“In TV kan lo en, Kan vawih tawh ngai miah lovang” an rawn ti leh ta. An Vawih ziah tho leh nghal.
Hmanlai ti dawn ila, 1990’s chho bawr vel(“Streethawk” lar lai) khan Black and White TV kan nei ve a. Khatih hunlai kha chuan Black and White TV hlut zia chu a hun lai a miten an hre chiang ber awm e. DD-1 leh Bangladesh Channel hi kan en theih zawng chu ani mai a, Antenna Booster ah chukchu a lut ngawt te anih loh chuan a fiah tha ve thei phian. 
Naupang rualin zing dar 10.30 vel ah, kan vawih tawh ngai miah lovang an rawn tih loh hi chuan Sunday a ang thin lo. Ka Pa khan TV chu a chhuah ta a, naupang ho kha chhuat laiah an thu dul mai thin a. Thuthleng chu Puitling thutna bik a ngaih a ni a. Dar 11am vel ah chuan Donald Duck a te ho nen khan kan hlim tlang thei hlawm kher mai.
Donlad Duck a kan en zawh hnu hian kawmchhak Kawlthei kung atanga kawmthlang serthum kung thleng khawl-la kan thlung a, Gung-Ho a te, Cobra te, Superman te ho uai thlak na tur kha a nia.
Khatih hunlai tho khan a ni, Telephone kan neih ve tak kha, kan telephone number pawh digit thum (3 digits) lek a nia. Durtlang atanga Bawngkawn kan phone dawn te hian STD code a ngai a (82 kha aizawl STD code bik ania). A line a tlang mawh em em lehnghal a. A chhan ber pakhat chu Leitan liam velah ah khuan miin Telephone hrui an lo ru leh thin a lawm mawle. Telephone hrui ah hian dar(coppper) a awm a, Zan lama zu leina neilo te hian an sat chhum hmawk a, an hal a, chuan an KG hmiah hmiah thin a ni awm e. Thirchhia kan hralh pawhin dar chu a rate a sang deuh kha..
Khatih hunlai kha chuan Durtlang road a “half-long” te khu a la awm ngai lova. Zu in mi te pawhin Muthi peng a nia an pan vang vang thin. Local kha “peh-teh” an ti deuh kher a, A senchi chu “a senchi” an ti. A senchi hlutzia chu peh-teh in thin ten an hrechiang ber a ni awm e.
Hun a lo kal zel a, engtik kum a mawni khan ka pa office bang haw chuan Color TV a rawn lei haw ta.. Remote Control hmang chi kha a nia.. Hairehai..!! A mak hi ka ti tawp thei lo. TV va khawih miah lo khan a “sound” a pek theih a. Antenna kan her rem te te a, Remote atang bawk chuan “a zawn”(search) theih bawk a. Mahse mak ve deuh mai chu, remote hmawr lam kan hupbeh khan engmah a control theih miah loh. Mak ve tak chu a ni. Remote kha kan uluk thei hle bawk. Zing kar ah te hian uluk takin kan hrufai thin.
Tumkhat chu ka pa hian a thianpa VCR a hawh a, Green bag ah a rawn ak haw rup mai a.”Wrestling kan en dawn nia” a ti bawk a, thenawm naupang te leh thiante ka sawm kual zung zung a, a upa e, naupang e tilo chuna kan zavai chuan WWF wrestling kan en nileng ta nih kha. Vawih palh an awm kha chuan puitling hovin an rinthu in an duh duh an hau hrep mai a, a ri lo a vawih a him ber.
Computer nena kan in hmelhriat tan dan han sawi belh hlek ka duh a nia, mahse hei a sei dawn em a, duhtawk phawt mai ang. Khitiang hunlai khian Computer hi mumangah pawh kan la hmelhriat lo tih chu kan sawi tel ve mai mai ang e.
March 7th, 2012 at 2:31 pm
1st phot ila… ๐
March 7th, 2012 at 2:38 pm
Lung ava ti leng ve ๐
March 7th, 2012 at 2:45 pm
Kan chhiar phawt ange.
