1.Chhan leh vang awm lovin Mizoten rannung leh ramsate an ti hlum ngai lo.
2.Chinrâng leh Thizil bu tihchhiat sak an duh lo.
3.Ei la tling lo, a note an mante chu an chhuah leh mai thin.
4.Hauhuk an tih hlum dawn pawhin ‘Engah nge tuikhur hnar i tih bawlhhlawh’ ti talin chhuanlam an siam thin.
5.Laiking an thah dawn pawhin ‘Laiking thi hnu tho leh thei, Mihring thi hnu tho leh thei lo i ti vei maw’ an ti thin.
6.Lên sîn lutuk hmanga Lenden an khap thin.
7.Lui dung nungchate hi an dim dawi hle a, a puitling chin chauh an man thin.
8.Nungchate chunga ngilnei lo mi chu an hmuingil ngai lo.
9.Pasalthate chuan ramsa nu an tihlum duh ngai lo.
10.Ramsain no an neih lai chuan tihhlum an inkhap thin.
11.Ramsa leh Sava, Luidung sa chi hrang hrangte hi an roh thiam hle, a pawng a takin an tihlum duh ngai lo. An tihhlum dawn chuan chhuanlam engemaw tal an siam thin.
12.Ramsa vâng chi tihlum an awm chuan “ A chi thlah atan i zuah loh” an ti thin.
13.Sahuai sawi sak leh tihhlum phei chu thiang lo hialah an ngai.
14.Sakei, Chinghnia leh Sanghar te hi an ranvulh seh sak thintu an nih avangin an tihlum thin.
15.Savate hi an bu neih laiin an tihlum ngai lo.
16.Saza hi an kap duh ngai lo, Saza kah chu kut a chawl duh.
17.Tumpâng khawfang tihhlum an duh lo.
18.Vamur leh Vabak no lak an duh lo.
19.Vapual/Kawlhawk-nu bu awp, a pain a chawm lai phei chu an tihlum ngai lo. Tih hlum chu thiang lovah an ngai.
20.Zâwng, Sanghal leh Savawm te hi thlawhhma tihchhiat sak tuah ngaiin an tihlum thin.
[ Source: Mizoram General Knowledge.3rd edition.]
May 24th, 2011 at 5:03 am
Comment hma in chhiar phawt ang.
Report this comment
May 24th, 2011 at 5:34 am
Hriatloh ka nei nual mai.
Report this comment
May 24th, 2011 at 5:54 am
Sanghar leh mu/mute anthah chang chuan veng velah buhfai naupang ho vin ankhawn thin.
Report this comment
May 24th, 2011 at 6:16 am
ka hriat loh atam zawk,ka hriat ve chhun chu Bui kua hnawh chu beng a chet duh an ti.an ran vulhte nghal hle mah se,kaihzatha chhah sak a thiang lo,malsawmna dawn lohna an ti.
Report this comment
May 24th, 2011 at 6:23 am
A bengvarthlak leh ta. Ka hriat ve pakhat: laiking sawisak chu tekin a deng duh an ti thin
Report this comment
May 24th, 2011 at 6:33 am
Pipute chauh ni lovin tunlai mite pawh hi rannung chungah hian ngilnei ila a tha khawp mai.
Kan naupan laia ka thiante kha chu rannung chungah an ngilnei lem lo. Laiking veh nileng thak thak peih te kha an nia ! Sava lah thlawkthei tawh phawt chu phengphehlep tiat lek pawh perhthlak tuma veh veh peih an ni bawk ! Kei erawh ka vannei letling; ka ngilneih vang ni lovin hetiang lampang hi ka til thenna lam a nih loh vangin rannung/sava ka that meuh lo. Kan lo puitlinga rannung/sava tul lova thah a tul lem lo tih kan rawn hre chhunzawm ta bawk a, chhungkaw eitur ar takngial pawh hi ka talh hreh ta khawp mai. Ka lo tuai ru deuh zawk emaw ni…
Report this comment
May 24th, 2011 at 6:52 am
*Rulngan bu awp lai phei chu hnaih tak ngial pawh an hnaih ngai lo..
*Ram lama thangchhuah turin, pasaltha, sa kap thei ni turin nu leh pa ten an fapa te mal an sawm thin..
