Kan hnam kan tlem em em a. Hnathawktu kan indaih thei lova. A bik takin industrial sector leh construction sector kan tih mai – in sak leh kawng laihah phei chuan kan chheh vel hnamte tel lovin kan che thei lo a ni ber mai a. Kan rama cottage industry hlawhtling ber pakhat chu “Handloom Industry” a ni. Kan handloom industry tenau neitute’n nasa takin hma an sawn a, state pawn thlenga kan state-in awmze neia kan hralh chhuah theih pakhat chu handloom product a ni. A hlawhtlin chhan bulpui ber pakhat chu puan tah thiam (skilled workforce), man tlawm zawka Burma lam unaute kan chhawr theih vang a ni. Puantaha hnathawk zaa 90 vel hi Burma unaute an ni.
Ramin hmasawnna kawng a zawh a, sorkar laipui scheme leh project avangin kawngpui sial hna contractor te’n an thawk ruih ruih a. Sorkar building lian pui pui kan sa khup khup a. World bank kawng, NEC kawng, NBCC ramri hung hna, DoNER ministry project, Kaladan Multi-Modal Project bul tan hna leh a dang dang kan ram chhim leh hmar, chhak leh thlangah a kal muah muah a. BRTF te’n an hna kal pangngai an kalpui buk buk reng bawk a. PWD-in an theih ang tawk tawkin hma an la mup mup reng bawk a. Chung hna kalpuitu, hnathawktu zaa 90 vel chu hnamdang mi, khawchhak lam leh Bihar lam unaute an ni bawk.
Tlemin khawsak alo changkang a. Sorkar hnathawkte’n awlsam zawkin housing loan an lo la thei ta a. Thingtlang khaw kilkhawr ber, tlema khawpui leh Aizawl veng tin maiah concrete building sak kan intihhmuh a, kan phak ang tawk tawkin in leh lo tha din tumin hma kan la sup sup bawk a. Vengtin maiin kan Pathian biak in, a tha thei ang bera sak kan intihsiak a. Chung in sak hna thawktu zaa 90 te chu kan kawmthlang Karimganj leh Hailakandi lam mi deuh vek an ni. Chung mosolman unaute chuan an duh duhin (ti mai ang) an hlawhbi rate an insiam a. Duh hun huna mihring hmuh tur an awm bawk si loh avangin kan chhawr lo thei lova, hna an thawk tha duh lo ang tih hlauvin kan la tlawn zui a.
Kan Chief Minister Pu Hawla tawngkam takin, kan ration buhfai hi mikhual nuai telin min eipui mek a. Central atanga kan rama sum leh pai lo luang lut huau huau chu heng kan mikhualte hian min tlanpui a, a vaibelchhe tel tak meuhin kan ram ata min laksak mek a ni. A tam zawkte chuan mikhual nih inhriain tha takin hna an thawk a. Chu’ng zingah chuan awm tha duhlo an lo awm ve zel bawk a. Buaina pawh kan tawk ta zauh zauh fo mai. Hna hnuaihnung kan tih – cement mistiri leh helper hnate, lei laih hna leh puantahte chu hnamdangin hna thaah an ngai si a. Heti hi kan ni ta a ni. Kan thalaite han fuihin, sorkar leh YMA te pawhin training te han pe-in chung hnate chu thawk turin han infuih sa teh mah ila eng kan la ang thei si lo a ni.
Thawk leh khatah he harsatna hi kan sukiang mai dawn lo tih hi naktuk zingah khawchhak atangin ni alo chhuak dawn tih a chiang ang hian a chiang si a. Ngaihtuahna thar, kan hnamin kan thatpui tur si, kan sorkarin a thatpui tur ni bawk si chu tuna kan sawi tum “Work Permit System (Hna thawh phalna dan)” hman mai hi ni ta ber hian a lang. Mihring tlemna, an mi leh sate zinga hnathawktu indaih lohna ram – Sap ram leh ram changkangah chuan an kalphung pangngai a ni. India ram ang mihring tamna – hna hnuaihnung thawk thei tamna ramah hi chuan kan hre lar vak lo a ni mai.
Ram changkang zawkah chuan “work permit” nei tur hian ruahmanna hrang hrang an nei a. Thiamna chungchuang bik nei (highly skilled person) te, an ram chhunga sumpai thehthang tur nei (investor) te, entrepreneurs te, infiamna lama mi chungchuang te, filmstar te, damdawi leh agriculture lama mi thiam bikte tan sponsorship hranpa an phut ngai lemlo fova. Thiambik nei pangngai (skilled worker) leh thiambik nei lemlova a thiamte puitu (helper) te tan sponsorship a ngai tlangpui a. Hun reilote chhunga thawk duh (temporary worker) te tan “work permit” hi a awl zaw phian thin niin an sawi.
