Tine Mena

May 21st, 2011 6:57 am by H.Vangchhia

First Woman from North East India to conquer Everest: Kum 25 mi, nula Tine Mena, Roying khua, Arunachal Pradesh ami chu North East India atanga hmeichhia, khawvel a tlangsang ber Mount Everest lawn (scale) hmasa ber ani ta. Tine Mena hian Everest hi May ni 9, 2011 khan alawn a, Nort East India chuan a chhuang hle a ni.

“Inbiakpawhna athat tawk loh avangin Thawhtanni a a lawn chu Nilaini ah hriat chian ani ta chauh thung,” tih Explore Himalaya, an hotu, Nabin Trital chuan a sawi. Explore Himalaya hi Katmandu a tlanglawn lampang buaipuitu pawl niin, TIne Mena lawnpui tur pawh aman an intum tawm theih nan an zawn sak nghe nghe a ni.

Tine Mena hi Arunachal a Sports Directorate huaihawta, Indo-China border trekking an neih naah thahrui leh tumruhna a nei tih an hriat avangin, Darljeeling a HMI (Himalayan Mountaineering Institute) ah mountaineering course zir turin an tir ta a ni.

Tunah hian Arunachal Pradesh lam hmeichhia tho chuan Mount Everest hi lawn ve a tumin a in puahchah mek bawk.

We congratulate her and wish her all success!

Source: https://www.northeastblog.in/arunachal-pradesh/tine-mena-first-woman-from-north-east-india-to-conquer-everest/

Thubelh:
Ka rilru a awm ta chu: Mizoram mountaineering team te khan tum hnih lai Himalaya tlang sang pahnih an lo lawn tawh. Sports office atanga ka hriat dan chuan Mount Everest lawn tur hian experience ngah mai bakah phalna neuh neuh lak tul atam avangin Mizoram team tan chuan beiseiawm tut tut thei anilo angin min hrilh/ka hre thin.

Kan hriat tur chu, Mountaineering course ah hian a hmasa ber chu Basic mountaineering Course ani a. Train chhuahna mark sang ber chu ‘D’ niin, ‘A’ atanga ‘C’ ah a tla thla thung. ‘D’ hmu a zir zo khawvelah hian an tlem khawp ang le. Engpawh nise, ‘D’ anih loh pawhin, ‘A’ a train chhuak lo chuan Advance Mountaineering Course a train theih loh, phalloh bur a ni. Mizo train tawh zingah hian mi pakhat chiahin B hmu kan la awm. Advance Course zawhah hian Search and Rescue Course a awm leh a, chumi pawh chu train chhuak awm nual tawhin ‘A’ ah deuh vek Mizo te hian kan la train chhuak nghe nghe. Ka hriatsual loh chuan Search & Rescue ah pawh hian mi pakhat chiahin ‘B’ ahmu. Hnamdang (vai emaw) chu a tam zawk ‘A’ hmu phalo an ni thin awm e.

Tine Mena atang hian ka ngaihtuah ta neuh neuh a. “Mizoram Sports & Youth Services hian hmun dang danga min tir min tir si hian tinge Mount Everest hi min cho (Challenge) tir ve miah loh mai le,” tih ka rilru ah alian ta hle mai! Mimal pawisa a sen tur nei kan awm silo, mi hausa te lahin sponsor an tum heklo.

Tunah hian thalai tlanglawn lama fit tak tak kan ngah tawh asin, hawh u Sports Dept’ hi i fuih ang u khai. Scouts & Guides ngawt hi buaipui tur an nilo ania. Anni chuan hrui an suih an suih a, an kawngah nalh takin an tel khawm a, vai sipai lammualah squash an sem leh mai thin. Adventure sports timi te chuan hruisuih kan zir a, mahni suihah kan uai nghal mai thei zel a ni. Mizoram hian state dang hi khum zel i tum teh ang u. Arunachal lam an lawn (scale) tawh a, Mizo te hi lawnchhuak tu ni ila ka va han ti tak em!

38 Responses to “Tine Mena”

1
littlerascal Says:
May 21st, 2011 at 7:11 am
chhuanawm e
Report this comment
2
chhangban Says:
May 21st, 2011 at 7:27 am
A chuanawm khawp mai Tine Mena i chu..

