Thufing leh Mi Ropuite thusawi Part – II

May 21st, 2011 7:37 pm by kiddo

1. Mi dang sawisel a, ítsíktu nih a awl viau laiin, entawn tlâk leh mi chhuanawm nih hi thil harsa tak a ni. (Lal Thanhawla)

2. Rawlthar / tleirawl lai hun hi puitlin huna tu emaw nih theihna tura thil tih hun tha ber a ni. (T.T.Munger)

3. ‘Sim theih loh’ tih tawngkam hi chu mi chak lote leh mi insum thei lote tawngkam mai a ni. (Timothy Thanchungnunga)

4. Hlawhchhamna ka tawn apiang, ka chik neuh neuh a, ka ngaihtuah let a, ka hriat chhuah chu, pawimawh lo deuhva a lan avanga thil tul thenkhat ka lo ngaihthah thin vang a lo ni. (Bernard Tapie)

5. Tuarna leh nawmna hi, êng leh thim angin a in chhawk a, chumi atanga a hlawkna tel thiam leh, fing taka thil tha lo ata thil tha paw chhuak thiam apiang chuan nun dan a thiam a ni mai. (Bryant)

6. Lungngaihna mittui hi inzawmna hrui fei ber pakhat a ni a. Lungngaihna thuhmuna tap dun thei chu thisena inzawmte ai pawhin an inngaina zawk. (Rev.Lalsawma)7. Thurúk tluka chhawnchhaih nuam hi engmah a awm lo, hmeichhiaten vawn har an ti thin; mipa, hetih kawnga hmeichhia tlat ka hre teuh mai. (Jean De La Fontain)

8. Thinrim laia rilru leh tawngkam thununa, inremna siam thei hi, mi satliah lo chhinchhiahna a ni. (Cicero)

9. Inngáihniam chuan engmah an ti thei lo. Inngáitlawm erawh chuan thu an awih a, an huaisen a, an taima a, Pathian duhzawng an ti thei thin. (Rev. Lalnghinglova)

10. Nunin a neih zawng zawngte zinga ropui ber chu hmingthat hi a ni a, taksa leiah phûm anih hunah pawh ropui takin a nung reng ang. (Schiller)

11. Inhuat tawn nan chuan sakhua hi kan nei tam tawk a, inhmangaih tawnna siam tur erawh chuan kan la ngah tawk lo a ni. (Jonathan Swift)

12. Retheihna hrim hrim hi a mualphothlak lo, thatchhiat vangte, insum theih loh vangte, inren loh vangte leh chhaw vangte a nih loh chuan. (Plutarch)

13. Damchhung nun, Nunna lallukhum leh ropuina chu nungchang hi a ni a, mihring thil neih hlu ber a ni. (Smiles)

14. Vanneihna thilah thianten min hria a, vanduaina thilah kan thiante kan hre thin. (Ed. E.W. Howe)

15. Thlai chi tinreng that duhna, mi taima leh lehkhathiamte chenna Mizoram hi chawa kan intodelh loh chuan Siamtu laka sualna a ni ang. (Zoramthanga Ex-CM)

25 Responses to “Thufing leh Mi Ropuite thusawi Part – II”

1
chhana Says:
May 21st, 2011 at 7:37 pm
Ka’n chhunzawm ange:

Hlawhtling tûr chuan thil pathum chiah a ngai : Midang aiin hre tam la, midang aiin thawkrim la, midang aiin duh nei tlêm rawh.- William Shakespeare

Second khat kan thin a rim hian minute khat hlimna kan hloh zêl tihna a ni.-Ryan Miller

Harsatna tinrêng hian amah inchingfel tûrin thurûk a pai. Harsatna i nei ngai lo a nih chuan chu thurûk inthup chu i man ngai lo vang.-Norman Vincent Peale

Mahni chauh pawhin ka kal thei em tih aiin, midang zui theih ka ni em? tih hi kan infiahna tûr dik tak zâwk a ni.-Hubert Humphrey

Mi â i inhnialpui chuan nang pawh i â ve tihna a ni.-Doris M. Smith

Lalpa, ka fapa hi –
A thil tih zawng zawngin a duhzâwng a thlen vek dâwn lo tih hre tûrin pui ang che. Kawng awlsam leh nuamah ni lovin, harsatna leh chona a hmachhawn theih nân kawng bumbohah zâwk hruai la, harsatna thlipui hnuaiah pawh nghet taka din zirtîr ang che. Tlûte khawngaih tûr leh kai tho tûrin lainatna rilru neihtîr ang che.-Douglas MacArthur

Report this comment
2
TuaiSialA Says:
May 21st, 2011 at 7:38 pm
Kiddo chu post tha lehpek hle mai. A tha hlawm khawp mai. A bikin pakhatna leh pangana leh a dang zawng khi a tha. Mi ropuite thusawi hi chhiar liam mai mai lovin kan nuna hlawkna pakhat tal a neih theih nan i hmang tangkai thiam teh ang u. Ka lawm e. Ka chhiarchhuak dap a, a tha hlawm kher mai. A dang pawh rawn ti zel rawh.