“Work Permit System” hi kan hmang dawn a nih chuan tihtur tam tak a awm thei ang. A hmasa berah eng sector-ah te nge hnathawktu (skilled leh unskilled) kan indaih lohna kan tichiang (identify) ang a, hnathawktu kumtluana kan mamawh dan tlangpui kan zir chhuak ang. Chu chu “Labour Mapping emaw Skill Mapping” an ti mai. Chutiang ang kan hotute’n an tih zawhah “Registering Authority” siam a ni ang a, tuna ILP atana sponsorship kan tih ang deuh hian a kal thovang. A danglamna tur chu kan rama hna rawn thawk a, kan ration min eipuitute hian state sorkar hnenah “Service Tax” emaw “Income Tax” emaw an pe thung tawh ang. Tin, he system hi department 4/5 kaihhnawih thil a nih dawn avangin a kalphung tihawlsam (simplify) a, dawhkan pakhat atanga hnathawh (single-window delivery) a ngai bawk ang. An chhiah chawi tur zat thu-ah erawh pawp (loopholes) tam tak a awm theih dawn avangin sorkarin hnathawktu hlawhbi (wages rate) mumal a neih a ngai ngei thung ang a, permit an lak chhuah dawnah hnathawktu thiam dan (skill) a zir khan a hlawhbi a hriat vek dawn a. Chumi zulzui chuan an chhiah pek tur bituk sak an ni mai dawn a ni. Kan mikhual zawkte’n an hlawhbi duh hun huna an tihsan mai mai kha a theih tawh lovang a, sorkar rate ang ang kha ram pum rate a ni mai dawn a ni.
Tichuan, cement mistiri-in ni khatah `. 350/- an hlawh a. An hlawh atanga 5% emaw kha Service Tax lo la ta ila. Ni khatah `. 17.50/- vel a ni. Thla khatah ni 25 hna thawkah inchhut ta ila, misitiri pakhatin thla khatah `. 437.50/- vel chhiah a rawn chhung ve ang. Mizoramah mistiri 5000 an awm chuan thlatin `. 21,87,500/- vel chhungin, helper-in ni khatah `. 200/- an hlawh a, 5% chu `. 10/- a ni a, thla khatah ni 25 thawk se, helper 10000 an awm chuan anni ho ringawt pawhin `. 25,00,000/- vel min thawhchhuahpui dawn a ni. Puantahtu leh mutia ringawt pawhin nuai tel min thawhchhuahpui dawn a ni. Thlatin bia tax pek a ngaih miau dawn avangin permit nei lem lova a remchang chang thawk kan tih ang chi chu an vang pharh mai dawn a ni.
Pakhat lehah chuan rammi nghet leh mikhualte chhinchhiahna mumal kan neih theih phah bawk ang. Vengtin, khawtina registrar-te’n foreigner (a bikin Myanmar leh Bangladesh) te chhinchhiahna mumal an nei ang a. India mi ve tho – Hailakandi leh Karimganj lam atanga kan mikhual rau rauah pawh EPIC emaw Residential Certificate emaw PAN card emaw nei an nih chuan a enkawl dan kan tidanglam deuh thei bawk ang. Chu kalphung chuan ram leilung fate awmze neiin min thliarhrang ang a; sorkar department hrang hrang tan programme leh planning siam thu-ah awlsamna a thlen thei ang. Mikhual awmtha duhlo leh kawhmawh bawlte dap chhuah chungchang thu-ah pawh police te hna a rangin a awlsam phah sawt thei bawk ang.
Municipal awmnaah chuan Municipal-in a buaipui thei ang a, Village Council awmnaah chuan VC-in buaipuiin treasury challan hmanga mumal takin sorkar revenue-ah deposit-in heng sum lakluhte hi tualchhung sorkar inenkawlna sumhnar tha tak a ni thei ang. Chutianga “work permit” neite chhinchhiahna registry chu felfai taka duan theih a ni tawh ang a. Engtiklai pawhin kan rama phalna neia awm, min eihektu ringawt ni lo, kan treasury-a sumpai min thawhpuitu engzatnge awm tih awlsam takin kan hre zung zung thei ang. “Work permit” an neih hun chhung bituk thu-ah duham chintawk neiin khauh takin ruahmanna kan siam thei ang.