Report this comment
May 24th, 2011 at 6:52 am
*Rulngan bu awp lai phei chu hnaih tak ngial pawh an hnaih ngai lo..ha2
*Ram lama thangchhuah turin, pasaltha, sa kap thei ni turin nu leh pa ten an fapa te mal an sawm thin..
Report this comment
May 24th, 2011 at 7:05 am
Khitiang khi zawm tha leh ta i la, a tha ngawt ang. ASEP ho chuan an office bangah an tar em le?
Report this comment
May 24th, 2011 at 7:07 am
Ransa humhalh lamah hma kan sawn hle tawh emaw ka ti a. Mahse pa leh tlangval ransa kap hlumtu nih leh sa ei duh an la tam lutuk. Padma Shri chawmawina dawngtu ngatin “Mizoramah rulngan kan mamawh lo” a tih kha.
Report this comment
May 24th, 2011 at 7:16 am
#6-na Len sin hman chungchang hi a tunhnu deuh ang em? Mizo thawnthu-ah hian len an hmanna hi ka ngaihtuah chhuak zo mang tlat lo. Ngawi dawh leh Sangha vuak erawh chu a lang zing viau thung.
Pipute thurochhiah ho hi zawm theih a tha khawp mai. Puithuna a ni hran lova, nunphung tha zawk inzirtirna a ni. Thiang lo tih hi an nei nuala, a tam zawk hi chu puithuna lam aiin nundan tha inzirtirna lam a ni zawk. ‘Uire inpuang lo chu Sakeiin a seh duh’ an ti hi an fing ka ti, lawng sulhnu leh pa sulhnu a hriat tawh si lova, an inpuan chauh lo chuan hriat a har a ni.
Report this comment
May 24th, 2011 at 7:26 am
OT…Pu Muante, “kei erawh ka vannei letling” tih hi LETLING ti lovin LEHLING tih zawk tur a ni em? Ka confused tlat mai…khawngaihin min hrilh thei em?
Report this comment
May 24th, 2011 at 7:34 am
An va han entawn tlak tak em.
Thangthar ten tan kan lak angai 
Report this comment
May 24th, 2011 at 7:46 am
@Bawngtlaia, letling tih modified form chu lehlin a ni a, chuvang chuan ‘ka vannei letling’ tih zawk tur a ni. Modified form anga kan hmang dawn a nih chuan ‘ing’ hi hmang lo ila, ‘ing’ kan hmang dawn a nih chuan ‘a leh a lingin’ tia hman a ni tlangpui zawk.
Report this comment
May 24th, 2011 at 7:50 am
A lawmawm e, Pu Muante…
Report this comment
May 24th, 2011 at 8:00 am
A thupui hi a dikhlel deuh.insect hi rannung kan ti deuh a ni lawm ni? Ramsa emaw,nungcha tih zawk awm tak a niin ka hria.
Report this comment
May 24th, 2011 at 8:37 am
”A chithlah atan engatinge i zuah loh “, an ti thin.
(NOI)
Inngamtlak taka an infiamna leh sa kapthei deuhte an fiamna pangai mai emaw ka tia, anlo thutak viau a ni maw ? Ka hriatchinah pawh he tawngkam hi chu hmang anla awm reng, sa kapthei leh awk thei deuhte an infiamna/inngamtlakna tawngkam ni maiin ka hria. Awlsam takin an infiam a, ” a chithlah turte kha chu zuah la aw”, an inti mai thin niin ka hria. “I kap hlum hnem lutuk ang e “, tihna ang a nih mai chu…humhalh duhna leh ngilneih vang lam pawh niin ka hrelo.
Thutak deuha han tih tur chi pawh a ang lemlova, awmzia a awm tam heklo, an kahhlum tawh hnuah he tawngkam hi chu an hmang tlangpui niin a ziaktu hian a rawn sawi lehnghal a , GK ziaktu hian a hrechiang em ang chu maw ? GK a ziak bawk si a…
Report this comment
May 24th, 2011 at 9:39 am
Tiang khian thu fel takin an lo nei thlap a nih khi. Tunlai hun nen chuan inang lo biah biah hle…An va entawn tlak em!
Report this comment
May 24th, 2011 at 9:39 am
Excellent post. A tha hlawm kher mai. Nungcha te hian humhalhtu leh hmangaihtu an mamawh takzet ta.
