Thingtlanga piang a seilian ka ni a, chhungkaw hausa leh awmthei kan ni na hek lo, chuvangchuan ka hring nunah hian thil awh leh duh hi ka ngah thei khawp mai, tun thleng pawh hian.
Kum 6 mi vel ka nih lai hian kan thenawmah hian chhungkaw pakhat an awm a, fa pali an neia, an fate chu raincoat an inkimin an lei saka, rawng chi hrang hrang a ni lehnghal, ka va han awt ve thin tak. Ka awh tizual ting tur hian an unau za hian an han ha a, an kawtah chuan kan hmuh theih ngei tur hian an han ding tlar thin a nih kha. Khatiang tluka neih ve ka chak thil kha a hun lai chuan a awm lo reng reng.
Kan lo leikang ve ta deuh a, cassete player, ‘tape’ kan tih mai hi ka han awt leh khawp mai a, khawia tangin nge kan neih pawh ka hre chiah bik lo, Panasonic tape(mono) kha kan nei ve ta a, ka va han lawm tak em.
Ka thianpa, ka lehkha zirpui in bicycle a nei a, ka awt leh ta khawp mai, a hnen atang chuan khalh pawh ka zir thiam ve ta a, mahse tun thleng hian ka chawn dinglam ah hian thirlen hling chhunna a la ser ruak reng mai, khalh ka zir laiin thirlen pal-ah ka tlu lut palh a. Ka nei ta chuang lem hlei lova.
Pheikhawk mawlh kha.. Road Star, Roose(?) te kha a rawn lar chho a, (kan khua ah Reebok, Nike, adidas tih lam kan ngaihlu ve pha lo) ka va han nei ve chak thei tak em, mahse action pheikhawk ka nei ta hlauh a ka lawm khawp mai. Gum boot pawh ka nei a, tawt chung chungin ka bun hram zel.
Jeans kekawr ka awt eh a, kan khua ah zuar an awm lo. Kan khua atanga KM 30 vela hla ah lei turin ke in kan kal a, ka hak tawk a la awm lo zui, ka hak tawk aia 2-inch a lian ka la ve tawp. Neih loh ai chuan lian mahse pawi ka ti ta lo a nih kha. Ka u in 19 jean a neia mawi ka ti thei teh a sin.
LT Jacket mawlh kha ka va han awt ve thei tak em! Ka thianpa in a hringduk, rawng mawi tak mai kha a nei a, tun thleng hian ka mitthlain ka la hmu thin. Ka nei lo hlen ta a nih hi. Hei bakah hian Defendor jacket pawh a mawi ka tiin ka awt tel, hei pawh hi ka nei ta chuang lo.
Mobile phone a rawn lar chho a, neih ve ngei ka duh si, sim card book turin tlaivar thawthangin kan bei a, BSNL postpaid simcard ka nei ve thei ta hlauh. Simcard ka neih hmain handset te ka lo lei lawk vel.
Thianten computer an neia, games te kan khel a. Kan hnathawhna lamah te kan lo khawih sil ve ting tang tawh bawk si a, ka awt a, ka han lei ve leh pawp mai a, hei erawh hi chu ka hmang tangkai tam lua lo, games khelhnan leh misual nan ka hmang a ni ta deuh mai. Nei lo ta pawh ni ila ka buai phah vak awm lo a sin mawle te ka ti ta. Mahse mahni ah riru a hlimna leh lungawina min pe ve chuan ka hre lawi si.
Tun hnu hi chuan thil awh hi nei ve thin mah ila, tun hma anga awh ngawi ngawih ang kha chu ka nei ta lem lo, kum te a lo upa ve ta a niang e.Mihring hian lungawina tak tak hi kan nei lo, mahni tawka hma sawn zel ni a kan inhriat hian kan lung a awi mai a ni lo maw.
Similar Posts:
- Mumang mai mai…
- Chhawrtui Khua hmingput chhan
- Engtin nge ka tih ang?
- Hringnun hi a va mawi em!
- Zu hi engemaw a thatna le?
