mi(sual).com

Vawiin, Thawhlehni, May ni 24 hi, tun kum 50 kal ta chhung a Pop/Rock music a hming lang sar ber leh thawhhlawk ber a ngaih Robert Allen Zimmerman (Bob Dylan) a kum 70 tlinna pian champha a lo ni ta reng mai. He musician turu tak mai hi misual.com hian a kum 70 na piancham hi kan lawm pui ve ngei tul tlat in ka hria a, he post hi kim chang lo takin ka han siam ve a ni e.

Bob Dylan hian kum 1961 atanga American folk song thlawh lar tu ber ni in, a zai tirh chuan mi dang phhuah, a hun lai a hla lar te sa in hming an chher phawt a. Ti chuan, a ma hla ngei phhuah chho tan in music genre hrang hrang, folk, blues, country, rockabilly, gospel, rock & roll leh jazz thleng in hla nalh leh tha a phhuah/sa hnem hle.

Mizo zingah hian he pa music duh kan tam teh reng nen hian a hla te han vah vaih pui musician hi kan nei meuh lo a ni awm e. Ka hriat ah chuan Vala (Hmingthanfala) leh Mea (Thanliana) te kha an ni deuh mai awm e. Shillong a ngaih awm khawp mai. Ace of Spades (Lou Majaw, Arjun Sen, Lew Hilt leh Nandon Bagchi) ten kum tin in Bob Dylan birthday concert hi an nei thei tlat. Tun kum pawh, Lou hian lian tham fe in organize leh a tum kha.

Bon Dylan hian music a tui em avangin College a zirlai bansan in 1961 khan a guitar nen New York khawpui a rawn lut ve chawr mai a. A musician ngaihsan em em mai, folk singer Woodie Guthrie rawn hmu in hmanlai folk song te hmun hrang hrang ah perform in a hming a chher tan a.

Kum 1962 khan a Juda hming Robert Zimmerman chu Bob Dylan ti in a thlak a, zai contract fel tak a sign ta bawk a. Hla thu tha leh a dang lam tak tak a phhuah chhuak ta zut zut mai a, a hun lai a popular music zia rang leh mi nalh tih zawng te pawh Dylan a hla ho hian a rawn ti dang lam ta vek mai a. A zai aw, dang lam tak, hnar zai deuh te pawh chu mi duh zawng tak a lo ni zo ta a.

A hla tha leh lar zual, Blowin’ the Wind, Don’t Think Twice, it’s Alright, Lay Lady Lay, The Times They are-a-changing, Like a Rolling Stone, Just Like a Woman, All Along the Watchtower, I Shall Be Released, Blowin’ in the Wind te kha 60’s a a phhuah te an ni hlawm. Bob Dylan hian album 60 chuang leh singles engemaw zat release a nei. Tun thleng hian a la tour ta zak zak a, 1998 atang a in tan « Never Ending Tour » hi a chawl lai lawk rih a, June thla atangin, Europe lamah a chhun zawm leh ang.

A hla kei ni ho pawh in a kan hriat lar zual ho tlem te chauh in bel chiang chin teh ang.

1. Knockin’ on Heaven’s Door: Hei hi 1973 a cowboy film lar tak Pat Garret and Billy the Kid film a tan a a phhuah a ni a, a ma sak ai mahin kei ni chuan Eric Clapton leh Guns & Roses sak te hi kan hre lar awm e. Sa vetu dang an tam ngiang mai, Bon Jovi, Pink Floyd, U2, Lynyrd Skynyrd, Mark Knofler, Bruce Springteen, Nazareth, an tam lutuk sawi sen a ni lo.

2. Blowin’ in the Wind: A protest hla ho zing a lar ber a ni awm e, Primary school a tang in college thleng a a hla thu lo zir tawk an awm. Mi mal tak a ka duh ber album The Freewheelin (1963)-ah khan a release hmasa ber a, a sa lar hmasa tu chu Peter, Paul and Mary te kha an ni. Dylan a hian he hla hi minute 10 chhungin a phuah fel der a ni awm e. Biak in thleng a sak hlawh a ni.
3. The Times They are A- Changing: Hei hi chu misual.com ah pawh hian kan thlawh lar viauin ka hria, a lyrics hi thalai hriat thiam chi leh duh chi, a lar tirh atang a tun thleng a, nu leh pa te beih letna ber a an hman a ni awm e. “ Come mothers and fathers throughout the land and don’t criticize what you can’t understand, your sons and your daughters are beyond your command, your old road is rapidly agin’ in tih chuah chuah kha.

