Tunah tak hian kei misual hian ‘post’ tur ka ngaihtuah a; ka hre lo. Ruah lah chu a sûr buan buan a, nihliap pawh khum lovin kawtkai maia ka thawmhnaw pho ka hrechhuak thut a, ka va seng a, ka huh phung mai lehnghal. Mahse, ka hul tak zet; engmah ‘post’ tur ka hre chuang lo. Hmeichhe thi hul ai paw’n ka hul zawk a, vahchap ai paw’n ka ro zawk. Thu ho mai mai ‘post’ tur tal pawh ka hre lo. Ka hre lo, ka hre lo takzet a ni.
Ka ngaihtuahna pawh a khawro tulh tulh anih hi. Ka hnar bulah hian i lighter kha rawn hmet têk zeuh la, a alh hluau thei hial ang. Ka nunhlui ngaihtuah kirin chumi atang chuan ‘post’ tur a awm khiahlo maw tiin ka thluak chu chhawr ka’n tum a. Hnap tla pèr pûr chunga School kawtzawla kan in um kawi zawk zawk lai te chu ka hre chhuak, mahse, han ‘post’ atan ka iai deuh si.
Ka rawlthar tirh lai vel ka hre chhuak leh. Kan mikhual nula rim, kan lêng rei lutuk, in neitunuin, “Haw tawh mai r’u” min tih thu te hi ka ‘post’ mai dawn em niang aw? ka ti leh a. Ho ka ti si. Anih Lalramhluni rim tuma kan kal, a u in, “In lo lêng dawn tih kan hria a, lehkha zir turin pindanah kan awm tir daih” min tih thu te kha. Hei pawh hi a la nêp tho.
Kan School kal lai bawk chu ka hre chhuak leh a. Darthlalang te reuhte kan pai a, hmeichhe kekawrte hak kan en ruk thin laite kha ka ‘post’ mai dawn em ni aw ka ti leh a. Hei hi chu a chìbî(sexy) tlat, post atan êm chuan a zahthlak ka ti bawk si.
Anih ka thianpa’n ka ‘love letter’ ziah a lakchhawn(copy)-ah, ka ziah ang chiah chiaha a ziah vangin a tawpa ama hming ziahna turah ka hming a lo ziak a. A bialnu nen kan inngaihzawn phah tak daih thu te kha ka ‘post’ mai dawn em niang aw? Hei hi chu a mimal thil êm mai. Mobilephone hian ‘love letter’ hlutna leh tangkaina zawng zawng a rapbet vek tawh bawk si.
Aw… Ka misualpui duh takte u, tun tumah hian eng lam hawi mai han ‘post’ tur ka hre mai si lo. Ka kiangah hian ‘aduhi’ te, ‘roseparvuli’ te emaw, anni ang nula tituai nalh deuhte chu han awm se la; ‘Tuaisiala’ thu leh hla mak sak deuh deuh, mi ‘post’ ngai loh a ‘post’ nulh nulh ang chi hi min hrilh nual theihte ka ring rum rum hial a ni. Ni e, ‘post’ tur ka hre thlâwt si lo.
Similar Posts:
- Thaikawi Palai te kha
- Tum miau chuan kawng a lo awm ve zel anih hmel.
- Keini Ve Zawng
- Delhi ah Mizo nula pistol hmangin kidnap a ni.
- In dam tlang em?
dik khawp mai
May 22nd, 2011 at 6:03 pm
Chh1ar 1la!!!!!!
Report this comment
May 22nd, 2011 at 6:08 pm
Keini theihtawpin kan inngaihtuah a thla ruk dan velah post fahrah tak pakhat te kan puitlin ve hram thin laia thenkhatin post tur an hriat loh thu ringawt ngaihnawm taka an post thei hi chu Pathian laka vui mai palh a awl dawn alawm mawle.
Report this comment
May 22nd, 2011 at 6:09 pm
post tur hre lo chuan i va post hnem si ve aaa!
Report this comment
May 22nd, 2011 at 6:13 pm
post tur hre lo poh ngaihnom tho………..
Report this comment
May 22nd, 2011 at 6:14 pm
han chhiar dawn chhin teh ang.chhiar zawhah comment pe ila
Report this comment
May 22nd, 2011 at 6:17 pm
I hriat khawp hi le…,,
Report this comment
May 22nd, 2011 at 6:24 pm
Ho deuh anga lang, chhiar nuam tak si a ni e !
A dang pawh han ti zel teh.
Report this comment
May 22nd, 2011 at 6:32 pm
Breaking News
Inlo hre tawh em, inlo sawi daih tawh zawk nge ni?