Report this comment
May 24th, 2011 at 10:51 am
Ngawiteh, kan pi leh pute hun lai kha chuan naupang ho khan intihhlim nan rannung (entirnan khau) an chaih thin kha mawle…
Report this comment
May 24th, 2011 at 11:04 am
Bible pawn i ran vulh chungah i kut lek suh a tih kha, Bible ah bawk mihring chu ramsa aiin a chungnung lem lo a la ti bawk.mak ve ngawt mai.
ving veng reuh hian.
Report this comment
May 24th, 2011 at 11:24 am
Tunlaia naupang ho hi an lo puitlin hunah nungchate pawh an zalen ve deuh tawh ang chu.
Report this comment
May 24th, 2011 at 11:55 am
Thlangdar ke ulh tliakin, hmawih rawlhin, naupang lawmah an hmang chawk. Sava perh thlak finfiah nan, “Perh thlak hmui ziah,” an ti thin. Vangvat an tawtawlik chawk. Laiking thing lawn invawm fuh siak an awm ve chawk. Kel nghal chu pal luh dal thing an awrhtir thin. Ar, a tui ei ching chu, a hmui hmawr an tansak thin. Bawng kaih harsa chu a hnar an verh thin. Ui hi nau mawng ek liak faitu atan an hmang chawk. Zawhte meiah an pawt ngai lo, sazu a man theih loh phah an ti. Rul inchuk hlumtir ai chuan, rul thah zawk mai a tha.
Report this comment
May 24th, 2011 at 12:11 pm
Ramsate hi Lo nghet neia ei zawng an ni loa, Chaw zawnga vak vak, pem kual thin an ni. Chuti nilo se la, kan rama ramsate hi, kan thah mang na a rei tawh ang. Chuvangin, hma lak dan effective ber tur chu, kan ramngawte humhalh, ramsa leh sava rahtlan thingte khaw tinin humhalh tlat. Central YMA hian kum 1 na reng reng chu Rahtlan thingphun uar kum te hi han puang rup se la. Kum 10 hnu velah chuan, a rah kan hmu mai ang. Kan border fencing te hian, mihring dang si lo hian, kan rama ramsa lo lut turte hi a dang mai mai ang tihte hi ania ka hlauh thawn ni.
Report this comment
May 24th, 2011 at 12:32 pm
Post tha tak a ni. Pu leh pute rannung, nungcha leh thing leh maute chunga an ngilneih dan hi thuk tak a ni. Zirchiana chhut ngun a pawimawh hle.
Report this comment
May 24th, 2011 at 1:31 pm
#23, Pu Chawnghilh sawi angThlangdar bawp tan bulh a, hmawlte hawlh aia an la nunrawnna ka tih chu, Tlengtleh, rannung chikhat, a nghawngah a lu an hmetpil hmak a, an la awrh lehnghal…lu(head) nghawnga inhmehpil sak chu a na viau ang..hahaha
Report this comment
May 24th, 2011 at 3:02 pm
Tunlaiah chuan officer-te leh milian liante hi luikal leh ramvah uar tak tak an ni duh lutuk.;-(
Report this comment
May 24th, 2011 at 4:44 pm
TIN, lo an hal tuk chuan meiin a kan hlum nungcha te SUN NAN AWMNI an kham thin..
Report this comment
May 24th, 2011 at 8:05 pm
Point number 8 leh 15 hi ka beng rawng chhungah hian ka tet laiin a lut nasa mawlh mawlh hle:
8.Nungchate chunga ngilnei lo mi chu an hmuingil ngai lo.
15.Savate hi an bu neih laiin an tihlum ngai lo.
Patling suihlung a ti leng em mai a.
Tun thla ni 22 (Pathianni) kha International Bio-Diversity Day a ni a mahse remchan lohna avangin nimin khan I&PR Auditorium-ah Environment & Forest department huaihawtna hnuaiah hman a ni. College of Teachers Education zirlaite an tel. University lama kan department pakhat- FEBES khu tel ve sela an hlawkpui ang mawle.
Good Post.
Report this comment
June 3rd, 2011 at 12:26 pm
vamur bu tihchhiat chu thliin in a la duh an ti
Report this comment