Post tur a vang emei…. in hre ve tho mai thei. heng tunlai kan thalai ten neih thinglungkhawnga an lei thin pheikhawk te hi a chanchin han hre ve mai mai ila
SUPERSTAR
Adidas Superstar , celebrity leh ty lo ten an bun uar em em hi sportswear manufacturer lar Adidas company-in basketball shoe chikhat atan kum 1969-ah an siam chhuak tan a, rubber hmanga a chhip mum deuh pul a siam a nih avangin Shell Shoes, Shell Tops tia sawi thin a ni. Sneakers culture a design sulsutu pawimawh tak a ni bawk.
He pheikhawk siam chhuah a nih hlim hian Basketball pheikhawk rawng hniam siam hmasak leh a chhip mum deuh pul in in chhuihpalh a ven nasat avangin NBA leh NCAA a basketballers ten an bun nasa hle a, basketballer Abdul Kareem Jabar hi a bun lar hmasa pawl a ni awm e. Kum reilote chhung chuan Superstar chu NBA players 75% laiin inkhelh nan bun berah an hmang ta a. Sportswear atanga incheina a alar chhoh danbulpui ber erawh chu 1983-a Queens, New York Rap group lar Run DMC in superstar hrui tello a bun an rawn uar chho ta kha niin a lang.
Run DMC in an bun lar chhoh atang hian Adidas Superstar hi US-ah a lar chho chak ta em em a, hei vang hian Run DMC te chu rapper pakhat Jerral Deas chuan ‘Fellon Sneakers’ tih hla hmangin a bei ta chiam a, chu chu Run DMC te chuan an hla ‘My Adidas’ tih hla hmangin an chhang let ve bawk a, chu chuan superstar chu a ti lar chho ta zel a ni. Hetia an product Run DMC ten an tih lar em avang hian Adidas chuan lawmthu sawina ni pahfawmin 1 million dollar contract a sign pui ta rup mai.
He contract hi Hip Hop artists leh Company lian thawhhona hmasa ber a ni. Superstar chu lar chho zelin fashion culture-ah hmun pawimawh tak a luah chho a Chuck Taylor Converse All Stars angin inkhelhna bakah vawiin ni ah chuan incheina berah thalai tam tak ten an hmang chho ta a ni.
Sawi tawh ang in Superstar hi celebrity te pawhin an bun nasa hle a, tlem han thailang ila. Lady Sovereign chuan a hla hit ‘Love Me or Hate Me’ ah a bun a, Beyonce video ‘Upgrade You’ ah khan Jay Z chuan a bun bawk. Rock Band KORN pawh hian an video ‘Shoots and Ladders,’ ‘Clown,’ ‘A.D.I.D.A.S.,’ ‘Somebody Someone’ leh ‘Y’all Want a Single’ ah te an bun vek bawk a, Sum 41 hovin ‘Motivation’ ah khan an bun bawk. Limp Bizkit, Slipknot, Deftones, Papa Roach, Staind, Incubus, Puddle Of Muddte pawh hian an video ah an bun lang uar hle a.
Tin video game lar ‘Grand Theft Auto: Vice City’-a a changtu hrang hrang te’n an bun a, Black Eyed Peas Fergie pawh in ‘Shut up’ ah khan a bun bakah a hnungah superstar engemawzat a awm tuar bawk. Jay Sean feat Lil Wayne – ‘Down’ ah pawh khan Lil Wayne-a’n a bun kha. Sawisen ani lo.
Hetiang khawpa pheikhawk lar hi ram hrang hranga Adidas company industry ten an siam thin a, henglaia kan hmuh Adidas originals te hi a tlangpuiin Indonesia siam an ni a, Mizoramah pawh Adidas Company showroom atang te in lei theih a ni, a man hi pheikhawk dangte aiin a to deuh a, a tlangpuiin Rs 4000 – 5000 man vel a ni.