March 7th, 2012 at 2:47 pm
Kan naupan ve lai chuan cinema kan en thin..a khawnawtin. ๐
March 7th, 2012 at 2:49 pm
McGuyver pa kan tih theih zia leh Michael-a car tawngthei kan awh theih zia kha.. haha a lunglen thlak ve mai mai.. Baywatch kha chu mithupin kan en tluan thak zel. ๐
March 7th, 2012 at 2:52 pm
Miina tv en muthluk kha alawm thawh phan nuam chu ๐
Haha..i paws hiam min ti nui nasa!
March 7th, 2012 at 2:56 pm
Hmanlai naupang ho kha chu an vawih uih bik em lawm…. ๐
March 7th, 2012 at 3:00 pm
#7, roseparvuli phei chu uih ngawt ang aa.. ๐
March 7th, 2012 at 3:04 pm
Ka rin aiin i chhuah ho ta daih a. Nuih ka lo tum teh reng nen ๐
March 7th, 2012 at 3:06 pm
#8, a vawih hi amu thlu nghal daih zel…. ๐
March 7th, 2012 at 3:11 pm
Khai aw! Chaw ei laia sawi chi loh. Ka naupan ve lai chuan sairawkherhin daiah sava kan perh thin. A chang chuan chakai kan khawrh a, be-ai thang kan kam a, nghakuai in sangha kan man thin. In chak ve em? TV en tlawng ai chuan a nuam deuh asin.
March 7th, 2012 at 3:12 pm
Chamtatrawta sam tih phir dan atanga vawih uih tih hriat reng reng te tan chuan awmhmuna tim zal zal a har miah lo ang :p
March 7th, 2012 at 3:13 pm
Vl kilung chalpharh dan atang reng renga mawng rubber thawl tih hrizt! Harehaiiiii
March 7th, 2012 at 3:13 pm
Computer i hmelhriat tan dan tlem ngaihtuah belh pah in…. ๐
March 7th, 2012 at 3:15 pm
roseparvuli te chu..link pawh a post thiam..video a post hun kan nghak rei ta hle.. tin, muthlu paha vawih a ching thin hi a thiante hian an tawrh phah ziah.. ๐
March 7th, 2012 at 3:16 pm
Chandrakanta! A van hmuhnawm thin tak
March 7th, 2012 at 3:18 pm
He post chuan lung ava ti leng ve …. (Y)
Kan naupan lai chuan Sipai camp-ah cinema kan en thin (H) . Kan khaw tlangval pakhat Zahnawla pawh hian dawtin mi a tih der a “Sipaiin zaninah cinema an show dawn” a ti ngawt a, rin aiin a darh chak a, khaw hmawr lehlam a than meuh chuan thubelh pawh a awm nual a ni awm e, zanah an kal sup sup a hmuh chuan amah Zahnawla ber pawh chuan tak tak emaw tiin a zui ve ta tho a ๐
VCR en thin laia a tawp a changtupa leh misual pa an inbei, a tirah a changtupa a chak mai lo, thi hniang hnuang in a rawn che tha chho tan, misual pa a sawisa dawn chiah tih vel a cassette real a rawn rang chho thin kha chu tah ava ti chhuak thei tak. ๐
March 7th, 2012 at 3:19 pm
ngaihnawm phian mai a , (Y) lung i ti leng reuh mange
March 7th, 2012 at 3:19 pm
Oh, it’s seems error!
