Nikhat chu khua a lum em avangin inchhungah fan hnuaiah ka thu thlandai mai mai a. Hemi ni hi holiday a nih avangin thian thenkhatte chu an in lamah an haw hlawm a. Kan hostel pawh chu a reh ruih a, ka tihtur hre lo chuan thlalak hluite ka bih mai mai a. Lehkha zir tur chu dawhkanah a inchhawp hnur nachungin ka zir peih thlawt loh avangin melh pawh ka melh peih lo.
Chutia ka awm lai chuan tuna ka lehkha zirna khua Kanpur ka thlen hnua ka hun hman tawh dante ka ngaihtuah kir neuh neuhva. Ka la awm rei hle nachungin hun hlimawm tak tak ka tawng hnem ve ta hle mai. Chung ka thil tawn hlimawm tak takte chu thamral mai tura pamhmai ka tih em avangin ka Kawmpiutar ka tinung a, ka chhu ve ta kauh kauhva….
Zawngin min um
Hei hi ka thil tawn tawh zingah chuan ka theihnghilh tawh ngai loh tur a ni hial ang. Kanpur ka awm tan tirh lai a ni a, Pathianni a nih avangin kan tho tlai hlawm hle a. Khua a lum em avangin ka thianpa nen inchung zawlah thlifim dawn tumin kan chho a, hetih lai vel hian thian dangte chu an la tho hlawm lova, hostel pawh a reh thuap nghe nghe a.
Kailawna kan chhoh lai chuan ka phone ka theihnghilh tih ka hrechhuak a, hmanhmawh deuhvin ka tlan let leh thuai a. Chutah le…, room ka thleng tep tihin bawlhhlawh bawm phen atangin Zawng lian em em mai hi a rawn zuang chhuak thut mai a leh!
Ka ding chawt a, rang lutukin ka tlan let; min rawn um! A rawn tlan chak nasa mai a, min rawn ban pha deuh zuau zuau hman a. Chuveleh ka tlanchak zual sauhva, kan ri le lu ta mai a. Kan thawmah thiante an rawn chhuak a, an rawn hnawt bo ta hram a ni.
Motor-in min su leh lo
Inrinni a ni a. Inrinni apianga Mess an khar thin avangin ka thianpa nen Gumti (bazar hmun pakhat) lamah chaw ei turin kan kal a. Kan kalna tur hi cycle rickshaw in minute 15 vel kal a ni awm e.
Chutia kan kal lai chuan kawng kan ngei ngei a ngaihna hmun kan thleng a. Rickshaw pu chuan motor kal vel pawh ngaichang map lovin tlan tlang nghal mai a tum a.
Chutih lai chuan vei lampang atangin bus lian em em mai hi chak takin a rawn tlan a. Min rawn su ngei dawnin kan hria a. Ka thianpa nen chuan kan mangang nasa mai a. Khawlai mi tamna lai takah chuan kan au ri teng tung ta mai a. Bus chu a rawn hnai zel a, min su lo tawk chiahin kan hnungah min tlanpel fua! Rickshaw pu kan hau nasa ngei mai.
Vaitawng ka thiam lo
Vaitawng kan tih mai ‘Hindi’ hi Mizoram ka awm lai atang tawh khan ka harsat em em mai a. Naupan lai atanga vai film en duh ngai lo leh an tawng phei chu zir tum eih ngai lo ka nih avangin hetia vai tawng hmanna hmuna ka zuk awm pawh hian harsatna ka tawk hnem ngei mai.
Tum khat chu Haematology lab ah kan awm a. Hemi lab-a kan tih ber chu kan kut kan vit thi a, mahni thisen kan exam thin a ni.
Chutia mahni buai buaia kan invih sawk sawk lai chuan zirtirtu pakhat hian min rawn kova, ka va phei a. A bul ka la thleng lo, ka kal phei lai chuan a ngai leh lo a ti a niang chu, ”Tum jao” a rawn ti a. Kei pek chuan hmanhmawh rawh a tihna a niang chu tiin hmanhmawh tawkin a lam panin ka la tlan phei ta deuh deuh. Min nuih dur dur a, ka sen ve deuh ten ten..
Hei lo pawh hi sawi tur tam tak a awm a, mahse, a sei lutuk dawn e, duhtawk phawt ang.
