R.A. Lorrain (Lakher Zosap), Mizovin ‘Tlongi Pa’ kan tih chu July 10, 1880-ah a piang a, a pa chu James Lorrain a ni a, London Post Master hna thawk thin a ni. Serkawn Zosap Pu Buanga (J.H.Lorrain) nau (chhul khat kual) a ni a, a lei a thial let tawp tawp thin avangin ‘Thialleta’ an ti bawk. R.A.Lorrain hi a tlangval lai chuan a sakhaw-mi vak lo a ni awm e. Lakher rama a lo chhuah hma hian Canada ramah te a awm a, America ramah ‘Texas Rangers’-ah te tangin Wild West lamah hnuhma a nei ve a sawi a ni thin. Mizoram a lo chhuahna chhan hi a u Pu Buanga vang (lehkha a thawn thin a) kan ti thei bawk ang chu. A rilru a lo puitlinin Pathian rawngbawlna lamah a rilru a pe ve ta a ni.
Kum 1907 Sept ni 26-ah Lakher ram Serkawr a lo thleng. Mi taima tak leh chak tak, kut hnathawh hreh lo mi a ni a, silai leh ran vulh a ngaina hle. Chuktuah huan pawh a siam nghal a ni. A bungalow chu ama sak vek tih theih a ni a, tukverh leh kawngkhar siamah tih loh chuan mistiri a ruai lovin a sa peih vek a ni. In hnih lian tawk a sa zo va, huan zau tak a nei bawk a. A huanah hian thlai tam tak a chin bakah balhla, thingtheihmu, adt., a ching bawk a. Thingthehmu chu thlur neiin a ching a, a chung lamah a suihfintir a, nuam taka lawh theihin a siam a, arah chuan jam a siam thin. A huan pal chu kumzaparin thuah thumin a hung chhuak vek a, zawhte lo chu ran dang reng reng an lut thei lo. Ran vulh lamah sakawr te, bawng te, kel te leh ramsa, zawngte, vapual te a khawi a, ar tamtak a vulh bawk a ni.
Mission hna a thawh tan tirh chuan chawmtu mumal nei lovin, amahin a han bei phawt a, a inenkawl chawp a ni. A sikul naupangte leh a hote nen, Tlabung (Demagri) mel 112 laia hla atang chuan rawsawt an zuk phur thin. An sikul headmaster Khidia (Saimova pa) phei chuan mawn (kg 40 vel) khat a phur thin an ti. Heng hun lai hian Serkawr ram lamah chi she a harsa hle a, chuvangin thingtlang lama mite chuan a hnen atang hian chi seh an lei thin a ni. A chanchin hi ziakin Sap ramah a thawn thin a, a chanchin an lo hriatin a thian thenkhatte chuan tanpuina an thawn hlawm thin a, chu chu a tan chuan hlu tak a ni. A ranvulhte hi a sikul naupangte’n an enkawl pui thin.
Fanu mal a nei a, a hming chu Louise Marguerite Tlosai Lorrain a ni a (Tlosai hi Lakher Lal tihna a ni awm e). Tlawntlai tha tak mai, pian thiam leh nalh tak, nula hmel tha tak a ni. Ram danga lehkha zira kal chhuak chuang lovin, a nu hnen atangin a zir mai thin a ni. Kum 1928-ah anmahni tanpui turin sap tlangval pakhat Albert Bruce Foxall a lo chhuak a, an tangkaipui em em a ni. Tlosai nen chuan an lo in ngaizawnga, an innei ta a ni. Makpa chhungkhungin a awm a, a hming pawh A.B.Lorrain Foxall tih a lo ni ta a.
Kum 4.2.1944-ah R.A. Lorrain hi a thi ta a, a ma huan, Serkawrah chuan an phum a, A thih hnu hian Foxall hian a hna hi a chhunzawm ta zel a ni. Tlosai leh Foxall te hian fanu mal chauh an nei leh a, a hmingah chuan Violet Foxall an sa a. Violet-i hian lakher tlangval L.Mark chu pasalah a nei a, fa pawh pathum (?) emaw an nei a ni. Pu R.A. Lorrain-a nupui (Tlongi nu) hi a thih hian an pa thlanah, a kiangah an phum ve an ti a. Tin, Tlongsai hian natna khirhtak a nei a, Ludhyana Christian Medical College an pan a, kum 1960-ah Ludhyana-ah chuan a thi a, chutah chuan an phum nghal a ni. A.B.Lorrain Foxall hi kum 1977-ah a thi a, Tlosai nu leh pa thlan kiangah an phum a, Mizorama Zosap awm rei ber a ni.
