inchhir leh si, a tlai hma hian kan fate leh fa kan la neih tur te theuh hi kan VIP te anni tih hi I hre nawn leh theuh ang u)

57 Responses to “Ka hmangaih em em che asin”

Pages: « 1 [2] Show All

51
TuaiSialA Says:
May 22nd, 2011 at 4:30 am
Bul tan that chu a chanve zo ang a ni.

Report this comment
52
CyberThug Says:
May 22nd, 2011 at 4:31 am
tuaisiala mai mai chu aw

Report this comment
53
chawnghilh Says:
May 22nd, 2011 at 5:21 am
A chanve zo chuan, a chanve hmabak a la nei. Fa sual leh thatchhe neih hi …

Report this comment
54
zoho Says:
May 22nd, 2011 at 3:49 pm
Heng comment mak deuh deuh hi enge ni? Admin te u, virus, spam? Ka post a nih vang hian ka ngaih a tha lo a nia,ka computer related a ni em? ka computer hi a vulnerable em ni? A hre deuh khan han sawi teh u…

Report this comment
55
lushai_er Says:
May 22nd, 2011 at 4:36 pm
@zoho, i feedback kha check la, IP add. pakhat atanga rawn chhuak vek anih ka ring. A IP kha i trace chuan tunge i hre thei mai ang.

Report this comment
56
zoho Says:
May 22nd, 2011 at 4:38 pm
A mak hle mai, post dang ah awm bawk si lo. :roll:

Report this comment
57
zoho Says:
May 22nd, 2011 at 4:47 pm
@lushai_er – ka thiam lo, feedback check? IP trace? E-mail atanga IP check chu ka thiam a, mahse comment hi chu ka thiam mai lo deuh…?

Report this comment