Thubelh : Kanpur-ah hian Mizo kan tlem viau na a, mi(sual) dot commer hi pathum lai kan awm ve a, kan MI ve laih laih thin.
Similar Posts:
- Silchar Jail atangin – II !!
- Ka Lawm A Ni 21
- Relin min tlansan !!!
- Hyderabad-ah! (Bad Holi Day)
- Chhawrtui Khua hmingput chhan
May 28th, 2011 at 10:26 am
1st ve tlat em le? chhiar ve ang le
May 28th, 2011 at 10:32 am
chet chhiat deuh chang hi chu theihnghilh a har thin reng a ni….Mizoram ah pawh kan naupan lai deuh kha chuan zawng rual hi 150 atang 200 rual te anni an ti nia mawle.. an hlauhawm duh khawp ang
May 28th, 2011 at 10:35 am
Vairama zawng ho hi chu an nghal em alawm. Hmeichhia phei chu min hlaulo reng reng. Kan hostel awm ve lai pawhin pawna kan insukna thin bulah hian an tam thei lutuk a min tibuai fo thin, watchman te kan au chel chul zel mai mawle. Patling i han tlanchhe tur lai chu a hmuhnawm ngawt ang le π
May 28th, 2011 at 10:36 am
Lunglei-a Baje-a zawng khawiin ka malpuiah a seh tawh, back in 1964. Akbar’s Tomb kawta zawng chuan ka kekawr iptea badam ka ah lak tumin a kut a zen ngam daw daw!
May 28th, 2011 at 10:48 am
(Kanpur-ah hian Mizo kan tlem viau na a, mi(sual) dot commer hi pathum lai kan awm ve a, kan MI ve laih laih thin.) (Y)
May 28th, 2011 at 11:00 am
Kan harsat lai leh kan thawhrim lai hi a hnua kan sawi duh ber hunlai a ni thin….
May 28th, 2011 at 11:00 am
An MI hian aduhi, rose_parvuli, rempy_scissor…a tu ber hi nge khal ber ang? tih hi vawi 1 tal chu an sawi tawh hrim hrim.. π
May 28th, 2011 at 11:18 am
ekhai, alo chhuak der mai. Nge, mi rabies kai duh lo ve te.
May 28th, 2011 at 11:21 am
Thing tum/tiang lak thuta hlap zawt ka lo chak lutuk a.
May 28th, 2011 at 11:36 am
Phai zawng hi zuk ei chak tlat pek i a!!
May 28th, 2011 at 11:39 am
Zawng hian min rawk ve zan tawh π kan dal leh maida te a lo thehdarh a, ka Magic tiang a thah ka tum a, kawmthlang lama cheng an Pathiana ngai tu ten min rawn hau nasa mai, tlema tlemah an Pathian ka lo talh sak tep alawm mawle π
May 28th, 2011 at 11:45 am
@ feeder, e, a va hlauhawm duh awm ve!
@ aduhi, a hun laiin hlauhawm viau mah se a hnuah kan nuih pui nasa khawp mai.
@ chawnghilh, e he! Rabies! Kai nange? Hehe
@ ruatruatapa, a ni khawp mai tiraw.
@ tatrawta, teuh lo mai, hnam sakhua chiah kan sawi thin. Aryan nen.
@ johnny_ralte, khatih lai khan lo awm la tiraw.
@ ozima, kei chu an bawng thau deuh deuh hi ka ei chak thei lutuk. Kan professor pakhat hian ui tha deuh, duat deuh a nei a. A vulh thau nasa mai a, a kal lawi lawi zel. Ei sak daih ka chak a nia aw!