Kum 2000 A.D bul lam khan Serkawr hi Saiha atangin haw pahin kan kual a, Pu R.A.Lorrain-a te thlan leh an sulhnu kan fang ve a. Pi Violet-i leh Pu Mark-a hian an inpui hi an la luah a, hlui deuh tawh mahse an la vawng hnum tha hle a ni. Khualzin chi hrang hrangin an tlawh ngun hle a, Pu Foxall kha Zosap awm rei ber a nih avang pawh hian Serkawr hmuh hi a chakawm zual a. Pu Lorrain-a te chhungkuain Lakher ram tana an hnathawh ropui zia hi chu kan Saiha misual.commer ho leh Serkawn Baptist Mission lam chanchin hrechiang tute sawiah kan khek ang.
[Hman deuh khan misual.com comment-ah khan R.A.Lorrain chanchin rawn post teh u ti kha an awm a, tumah hian kan uksak lovin ka hria a, ka hriat ang ang hi ka rawn bel leh chawm mai a ni. A hre zawk te cho chhuah nan ]
Ref :
1.https://elipaw.page.tl/Mara-Evangelical-Church-Pastorzy-Moh.htm
2.xa.yimg.com/kq/groups/16903479/900551205/name/Mara+cha+thati.doc
3.Pu Thalkawnga [L]
May 29th, 2011 at 1:07 pm
1nkhawm kal hma in first ila…inkhawm banah chhiar ang..
Report this comment
May 29th, 2011 at 1:11 pm
nia. keipawh 2nd ang
Report this comment
May 29th, 2011 at 1:14 pm
ngaihnawm phian mai . .bengvar leh sawt e .
Report this comment
May 29th, 2011 at 1:17 pm
Uluk deuh in chhiar phawt teh ang!
Report this comment
May 29th, 2011 at 1:27 pm
A ngaihnawmin a bengvar thlak hle mai
Report this comment
May 29th, 2011 at 1:34 pm
Ava ropui em!! serkawr hi mizoram ka hmun tlawh chak ber te zing a mi a ni.
Report this comment
May 29th, 2011 at 1:35 pm
Khatih laia khawvela hnam chang kang ber, leh Ram nitla seng lova roreltu ten Doctor hna te, Post master hna te ban san a, Mizoram kil khawr lutuk, ke a ni tam kal ngai leh chak lak ngaihna hmun, Head hunters ti a hriat te zinga, thih in huam tak meuh a rawn kalte chanchin hian, min va cho thar teh reng em. Mizoramah ka chuang chhuak leh thei ngai anih chuan, Mizoram leh Zofate min hmangaìh a, rinawm taka thihni thlenga rawngbawl a, Zoram leilung ngeia lu phum tu, Tlongi nu leh pa leh Foxall te thlan chu ka va han tlawh dawn chiang em. Pu Buanga chuan, a nau chu a awt/thik awm mang e. Lushaier thanks a lot.
Report this comment
May 29th, 2011 at 1:59 pm
In va rawn post tha ve: Lakher Pioneer Mission ka ziak meka min pui dawn khawp mai… Five Years in Unknown Jungle: Reginald Arthur Lorrain ziak hi lo chhiar ve ngei teh u, a ngaihnawmin a bengvarthlak lutuk a nia…
Report this comment
May 29th, 2011 at 2:14 pm
Bengvarthlak viau e…good post.
Report this comment
May 29th, 2011 at 2:30 pm
A van bengvarthlak kher em!
Report this comment
May 29th, 2011 at 2:40 pm
Ngaihnawm hle mai.. Dahthat tlak a ni e.
Report this comment
May 29th, 2011 at 2:42 pm
@lushai_er (Y)..i post hi a tha thei khawp mai. bengvar thlak bakah kan hnam naupangte chanchin hi hetiang atanga inzirtirna kan mamawh. hnam sawhnghehna lam hawi ah ka ngai hmiah. k thlirna atang chuan hnam sakhua aiin hnam i vei zawk. thawnthu lam te pawh hi tun atanga kum 10 velah dama kan awm chuan misual ah hian post zin a tha khawp ang. thangtharten anla mamawh dawn chauh
Report this comment
May 29th, 2011 at 2:45 pm
Ka comment hmanhmawh lutuk a. ka tawng hman dan khi a fel hlel khawp mai
Report this comment
May 29th, 2011 at 2:48 pm
Post tha thei e…
Report this comment
May 29th, 2011 at 2:53 pm
Report this comment
May 29th, 2011 at 2:54 pm
A bengvar thlakin a ngaihnawm hle mai. Hman kuma Saiha kan zin truma sap nu ka hmuh kha Violet Foxall hi a nih ngei dawn hi. Serkawr khua chu tlawh ve theih ngei ka va duh em.
Report this comment
May 29th, 2011 at 2:56 pm
A bengvar thlak hle mai.
etc. aia adt. a hmang khian chhiar a ti nuam zual
Report this comment
May 29th, 2011 at 3:12 pm
A ngaihnawmin a ropui hle mai. Serkawr leh a khaw kal kawng saw sorkar lam hian cheihnum tha deuh se a tlawhpawh a nuam sawt ang mawle
Report this comment
May 29th, 2011 at 3:18 pm
#7, @PK : Post Master hi a pa James Lorrain zawk hi a nia, ka edit uluk lo deuh a lo nih khi. Tin, chi seh tih turah chi she a inti daih mai ! Autocorrection ka lo off lova………a chhiar dan tal in lo thiam mai ani ang chu.