Tukin (May22) Chawlhni zing dar 5 vel khan Hnahlan Bazar Bus Mz-04/2686 (Taia&Sons) mi 3 chuanna chu Champhai leh Tuipui inkar Chhungtebawk dai Km1 velah a chesuala a hmunah Pu Chuaukunga Kum 58, Hnahlan khua chu a boral. Driver Mazualtean hliam navaklo a tuara, Bus Conductor Champhai damdawiinah admit a ni. Bus hi kawngthlangah metre 200 vel a luma, a chhe hneh hle. Bus hi Aizawl Workshop-ah an siamtira, an siam zo hlim Hnahlan pana an hawng chho chu an chesual ta niin thudawnna chuan a sawi. He Bazar bus hi Pu Laltuma Hnahlan ta a ni.
Source: ka kid
Report this comment
May 22nd, 2011 at 6:32 pm
Kan school lai chuan naupang kan tam lutuk, ‘kan hneh lovang’ zirtirtu ten an ti thin a. Tunah chuan zirlai an va tlem ta em! sawrkar school, Primary leh Middle ah te hian. English Mediuam Shool te ai chuan ti tha tawh zawk tur an ni tlatin ka hria.
Report this comment
May 22nd, 2011 at 6:33 pm
post tur i hriat hunah phei chuan. . . . van rapthlak awm! hre lo chung pawh he ti hi nia(h)
Report this comment
May 22nd, 2011 at 6:47 pm
Post tupa chu, chithak pai i hrat hmel, praimary school i kal laiin chhang don nuam i tih hmel, laikap i hmuhin i lai chil i hnawm zoh duh hmel, chawngkawr posi poh thiam hrim hrim ang.
Report this comment
May 22nd, 2011 at 6:52 pm
Thu i thiam khawpin ka hria, post tur i hre lo ni lovin, engber nge ka post ang tihah i rilru a inkhap zawk chauh a nih hi. Rawn chhimthal bekang puah ve thawr thawr mai rawh
Report this comment
May 22nd, 2011 at 6:52 pm
kawmen dan tur ka hre thlawt lo
Report this comment
May 22nd, 2011 at 7:33 pm
School kal lai a mi ang hi kan naupan lai pawn han ti ve khang lang ila heng tactic then khat hi chu ka hre ve hman chiang mai…mahse a then chu a chi loh ve thei khawp mai…phur tak a kal kha ngui taka tap pur a haw chang te a awm ve tho heehee
mahse hnahlan bazar bus chu a va zia lo ve aw
Report this comment
May 22nd, 2011 at 8:12 pm
tha lutuk alawm
Report this comment
May 22nd, 2011 at 8:24 pm
Report this comment
May 22nd, 2011 at 8:27 pm
Talent inei tih ahriat theih e. i talent tipung zel turin duhsakna ka hlan a che. Breaking news dang: Mizoram Cabinet meeting in ADC direct funding an hnawl ani awm e. Central lam thuchhuak hi an lo hnawl thei em ni? A hrechiang deuh khan han sawi zau deuh teh u. Enge in ngaihdan ni reng reng le?
Report this comment
May 22nd, 2011 at 9:00 pm
Bus chesual chu a van zialo em. Boral ta pu Chhuaukunga hi vineyard nei ho pawl pakhat a an president a nia, hmalakna tur tam tak kan sawi lai in min boral san ta mai a, ka ui khawp mai. RIP
Report this comment
May 22nd, 2011 at 9:08 pm
Post tur hre lo hian a post tha a nih hi maw le….. Post tur hriat loh pawha hetiang post thei chu post tur hriat hun ah phei chuan a hit khawp ang chu………….
Post tupa i ti tha e……
pangpar ka pe bawk che 
Thingpui ka’n lum ang che….
Report this comment
May 22nd, 2011 at 9:22 pm
#19. I va siam zo har ve. Chawlhtui ningzu ai paw’n thingpui hi a lem a nuam ka ti zawk daih a nia.
Report this comment
May 22nd, 2011 at 9:24 pm
#19. Pangpar chu ‘rose par sen’ ngêi aw.
Report this comment
May 22nd, 2011 at 9:29 pm
He post kalphung ka han zirchian neuh neuh hian han comment dan tur pawh ka hre lo hle mai. A post chhungah hian Tuklo chhum zin hnan ang maiin ka hawi kual vel mai mai a, han chhan tur ber lah chu thla mang laia arpui dum awm lo lehnghal zawn ang maiin a vang em em mai bawk si. ‘He lai thu tak hi han kalh deuh rap teh ang’ tih rilru pu chunga chhiar pawhin Bui lung tawk ang mai ka ni lawi si. Hnial hratna hi ngaihtuahna hmang zau chhinchhiahna ni ta se, chumi dinhmun chu luah tumin bei mah ila hnialna tur hre lovin ka Takam chem bo din ve mai mai chu a ni lawi si a. Zanina zaithiam lar leh hmelthate nen zanriah kan kilho thu sawi ta ila, OT min ti dawn bawk si. Huiha!!! Comment dan tur ka hre ngang lo a ni, Lalhulchiangi pa ka hul!
Report this comment
May 22nd, 2011 at 9:39 pm
21 rose par sen ngei chu a ril ania
Report this comment
May 22nd, 2011 at 10:03 pm
Thla hnih chhung a kan inpuahchah ve na zawng zawng ai pawn a khamawmloh zawk alawm le.