May 28th, 2011 at 11:48 am
@ goihkhama, chu chu lawm. A chang leh an pathian sa te kan lo ei thul. π i magic tiang chu engtin nge awm? :-S
May 28th, 2011 at 11:53 am
@13 Ka magic tiang chu mawmzzz, a sei lo, a lian lo bawk, a mi vuak te hi vuak zawh hnuah an na mai lo, thla 3 hnu velah hian a na a intan chauh thin π ZΓ’wng pawh khan a hre ve ni ngei tur ani, min han hmu chiah chu mahni mawngphe hmu hman an tih ang deuh thaw a chakin a tlan mawle:-D nge ni ka lo chhiatkhum kha a hlau zawk :-S
May 28th, 2011 at 11:55 am
Delhi a school ka kal ve lai in tumkhat chu bus stand ah bus ka chang a, waiting shed chung rangva ah hian zawng pachal hi a thu a, a mei a rawn lawr thla a. kei ta pek eng khaw sawi set set lo vin ka cigarete zuk lai in a mei ah ka han deh ngawt mai a, a thinrim nasa mai, min rawn beih a tum a ka bul a bus lo ding hnai ber ah ka lut tawp a, ka him hram a ni
May 28th, 2011 at 11:59 am
e a ni em em ang. Haha. π zawng pawh hian hmel bumro deuh hi an lo hlau deuh a niang a? π
May 28th, 2011 at 12:23 pm
#15 dumaka chu i ti awm lo ve deuh bawk anih chu mawle, cigarette ling laia han deh kher :-S Balhla pe la chu a lungawi in a tibuai miah lo ang che, an unaupui te lakah chuan that an chhuah ve thiam lutuk π nidangah chuan i hmuh veleh lehkha ah “HAWLH SUH, BALHLA PE ZAWK RAWH” tih ziak la i awrhtir dawn nia π
May 28th, 2011 at 12:25 pm
Kanpurah chuan IITian in ngah lem lo niang maw?!! #7-naa tatrawta sawi ang khi insawi thin reng reng em, tunge score sang ber? π . post tupa fakselnaa mi hi i ni hial lo maw? :OTMAHMAH:
May 28th, 2011 at 12:27 pm
a va ngaihnawm e, part 2 siam leh teh a, ka kham lo riau mai
May 28th, 2011 at 12:28 pm
17 : Ka nuih a za….
May 28th, 2011 at 12:32 pm
@ 18, # 12 ah ka chhang tawh e.
Fakselna hi chu ka ti ngai meuh lo, Fan Zone zawkah khan ka ti ve thin. Mahse, hei, heta ka chhuk hnu hian ka ti ngai ta lo. Taka, lo hriat ve mai mai atan, hmana fugitive-a kha ka nia, ka hming ka thlak a nih hi.
May 28th, 2011 at 12:35 pm
@ 19, i ti lawmawm e. Muang marin kan la ti chho zel ang chu.
May 28th, 2011 at 12:37 pm
Rooney Opa hi post vil tha ber of the week award hlan hmiah teh ang.
May 28th, 2011 at 12:37 pm
Hei ramsa pawh ni lo ransa hlau in tam tlat, a tha ngai lo π Rul te hi mi tamtak chuan an hlau a, a um te hian an hlau em em zel. Ka hrilh a che u ka mi(sual) pui te u, rul in a um che u anih chuan infiamnaah ngai ula, chak mangkhengin tlan ula, awihtlan a lo awm veleh tlan thla rawh u. Thui deuh tak in tlan ta maw tihah han ding thut teh u, RUL chuan in chawn velah a rawn nawr nawk nawk mai ang. A chΓ» lo hrim hrim ang che u (chuk ni lovin) π
May 28th, 2011 at 12:41 pm
@ aduhi, award sem hi chu Tatrawta chan deuh niin ka lo hria a, haha π
May 28th, 2011 at 12:44 pm
@ 24, i tih tak tak duh hmel ka ti. Savawm laka him dan han sawi leh teh. π
May 28th, 2011 at 12:53 pm
#26 π Savawm te chuan mihring hmai eng hi a zah lo mai nilovin a beih tum ber zawk ania. Ramhnuai a savawm i tawk thut anih chuan thingkawrawng ah i hmai phum la, i mawng hlim tawp rawh, a mit meng hmuh tur a awm lo a, a kalsawn daih mai ang π
May 28th, 2011 at 1:00 pm
haha. I sawi ang khian pa pakhat pawhin a tia, a mawng a hek huam an ti. π
May 28th, 2011 at 1:01 pm
#25 tatrawta hman loh chang hian ka lo sem chhawk ve zeuh zeuh thin alawm, a lo remtih loh chuan kan la let leh mai thin.
