Thlangah turni in vawitam min liam san tak avangin panglo lo hian pan hi ka pel lothei lo chu a ni ta si a, thiamsa nei miah lo hian hringmi nun zia hi ka hma chhawn zel a ngai a, ka thiam ve dawn velah thiam loh hmachhawn hun tiam ka thleng ta zel si a, thiam kim lo in ka hma chhawn ta fo mai, ka thiam sa ram ah ka chen a rem thin silo, ka thiam sa hmuna ka chen reng chuan thiam lo chang ka ni. Chutichuan he hring nun chauh nilo ka mihring pui te pawh ka hma chhawn a ngai ta zel mai, thian atan leh hmelma atan. Aw ka Pathian nang han hma chhawn leh zel tur phei hi chuan ka van chaklo tawk em.
Thla 9 hnuah min tuamtu kawr hai hawng in han put chhuak ve sa teh mahila engmah thiam leh theih ka la neih siloh avangin Nu hnuntuia thlun zawm ka ni a, lawma nuih na chang ka hriat hma in tap in bul ka tan a. Ringtun, bawhkhup, thut leh kal ka thiam hma vekin ka hmachhawn turin ka hma ah chhawp chhuah an ni a. Thian kawm ka mamawha ka kawm thiam chuang lova, a kut ami thil chu awtin ka pawhthlak saka, thian chu ka la kawm thiam lo a ni e.
Nu hmangaihna dawnsawn thiam ka zir a ngaia, thian ka kawm thiam velah thian kawmloh hun ka zir a ngai a, mi pangngai ni turin Chhungkaw nih phung leh chhungkaw hmangaih ka zir a ngai a, hunlo teh mahse thihna in a tlakbuak Chhungkua ka nih a tula, thiante leh thenrualte hmangaih ka zir lai in tupawh hi ka hmelma an ni thei tih hria in hmelma hmachawn ka zir a ngai leha, hmeichhia leh mipa inkar hmangaihna hrethiam lo chungin chumi khur ah chuan ka tluk luh a ngai a, dan theih anilo.
Mi-bum hmang leh mi vervekte, mitha leh mi sualte, hmangaihtu leh hmangaihtu derte nun zia ka zir a ngaih hunah an lem ka chan ni a lo thleng ve leh thin si. Fa ka neihin pa nih ka zir a ngai a, pa ka nihin Chhungkua enkawl ka zir a la ngai leh ta zela, fa sual leh tha ka neih in an pahniha hmangaih a tula, engmah ka zirthiam zawh hma in upat ka zir a ngai a. Putar min tih hunah thalaite nun zethar ka zir a ngai a, ka hrethiam theilo! Ka tar in ka naupang tha leh tih hrethiam lo chungin ka upa lo thei si lo a.
Similar Posts:
- T Melody – Thinlung Thawnthu
- I kalsan hi engtin nge a awm tak le
- Mipa leh Hmeichhia
- Ka hmangaih ka fawp
- Nu Lehkhathawn. (Mothers’ Day Pual)
May 28th, 2011 at 12:35 pm
heh..
Report this comment
May 28th, 2011 at 12:44 pm
ekhai a va han tha dep2 ve le, thu i thiam ka va ti em!
Report this comment
May 28th, 2011 at 1:02 pm
3rd
chhiar tlak hle mai 
Report this comment
May 28th, 2011 at 1:18 pm
Nunkhua a ngui
Report this comment
May 28th, 2011 at 1:34 pm
Top 5
chhiar zo thak e.
Report this comment
May 28th, 2011 at 1:36 pm
Lo chhuak ve ta alom. Ava lawmawm em!
Report this comment
May 28th, 2011 at 1:48 pm
Chhum rei lo te … hlobet par chuai leh mai … iang lek, mumang ang rintlak lia lua si lo mai kan ni e.
Report this comment
May 28th, 2011 at 2:20 pm
Hringnun pho chhuaha, naupang chumchiap atanga tar kiring kan nih thleng tur dawn kualna suangtuah ram, a tak rama suan luhna tha tak a ni e. @vahkhuai, i inzir nan erawh zan lamah ka rawn sawi zui dawn nia. Chumi hma chuan ‘velah’ i tih ho khi ‘veleh’ tih tur a nih zawk hmel
Report this comment
May 28th, 2011 at 2:26 pm
#8 Ka thu ziah ang deuh hi a ni e, zir tur tam tak ka la nei min han hrilh zel teh u. Ka lawm lutuk e. Ka lo vawng zel ang.
Report this comment
May 28th, 2011 at 2:54 pm
nikhatah vawikhat hrehawm a tawk viau……….Ziak tha khawp mai.