January 17th, 2011 at 11:36 am
Thil awh ka ngah lutuk hi..sawi sen pawh ani lo
Report this comment
January 17th, 2011 at 11:47 am
awh tur a tam e mai…motor te bike te a tam lua…..ka awt chhe hnem toh m……awh vak in awmzia poh nei toh lo
Report this comment
January 17th, 2011 at 11:51 am
I han sawi chhuah takah chuan BSNL SIM card nei thei tura kan beih nasat thin zia te kha. Thui tak tak kan in line thin a. A thawktute lah biak an har em em thin anih kha. Tunah erawh kan khawvel vir vel hian “awlsamna” a rawn vir chhuahpui ta a. SIM card neih pawh a awlsam ta kher mai. Duh leh duhloha thu a ni tawh mai.
It zawng ka va ngah thin tak e aw… Ka awt chhe thak thak thin maw le.
Report this comment
January 17th, 2011 at 11:54 am
I ziak tha khawp mai. Thingtlangah hi chuan a hausa te hi an hausa em a ngaihsan leh zah pawh hi an hlawh viau thin. Thingtlang mihausa fa 90% hi chu an Chapo telin ka ring tlat, kei pawh ni ila ka ni tho in ka ring. Rethei tak, dap in a chung rangva ung tawh tak hnuaia khawsa in ka seiliana Aizawl nge nge chu awh tur atama kan awt seng chuangloa, a neinung fa te pawhin in lak lulawk nan an hmang em em thin pawhin ka hrelo.
Mahni tawkah awh hi chu ka lo ngah ve tawh khawp mai, mahse ka awt rei ngailo thil thar alo chhuah zung zung vang pawh a ni ang.
Post
Report this comment
January 17th, 2011 at 11:56 am
Awh hi ka nei paih vek lo, awh kan ngah lutuk chuan kan awt thlawn…thil awh tur ka neih dawn hi chuan ka ngaihtuah lo tawp zel, thil ka lei theih ve ho pawh ka awt paih lo……rastafarian bohemian deuh hian awm ila chuan communist ideal hi zawm ila a tawk viau
….total prohibition prohibit hi misual tlawh thin te tan ka awt..that’s all 
Report this comment
January 17th, 2011 at 12:13 pm
High sikul ka kal lai chuan khawvela miropui Nobel Price dawng phak hial nih hi ka chak ve thin a, mahse eng atang ber nge ni ang ka ngaihtuah chuanglo….khawvela mi ropui hrim hrim nih ka chaka, indo naa huaisen lar nihte kha indo awm hleilo tekhan ka chak em em a. Movies vel a mi lar te kha entawnin tluk ve hial ten ka in ngai thin a.
College kan han kal chhoa khawvel huapa lan harsat dan tur zia leh keini ram pilril leh tribal tehmeuh, anni lo inti hre ve em em a an nin engteh luaah min ngailo ani tih han hriat atang chuan vana rah ang hial ah ka ngaia, India rama engemaw tala han lan ve na tur awmse tiin ka han in khap kual vel a, mihring kan tam a thil tih mai mai a harsat zia ka hre deuh deuh a.
Master ka han zir leh a Mizorama mi challang nihve theihna tur ka han dap kual leh a, Politics thil te hriat tehnuaih a ngaih bakah mi tlawn dan leh fak pawrh te thiam a trulna tam tak alo in tiang leh urh mai bawka.
A tawpah zawng chhungkua hi engtinnge ka din ve theih anga fa te tan zirtirtu ropui engtinnge ka nih theih ang, nula hmeltha leh zidam min duhtu hi an awm ve chek angemaw aw… tih chiahin ka rilru a luah khat ta a ni ber.
Report this comment
January 17th, 2011 at 12:17 pm
Thiante sava perh thlak ka awh thin zia te, Mawia Sephung pachal mawlh mai te kha awwww !