May 28th, 2011 at 1:02 pm
An ti tih chu belhchian a dawl thin lo :-S π
May 28th, 2011 at 1:05 pm
Post tupa chu(h) Pu-a te, ozzman te, S Dote-a ten an ngai awm che mang e. π
Sakei awmna-a in kal dawn reng reng in tukhum ah chi kg khat tal phuar beh tur a nia, tukhum ah a seh dawnin chi a seh thla a, sakei pawn chi hi al a ti ve tho a ni awm e. π
May 28th, 2011 at 1:09 pm
@ 29, haha. π
@ 30, a hek tak tak roh vang ka ti. Kei chu savawm hi ka hlau a nia. Grizzly bear phei chuuu..!!! :-O
May 28th, 2011 at 1:16 pm
@ 31, aaa…, min ngai lovang kei teh lul hi. Ka tello hian an tlei thei lutuk! Kei hian ka ngai hlawm daih zawk. sakei pawn chi hi al a ti ve tho a
ni awm e. haha π
May 28th, 2011 at 2:21 pm
@rooneey Opa— kanpur cu a la khu luih2 ang cu maw? airforce leh nangmahni bak in om poh arinawm lohve..ex-kanpur na a rei toh deuh va… ronald(IAF) te nupa pawh om lo mi….
May 28th, 2011 at 2:29 pm
Nula 3 ka kalpui laiin zawngin min han um ngat chu(h).. Mipa ka ni bawk a, ka nula hruaite ka tlansan chiang a sin aw!! A hnu karkhat chhung vel chu sawi chhuah a piangin min chum…
May 28th, 2011 at 2:33 pm
#35, hahaha…mahse tlanchhe duh miah lo ta la, engtivakin nge a tih chuan ang che le ?.. a ke aiin i ke a sei zawk si a… (H)
May 28th, 2011 at 2:35 pm
Ekhai Op i chetdan hi a mr bean thei riau mai a. π π π Ka nui nasa khawp mai. A hlimawm thin e. I thuziak hi chhiar a nuam, i ziak thiam khawp mai.
Post tha e. (Y) (Y) (Y)
May 28th, 2011 at 2:41 pm
@ 34, airforce leh keini chu kan ni deuh mai a, IIT lam an awm bawk a, pastor, missionary te nen. U Ronald-a chu an nu a haw chho leh tawh. U Rz-a te pawh Belgaum lamah an insawn tawh.
May 28th, 2011 at 2:45 pm
haha. U Krista chu, nangmah hi ni lawm ni mr. Bean tak tak zawk kha. π . I birthday te chu hmang nuam bawk ang chu maw?
May 28th, 2011 at 2:47 pm
U Ronalda i tia law? π ka kid a nih kha. π
May 28th, 2011 at 2:48 pm
ngaihnawm, rawn ziak fo teh π
May 28th, 2011 at 2:49 pm
#36..a hun lai chuan hlauhawm deuh ania aw.. nula hma-a zawng hlau a tlanchhiat kha ka duh bik reng2 lo, mahse, engemaw riau kha a awm a niang.. ka tlan ta thut anih kha
May 28th, 2011 at 2:49 pm
kan hindi thiamloh dan a inang vel chiah! lol Hindi thiam loh chu auto driver leh sumdawng phakar hauh chak changin a hreawm duh π
May 28th, 2011 at 2:53 pm
#27, goihkham..i tih thin dan em ni….. π
May 28th, 2011 at 2:55 pm
Kolkatta Big Bazar sira ice cream zuar mizotawng thiamlo lutuk avangin kan thian pakhat chuan ice cream pakhat cheng 150 in a lei phah nia maw le. π
May 28th, 2011 at 2:55 pm
A dang zawng ai-in, a tawpa ‘thubelh’ te chuan a ti hlim-awm vei reuh…. (Y)
May 28th, 2011 at 3:01 pm
@ malawma, haha. Keini te chu kan la naupang alawm. U Ronald-a te chu keini aiin an upa miau a.
@ lal rascala, nia, kan tum dawn nia.
@ ben, kei chuan ka hrethiam rap che. A hlauhawm ve em bawk a ni.
@ bmw, nia tiraw., rum tawka melh bak tih theih a tlem khawp mai. Mahse tunah chuan lirthei eng ilo fahran man ka hre ve tawh a, min bum mai mai thei bik tawh lo.
May 28th, 2011 at 3:08 pm
Hahaha.. Op keite chu Ian Fleming-a’n zei thei ang bera a duan James Bond-a ang kha ka ni ber zawk alawm. Kan hmang nuam ve mai e, ka kristian friend te’n dinner min ruahman sak daih kha, ka zak ru zawk phian….
Misuala huaisen ber tura ka ngaih Zawng hlaua a tlan chhe dawr dawr tur han mithla chuan kei zawng nui lo hian ka mawi lo lo e……. π π π .