Report this comment
May 29th, 2011 at 3:21 pm
ka va hmu ve chak mai mai ve..nuam reuh ngawt ang…an in chu a nawm hmel e…
Report this comment
May 29th, 2011 at 3:57 pm
19. Lushai_er. A pa James Lorrain hi nia ka ngaih san em em ni. Lal Isuan, “Tu pawhin mi zui a duh chuan… A tih a, criteria a siam a, teh tlin zan theih tur khawp a inpekna thuk nen Lal Isua zui thei fapa 2 a enkawl sei lian hi, a ropui ka ti lutuk. Mizoram a lu phum tum ngat ve ve, an la ni zui. Lunglei Bawrhsap Murray-a fapa Pastor Challiana silai kah thiam zia, an sawi ka hre thin a, Longi pa Texas Ranger hlui silai kah thiam zia pawh hi, ngaìhnawm tham sawi tur a awm ka ring tlat a ni.
Report this comment
May 29th, 2011 at 4:07 pm
21. *Tlongi pa, not Longi pa. Sorry.
Report this comment
May 29th, 2011 at 4:25 pm
Post tha leh hlu tak a ni
Report this comment
May 29th, 2011 at 4:33 pm
Lakher ram aka Maraland. Tlongi pa zarah ‘Lakher, khera kher tuai, engvang nge kawng sirah i ek kher kher?'(NOI) kan tih te kha kan tluk lo tep tawh a nia.
Mizoram sorkara secretary ah an awm nuk tawh a, hman ni lawka MCS an lak thar zingah district zawngin an tam ber.
Report this comment
May 29th, 2011 at 5:15 pm
Pi Violet leh Mark a te fapa upa ber hi Michael a niin ka hria…
Report this comment
May 29th, 2011 at 8:26 pm
Ka hel ka hel a, kan chhiar chiah chuan a ngaihnawn ka ti kher mai.
A romantic deuh bawk nen 
RA Lorrain a nun ah khian entawn tur a tam lutuk. Kum 100 deuhthaw liam ta a, ramhnuai pik (ti mai ang) a a survival game plan khi alawm ka sawi ka sawi fo thin chu, Mizote sawrkar in min tanpui loh chuan dingchhuak theilo a kan inngai tlat leh kan rethei tlat mai hi ka ngaithiam theilo a ni. (Sawi tur a tam.)
Ti ta rau rau an pian kum, etc leh thlalak hrang hrang te rawn vawmbei law law la mawle, hmuh an va chakawm ve. Lunglei bak hi ka la thleng lo va, kal ka chak phah tlat mai, la kal ve ngei tum ang aw, Saiha leh Serkawr chu.
Report this comment
May 29th, 2011 at 8:42 pm
@Zoho : R.A Lorrain pian kum chu ka dah reng khi………thlalak i enduh chuan hei a link aw !
https://remaginedreality.blogsp.....eople.html
Report this comment
May 29th, 2011 at 8:53 pm
An chanchin hi a ngaihnawm bang lo…..
Kan unau Mara hian zirna lamah leh kawng hrang hrangah Pathian malsawmna an dawn nasat em avang hian ka ngaih a tha lo deuh a, zosapte kha tha taka an lo dawnsawn ka rin tlat avangin Pu Buanga unaupa chanchin hi ka zir chiam tawh. Pu Tlongi Pa thlahte hi Pathianin midangte tan malsawmna thlentu atan nan hmang zel rawh se.
I post tha thei hle mai.
Report this comment
May 29th, 2011 at 8:59 pm
A lawmawm e, ka lo va hai ang e. A fa Tlosai leh a tu Violet te khi an pian thu i ziak a, an piankum i ziak lo va,kan dilchhut mai mai mawle,tunah eng rual nge an nih tawh ang tih vel mai mai. Zosapte thlah kalzel, kan ramah a an lo la awm reng mai tih ka lo hre reng reng hleinem.
ziak sual, Tlosai tello vin, a ni chu a boral tawh a. hehe..
Report this comment
May 29th, 2011 at 9:20 pm
A ngaihnawm e. Pi Violet hi ka hriatna ala reilo, kawm ngei ka tum.
ZOatlau, i lehkhabu rawn tarlan khi avan tha ve. Online pawn a chhiar theih anih hi.Thanks.
Report this comment
May 29th, 2011 at 9:24 pm
GK a zau leh sawt e. lushai_er, thang khiu
Report this comment
May 29th, 2011 at 10:04 pm
tun kum jan 27th khan pi violeti te hi tongkolong kan kal haw lam in kan tlawh ve a, a lung len thlak ve khawp mai .thla kan lak pui nual. mahse post thiam leu
Report this comment
December 19th, 2012 at 12:20 pm
Keipawh ka va kal ve https://wp.me/p2uQoy-s9
Report this comment