Report this comment
January 17th, 2011 at 12:35 pm
Ka thianpa motor lem ka awh thin zia kha…an kawt ko ah a kawng tur a pa in motor lem leng vel turin an siam saka..chutah chuan an khalh vel a…kan khalh ve kha an phal lo ngei bok a….hehe…
Report this comment
January 17th, 2011 at 12:38 pm
U Robuanga tawlailir(ke pali nei)ka awh thin zia kha aw!! A handyman nih te kan inchuh vel thin..
Report this comment
January 17th, 2011 at 12:49 pm
KADC- Kuki autonomous district coumcil dil phawt teh se…state dil rup te chu an phut sang e mai
….’lahe lahe ‘ in nakinah state te chu dil ve se… you have to learn to crawl before you learn to walk NOI….
P.S. ka support lo e tihna nilovin an platform lo hmang hi a butut thlak e mai …hairehai
Report this comment
January 17th, 2011 at 12:58 pm
@zualbonez chu helamah i soi daih aaa..
Report this comment
January 17th, 2011 at 12:58 pm
awh neih hi zawng a hrehawm awt awt khawp mai
Report this comment
January 17th, 2011 at 1:02 pm
Zualbon a chu habbit alawm…
@ chemtatrawt
A hrelo pawh nilo, chik chik mah rawh sawi tur a hriatloh chuan a rilru a awm awm a ni mai….
Hriathnem pawhhi a hmanna tur a awmloh chuan awmzia awmlo ti a hman hram duh mi ang kha nia …NOI
Report this comment
January 17th, 2011 at 1:03 pm
@asteric,nih duh hmel ee..senior ve khat th niang..
Report this comment
January 17th, 2011 at 1:13 pm
Triple* chu ziak ngaihnawm reuh lutuk! I awh ho khi kei pawh ka lo awt ve fo tawh thin. ‘awh’ nei lo mihring hi kan awm ang em aw…? ka ti thin. Khawvela mi hausa tawntawte pawh hi awhna hlira an khah ve tho ka ring.
Report this comment
January 17th, 2011 at 1:23 pm
A ngaihnawm khawp mai. Nang chu i awh i la nei thei a, i la vannei thlawt!
Ka awh zingah ka neih ai ka neih loh a tam zawk awm e. Marble ka awt em em a, ka nu’n cheng khat man min lei a, kan unauin kan insem a. Khami tuma ka lawmna kha a rawn thangkhawk leh ta ruih ruih mai.
Report this comment
January 17th, 2011 at 1:33 pm
Thirsakawr ka awh theih zia kha..ka nau nen a intawm turin min chah sak, (BMX Avon ngei mai)zanah a lo thleng si,chhung ten zanah chuan an phal bawk si lo..kha mi zan kha chu aw..helhhawlh in,ka mu tlem teh mai asin,khua a var har duh khawp mai
Report this comment
January 17th, 2011 at 2:06 pm
Dan sawm peka ‘Awt suh’ tih lo tel hi zawm harsa pawl tak a ni awm asin! Hringnun damchhung pumpui hi AWHNA hian a tuam reng a, dinhmun a zirin kan awt sangin kan awt sang lo mai thin a lo ni. Lungawi lohna Khawvelah lungawina famkim a awm thei ngai dawn lo a lo ni e.
Naupan laia kan awh thin a inang hlawm hle mai. Kan dinhmun pawh a inang viauin ka ring e. Post lunglenthlak tak a ni.
Report this comment
January 17th, 2011 at 2:48 pm
Ka tleirawl chhuah hlima Velvet Jacket ka awh kha kum 5 hnu, hna ka neih atanga kum 1 hnuah ka lei ve thei a, tun thleng hian ka la roh
Report this comment
January 17th, 2011 at 3:27 pm
I post kan chhiar chuan ka naupan lai kan hriat chhuah uar uar chu a (tunah ka awh ka nei thei zel tihna ni lo in) Ka lung i ti chhe tep. Nu leh pa te hnenah kan duhzawng kan han ngen/sawi a, min tih hlawhtlin sak theih kha an nei tlem thei si a…
Report this comment
January 17th, 2011 at 4:18 pm
jewel hian e nge a awh ve thin ang aw???