Report this comment
3
Jewel Says:
May 21st, 2011 at 8:02 pm
post & comments

Report this comment
4
kilung Says:
May 21st, 2011 at 8:10 pm
Tha lutuk!!!

Report this comment
5
Ozima Says:
May 21st, 2011 at 8:19 pm
Mi ropuite thusawi nge mi thusawi ropuite ropui zawk ang le?

“CHANGE could not be given to you every time, you only must bring the change” – City Bus Conductor

Report this comment
6
ZerO Says:
May 21st, 2011 at 8:21 pm
hahaha..#5 ka duh lutuk

Report this comment
7
Machete J Says:
May 21st, 2011 at 8:30 pm
Thuhmahruai han neila atha viau mai thei hehe i ti tha e

Report this comment
8
TuaiSialA Says:
May 21st, 2011 at 8:36 pm
@Ozima: Thu ropui sawitu chu mi ropui a ni mai dawn lo’m ni?

Report this comment
9
Alanism theory Says:
May 21st, 2011 at 8:36 pm
A tha e,thufing pakhat harsatna ka chunga a lo thlen changa ka ngaihtuah thin chu- this too shall pass tih hi a ni.A dik zel thin.

Report this comment
10
KingJulien Says:
May 21st, 2011 at 8:39 pm
a bu in siam la Pu CH Thangkhuma style deuin..

Report this comment
11
lianchhiara Says:
May 21st, 2011 at 8:44 pm
15. Thlai chi tinreng that duhna, mi taima leh lehkhathiamte chenna Mizoram hi chawa kan intodelh loh chuan Siamtu laka sualna a ni ang. (Zoramthanga Ex-CM)

He ‘miropui’ hi min sualpuitute zingah a tel ve chiang mai!

Report this comment
12
Ozima Says:
May 21st, 2011 at 8:46 pm
@Sialte ni tho mai ti rawh, an thil sawi ropuite an nunah hmuh tur a awm chuan!!

Report this comment
13
Ultraviolet Says:
May 21st, 2011 at 8:50 pm
Mi ropuite thusawi a ka nun hneh em em tu..a sap tawngin ka rawn dah mai..

“There is always the danger that we may just do the work for the sake of the work. This is where the respect, the love and the devotion come in – that we do it to God, to Christ and thats why we try to do it as beautifully as possible” …Mother Teresa.

Report this comment
14
lianchhiara Says:
May 21st, 2011 at 9:09 pm
#13 – ‘Hna hi hna a nih avang chauhvin kan thawk ang tih a hlauhawm. Pathian tan, Krista tan ti a, kan theih ang tawka mawi leh thaa kan tih hian zahawmna, hmangaihna leh rinawmna a lo lang thin a ni,’ – Mother Teresa.

Dik thuak maithei..

Report this comment
15
rose10 parvuli Says:
May 21st, 2011 at 9:43 pm
ka duh vek!!!

Report this comment
16
zon Says:
May 21st, 2011 at 9:45 pm
“Injustice anywhere is a threat to justice everywhere.”
– Martin Luther King Jr.

Report this comment
17
zoho Says:
May 21st, 2011 at 10:00 pm
Va tha hlawm ve, contri ve zel ang aw-

“Setana’n beidawng(give up) ve ngailo te hi beih vak dan a thiam der lo”(give up hma te tan)

“Whan can be done NOW, must be done NOW” (zirlai,hna leh tih tur pending ching te tan)

Report this comment
18
CFL Says:
May 21st, 2011 at 10:08 pm
A dang pawh ka lo beisei leh tawp mai asin post tupa.

Report this comment
19
AmiGo VLR Hnamte Says:
May 21st, 2011 at 11:06 pm
Thufing awmzia tak chu mi zawng zawng zawm theih loh thil tha tak a ni e an ti tlat!Mi zawng zqwng zawm theih chu thufing a tling lo zuk ti mauh a… e.g Ei teuh chu an puar nge nge’..:-D

Report this comment
20
Keimah Thingtlangpa Says:
May 22nd, 2011 at 1:22 am
Pu Zoramthanga zet hi zawng.. thu tha tak tak a sawi thiam e

Report this comment
21
DXBFreak Says:
May 22nd, 2011 at 11:46 am
Natuka tih theih chu vawin ah ti suh, tih leh loh thut angai mai thei…

Report this comment
22
Saitawk Says:
May 22nd, 2011 at 11:58 am
“I riltam laiin thu tlukna siam zung zung suh” : Saitawk

Report this comment
23
Far_Star Says:
May 22nd, 2011 at 1:32 pm
“Thufing sawi tur i hriat chu sawi thuai thuai rawh; midangin an sawi khalh thut thei che” : James Supertstition

Report this comment
24
Rumtea Says:
May 22nd, 2011 at 5:09 pm
Thufing hi chu, asawitu lar hmasak a ngai.Tuikhur hnar a mi, sankir bib beb thil sawi chu fing hle mahse a lar thei lo.

Report this comment
25
Bawngtlaia Says:
May 23rd, 2011 at 3:05 am
“Mihring hian thil-siam zawng zawng zingah ropui viauin a inngai thin. Mahse; tho tak ngial pawh hi mihring aiin siam hmasak a ni lawi si a.” ( A sawitu ka hre ve leu)

Report this comment