Adidas Superstar hi rawng chi hrang hrang tam tak a siam an ni a, A pawl, ah Gold color a tial te, A var ah Gold, a sen, a dum leh silver color a tial te, A dumah Gold Color leh a var leh dum a tial te hi a lar pawl an ni a, tin Adidas chuan kum hmasa lawk atang khan NBA club lar hrang hrangte theme a hmangin Superstar version dang a lo siam tawh bawk.
All Star Converse
All Star Converse pheikhawk hi puan pheikhawk lar tak a ni a, a chhipah rubber var mum a tuam a ni. Tun hma chuan Basketball-ah hian tunlai ang in Sneakers an bun ngai lova, puan pheikhawk an bun nasa hle. Chutih laia basketball pheikhawk lar tak tak te market hneh tum in kum 1917 khan All Star Converse chu siamchhuah a ni. A siamchhuaktu The Converse Rubber Company hi kum 1908 a Marquis M. Converse-a’n Massachusetts, USA a a din a ni a.
A tir lamah chuan sik leh sa pheikhawk, gum boot ang chi hlir an siam thin a. kum 1915 bawr velah chuan kum tluana pheikhawk tam zawk an siam theih nan infiamna lam pheikhawk siam tha in an hria a, tichuan chutih laia game lar tak Basketball player te bun turin 1917 khan Converse All Star chu an siam chhuak a, lar pawh a lar chak nangiang mai, kum 1918 chho velah chuan nitin pheikhawk 20,000 chuang Converse company chuan an siam thin a ni.
Kum 1918 tho khan USA High School basketball star lar tak Chuck Taylor chuan Converse All Star chu inkhelhna ah a bun thin a, fans tam tak a neih avangin Converse hian a lar phah hle a. Chuvang chuan Converse Company chuan Chuck Taylor hi kum 1921 khan Salesperson atan a ruat hial a ni. Hetia a thawh hnu hian a signature te chu All Star Converse ah nem kai a ni a, hetih laia Converse design hi tunlaia Converse rawng sang ang design hi a ni a, kum 1940 chhoah chuan Basketball Player te mai bakah US Army training beite bun tir an ni bawk.
Kum 1955 chho ah chuan thalai entertainment lama hming thang tak tak te chuan All Star Converse hi an bun tan a, an ti lar chak hle. Kum 1962 ah ‘low cut version’, a rawng hniam chi chu siamchhuah tan a ni leh a, hei pawh hi Basketball a bun chi atan a siam tho a ni. Kum 1960 leh 1970 chhoah chuan hetiang design hlira siam a ni a, Kum 1974 khan ‘One Star’ ang chi hi Converse ah siamchhuah niin Skateboarding shoe atan company lar tak VANS siam pheikhawk nen an lar dun hle a ni.
Heng hun lai vela tang hian a hma a s dum chauha siam thin chu rawng chi hrang hrangin siamchhuah a nit a a. Mahse 1990 chhoah chuan pheikhawk siamtu lar tak NIKE chu a el pha lo hle. Nike Company hian an pheikhawk siamchhuah te an hralh theih em avangin Converse company pawh tlachhe thei dinhmunah a din tir a, chuvang chuan Converse company chuan kum 2001 khan Bankruptcy( Company te tlukchhiatna) laka invennan hma a la ta a, investors North America atanga Asia lama insawn mekte’n an enkawl zui a ni.
Converse All Star chu a lar chho zel a, kum 2003 khan Nike Company chuan All Star model chu $ 305 million in a leichhawng a, lar chho zelin pheikhawk company dang leh a lem(fake) siam ching tam tak chuan All Star Converse design hi an lachhawng nasa em em a ni. Helaiah pawh All Star Converse duplicate tam tak zawrh a ni a, Burma (China) lam atanga local, a original ang tak tak siam tam tak zawrh a nih bakah pheikhawk company thenkhat ten All Star Converse design copy chung si in hmeichhe bun atan high heels ang te leh vawthlep ang te, khup chen zet a rawng sang tein an siam chhuak bawk a ni.