Possible Cause:
This site is temporarily unavailable, please try it
he ti reng hi a ni mai a
March 7th, 2012 at 3:24 pm
Chemtatrawt 2010 december ka paws kha en rawh vidiau te chu ka paws daihhh tawhh.kekek..khatiang style lo khan ka tia lawm..haha
March 7th, 2012 at 3:26 pm
#13, ๐ ๐ #15 pherh min ti leh palh ang.. ๐
March 7th, 2012 at 3:26 pm
Lung t leng ve! (Y)
March 7th, 2012 at 3:27 pm
21, roseparvuli hian pherh a ti che maw..?? Bem thek la a ni mai alawm.. Englo ai chuan i tla na hrim hrim.. ๐
March 7th, 2012 at 3:29 pm
90 World Cup, England leh Italy ten 3rd Place an inchuh kha, a tuk replay kan enchhuak leh vek, rei ve ta hle mai!
March 7th, 2012 at 3:30 pm
Harehaiu..kilung leh! Singul ladies gender ai chuan i gender ka hre har alawm..haha
Vanlalchemtatrawt kha thil kha sawi ziah suhhhhhh..naupang ho tak hi chu!
March 7th, 2012 at 3:33 pm
Computer fonts pawl lai ani maw. Sunday zing World Record leh Tipu Sultan, wednesday zan ‘chitahar’ lar lai..haha!!
March 7th, 2012 at 3:41 pm
#23, ka hre chak e… Ka hupna angai ang ti rawh..hehee
March 7th, 2012 at 3:44 pm
Haha..chemtrawta’n a ka ang vaih teh se a chak lo ang!
March 7th, 2012 at 3:56 pm
Black & White TV te chi kan nei ve a, (1987?) Chitrahar, Fauji, Spiderman, World of Sport, Shampoo fakna, Tractor lei let lai etc… hmuhnawm ti em emin kan en laih laih thin.
March 7th, 2012 at 4:08 pm
#16 Chandrakanta kha ka en zo thak. ๐ a hla pawh ka la thiam.. hihihi
Black & White a herhna chhe tawh, pliers a herh rik tluk tluk lai te kha a ngaihawm ve leh ta mai mai..
March 7th, 2012 at 4:12 pm
#16 chandrakanta (Y)
March 7th, 2012 at 4:40 pm
Washing Powder Nirma,Washing Powder Nirma,NIRMA…. (8) (8)
March 7th, 2012 at 4:57 pm
DD Metro a cartoon tlai dar 5-6 inkara chhuak ka en nasa lutuk kha ka nuin a ning thin a, tum khat chu min tir duh bawk si a ning tawpkhawkin “I thluakah hian cartoon hlir ami awma?” a ti tawl mai a. Cartoon ka en tui bawk si a, “AW” ka ti ringawt a….A thinrim rei thei bik lo…… ๐
March 7th, 2012 at 5:36 pm
I sawi lunglen thlak mange a.
Kulikawnah chuan Pu Thanthuama te khan TV an nei hmasaberin ka hria. ‘Kojak’ emaw ‘Knight Rider’ a chhuah hun kan hrethei hlawm si, anni lah chuan privacy an duhve tho…”Parda inti bal thin” an han tileh ngawt thin a. Keini ho lah chu an bus (Chhangthawp bus) chungah chuangin, “Aw cham rihla Zawlnu siali” tih kha kailekin, Pu Thanthuama tunu, Shillong lam atanga lo pem chho hlim, pastor fanu chu zaikhumin, “Aw cham rihla Shillong naupang,” tiin kan zai dual dual thin hairehai ๐
1984 kumtawp lam khan Darlawn a BDO tlangah kapa ka han fin ve a. Chutah chuan Televista, Sanyo leh eng India company emaw insiam tawm kha kan nei thin. Kan awmna tlang han chhak viau mahse TV entu chu chhuat kan khat vek mai thin a, a nuam letling thin viau. Darlawn avan ngaihawm roh vele!