4. Like a Rollin’ Stone: He hla hi ka favourite. Nula pakhat a deuh sawhna hla, 1965 a phuah a ni awm e. Minute 6 chuang zet a rei a nih avang hian a hun lai a music ngaih thlakna ber radio station te khan min an ning ang tih an hlau vel, mahse, USA chart ah khan number one a ni chho zawk, khawvel pum pui ah a darh nghal chuai bawk. He hla hi chu, poem ropui tak chu a ni khawp mai. Chuan, he nula hi “Once upon a time you dressed so fine” ti in an chhai phawt a, chutah “Now you don’t talk so loud, Now you don’t seem so proud” an ti a, a tawp ah phei chuan “When you ain’t got nothing, you got nothing to lose” a ti ta a nih kha.

A thunawn “How does it feel, To be on your own, With no direction home” tih vel te kha aw ! college kal lai, mood fuh deuh lai in kan han phuah bel ve ngei thin a nih kha, ha ha ! Danglam ta reng reng, acoustic tingtang hmang thin khan, electric in an thlak vel, a fan ten an sawisel, engahmah a ngai duh lo. Tin, he hla hi ka fave Jimi Hendrix a hla chuam a ni ve tlat bawk.

5. Mr Tambourine Man: He hla hi a melodic, kei tak ngial pawn College Week-ah ka’n thlawh ve ngial kha. Concert for Bangladesh ah khan a sa a, a film ah khan an paih daih thung.

6. If Not For you. Hei hi chu a nu deuh tlat, Olivia Newton John in nalh mang khengin a thlawh kha. If not for you, Winter would have no spring, Couldn’t hear the robin sing, I just wouldn’t have a clue, Anyway it wouldn’t ring true, If not for you. Tunlai, kan thangthar English literature zir ho phuah ni awm tak a ni.

7. Just Like a Woman : He hla pawh hi a melodic lutuk em aw? accaustic guitar leh piano ri a nalh khawp mai. Kum 1965 a, a hun lai a a darling leh a mah tluk zet a , musician ropui Joan Baez tan a a phuah a ni an ti. Joan Baez hi Bob Dylan ai a lar hmasa, a hla sa lar tu pakhat a ni.

8. Forever Young : He hla hi, a thian nu Joan Baez in nalh lutuk a a sak a vang hi nge ni, Joan Baez i tan a phuah a lawm an ti chawk mai. Mahse a ni lo. Pa in a fa tan a duhsakna a hlanna hla a ni a, a fapa Jakob Dylan (Rock group lar tak The Wallflower singer) kum 5 mi a nih lai a, a pual a Dylan a phuah a ni awm e. A then in a fapa upa ber Jesse a tan a phuah ti an awm bawk.
9. A Hard Rain’s A-Gonna Fall’ : Kum 1962 a phuah he hla hi a album pahnihna The Freewheelin’ Bob Dylan albumah khan a tel.

10. I shall Be Released: Kei ni hovin kan hriat lar chu, The Band ho version kha a ni awm e. He hla ah hian Robbie Roberson a guitar licks a nalh thei hle.

11. Gotta Serve Somebody: Bob Dylan kha 1978-79 khan juda hnam a tang a in let in a piang thar a Christian album tha tak pahnih, Slow Train Coming (Mark Knofler an guitar a perh sak) leh Saved te kha a release a, a pianthar hla ah chuan Gotta Serve somebody hi a lang sar leh hlawh tling zual a ni. Top chart rawn hawl in, Grammy Award (Best Rock Vocal) a dawng. Dylan a Grammy dawn hmasa ber a ni. He tih lai vel hian, Dylan hian a concert-ah pathian thu tawi a sawi thin.

Musician ang a a hlawhtlinna kan chhut dan tur chu, record album 60 chuang a siam a singles 60 dawn a nei bawk. Music awards hi chhiar sen loh tak tak a dawng tawh a, Grammy award ringawt pawh sawm chuang a dawng tawh. Khawvel a music magazine tha ber a ngaih The Rolling Stone magazine-ah hian a cover ah vawi 15 zet a chuang tawh a ni.

A hla te hi khawvel zai thiam kei ka ni in ti chin hi chuan an perform deuh vek tawh ti ila, kan daw tam pui awm lo ve. Vawin a pian cham kum 70 a tlin ni hian khawvel hmun hrang hrang ah lawm dan tur an plan a, amah tak Bob Dylan hi chuan, mi cool tih takah eng programme mah a siam hran lo a ni awm e.

Similar Posts:

• Bob Dylan- A Pianthar Lai Hlate.
• Bob Dylan says modern music is worthless
• Bob Dylan NJ ah a chechhia!
• Happy Birthday Bob Dylan
• Playing For Change

Recent Posts:

• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!
• PI ZIRI A CHING EM NI?
• ENGVANGIN NGE CHAKMA TE HI AN RAM AȚANGA TLANCHHIA IN MIZORAMAH AN RAWN PUN LUAI NA CHHAN HI.

This entry was posted on Tuesday, May 24th, 2011 at 3:00 pm and is filed under Music and lyrics, Poetry. You can follow any responses to this entry through the RSS 2.0 feed. You can leave a response, or trackback from your own site.