Source : https://gilbertrenthlei.blogspot.com/
Similar Posts:
- iPhone 4 Preview
- Increase Your General Knowledge!
- Ka Thil Lo Awh Tawh Thinte
- Vanglaini Logo Design intihsiakna result
- Pheikhawk!
(Y)
May 21st, 2011 at 3:44 am
Converse chu kangvar a feh nan that dawn khi le!
Report this comment
May 21st, 2011 at 4:05 am
superstar hi a chhuak hmasa (thlalak a mi ang hi) 2700 man vel a nia, a mawi zaw bawk a…mahse tunah chuan superstar II a chuak a, 5000 a pel ta daih mai!
a va ngaih nawm em.
Zo Rock hla “ka phei khawk” tih kha ngaithla mai mai tengs
Report this comment
May 21st, 2011 at 5:20 am
bengvar thlak hle mai
Report this comment
May 21st, 2011 at 5:47 am
Hemi link pahnih hi chhiar atha khawp mai. Link hmasa zawkah hian, Sneakers leh Tennis shoes inan lohna sawi a ni a, link hnuai zawk ah khuan sneakers company intan kum thenkhat a awm. Mizo te hian Tennis shoes thleng hian sneakers kan ti vek mai a, hriat hran a hunin ka hria:
https://www.ehow.com/about_6710.....akers.html
https://www.squidoo.com/sneakers-history
Report this comment
May 21st, 2011 at 7:58 am
Post tupa, engtin nge duplicate leh original kan hriat theih ang, han sawi chiang leh deuh teh..?
Report this comment
May 21st, 2011 at 8:25 am
Ka nei ve2 :intithei:
Report this comment
May 21st, 2011 at 8:26 am
Kolkata a lehkha zir tura ka kal khan, pheikhawk tha nei ve phak lovin ka pa Chapal min lei sak kha ka bun ral ve thak a, ka in thuamna pawh kekawr chu ka Sikul kai lai a ka form kha ka ha mai thin, jeans tekha awt vehle mah ila ka mamawh zawk lehkhabu kha ka lei a ngai leh nge nge thin a. Thawmhnaw tha lei theih ve hun tur suangtuain ka in thlamuan chawp mai thin. . . Mahse, tunah chuan Pathian malsawmna zarah i rawn pho chhuah tehi duh chuan bun thei ka ni ve ta!! Pheikhawk mawi tak pawh hi a bun ai in a siam hi a hahthlak zawk nge nge a nia.
Report this comment
May 21st, 2011 at 8:31 am
A var lutuk a, ka zo lo. Bakah ka income in a phu lo hrim hrim.
Sipai canteen ami sneaker Rs.900 man hi ka duhtawk khawp mai
Report this comment
May 21st, 2011 at 8:33 am
BSC puanpheikhawk sen kha a hralh a tla ber mai! Lo vah, feh chhuaha a keartui rah thleh ngei mai, a ke zungte zawn pawp, uih tawk, khum hnuaia theh thal mai thin kha ka mitthlaah a lang fiah zawk.
Report this comment
May 21st, 2011 at 8:39 am
superstar dum leh converse all star a var ka nei
Report this comment
May 21st, 2011 at 8:42 am
Mizo zingah hian Cowboy boot bun ngun ber leh bun chhe hnem ber ka ni phain ka va inring e. A dawttu tal chu ka ni hrim hrim chuan ka inbeisei.
Report this comment
May 21st, 2011 at 8:57 am
ka thawhchhuah pawh ni lo in ka pa thawh chhuah in a chung a shoes ho khi chu a original ka nei ve.
Report this comment
May 21st, 2011 at 8:59 am
chawnghilh, nang aia cowboy lukhum leh boot uar Mizo ah ka hrelo.