Tlangnuam primary skul ka thawh laiin naupang an vawih uih thei lutuk a. Tum khat chu, “In vawih leh dawn anih a, in sawi zak anih chuan, sir, khawngaih takin ka zung thei em, ti ula pawnah zung tur awm takin in chhuak anga in va vawih dawn nia,” tiin ka hrilh hlawm a. A hnu maiah chuana rawn uih leh ta em em mai a. Kei chuan mengrum em em hian ka melh kual pui pui mai a. Naupang tlar hma bera thu chu inthlahrung taka min rawn melh chho pui pui-in, “Sir ka e jaih,” a ti a. Ka haw tir ta a. A zak chu kar 2 vel skul a rawn kal ngamlo, ka va hruai ta a nih kha. Hairehai ๐ nupui fanau a nei duah tawh ๐
March 7th, 2012 at 6:05 pm
Kan tv BW a kawngkhar nei, a bang uk.. Minti hrechhuak, 90 world cup kha a khaw nawtin an rawn en ve.. Argentina leh germany tih zawng ka hria
March 7th, 2012 at 6:07 pm
Ala reilo,kan naupan zual lai khan Sairang ah ka tui cheng chak hi school chawlh lai hian chhungte inah kar khat riak ten ka zuk zin thin a. Zanah hian Dawrkawn atanga tlawng panna peng bulah chiah khuan cinema ang deuh hian assam type thim tawk ah VCR in movie an play a kan en thin,a nuam thei khawp mai. A hnung lamah kha chuan podium(gallery) te hi an siam ve thin a. Kick boxer lar lai kha ania,nuam ve thei thin khawp mai.
March 7th, 2012 at 6:16 pm
Hahaha…..Pu HVa nau chu iva ziak lunglenthlak ve. WWF poster kan zawrh lai te kha ๐
March 7th, 2012 at 6:33 pm
Red Cow fakna te, washing powder nirma tih te pawh kha…lunglenthlak
March 7th, 2012 at 6:35 pm
Delhi a Asian games an neih kum 1982 khan BW TV kan nei ve a…kan in a khat thei mai mai. Tukverh a te kan thu fur zel! Khami TV kha Japan siam, Burma lam atanga an rawn tawlh thlak a nia…a tlo lutuk.
Phone 3 digits a nih lai kha lo rei ve ta hle mai. kan phone number kha 830 a nia…ka la hre reng. ka lung a van leng e…ka pa (RIP) khan lehkha themah 830 tih a ziak a, a dialna lai takah a zuk zep lut a….
March 7th, 2012 at 6:44 pm
HV, Pu thanthuama school a khan ka lut ve hman asin. Tennis court opp. ah khan state bank of india awm thin a, chumi chungah chuan a nia. Khami SBI am hre phalo misual ah hian an tam ngawt ang!!
March 7th, 2012 at 6:55 pm
Red cow pawh ala dum lai,shaktiman larlai, cinema a chemseia te kan en lai ka ngai… vawih phallohna inah khan runluihnan arukin vawihuih hrui kan han pailut a ๐ ๐
March 7th, 2012 at 6:58 pm
Saturday zan Baywatch. Sunday chhun Automan, in ti pawl (blue) vek thei kha.Sunday zan Beverly Hills. Batman ten chet chhiat zan leh chet that zan an nei kha chu a va han buaithlak tak! Ka lung a leng.
March 7th, 2012 at 7:07 pm
Hmm lung i va ti leng vawng vawng em. Kei pawh in khang hun lai kha ka la mithla thei…………
March 7th, 2012 at 8:18 pm
No_nick, i vannei hle mai a. Keini chu ‘ka vawih tawh ngai miah lovang’ ti pawl kha kan ni rei a sin aw. 2003 a thingtlang khaw pakhat a ka awm ve lai pawh khan kan veng naupang bal tak tak TV rawn en thin kha ka ning lutuk a, mahse ‘ka vawih tawh lovang’ kan tih lai kha ka mitthla ah a rawn lang leh thin a ka hnawtchhuak ngai lo. MacGyver kha Nilai zan dar 8:30 ah a chuak thin ni in ka hria a, a dik em aw???