Report this comment
January 17th, 2011 at 4:31 pm
Kum 10 vel ka nihin ka thiannu pa a cancer a,Phaiah an kal a,Rock shoe dum an rawn hawnsak a,ka awt lutuk a,ka pa hi cancer vese,minlo hawn ve se ka ti thei lutuk..
Report this comment
January 17th, 2011 at 4:39 pm
made ainawn, i pa’n hria se a tuk fawk dawn che nih chu!
‘Human wants are unlimited’ an ti em kha?
Report this comment
January 17th, 2011 at 4:42 pm
Rualawt ta rengin i seilian anih hi mawle…ha ha ha ha…
Report this comment
January 17th, 2011 at 4:43 pm
Awi triplestar, raincoat i awt mawlh mai chu ka khawngiah che! tunah i la duh em? kan han lei thar leh hnuhawh mai dawn mi?
Report this comment
January 17th, 2011 at 4:45 pm
2002 kumtawp khan Aizawl kalo hawng a, cell phone/mobile phone nei hmasa ho kha chuan an awrh far mai, a rit duh nelh nulh khawp ang le. Kan unaupa pakhat paw’n awrh nalh nalh chuangin, a neih hmasak ber thu tui takin min lo hrilh. hairehai
Duh tak hi chu ka ngah mai entirnan, Lamborghini ang te, chutia ka awh em em pawh ka hre chuang hlei law!
Report this comment
January 17th, 2011 at 4:57 pm
HV ..electric dept an hotupa fapa, australia awm tawh hian tennis khelh lai pawn mobile phone te chu a awrh vel, kha tih hunlai khan ..a va han trul lo thei tak em …
Report this comment
January 17th, 2011 at 5:00 pm
Post tupa thil awh ho hi chu ka hre phak, mahse ka awt ve vak chuang lo.Kungfu shoe i sawi hmaih nge i awt ngai lo??
Report this comment
January 17th, 2011 at 5:05 pm
Fonz #27 ta em em chuan aw a hairehai
nastycool #28 Mizorama duplicate Kungfu shoes lo chhuah thin lai khan ka nei ve thin, ke hnuai a nat duh bakah a uih duh phian lehnghal
Ka thianpa Thomas Lim (Meghalaya Times neitu) in a original, a hnuaia Kungfu shoes tih inziak kalh, Bruce Lee bun ang ngei mai an nei bik kha chu ka bun ve kha ka sit ru tiu teu 
Report this comment
January 17th, 2011 at 5:06 pm
@ 27 fonz…1999 thleng khan serchip lamah thirsakawr a la hit viau tiraw
Report this comment
January 17th, 2011 at 5:13 pm
kei chu HARLEY hi ka awt leh tawh miah lo
Report this comment
January 17th, 2011 at 5:23 pm
Kei chu chhungkaw harsa tak atanga seilian tih takah GI Joe kha kan ot thei khop a… Chhungten ka oh ltk vangin min leisak a, tlaiah ka sianpa pakhatin min ruksak nghal zui…
Report this comment
January 17th, 2011 at 5:28 pm
30 zb pa.. thir sakawr neih chuan an luck deuh ani awm e, kha tih hunlai khan….kan kawmchhak pa serchhip khaw chhuak pawn, a zin dawn in ka thirsakawr gear nei hawh min dil a, kan luck deuh thin a tih ngei kha lolzzz
Report this comment
January 17th, 2011 at 5:35 pm
khati hun laia serchhip tv ho thir sawkawr nei kha chu an luck thei khawp mai anti…rider’s club an dina chuan ‘serchhip thunder’ an inti thin…lunglei rahsi veng tv ai pawn an kawlh anti
Report this comment
January 17th, 2011 at 6:18 pm
#34 hahaha…. ‘Aizawl Thunder Club’ ai chaun an che na zawk animaw
Report this comment
January 17th, 2011 at 6:25 pm
Naupanlai khan unau zinga upa ber tih takah tuichawi hi ka hnapui ani, Gorkhali naupang thiante ho atangin tuikawh hi ka zir a, ka thiam ve nghal mai a…bel hi hruiin ka hling a, ka kawt ve thin a..ka awh ber thin chu silver tin ani….ka pa aizawl kalin ka silver tin awh em2 mai chu min ron leisak ta a, tuichawi a nuam thei khop mai….hahahaha..