Sawi tur tam tak a awm thei ang a, kan sawi seng vek rih lo. Ngaihtuahna tihzauh nan a topic hi kan han hawng mai a ni. Ram changkang tam zawka an tihdante pawh kan zir a ngai ang. Tunhnai mai khan Meghalaya opposition leader Conrad Sangma pawhin an state-a “Work Permit System” hman hi a rawt ta nge nge a. Dan lova state chhunga lutte ven nan phei chuan he system hi duhthusam a ni thei ang. India rama awm ni mah ila, Inner Line Regulations-in a hung, state legislature hran nei, kan ram leh hnam thatna tura dan leh hrai siam thei kan ni ve a, India ram inpumkhatna tichhe lovin, kan mipuite hamthatna veng chung siin vaibelchhe tela kan state revenue tihpunna remchanga kan hman dawn phawt chuan India constitution chhungah he system hi kan khung leng thei ngei ang a tih rinawm hle a ni.
Send your feedback to joseph_ralte@rediffmail.com or sms at +91-9862566772
Similar Posts:
- Mizoram Sorkar 6th Pay hman dan tur a chiang lo in ka hria
- Mizoram a sorkar hnathawk hlawh hi a tam lutuk em, Tax pe ve dawn ta ila
- Silchar lamah kawng an block leh ta…
- Sorkar Danglam Biknate
- Vai mistiri bawk : A thawn haw lam ve thung !
(Y)
May 22nd, 2011 at 3:39 pm
“Tunge zawhte chu thi awrh tir ang le ?”
Tun hma deuh atang khan abikin vai mistiri-te hi cerificate tal siam sak ang u…Aizawla helper kha Lungleiah chuan mistiri thiam tak ava in ti a…..Kan ti thin a. Kan ti fuh hlei thei lo chu anih ber rih hi maw le.
Mahse ngaihtuah ngun chu a ngai khawp mai.
Report this comment
May 22nd, 2011 at 3:44 pm
Kan ram leh hnam him nan pawh a tha ngei ang. Mahse, mahse, tunge….bul chu tan ang?
Report this comment
May 22nd, 2011 at 3:48 pm
He post chu comment atam ka ring hauh lo, thil tak tak han sawi dawn hi chuan kan ngawi leh thup zel!
Kan handloom hi Burma lam atanga lo kalte vanga hlawhtling kan ni a. Kan Building Construction hi Bengali labour ho vang a ni bawk a. Kan Road Construction hi Bihari labour vang ti ila kan sawi sual tampui awm love. An duh zah zah hlawh an inchhiar bakah, an duh duhin an khawsa a. Head mistiri phei chu Manager-ah a inngai nghal ringawt mai a, hnathawh a tum reng reng lo……..lo sawi zawm teh u!!
Ka chhuak leh lawk dawn i’ll be back …
Report this comment
May 22nd, 2011 at 4:03 pm
Tha e. Tha hi sawi a awl, a taka zawm erawh a har. Kan hnam/ram intodelhloh avanga ramdang mi hnathawk kan chaw lut hi a hrechianglo chuan min ngaihsan phah. Bihar ahte hian MIZO nih a nuam khawp mai.
Report this comment
May 22nd, 2011 at 4:08 pm
Hman hmana tih tawh tur an la tilo ani maw? MLA te hian an hna dik tak (dan siam) an hre lo emaw ni chu aw?
Report this comment
May 22nd, 2011 at 4:20 pm
mzvision-a chuan Joseph-a hi a va ngaisang (thar?)awm ve maw le…nimin pawh khan a thuziak dang a rawn post tawh bawk!
Joseph-a hi a fel viau reng a, a thuziak hi zawm theih ni se chu a tha fe mahna. India ram state dangah pawh an tih ka hre rih lo a, thil awlai chu a ni hauh lo ang. Hman dawn tak tak chuan ram pum huapa hman chi a nih hmel.
Report this comment
May 22nd, 2011 at 4:22 pm
A va han tul tehlul em!!!!!.. Keini International kawtchhuah la ni tur tan phei chuan chim ral hi kan harsa lo ngawt ang le, kan ram hmangaihtu(politician) ten a ngaihna an hria a nih ngawt loh chuan……
Post tha tak a ni a, kan ramn hruaitute hian chhiar ve ngei se a duhawm hle mai…
Oh….. Edit theih loh hi ava buaithlak ve, type fimkhur hle a ngai a ni.. chuvangin type sual a lo awm pawhin in hriatthiamah kan ti a ni ang chu.. eh
Report this comment
May 22nd, 2011 at 4:23 pm
E….. Edit theih lehsi a ni awm e….. he he
Report this comment
May 22nd, 2011 at 4:37 pm
Hei chu a thupui fun hle mai. Ram hnuk zinga pawimawh tak pakhat a ni.