Mahse Everest lawn te chu a hlawk lo em alom.. pawisa nei leh peih tan te chuan leh.. who knows.. ekekeke
Report this comment
3
Mi(khual)pa Says:
May 21st, 2011 at 7:33 am
Adventure lam hi chu i tui ve ngawt mai tiraw, Pu H.V ? Mizotawnga ziah rau rau chuan ziah tlang law law awm, ka ti vel mai mai!!
Report this comment
4
wanttostrokemypuppy Says:
May 21st, 2011 at 7:51 am
Zoliana Rawite(Royte) ber hi Scout & Guide ah a tui tlat alawm Pu HV, Sports Director tuina ber te chu kan tuiloh pawhin tui anga kan lan atul(atrul) anih hi
Report this comment
5
chawnghilh Says:
May 21st, 2011 at 7:55 am
Catch Them Young a ni miau va, puak an ngai ang.
Report this comment
6
bucko Says:
May 21st, 2011 at 8:07 am
Hm….. NE star te zingah a in hlangkai veta a ni e… lawmpuiawm…. chhuanawm bawk….. present ka’n thawn ange….
Report this comment
7
caribou Says:
May 21st, 2011 at 8:11 am
A chhuanawm hle mai. A lawm lai chuan vawt a ti ve khawpin ka ring.

MIzo hmeichhia han ni mai se aw…
Report this comment
8
H.Vangchhia Says:
May 21st, 2011 at 8:14 am
Mi(khual)pa #3 tlarkhat te ka dah khi maw ilo vei a. Ka hmaih palh anih khi, ka ti vui nuah2 che a avan pawi tak em hairehai

Tak2 a, link ami khi ka paste pawp zawk a, a chhuah dawn tepah hna kal tura insiam pahin kan letling ve leh hram zawk anih khi. Ka hlehlin/paih hmaih daih anih khi. Min ngaidam thei mai em?

I sawi dik, adventure sports hi a tangkaina ka hre chianga ka nunah hian a hluin ka chhawr bawk. Ka tuina avang hian ka nunah nasa takin thu a sawi avangin ka tui reh thei tawh kher lo vang.
Report this comment
9
Benny Says:
May 21st, 2011 at 8:15 am
A ropuiin a chhuanawm e.
Report this comment
10
eL Says:
May 21st, 2011 at 8:17 am
nuam ngot ag…archery lampang ka tui ve daih
Report this comment
11
muantea Says:
May 21st, 2011 at 8:26 am
@El, archery lam chu rawn post ve la, kei hian ka lo tuipui ve viau a nia.
Report this comment
12
ChhanaPa Says:
May 21st, 2011 at 9:17 am
Mt Everest lawn dawn chuan phalna neuh2 lak a ngai chu thu hran, pawisa nuai chuang fe sen a ngai thin an ti bok c a,kan mizo hausate an chet loh chuan sawrkar hi chuan nlup ah a hmang leh mai2 om bok c a,kan mi hausa ho te an chet phot a ngai a ni.mizo tlangval lawn ve mai thei tur pawh a awm in ka hria
Report this comment
13
Thinchhia_ralte Says:
May 21st, 2011 at 9:44 am
Pu Hva te chu KYAC a a sulsutu kha ni ve a, a chhuanawm, a post awm tak ani
Report this comment
14
H.Vangchhia Says:
May 21st, 2011 at 9:55 am
ChhanaPa #12 adventure wing ah pawisa an dah tlem ta em bawk a ni. Scouts lam chu nise an dah leh teuh ang chu. Khu, Tanhrila kan trainna thin pawh Scouts & Guides ta liau liau angin an enkawl tak khu. Scouts hian post a last para ang bek khi min thlen love.
Report this comment
15
Sony Says:
May 21st, 2011 at 9:57 am
Bachendri Pal min ti hre chhuak. Ani pawh kha Garwal hnam, tlangmi ve tho ani, mahse North Indian, not northeast Indian.
Report this comment
16
James VL. Duata Says:
May 21st, 2011 at 9:57 am
ka ngaisang hle mai… hringchan chhung a piallei dai ah hian hmuhhmaih hauh loh tur in a hming a chhu kai ta kalh mai chu a ni a, a ropui in a ngaihsanawm a ni.
Report this comment
17
H.Vangchhia Says:
May 21st, 2011 at 9:57 am
Thinchia_ralte:

https://i54.tinypic.com/282kwn8.jpg
Report this comment
18
Thinchhia_ralte Says:
May 21st, 2011 at 10:00 am
Pu Hv, KYAC logo chu a va nalh ve..in design thiam hle mai(Y)
Report this comment
19
H.Vangchhia Says:
May 21st, 2011 at 10:03 am
Sony, eng eng emaw kan train ve lai chuan Bachendri Pal kha an sawi uar ve thin khawp asin. Mt. Everest a lawn chhuah hnu khan Tata hian “Head of the Tata Steel Adventure Foundation,” atan an ruai nghal hmak.