Report this comment
May 22nd, 2011 at 10:07 pm
#22 Comment tuihnâng ngah tak i rawn thehchhuak hian i hul lohzia a tilang a ni lo’m ni? Kei, veng kilkhawra tlangval satliah ve mai hian ka khai hil leh búl dawn asin zaninah pawh hian!
#23 Nang hian rose pâr, kuang sawm min pe zawk mai la.
Report this comment
May 22nd, 2011 at 10:15 pm
Tantalizing and thrilling, deliberately covering up more than your readers expect. Thanks, you are not my confidant! You know how to captivate your readers, including me. Thanks, you are an ace writer.
Report this comment
May 22nd, 2011 at 10:17 pm
#11 Rumtea, ka School kal ve laia ‘ka tih duh hmèl’ i tih zawng zawngte khi ngun taka ka ngaihtuah hnu in; sáw tah, sáw tah, Chhimphei tlangdunga khaw pakhat ‘Mualkhawpui’ a zirtirtu pakhat, naupangte’n a dul an chûl an chûl sak thin ka thianpa Olgo-a tih vek a lo nia lawm le!!!
Report this comment
May 22nd, 2011 at 10:21 pm
Post tur i hriat hun chuan a thra om mange ooo, i hre lo chung pohin hetiang hi ania le
Report this comment
May 22nd, 2011 at 10:30 pm
Darthlalang a hmeichhe kekawrte en a, a hnu a chhaih leh vel khi i sawi tha ltk… zahmawh rawng kai ci lo, nuih ver2 na chi a ny ka lawm xong tak a ni..
Report this comment
May 22nd, 2011 at 10:37 pm
Han comment dan tur ka hre thlawt lo a ni ber e.Engtin nge aw ka comment ang tiin kan in ngaihtuah ngial a,ka rilru chuan sawi tur a van hle mai,mahse comment ve ngei ka duh bawk sia. A post tupa anga thu thiam ve deuh,post tur hre hlawl lo,mahse keinin kumpui lingleta post tur kan ngaihtuah chhuah zawh loh laia,heti zat ziak thei lawi si ang te hi ni ve ila chu eng emaw talin comment dan dan pawh kan hre ve mahna.
Mahse comment dan tur ka hre thlawt lo a ni e
Report this comment
May 22nd, 2011 at 10:45 pm
Post tur hre miah lo chung pawhin sei tak ziak tur i la hre tho hi a mak ka ti.
Report this comment
May 22nd, 2011 at 11:03 pm
Report this comment
May 22nd, 2011 at 11:22 pm
post tur i hriatloh chuan rawn post lo mai la, post tur i hriat vanga post i ni zawk lawm ni.
Report this comment
May 22nd, 2011 at 11:41 pm
Tluanga post tur hriat lohna thu ringawt pawh ngaihnawm a tling e. I post taka chu bo chuang si lovin thawnthu a nei tho si. Post-a i ziah thenkhat ang khi middle school velah kan hrât thîn nasa!
Report this comment
May 22nd, 2011 at 11:55 pm
Takzet chuan! Ka chetchhiatna hrilh che ila han ziak chhawng leh la, ka nui hlum thei hialin ka ring!
Report this comment
May 23rd, 2011 at 12:05 am
Ti daih ila electronics thiam ho khan circuit chungchang hi a bulthut atangin han tlangaupui ve teh un..
Report this comment
May 23rd, 2011 at 1:04 am
OT lawk (mood tlat)
Nu ber : Sawi lawk loin nga tinge kar 1 i rawn kal loh???
Awmpui nu : Ka zin a……FB ah ka status ka update kha…. a pu pawn ‘MISS U’ a rawn tih kha…. — Aldrin (Lawyer)
Report this comment
May 23rd, 2011 at 2:20 am
Post tur chu i hriat khawp hi…ziah zuah mai…
Report this comment
May 23rd, 2011 at 2:26 am
Hetiang a nih chuan post tur hrelovin awm reng la a tha ang. I hul zar zo ka nuam ngei e…
Report this comment
May 23rd, 2011 at 3:30 am
Report this comment
May 23rd, 2011 at 6:41 am
Paragraph tawp ber dawttu khi a!! A va hit dawn ve le
Report this comment
May 23rd, 2011 at 7:33 am
@HV: Aw Lalpa LEHH!
Report this comment
May 23rd, 2011 at 7:42 am
Post tur i hre zuah2 khawp alawm le..hre lo ho chu, kan hawihil reng ania..:)
Report this comment
May 23rd, 2011 at 8:27 am
kei pawh post tunlai tur ka va han van tak em. Hui ha. Ka hriat loh aiah eng emaw mai mai ka han fawm khawm ve teh ang. (For your eyes only…)
Report this comment
May 23rd, 2011 at 8:14 pm
Tluanga hian email atangin min vau a, a post ah ka comment ngam tawh lo.
Report this comment