Work permit System hman chu kan moderate that phawt chuan a tha lutuk tlat. Mahse kawng lehlamah chuan Work permit hmanga khirh khan zawka kan system kalpui lo ni ta se, tuna kan hnathawktu hnamdang tam tak hian an thawk duh reng ang em? thawk duh lo ta se, Mizoten kan thawk duh ang em? Mamawh lah chu a nasa mai si a..
Keimahni lam Value system hi chhungkua atanga kan tran that hi a ngai nasa a ni. In sak te, Kawng Laih te etc.. phei hi chu thawh tinah kan tin lo reng reng ringawt mai te hi a zia lo a ni. Tin, heng hna hnuaihnung zawk thawkte hlawh hi Sawrkarin an hlawh bithliah sak ta se, a ziaawm ang. Entirnan; Aizawla chhungkuaa khawsa ve pangngai, mizo chhungkaw tan chuan nilenga rs.200 emaw awrh hlawha hun pum inpek kha a har viau a ni. A chhan chu Sawrkar hna chhete thawk hlawh nena a inthlauhzia lah chu kan hre kur si a. Chuvangin hnathawktu hnamdang chhawr chiam aiin Mizote hian hlawh pangngai ve taka thawhdan awm ta se, tuna kan hlawh en hi chuan kan eiin leh silhfen mamawh nen a inphu lo lulai deuh bawk a ni.
Report this comment
May 22nd, 2011 at 4:38 pm
Hman theih ni se a tha ngawt ang,
Report this comment
May 22nd, 2011 at 4:50 pm
A la tih theih em ang chu maw engtik ah emaw chuan……..
Report this comment
May 22nd, 2011 at 5:13 pm
Good Post. Tha ka ti lutuk.
Ram ram hna lian tam zawk(Kawng siam, In sak, Stadium sak tui khuah ..etc) Vairam company in an thawk zo vek mai te hi a lo ui ve thin em em a. Mizoram a Department/Pawl/Contractor te thawh ah ka lo awt em em thin a ni. Eiru an awm a nih pon Mizoram Sum chu Mizo nge in lo ei ta se, Vai ho ei ai chuan ka Ui lo zawk deuh ang.
He post hi kan Ram hruaitu te beng thleng se ka ti.
Report this comment
May 22nd, 2011 at 5:19 pm
Ti vat rawhse
Report this comment
May 22nd, 2011 at 5:23 pm
Korean Pa Aizawl alo kal in Mizoram min hmuh dan sawi hian min hneh khawp mai.
“Mizote chu in Biakin te tlawh anuamin Kristian ram in nih avangin a nuam khop mai.IN KHAWLAI KAN FAN KUAL VEL IN KAWNGPUI DUNG VEL A HNATHAWK ZAWNG ZAWNG DEUH THO HNAMDANG AN NI ERAWH HI CHUAN NGAIHTUAHNA A TI THHUI,hetiang a in thalai ten hna thawh na chang an hre lo anih chuan in hnam hi ala tlu sawp ngei ang”.
Report this comment
May 22nd, 2011 at 5:34 pm
Ngun deuh a kan ngaihtuah chu angai ta tak zet mai.Mizote kan la tlem em avang hian duh ang in mihring chhawr tur kan la tam lo ni te pawn alang. Mahse hetianga hnam dang zawkin an duh tawk a kana ram thau an sawk erawh hi chu kan venn angai tak meuh mai.
Ram leilung fa zingah chhhawr tur kan nei lo anih pawn, ram dang mi kan ram a ei rawn zawngtu te hian an duh duh a hlawh san a tlawn an ngaih fo loh nan hian mumal tak a khuah khirh chu an ngai tak zet.
Report this comment
May 22nd, 2011 at 5:50 pm
Labour dept. lam ten an ngaihtuah fo tawh ang em aw…ka ring chiah lo.Tan lak nan he post hi han hmang hlauh se aw…
Report this comment
May 22nd, 2011 at 6:00 pm
@lushai_er #3,
Heng thu pui fun hi kan ram kan hnam khawih tak tak thil ani a, sawi ho a khel tham tak meuh ani.
Thu ho te2 hi kan phur pui hlut a, thu tak tak ah hian kan reh leh duak si. Hawh u in sawi khawm tak tak teh ang u kan ram leh hnam dam na turin.
Report this comment
May 22nd, 2011 at 6:15 pm
A theihloh ang. Sorkarin cement mistiri hlawhtur te hi han bituk se, Silchar hovin an vauzam mai ang. Mau(bamboo) mahal Sorkarin a han tihtawpah pawh economic blockade in min vau ngam ania, kan va zuamawm em. Kan Sorkar Policy ah pawh Silchar ho hian thuneih an tum ta anih hi.