Adventure sports hi mihring tan a pawimawh zia an hriat avangin TATA company hian an engineer tur te emaw adventure sports engemaw tal an train chhuah tir ngei ngei thin a, chumi atan chuan Bachendri Pal pawh an ruai a ni awm asin.
Report this comment
20
H.Vangchhia Says:
May 21st, 2011 at 10:05 am
https://www.tata.com/careers/ar.....LSMd+CU6g=
Report this comment
21
chawnghilh Says:
May 21st, 2011 at 10:19 am
#14 : Pu HV … State Training Centre, Tanhril leh Zanlawn-ah khuan Scout pual bik ram a nei alawm. Nangni Adventure-in training nan mai in hmang lo va, NCC-te pawhin, a neitu erawh chu Mizoram Bharat Scouts and Guides Association a ni. Chu chu ‘under the aegis of Sports and Youth Department.” Tin, Gospel Crusade nante pawh man chawiin, facilities tha tak tak thleng awm khu, hman theih a ni bawk. Hauh lawk erawh a ngai thung, hmang duh an tam avangin.
Report this comment
22
feeder Says:
May 21st, 2011 at 10:21 am
a lawn ringawt te chu a har ami, kei pawh engemaw chen chu ka han lawn ve tawh tho alawm, a lawn chhuah hunah ka la lawmpui ang
Report this comment
23
H.Vangchhia Says:
May 21st, 2011 at 10:25 am
chawnghilh, tunhma chuan scouts ta bik liau liau anga enkawl ani ngailo, Sports dept’ hnuai ami te kha chuan mahni ta ang maiin kan hmang thin. Kan phailam kal tur inpuahchah nana kan lo hman ve reng thin ani a, ‘Kutphah’ ang maia a hmunram kan lo hriatchian ve thin ani alawm.

I scout thin vang mai mai anih kha. NOI
Report this comment
24
chawnghilh Says:
May 21st, 2011 at 10:32 am
HV : A bul tantute zinga lei lai zawltute kha kan ni a … adventure ang chuan kan lai lo. Facilities dah belh zelah adventure thil kep ve a ni ta a nih khu! Kan chul nel ve alawm! A development pawh a chak a, India rama State training Centre nuam leh tha pawla ngaih a ni ve phak, khawvel hmun tinrenga an thil tlereuh zawng zawng bel khawmna, tent pawh a hranpaa a company-a order thlap vek … thosi ngah ram kan nih hre renga special taka siam vek … sawi tur ka ngah.
Report this comment
25
H.Vangchhia Says:
May 21st, 2011 at 10:38 am
chawnghilh, keini pawhin thawh chu kan nei ve tho alawm. Nangni Scouts angin in thawk a, keini Adventure wing angin ani mai lawm ni?

A hming tumtu chu Scouts & Guides ania lawm, mahse sports dept’ hnuai ami te kha chuan engkim kan in hmantawm thin ka rawn ti mai anih chu. “Kan ta/ kha kha in ta,” kan ti ngailo tun hmain. Tunah chuan a dang zar tawh an ti.
Report this comment
26
chawnghilh Says:
May 21st, 2011 at 10:38 am
Adventure lam pual chu Gauhati High Court, Aizawl Bench awmna lamah khuan a hranpain a awm thlap. Tin, Tuirial Air strip lam kha Scout lama hlan fel ni mah se, Para-gliding lamin an chang ta a ang deuh ber e.
Report this comment
27
chawnghilh Says:
May 21st, 2011 at 10:41 am
YHAi pawh Luangmual-ah, an chei that em avangin hawh mai mai a harsa tawh, an ti. Hawhtute an che tawp thei a ni ngei ang!
Report this comment
28
H.Vangchhia Says:
May 21st, 2011 at 10:43 am
#26 Sports hnuai ami chu ta ta a sawi tak tak theih loh ka tih reng kha
Report this comment
29
chawnghilh Says:
May 21st, 2011 at 10:46 am
Wing hranin chanvo leh hmun hran an nei vek tawh i ti mai ang. Adventure lamah hian foreign-a thlawh chhuah veng vengna tur hi a vang a, Scout lamah hian a tam em em a, kan hotute pawh hian hawkdak hi nuam an ti ve a, ram an hmuh zau phah a. An nihna pawhin a keng ve reng reng a, an fel a. Adventure-ah chuan foreign a hnai deuh em mai, keini Zofate tan chuan, Himalaya kawmthlang lawka mi kan nih aleiah!
Report this comment
30
kiddo Says:
May 21st, 2011 at 10:58 am
ka lawn ve peih reng
Report this comment
31
PKfanai Says:
May 21st, 2011 at 11:13 am
Tina mene chu Roing mi anih chuan Lower dibang valley khawpui ani a, A hming atang hian Mishmi hnam anih dawn hi. Arunachal ho hi an pian phung hrim hrimah chinese an hnaih hle a, an tha hi a fei fat mai a, tuar an chhel bawk. Tlangrama kea kal an thei hle. An lo backward em mai pawh a, nakin lawkah chuan, sports lamah an la san hle ka ring.
Report this comment
32
H.Vangchhia Says:
May 21st, 2011 at 11:36 am
chawnghilh #29 khi i scout na lamah i mitthla thui phalo ani maithei e.

