Dal kan tih thin mai, a Scientific name chu Lens esculenta Moench. hi nitin kan ei thin a; mahse a thatna leh enge a nih chiah kan hre kher lo mai thei. I lo bih chiang teh ang. Lentil hi dal kan tihna chhan ber chu kan ei dawn a kan siam dan hi a ni ber. A hming chu Lentil a ni a, dal ang in a rah kan ei thin a ni.
Lentil hi an ei tanna a a rei tawh em em mai a, khawvel ah chuan Pulse crop ah a rei ber leh vitamin (nutritious) ber a ngaih a ni.Hmanlai Egyptians (2400 BC) te thlan ah pawh khan hmuh chhuah daih tawh a ni. An ngai hlu hle thin a ni ngei ang. Lentil hi a hrisel em em a, India ram vegetarian te protein hmuhna ve ber a ni. Lentil ah hian 11% tui, 25% protein, 60 % carbohydrates a awm bak ah calcium, iron leh niacin teh pawh a pai tel bawk.
Khawvel ah India ram hi Lentil ching nasa ber ram a ni a, 1.6 million hectares luahin kum tin 1.08 million tonnes a thar chhuak thin a ni.  Chubak ah lentil ching nasa zual ram chu Turkey, Syria, Pakistan, Spain leh Bangladesh te an ni.
Lentil hi thlasik lai a chin chi a ni a, khaw vawtah lo chuan a tha thei lo. Vur tla leh khawvawt te hi a tuar thei em em a, a chhiat phah ve vak lo. October ni 15 vel a chin hi a hun tak a nih bak ah thlai reng reng chu a hun hnu a chin hi an chhiat phah hle a ni. Lentil pawh hi November ni 15 hnu lamah chuan chin loh law law hi a tha ber. A to leh a than hunlai hian khaw vawt tak a mamawh a, a seng hun dawn ah erawh chuan khaw lum lam a mamawh thung. 18°-30°C hi optimum temperature chu a ni e.
Lentil hian tui a mamawh hnem vak lo a, pangpar ang a tui pek tluk tluk a ngai lem lo. A tona hmun a tui a tlin phei chuan a haw em em a, rah a neih loh phah hial thei a ni. Phun atang a ni 45 vel ah tui pek hi a tawk viau a, tui nasa tak a pek chu a that loh phah hial thei a ni.
Lentil chu kan sawi tawh ang khian enkawl a awl sam em em a, hei vang hian lei veng himtu (cover crop) leh leh soil erosion danna atan an hmang nasa hle a ni. A tangkai em em a ni.
Fun Facts about Lentil:
1. Lentil hian rawng chi hrang hrang – a uk, a eng , a sen leh a dum te a awm.
2. French lentil hi a tui ber a, chhum hnu ah pawh a la mawi hnai em em a ni.
3. Optical Lens hi Lentil hming Latin tawng atang a an lak chhawn a ni.
4. Lentil hi hmun then khat ah chuan an ngaihlu em em a, Pullman Washington-ah chuan National Lentil Festival te an hmang hial thin.
5. Lentil hian Cholesterol ti tlem thei leh Zunthlum tih tlam theihna tangkai tak a nei.
May 28th, 2011 at 7:29 am
Lentil tih chu ka hriat vawikhatna ani tlat mai
May 28th, 2011 at 7:43 am
Misual.com aiin Lawrkhawm ah ka hmu hmasa zawk NOI
May 28th, 2011 at 7:58 am
Dal, Alu leh Vaiho hi unau an ni. …chuan dal hi awm ta lo se India hian sipai a nei thei tho ang em le?
May 28th, 2011 at 8:10 am
Kei leh ka fate tan chuan, chanchin tha ava ni em. Dal leh alu a telloh chuan, sa chi tin reng awm mahse, ka fate chuan, “Chawhmeh a awm lo” an ti tlat zel.