Report this comment
May 22nd, 2011 at 6:28 pm
He thuziak hi tha ka ti khawp mai. Kan rama hnathawktute hi hnam dang an ni deuh fur hlawm tlat a ni. Nakinah entin emaw kan la tuar ka ring mawle. Aizawl chhungah hian chhungkua za ah sawmkua chuangin mahni inah Television kan hung thei a, chutiangin mobile kan nei fur hlawm bawk a. Kan khawsak hi zia hmel riauin a lang. Mahse a ruk te hian kan damlo a ni. Ngaihtuah chiang teh ang u.
Tun atan chuan ‘Work Permit’ siam sak hi thil tul tak a ni. Tih theih ngei pawh a chakawm. Mahse kan harsatna hi kan hriatchian chuan Work Permit ringawt chu ho intih ve ka ring. Engtin emaw kan inzirtir angai a ni. Kan Valued System hi a dik lo. Car, Bike, Scooty leh thawmhnaw changkang in bel kan rilruk lutukna hi a hnam pumpui ang hian kan la tuar mawlh ang mawle.
Report this comment
May 22nd, 2011 at 6:34 pm
#18, Silchar khu 1920-vela a tui a lian vak khan Sub.Pakunga leh a hote khan nunau leh mipui thi tur an chhanchhuak nasa a sin aw. Assam Governor pawhin lawmmanah certificate leh Rs.100 a pe an tiin ka hria. MIzo mihuaisen thenkhat avanga dam an nih khu theihnghilh lo ang u.
Chuzawng ai chuan post hluiah pawh kan sawi nual tawh thin. British-India hnuaia Mizorama construction hna kha a thawktute chu Punjabi mistiri leh Khasi mistirite, Gurkhali labourte an ni ber a. Mahse Mizote hi thil zir chak tak kan ni a, thingzai dan te leh a deh dan kan zir thiam thuai a, Assam Type Building phei chu hnamdang mistiri tel lovin kan sak thiamna pawh a rei ta!
Chutah Bilat lei “Cement” a lo chhuak a, Aizawl lamah insaknan hmang mahse Thingtlang lamah chuan tuikhur siamnan hman hmasak ber a ni a. Thil awl deuh a kan ngaih kha, kan tifuh thei ta hlawm reng reng lova. Engineer zir chhuak an awm hma late 50s leh early 60s te chuan Rev.Zairema kha Bilat lei hmang tur chuan an rawn thin. Vawiin thleng hian Synod leh YMA te paw’n hma han la thin mahse, kan la hlawhtling lo tluang zel a ni.
Mission Veng Biakin pawh hi Muslim mistirite sak tho zuk nia. Synod hmunpui nisi, mistiri training chhuak tam tak nei tawh khan Mizo mistiri an hmang duh miah lo ??? Enge a chhan niang le ???
Report this comment
May 22nd, 2011 at 6:35 pm
He post hi ka like e
Kan sorkar chak tak (?) hian tan han la tak tak sela chuan ‘work permit system’ hi kan hman theih ngei ka ring ve tlat.
Report this comment
May 22nd, 2011 at 6:42 pm
Certificate hi a pawimawh lo pawh ti thin mah ila, pawimawhna a lo nei ve leh thin.
A bikin mistiri lam kan sawi nuala, plumbing & sanitary fittings, internal electrification-ah te hian ADA emaw, Dept. concern-te emaw in certificate an pek loh chu rawih loh tur ti thei ila chuan hma kan sawn ngei chuan a rin awm.
Kan sewerage system a la dik tawk loh avang hian dual emaw triple stack kan hman ala ngai reng hrih ang. Man-hole siam miah lova septic tank leh storm water etc.., kan paih dante hi sawi kai chhoh law law a chakawm khawp mai.
A post tupa hian rawtna tha deuh a neih ka ring.
Report this comment
May 22nd, 2011 at 6:59 pm
@ Lushai_er, Oil exploration sector ah hlei hlei te hian ania sin, kan ram ah a zawn hna an thawk mup mup reng a, manual labour kan tih ho zawng zawng deuh tho hi kan thenaawm vai hoin an thawk mek. Theih tawp a hma lak ngai.
Heng thu hi pathian thu kan sawi tam tak ai hian sawi uar ila, nunpui ila chung lam pawh a lawm ka ring zawk hial thin .
https://i.imgur.com/JWWer.jpg
Report this comment
May 22nd, 2011 at 7:13 pm
Pu Josept-a hian Article tha deuh deuh a ziak ta nual a, a bengvarthlakin, ngaihtuahna hruai thui thei tak tak te an ni hlawm.