Adventure sports hi tui lam, khawmual lam leh boruak lama then a ni. An vai mai hian khawvel kiltin a tih tur awm leh mihring tumruhna min siam sak theitu thah anni hlawm.

Scouts ten “Developing character, citizenship, and personal fitness qualities” an buaipui laiin, Adventure sports chuan mihring, tumruhna neih, beidawn lohna, huaisenna, thahrui fei, mahni inrintawkna, taimak etc. a zirtir a ni.

Adventure sports tamtak a awm laiin heng te hi alar zual anni awm e:

Boruak lam: BASE jumping, bungee jumping, gliding, hang gliding, high wire, ski jumping, sky diving, sky surfing, and sky flying.

Khawmual lamah: :indoor climbing, adventure racing, aggressive inline skating, BMX, caving, motocross, extreme skiing, freestyle skiing, land and ice yachting, mountain biking, mountain boarding, outdoor climbing, sandboarding, skateboarding, snowboarding, snowmobiling, speed biking, speed skiing, scootering and street luge.

Tui lamah: barefoot water skiing, cliff diving, free-diving, jet skiing, open water swimming, powerboat racing, round the world yacht racing, scuba diving, snorkeling, speed sailing, surfing, wakeboarding, whitewater kayaking, windsurfing.

Khawvel hmun hrang2 tlawh ngaihna atam khawpin ka hria.
Report this comment
33
H.Vangchhia Says:
May 21st, 2011 at 11:40 am
#32 Khawmualah khian “Mountaineering” ka telh hmaih.
Report this comment
34
Ultraviolet Says:
May 21st, 2011 at 3:04 pm
Va chhuanawm ve aww..
Report this comment
35
rose10 parvuli Says:
May 21st, 2011 at 4:28 pm
mizoram hian tan kan lak loh chuan arunachal ho hi kan la tluk lo thuai ang mawle. tang ang u awww
Report this comment
36
muantea Says:
May 21st, 2011 at 5:00 pm
Tanhril-a Youth centre/training centre hi scouts & guides lam ta bik a ni lo, sports & youth enkawl a ni a, scouts & guides ho hian an chul mam deuh avangin an ta neih mai a ni. Tin, Sports deptt lam hotute hian scout lam hi an tuipui zual bawk nen
Report this comment
37
tlumtea Says:
May 26th, 2011 at 2:02 pm
Mizo Mountaineering training ah hian B Grade hmu hi 1 chauh an awm lova, Tunah hian an awm nual tawh zawk.. Basic, Advance leh MOI ah te hian B hmu hi kan nei nual tawh. MOI tih loh B Grade hmu chih ho hi chu displine that loh vang leh Zu in avanga buai leh Course training zo thei lo ten B Grade hi an hmu tlangpui. Best Technician, Best All Rounder Rope leh Sport Climbing-a medal la pawh kan awm nual tawh..
Report this comment
38
H.Vangchhia Says:
May 26th, 2011 at 3:14 pm
tlumtea #37 Ka hriat chinah chuan Jonathana (Mizo/Garo mix) chiah kha B hmu ala ni. Tun hnuah eng kan lo ti ta nge ni ngai le, zu duh mi te an lo tirh tak mai le I thuihhruai te an ni hial lo maw :Fiamthu:
Report this comment