Vai putar lu-a kel sam to tawh te computer hmaah keyboard zei lo tak tak a hmang ‘zirlai’ ka hmuh hian ka ngaihtuahna a kal thui thin khawp mai. Mizo zinga ka ngaihsan zinga mi Rev. Zairema [L] pawh khan mid 90s khan a zir nasa thin khawp mai.
Personal Computer lam sawi takah chuan Processor 286, 386, 486 , Pentium Pro, P-II, P- Celeron, P-III, P-4, Dual core, Quad core, Core i series hi in chhut ve thin em ? Kum 30 vel chhunga thil danglam chak zia hi.
OS-ah pawh MS-Dos kan hmang a, Lotus123 kha spreadsheet tha kan neih chhun ! B’lore Company Softbase, Softcalc te kha aw….hmang in awm ve em ka hre lo ? Mouse hmang lo hian computer hi kan hmang thin ti ila awih pawh an awih tawh kher lovang. MS Dos atangin Win NT, Win 95, Win 98, Win Millennium, Win 2000, Longhorn, Vista, Win 7………….??? a inthlak lai pawh ngaihtuah vak mang lo hian hun hi a lo liam duak duak mai si !!!
Heng kan sawi duah nachhan pawh hi i sawi ang hian thiam tak tak hi a awm thei lo reng reng…..!!! Nitin inzir zel loh chuan Putar hmantlak loh kan lo ni der dawn a lo nih hi !!! Chuvangin i inzir zel ang u aw….
Report this comment
May 28th, 2011 at 3:04 pm
niaa….tumah zirchhuak an awm lo,,,kan thiam loh pawh i inhrilh tawn zel ang a\u…
Report this comment
May 28th, 2011 at 3:45 pm
He post hian a hnuaia hla thu hi min ti hre chhuak:
Tichuan maw lunglai rilan,
Dawn changin hrethiam imaw,
Kan hringnun sakhmel hai ang thar thrin…
Engkim siamtu remruat ang zelin,
nungin kan che mai a lo ni…
Report this comment
May 28th, 2011 at 4:19 pm
Life’s like a mirror. Smile at it, and it smiles back at you.
Report this comment
May 28th, 2011 at 9:36 pm
Tha reuh hle mai..
Report this comment
May 28th, 2011 at 10:12 pm
Nunkhua hi ka article ami lakchhuah a ni a, a tlangkawmna (conclusion)mumal tak tih lan telloh avangin ka inchhir leh hnuhnawh khawp mai.
Report this comment
May 28th, 2011 at 10:17 pm
Vakhuai..i ziak mawi thiam khawp mai. Mahse chhiar chian angai leh lutuk a a mawina hrethiam tur in..
A nalh in a mawi khawp mai!
Report this comment
May 29th, 2011 at 5:26 am
Hringnun hi zawng zir tur hlirin a khat liam a ni ber e. Famkimlohna ram ti famkimtu kan ni miau alawm le..
Tha dap dap hle mai…
Report this comment
May 29th, 2011 at 5:37 am
Report this comment
May 29th, 2011 at 5:46 am
Aw ka Pathian nang han hma chhawn leh zel tur phei hi chuan ka van chaklo tawk em.
tih ah hian “…..chak tawk lo em” tih zawk tur a nih hmel.
Post tha hle mai, hringnun zirkawng i rawn hawl kim a thu dik kan pumpelh hauh loh tur vek a ni. Mahse Pathianin kan zir tur leh kan engto ber tura a duh chu tuna kan hun hmanlai mek ‘present’ chauh hi a ni.
Nupa inhau min ti hre chhuak zawk mai, an fapa kum 3 mi vel kha nu ber in Medical Dr. ni tur in zir se a duh a, pa ber in Engineer, inthen phah lek lek in an lo inhnial ve ngat ngat mai. Pawl 1 pawh la zirlo Dr. leh Er. nih tir tuma lo inhnial chu a atthlak hle a ni kan ti theuh ang chu.
Report this comment
May 29th, 2011 at 3:46 pm
#19 ka post hma atang in hetilai thu (Aw ka Pathian nang han hma chhawn leh zel tur phei hi chuan ka van chaklo tawk em.)tih hi i rawnsawi ang khian a ni zawk lawng mo tih in/an awm ka ringsa mahse hetia ziah hi ka duh zawk!! thu dang zel ah chuan i sawi ang khi hman tlang lawn leh dik zawk niin ka hre tho… ka lawm tho2 e min hrilh hriat duh na avang in
Report this comment