Tuna mi pawh hi a tha. Mahse, harsa lo tak, harsa tak a ni. Mizoram chauh ni lovin, India ram pum anga kan tithei anih loh chuan a buaithlakna chin a awm thei ang. Tih theih loh chu a ni hranin a lang lo…..
Kan Dan siamtute an pawimawh khawpin a lang a. Dan siamtute finchhuahtu tur Labour & Employment Deptt. lam an pawimawh hle.
L & E Deptt. hi siamthat a, a thawktute pawh Promotion avenue awm thei zawnga an service hi kan herrem loh chuan tuna awmsate ringawt hi chu an ‘mature’ deuh tawh niin a lang. Post a stagnant avangin rilru thar pu thei tur chunglamah an awm meuh lova, chuvangin, mithar an mamawh niin a lang….
Report this comment
May 22nd, 2011 at 7:14 pm
“Hun reilote chhunga thawk duh (temporary worker) te tan “work permit” hi a awl zaw phian thin niin an sawi.”
Hei hi chu ka hriat ngailoh thil ani nangin, ni e, ziaktu ngaihtuahna khi thil tha leh awm reng niin ka hria. A dik ani, Mizoramah hian foreign workers (Out of state/Out of country) kan nei ngah ve sawt khawp mai.
Hetiang ho hi an thawk rau rau anih chuan “Temoprary Work permit” emaw siamsak chu tha ka ti tak tak a ni. Siam anih chuan awmze nei takin sawrkarah chhunluh an nei ve dawn tihna a ni mai a, a ruaitu te chauh hlawklo vin, sawrkar paw’n an zar alo zo ve dawn tihna a ni. Chu tak mai chu, “Mipui leh sawrkar kan inpuihtawnna ani,” kan ti thei ang.
Ziaktu thu khi ka tawmpui e. An tax cut sak tur zat erawh ka chhut sak thiam lemlo.
Pawimawh/tul nia ka hriat pakhat:
Kan awmna ramah hian mitin ten kan pawisa thawhchhuah atangin (Eng hnathawk pawhin, thlai zuar ang chi pawh tiam vekin)TAX hi 35% vel kan pe niin ka hria. Mahse, chung tax te chu retirement thlenga huam anih avangin private chawhhmeh zuar te hian Mizoramah sawrkar atangin tunah chuan retirement an la hmu velo. Chutiang thleng pawh chuan chhut ngun ngai tak a ni. Chutianga thlai zuar thlenga kan TAX chuan, anni pawhin retirement plan nei ve sela, sawrkar hna ngawt hi kan dap ruai kher lo tur asin.(Y)
US ah hian a tlangpuiin, entirnan, mi pakhatin kumkhatah $75,000.00 itemized deduction tello vin hlawh ta se:
1. Social Security (retirement plan) ahS 6.2% vel niin kumkhatah $4650
2. Medicare ah 1.45% niin kumkhatah $1087.50
3. Federal income tax chu $12856 ani ang.
Tichuan inlama a hawn theih zat tak chu $56,406.00 kumkhatah ani tawh ang.
Source: http://taxipay.blogspot.com/20.....icles.html
Americaa hnathawh theihna ka neih tirh ami kan phawrh ange:
http://i55.tinypic.com/34q2ruc.jpg
Report this comment
May 22nd, 2011 at 7:18 pm
vlchinzah, oil laih lakm i sawi thuak bawk a heihi kan sawi ve leh mai mai ang e.
Hmanni lawk khan tu emaw khan youtube a a video upload pakhat, Mizorama oil laihchhuahna hmuna a lak arawn post tawh kha. Khata an oil laihna ekchhia an paihna/paih dan kha awlsam lutuk tak maia Mizoram tichhe thei anih ngat kha. Tin, khatiangin mei alh chelek mai mai tur anilo, oil khur akang chhiat ahlauhawm bakah rampum tichhe thei ani tih hriat a pawimawh.
Hemi chungchang hi khami postah ngei khan oil engineer in a rawn sawi tawh kha. Keipawhin tlem a zawng emergency rescue … thil kan zirna lam atangin ka hre ve a, ka rawn telh ve zauh ani e. Fimkhur atul khawp mai, ka rawn ti nawn leh mai a ni.