A za tlat a ni…..ava za tak em! π π π
May 28th, 2011 at 3:09 pm
Kei Hindi hi a bul atangin ka man fuh a, class 8 thleng chauh kan zir kha pawi ka ti em em thin. Matric-ah hian compulsory subject nise chuan hei ai hian hma kan sawn ngei ang ka ti ve thin a. Mahse a tawng a tawng hi chu inzir a ngai khawp mai.
South India (A.P) a zir thin ka nia, hindi an lo uar si lo, hindi movies a chhuahte hian english movies ang tlukin kan lawm thin. Ni tin hindi word pakhat ka thiam belh ang ka ti a, kum a vei chuan kan lo hre ve teuh hi a lo ni a, bmw-i te ai chuan ka hmang rim deuh mai thei……..! Mizoramah hian kan hmang chhunzawm leh chuang si lova, “hriat reng lohna” hi a tha ve si a, hmasawn a va har em. Mahse zirlai nih lai chuan a awlsam deuh ang chu, han chhin ve teh u.
May 28th, 2011 at 3:13 pm
U Krista, Zem Bawn-a maw? :-O
# 49 hi a pawimawh khawp mai.
May 28th, 2011 at 3:25 pm
#15 dumaka..mi awm tha hle hle lai meizial linga han deh chuh..a suahsualtukhumpawnthlak em mai..bus alo awm hnai remchang hlauh chu i vannei
@Rooney Opa..tiang thil tawn hi a hunlai chuan nuih a za duh mawh hle mahse a hnu hian kan hlimpui duh chawk..ngaihnawm ltk, part 2 lo beisei ang.
May 28th, 2011 at 3:40 pm
@ Rooney opa : Dr. Feel_Good-a pawh hi Durtlang lam tho a ni lo maw ? Rin aiin Durtlang lam hian misual.com hi an tlawh nasa….
May 28th, 2011 at 4:03 pm
# 52, ka lo hre lo re re.
May 28th, 2011 at 4:04 pm
Kei chu zawng tawng ka thiam a. Min nel thei lutuk. Sakei, Savawm leh Sanghal te chu hlauh reng reng loh tur. Beih an awlsam lutuk. A tih dan in hriat duh chuan ka hrilh ve ang che u.
May 28th, 2011 at 4:40 pm
sangpuiipa, min lo hrilh ve. Savawm beih dan chu, mawh mawh mawh, pliz
May 28th, 2011 at 4:42 pm
Post tupa ka hming ah khian “lal rascal” lal tih i tellh kher
Rawn ti leh thuai thuai theila kan va lawm dawn em
May 28th, 2011 at 4:51 pm
# 56, haha. Nawi bawm atangin i rawn phei a mi?
May 28th, 2011 at 4:51 pm
@ Rooney opa – U ronald a cu.. Lalraw lo tir’u… in va tam toh ve..kan hun lai chuan sawm poh kan tling nang…
May 28th, 2011 at 4:54 pm
# 58. Nia, hei kan thahnem ve tawh khawp mai. Kanpur Mizo Fellowship te kan din a, U Lalraw-a
chu ziaktu ah kan hmang alawm. A phur suah suah lutuk.
May 28th, 2011 at 6:00 pm
#57 khawilai nge nawi bawm chu??
May 28th, 2011 at 6:18 pm
haha, ka han uang vel mai mai a nia.
May 28th, 2011 at 9:13 pm
Ka la awm rei hle nachungin hun hlimawm tak tak ka tawng hnem ve ta hle mai.
2nd para-a helai thu hi kawmentu atanga zawhna emaw, pawstu atanga sawifiahna emaw ka hmu miah lo!
Ka la awm rei lo hle nachungin hun hlimawm tak tak ka tawng hnem ve ta hle mai.
tihtur a ni zawk em?
Fugitive, a ngaihnawm phian thin mai a…! Dr. i zir chhuah hun chuan, damdawi tel lo pawhin mi tam tak i enkawl dam theih ngei ka ring tlat.
May 28th, 2011 at 10:24 pm
Eeee, ka tihsual!
. Ka thil chhu thiam lo lutukin ka lo chhut hmaih palh a nih khi! Pu Kawlpuia nge nge, i mit a var hle mai. Ka chhiar chhuah lehna ah pawh ka hmu miah lo. 
. Ka lawm em em e.