May 28th, 2011 at 8:13 am
MLTP ACT hlawhtling tawk lo-MHIP
May 28th, 2011 at 8:23 am
haha…lentil….ka hriat vawi khatna…dal emaw ka lo ti thin a..haha
May 28th, 2011 at 8:41 am
http://www.ehow.com/facts_7219453_lentils-diabetes.html
May 28th, 2011 at 8:50 am
Lentil lam dan tur a pronounce dan min han hrilh..
May 28th, 2011 at 8:54 am
Mapui, a sipel ang khan Mizo tawngin chhiar rawh.
May 28th, 2011 at 9:06 am
Hnatlang chawhmeh atan Dal ti lo in Lentil ani ang tih zel tawh tur anih hi. Dal hi chu tha viau mahse a hming hi kan hne hlawm tlat. Lentil tih hi eng tawng nge? Latin tawng tihna em ni? enge english-in a awmzia?
May 28th, 2011 at 9:16 am
No.3. Optical Lens hi Lentil hming Latin tawng atang a an lak chhawn a ni.
Hei hi enge awmzia?
May 28th, 2011 at 9:26 am
OT: Nizan chu misuala post turin Cyclotron chungchang leh Cancer a fight dan Mizo tawnga ziah ka tum a, ka tlaivar thaka ka la hlawchham zui. Alo thlawn a ka men ai ka tlaivar chhan credit ka in siam reng reng teng…lolzzz
Ka’n mu ve tawh ange (H) 😉 Ni hman nuam vek u.
May 28th, 2011 at 9:36 am
Lentil hi a tui. Hmeh reng lovah chuah…
May 28th, 2011 at 10:07 am
dal chhum, mizo anthur hnah leh purunvar nena chhum pawlh hi a van tui. 😛
May 28th, 2011 at 10:13 am
14
Aryan # Kei pawh, Dal-ah chuan hetiang a siam hi tui ka ti ber..sawh thing tel zeuh bawk se. (L)
May 28th, 2011 at 10:17 am
a bengvarthlak e
May 28th, 2011 at 10:18 am
Dal hi a tui ka ti// hostela awm phei hi chuan a tui lehzual
May 28th, 2011 at 10:27 am
“A pa, Kan mikhualpa hian dal a chawm a, a hawp bawk,” naupangin an tìh khum tawh che em?
May 28th, 2011 at 10:28 am
chawei dawna a tawngtai lai takin a nu khan “Enge i chawm dawn” a lo ti a, a tawngtai chham chu “Aw Lalpa chaw leh DAL!!”
May 28th, 2011 at 10:29 am
Dal chu tui tamlo taka kan, a hmin dawn tepah purun var densawm thlak nise. A hmin hnuah Cilantro hi a chungah han dah tel ila a tui em em ani mai 🙂
May 28th, 2011 at 10:34 am
“A pa, kan mikhualpa hian dal a hawp bawk a, a chawm bawk,” tih i tawng tawh em? Thingtlangah chuan dal hi an ngaisang hle a, dailuah an la ngai lehzual!
Chhungkaw pa berin, “Dal kha khek ula, kan mikhualpa hi arpui tui lai talhsak rawh u,” an tihna inchhungkhurah phei chuan,dal hlutzia a lang hle.
May 28th, 2011 at 10:36 am
Hnatlanna ah a tui…….
May 28th, 2011 at 10:40 am
Zing leh tlaiah dal an hmeh lova, a tuk zingah chuan “Dal kan van hmeh khat em em!” True story!
May 28th, 2011 at 11:28 am
Lentil hi bete sawina atan pawh an hmang tho in ka hria 😀 Jakoba’n û zawk nihna pawh kha bete chhumkawi in a lei a, saptawnga an dah kha chuan ‘lentils of bowl’ tiin an dah in ka hria 😛 hetia ka rawn sawi hian keipawh hian ka sawi tum ka hre tawh miah lo mawle (Y) 😉
May 28th, 2011 at 11:36 am
Goihkhama, Mizo tawnga Bete chu English in bean. Mizo ten bean kan tih hi Green bean, Behlawi = Long bean etc.