Report this comment
May 22nd, 2011 at 7:39 pm
@Hv, A dik chiah, tunah khian kan ram ah khian mono=itor tu tumah kan awm lo chuvang te pawh ani mahna, Enviromental Guideline bawh chhe thak khop a, Meidum ah pawh an lo kal pui ni hengte vang hian thalaite kan thanharh angai tak zet. kan ram khi a ram leilung fate kut ah a awm loh chuan keini ram leilung fate ang tak tak in an uluk lo thin.
eng pawh hi sawi ila sawrkar nep vang bawk hi ani leh thin hui ham!!!! kan ram hi kan vei si a hmabak avan ko em
Report this comment
May 22nd, 2011 at 7:41 pm
@Hv, you tube link chu khawngaih in min lo pe teh a ka lo en ve miah lova
Report this comment
May 22nd, 2011 at 8:54 pm
Post tha hle mai.
Thahnemngaihna dik tak ani e. Ka lo ngaihtuah ve thin ani. Sawrkar hnathawk te pawn hei hi a tul zia an hria in, hotu lu te pawn an ngaihtuah ve fo thin ang. Engatinge an tih loh? A chhan chu a buaithlak an rin vang ani mai! Ti rawh se, a buaithlak loh in a fel thlap mai ang. Zoram ven himna kawngah pawh a pawimawh khawp mai.
A vantlang mipuite pawh hian tih tur kan nei ve. In hnuai, engilo kaw tereuhte ah an awm duh tho tih vangin kan pawng luah tir a, duh zat zat an awm te pawh hi thlir chian nise. Vai ho rawn inhlawhna pawisa hi tih luih ni lem lo a, kan laklet thiam ve angai.
Report this comment
May 22nd, 2011 at 9:07 pm
P
Report this comment
May 22nd, 2011 at 9:14 pm
Good post! Hnathawh i uar thar ang u, zoram thalai te hian, hei hi kan ram leh hman dam na tur a ni e. Hla zir , drama, fellowship etc te hmang hian ram ropui kan din dawm lo.
Report this comment
May 22nd, 2011 at 9:35 pm
Thu tha pawimawh tih puitlin theih loh a nih hmel Mizoram tan chuan.
Certificate te pawh lo pe chhuak ta pawh niseng a lem an hum leh fur mai ang.
Randangmi chu sawi loh a ramneitu te kut hnathawktu hlawh pawh dan mumal awmlohna ramah engtin vak ram pawnmi chung thu an rel hi a beisei awm loh
Subject tha tak tak a thlawn a luang ral mai tur te hi keini Misual ho hian lo duh thu sam vak vak mai bak eng ruai a chang leh lo tur hi a pamhnai ve le.
Report this comment
May 22nd, 2011 at 9:47 pm
vlchinzah: Hei hlauhawm lutuk chu. Video a la ho chetdan hi a hlauhawm a, oil laitu ten a ekchhia an paih dan khi Mizoram leilung kumkhua atana tichhe thei a ni bawk.
Comment #35 kha hriat ngei tur ani ang, a dang pawh
https://misual.life/2011/03/.....lawh-ve-a/
Report this comment
May 22nd, 2011 at 9:58 pm
Pi pu te hun atang khan ‘faisa rin’ hi kan vanram thlak hlehna a ni tawh a, a buaithlak khawp mai.
Report this comment
May 22nd, 2011 at 9:59 pm
maawma leh midang te #25 khi enge in ngaihdan?
Report this comment
May 22nd, 2011 at 10:32 pm
Zoram chhunga kan ai-awh (kan Ambassador)te khan hma la teh u. Misual ho kha in tel khawm ula, ram hruaitu te luh chilh ula…Ram pawn atangin kan lo dawm ang che u…more than a word….NOW
Report this comment
May 22nd, 2011 at 10:38 pm
@HV #25 chu Temporary Work permit emaw a Work permit system chu hman theih ni se chuan a tha thlawt ka ti, mahse dan mumal tak tlawh chhan a siam a nih loh chuan buaina tam tak kan ram thenawm hnena atangin a cho chhuak thei khawp ang.
Tax chungchang ah chuan a nawl pui in a Tax (Sales leh Service) pek luh tur chu kan la zo lo nasa lutuk tlat, kan economy hian a la phak lo em a ni. Tuna Sumdawng in Branded Goods ah bik VAT an pek hi kan la zoh tawk vel chauh rih a ni. Tunah pawh sorkar hnathawk in hlawh thla thum chhung te an lak loh chuan sumdawnna zawng zawng, retail business, chawhmeh bazar, Hawker thleng in inhralhna a tla hniam nghal ringawt zel, nitina indap chawp tak meuh meuh hi kan la tam lutuk. Khatih lai kara Service tax lo pek chu a la hun lo lutuk ka ti ve mai mai
Report this comment
May 22nd, 2011 at 10:40 pm
Post tha hle mai. Ngaihtuahna a khawih tak zet e. ka pa ka lo sawipui dawn nia.Hairehai.