Report this comment
May 21st, 2011 at 9:35 am
Khitiang deuh khi hman ni lawk khan bazar-ah ka hmu a, ‘ADIDASI’ tih a lo in ziak
Report this comment
May 21st, 2011 at 10:07 am
@Mi(khual)pa a duplicate hi a tam khawp mai. tunhma kha chuan a hriat hran nan a hrui thil luhna kua a adidas tih inziak kual awm leh awm lo kha kan hmang thin a.. a duplicate ah pawh a awm ve leh ta. SHOWROOM ami lei ila, a duplicate vak lo ber mai thei… a duplicate kha original zawrh a an lo zawh loh chuan
Report this comment
May 21st, 2011 at 10:14 am
MI(khual)pa… ori leh ri lo poh.. nang chuan i Bun uih leh vek tho ang..
Report this comment
May 21st, 2011 at 10:18 am
A bal viau nangin
Nike hian converse ang chu an siam nasa khawp mai. Converse tak2 kha a rit nelh nulh roh riau a, Nike siam zawk hi chhehchhawl a bun atan chuan a zia khawp mai.
Hmun mawm leh pilril vela hnathawh nan ka bun ber:
https://i53.tinypic.com/30u4oza.jpg
Report this comment
May 21st, 2011 at 10:46 am
Ka saruak hliahtu tur a nih dawn phawt chuan thawmhnaw lamah hian ka harsa lo khawp mai. A mawi pawh ka hre chuang lo, a vai hian a mawi vek maiin ka hre thin.
Report this comment
May 21st, 2011 at 10:52 am
Thalai chuan Show room ami kher an ngaisang.. inang reng poh show room a mi chu an ngaisang zok tlats.. Azl Dorpui pheikongkam show room a mite hi an tlom ber mai..
Report this comment
May 21st, 2011 at 10:52 am
Uluk ila, fai tur fai sela, nawh mar chi mar tha sela, an nalh mai. Thuamhnaw manto uluk leh silo chu engmah awmzia a awmlo.
Report this comment
May 21st, 2011 at 11:02 am
Superstar hi chu ka ngaina lo. Converse ho hian phei khai an ti nuam..
Report this comment
May 21st, 2011 at 11:17 am
Converse hi ka bun nasa phian a,pheikhawk dang ka bun peihloh phah hialin ka hria
Report this comment
May 21st, 2011 at 11:47 am
Adidas Baby Superstar…
[…] ang tak tak siam tam tak zawrh a nih bakah pheikhawk company thenkhat ten All St […]…
Report this comment
May 21st, 2011 at 12:01 pm
Kum eng emaw zat chu kawngkam chhunvum a mi ka lei ta, ka chaw ei a tui loh phah bik lo
Report this comment
May 21st, 2011 at 2:48 pm
Bun uih theih hmel pawh a put loh hi a ….
Report this comment
May 21st, 2011 at 4:00 pm
Tun hma a tang tawh a ka pheikhawk awh ve em em thin Dr Martens 1460 https://www.dmusastore.com atanga lei, Aizawl ah a rawn thlen ni kha chu a nuam danglam ve ang reng. Tunthlengin Dr Marten hi chu ka pheikhawk ho ah chuan ka duh ber a la ni Hetiang hi https://www.dmusastore.com/p-2341-vintage-1460.aspx
Report this comment
May 21st, 2011 at 4:24 pm
Pu HV @ #17, i drawer khi i va tikhem nasa ve
Report this comment
May 21st, 2011 at 9:20 pm
#10 Lolzzz
Report this comment
May 22nd, 2011 at 2:24 am
A va nalh dun ve aw! Converse khi a dum ka nei ve. :intithei: chu bak chu class kal nana kan hman Smart shoe pakhat leh bata slipper chiah ka nei ve. Superstar khi chu ka awt buai peih vel lo, ka awt thlawn mai mai dawn.
Report this comment
May 22nd, 2011 at 9:41 pm
1 khi chu ka thianpa ta hlui vawi2 ciah ala bun 50% off in ka nei ve ran…
Report this comment