Report this comment
January 17th, 2011 at 7:59 pm
Tun thlenga ka awh chu tawngkam thiam te, thuziah thiam te hi ala ni! kan tet lai hian thil awh chu kan ngah bikin ka hria!
Report this comment
January 17th, 2011 at 8:20 pm
DUHDUHHERCHHUAHNA hi ka la awt ber!
Report this comment
January 17th, 2011 at 8:56 pm
ka rilru a awm, kala ziah chhuah hman loh min ziah khalh a…
ka naupan tet laia kan thenawm te unau pahnih chiah an ni si,keini 4 lai kan ni si a…an unau khan police fawm(form) kha an nei a, sunday tukah inkhawm tura an han ha dun zaih mai kha chu aw…ka va han awt ve thin tak….
kan thenawm in dangah fa mal awm khan midang neih hma in ball-boot a rawn nei hmasa ber kha…ka van awt ve thin tak
Report this comment
January 17th, 2011 at 9:37 pm
He Post hian ka lunglen a kaitho zawk mai a. Awh ngawih ngawih neih theih tak miahloh kha ava tam tak em. Mahse ka nu leh Pa te ka awh apiang min lei thei dinhmuna an dinglo te kha malsawmna alo ni e. Kei hi chu retheihna in min hrual hrep lo ta sela, tuna ka dinhmun hi ka pha dawnlo nasa tih ka hre reng mai. Ka puitlin tak hnua ka neih phakloh ka awtlo mai thei hi ka lawm hle.
Report this comment
January 17th, 2011 at 9:59 pm
Kum 6 mi vel ka nih lai ni ta in ka hria, ka thianpa hian Sephung chal em em mai hi a nei a, ka Sephung nen kan han insik tir thin a, ka hneh thei ngang silo a, kha sephung kha ka van awt mai mai tak em!
Report this comment
January 17th, 2011 at 10:29 pm
Ka awh leh em em thin pakhat chu kekawr arh neih ve kha ani..kekawr tlawn kan han ha ve tan dawn chauh a, an ching lo zui ta nghal daih mai …a tlangarh chi kha …poi mai2 asin ….
Report this comment
January 17th, 2011 at 10:49 pm
Thingtlangpa pakhat pawhin “Hetia thingtlanga kan lo awm hi a nuam daih zawk , Aizawlah chuan it tur leh awh tur hi a han tam khawp a, AWM LO APIANG A TAM ” a ti e, an tih chu.
Report this comment
January 17th, 2011 at 10:57 pm
Nu leh pa sum dinhmun kha ka hrechiang bawk a, naupan lai khan engmah awh ka nei ngai lo.
Tunah tak hi chuan lottery, million 15 vel man theihna tur number combination dik ka awt khawp mai..
Report this comment
January 17th, 2011 at 10:58 pm
Puitlin hnu hi chuan chuti taka awh hi ka nei ta lem lo,ka lei phak loh hi chu ka awt buai duh ta lo…mahse, nula leh tlangval chhe dun ve ang reng tak, in ngaizawng in duh em2 mai han hmuh chang hi chuan mahni pual tur hi hetianga han kop tur hi nei ve ila ka ti thin khop mai…mahse han nei ve mah ila, rei lote bak a daih ngai bawk si lo…hahahaha
Report this comment
January 17th, 2011 at 11:03 pm
lrp, hmanni khan mi 2 in $300 million an insem a, Virginia a miin $250,000 aman bawk. A hnu karah chiah Hispanic pakhatin Virginiaah tho $1 million aman leh bawk. Kan hun lah lo thleng ve thei der silo hairehai
Report this comment
January 17th, 2011 at 11:03 pm
loneeagle26016.. nula leh tlangval chhe dun vaklo i ngaizawng i hmuh in i awt tho em?
Report this comment
January 17th, 2011 at 11:07 pm
Report this comment