Report this comment
May 22nd, 2011 at 11:14 pm
Work permit tiha kan mitthla ho deuhte hi chu an hlawh a hniam a, bakah an hnathawhte permanent ani lo a. Tax pawngpaw lak theih a ni lo.
Work permit zawk atang khan proper identification awmthei zawk kha a pawimawh a, Eng category nge? Skilled nge unskilled?, validity of the permit..etc.. Certificate ti lo in Card ni mai se. Englaipawh a show theih tur ang chi hi!
Report this comment
May 22nd, 2011 at 11:52 pm
He thil chu kalo ngaihtuah ngai miahloh ani. A tha nge thalo tih lam hi ngaihtuah dawn ta ila, he article ina a ngaihtuah aia tam fe hi ngaihtuah zui tur awmin ka hria.
A ziaktu ina a duh ang opposite deuh hian kan mizo puite phaia awm hian work permit te lak ngaiin, nitina an inhlawh chawp baka sawrkara chhun luh ngai ta sela, Racism ti a au au tur kan ni maithei.
Hetiang hi hma kan sawn phah teh ual natur ah ka ngai lo keichuan. ILP tena min hum chung chungin keimahni diklo vangin permit neilo kan chaw lut vak thova. Rawn lut lo ta sela a buai tur tur kan ni tho bawk a. Vai mistiri tepawh nise, milian hovin an in sa tura an duh miau chuan ILP lam a nilo, demand a san miau chuan tih lam hi a pawimawh in ka hria.
Hmanni khan veng pakhat YMA chuan vai hnathawk ho an ko khawma an hlawh a tih hniam sak (fixed sak) ve ringawt. Chutih laiin Mizo mistiri lamin an hlawh an ti sang vak a, YMA in an respond ngamlo nge… Vai mistiri ho an luck sawt anga mizo mistiri hlawh sang ho khan hnathawh natur an hmuh leh siloh chuan an ho der mai dawn ni. Lolz
Report this comment
May 22nd, 2011 at 11:56 pm
India rama state pakhat ve mai ah pawh mipuite thatchhiat na pawl tak leh state rethei pawl tak hian, ram (country) ah pawh US te ang emaw kan inti thin emawni aw…
Hma kan sawn chaklohna avanga India sawrkar pawh ina min ngaih hna thiam thinna hi racist na lama pawr phah nan kan hmang em mawni chu le.
Report this comment
May 23rd, 2011 at 12:08 am
Funny, a awmzia zawk chu minority kan nih vang hian invenna thuah hnih/thuahthum kan neih a tul a. Bak ah non-tribal te danna kawng chikhat ani ve dawn a. Ka awmna ah hian kum tin 150 euro chawi a in Police card renewal tih ziah a ngai. Hei hi foreingerte tih ngei ngei ngai ani. Hetiang tho hi non-tribalte kan treat dan tur ani. Central government hnuaia thawk pawh nise ‘residence permit’ nei se, kha an renew ngei ngei ngai ta se. Fee chawi ngei ngei ni bawk se.
Non-permanent worker, entirnan mistiri kan tih ho te pawh hian ‘card’ mumal takin nei se. A thar te phei chu ‘highly bureucratic procedure’ ngeiin siam lui bawk ila…dil peihawm loh rawih rawih khawpin ti complicate ta ila..
Tichuan, keimahni zing ngeiah pawh kan ti zel ang a, IT lo sang nen, thil harsa a awm lo in ka hria..
Report this comment
May 23rd, 2011 at 12:27 am
maawma #37
Report this comment
May 23rd, 2011 at 3:45 am
Report this comment
May 23rd, 2011 at 9:57 am
@funny, Ti zawng hian han ngaihtuah ve chhin teh?
Kan Mizo te hi kan la tlem em avangin hmasawnna chi hrang hrang lokal atam bawk si avangin a thawk tu tur mihring kan mamawh hnem sia,Keini a ram leilung nei te lah kan la tlem in thalai piangsual lah kan tam ta tulh tulh si a(A bikin Aizawl ah). Heng a chunga unskilled labour, semi, skilled labour etc hrang hrang hi ram dang kan then awm vel a kan chah luh ala ngaih dawn reng avangin kan tih theih chhun khuah khirh na dan kan ngaihtuah chu angai in ka hria.
Racist lam thil ah pawh ka lo ngai lem lo kei chuan. Thil har tak chu ani ang mahse rawtna tha tak ani e.
Report this comment
May 23rd, 2011 at 11:41 am
He post chu a zau thei ang ber a puanzar a va tha ve.
Report this comment