One day Esau came in from the field famished. He begged Jacob to give him something to eat. In return Jacob sold a bowl of soup to his older twin in exchange for the birthright. Esau traded the larger portion of their inheritance for a bowl of beans. (Genesis 25:29-34)
May 28th, 2011 at 11:41 am
@25 (Y)
Ka lo chhiar tawhah khan lentils of bowl ti hian a indah a, eng version ber nge ka hre ta lo lawm mawle. I ti lawmawm lutuk e
May 28th, 2011 at 11:43 am
#25 hi, tunlai lehlin thenkhat ah chuan an ziak Lentil anih hi mawle hairehai 😛
May 28th, 2011 at 11:45 am
@27 I lo bih leh nghal duk duk tawh mi? 😛 I hmu lentil em?
May 28th, 2011 at 12:47 pm
Dailuah leh dal hi ka hre hrang thei mang der lo! 😛
India ramah hian dal hi ‘poor man’s meat’ an ti tih hmanah ka pa’n min hrilh a, dal hmeh chang hian ka hre chhuak thin.
May 28th, 2011 at 1:34 pm
Post tha tak a ni. Agricultural Articles hi ka lo chang ve thin a, a awm thin si lova. Helama mithiam kan awm chuan tan ila tlang teh ang u. (I) (Y) (I)
May 28th, 2011 at 2:15 pm
avan lawmawm ve,kei leh ka chhungte chuan dal leh dailuah tellovin chaw kan eikhat khwp mai,hmanni deuh khan kan hmeichhe naupang hian “dailuahah hian dal telh tawh lo ula” ati!! (I)
May 28th, 2011 at 3:48 pm
Ka va lawm ee…Ka chhum a, Pure Ghee tlem ka telh a, Purun var leh hmarchapui 2 vel leh Tomato ka telh a…Tui ka ti lutuk..Ka hne viau ka la hre lo. Chhum tawp a Aryan sawi ang pawh khian tui ka ti tho..
May 28th, 2011 at 3:50 pm
a..eng pawh nise..Post tupa hian a post that man ah Puak lawp lawp a-a mawng sawh dawm dawm ka chak eeee….Hmathlak fual deuh pawn …weinch…
May 28th, 2011 at 4:34 pm
A thiante nena an infiam laiin, a nauin a rawn ko a, ” a u, lo haw rawh, chaw kan ei dawn” “Enge kan hmeh dawn?”, “Dal leh dailuah”. “Tren trennn….” tlan haw nghal liah liah.
May 28th, 2011 at 6:08 pm
Ka post chu a lo bo tawh a maw ka tia…inrin loh lai in a lo chhuak nih hi.
@11. Asteric……optical lens tih a a lens lai tak hi Lentil a len atang a lak chhawn a ni awm e.
May 29th, 2011 at 2:48 am
Ka fapa hian dal tel lo chuan chaw a ei duh lo.Sa lam a duh lo veks artui chen in.A chang chang in hamberger a ei ve zeuh 2 sausages te poh thla khatah vawi khat vel a ei duh dal chu a duh deuh reng
Dal Lentil Daihluah eng nge tui ber an 3 zingah hian
May 29th, 2011 at 3:10 am
Dal leh Dailuah tih hi thlai hming ni lo in a siam dan a ni zawk in a rin awm. Lentil, Chickpea, French bean etc. te hi duh dan ang in a siam theih a. Entirnan, Lentil chu a rah i tih sawm (crush) chuan dal ni tawh lo in flour (chhangphut) a ni tawh anga. Mahse a Lentil rah tuam tu hamda i paih a, a laimu(endosperm) i ei chuan dal i ei a ni mai. Dal tih hi chawhmeh chhum kan tih tawp nen hian a in ang a nia nge. Chawhmeh chhuh ah chuan eng chaw hmeh nge kan chhum dawn a hriat loh a, chu tiang bawk in dal tih hian eng thlai ber nge a hriat lem loh. Hrethiams
May 29th, 2011 at 8:28 pm
Aw DAL, vanlal dal, ka va han ngaisang che em…
Sawi ve vaklo mai ang, dal hi chu phel phawk phawk ila, han pumchhum hul mai ila, a tui ber mai.