March 7th, 2012 at 8:22 pm
@44: Macyver i tih hi ka hriat ve dan chu “Ma-driver” tih kha nia.. ! tunah hei a ming diktk ka hre ve chiah…
March 7th, 2012 at 8:25 pm
Rin aiin in van lo hlui hlawm reuh ka misual pui te chu, sawi tur ka neive lo โ Old is good an tih kha maw, chuvang chuan in zavai khan in good vek tihna! (Y)
March 7th, 2012 at 8:40 pm
Sunday inkhawm banah shaktimaan en turin Pa kissan a te inah ngei mai kan han thu khawm thap zel a… ๐ ๐
March 7th, 2012 at 8:55 pm
a ngaihnawm e no_nick (Y)
March 7th, 2012 at 9:27 pm
Lunglenthlak reuh hle mai. Mi TV ena puitling tlang ka nia, keinin kan neih ve meuh chuan computer an lo kawl fur tawh a ๐
Hawkdak nafam chuan mi TV en tur khan kan leng dul dul fo a. En dil te chu khawilam luh huk kha a nia…kan lo polite lo hlawm hle mai keini thianza ho kha aww! Bang awng atangte khan cartoon te kha kan bih ngar ngar peih mawle ๐ Vanneih asiama in chhung kan luh theiha chhuata thutna kan chan kha chuan ngawih hmak a ni tawh. Thiante vawih leh an mawza uih te kha kan inthlahrunpui thei khawp. An en chak ve tho bawk si, haw hunah kan inkhak leh nge nge thin a!
March 7th, 2012 at 9:40 pm
TV nei te in kawt, an tual zawl zau lai a black and white TV tereuhte a Ual-Kap 90′ 94 vel kan en thin lai min ti hrechhuak uar uar mai ๐ (Y)
March 7th, 2012 at 9:46 pm
BMW, #40 Hre phalo an tam ang hairehai
March 7th, 2012 at 10:55 pm
11 James Bond : Sairawkherh nena sava veh, be-ai than kam kah cvhu ka ti ev nasa thin khawp mai, Lallen ah Bulut kan chang thin a, rah tlan nghah rei a ngai thin khawp mai..
March 7th, 2012 at 11:02 pm
Pu No_nick: Naktuka Holi khel turin lo phei rawh ka lo mikhual ang che..
Ka chhiar chhuak tawh a ka comment duh rih lo va. I ziak ngaihnawm khawp mai. Sawi ve tur pawh ka nei nuala mahse ka ngawi rih mai dawn..
March 7th, 2012 at 11:04 pm
@Ignatia: Lo phei thei ila a tha tur ania..! Holi khel chu Ka chak khawp mai…!!
March 7th, 2012 at 11:08 pm
@Ignatia: FB lamah i awm chun min lo add rawh.. ka search result ah ka hmu thei mai lo che..!!
March 7th, 2012 at 11:12 pm
@no_nick: Ka deactivate rih a. Pawi ve aw. Ka activate veleh ropui takin ka lo add ang che aw. I lo zin duh tawh si lo va.
Mahse tihdan kan ngaihtuah lawk aw. Lo online rawh….
March 7th, 2012 at 11:15 pm
@ignatia: Ka zawng hmu ta che.. request ka rawn thon.. ka online in FB..!! rawn zin duh lo pawh ani lo, lo zin theilo ani..!!
March 7th, 2012 at 11:24 pm
no_nick: Keimah ka ni lo a niang. Ka la dawng miah lo a nia, hei ka online mek a. Ka hming pum tawpah khan PALIAN FEET 7-A SANG tih tel rawh….
March 8th, 2012 at 8:51 am
Ka Duh eee..Vanlal no-nick…Oshin kha ka en tui thei rap..i rawn kheuh chhuak tha lutuk.
March 8th, 2012 at 11:03 am
A va ngaihawm ve, macguiver,The fall guy,The A-Team,Simon(mi-te) thingfak a kan enthin lai min ti hrechhuak chaui2 a lawm.1990 World cup pawh ka enlai ka mitthlaah a la cham reng.
Chawlhni chawhma a chandarakanta,Tipu Sultan kan en thin lai te min va ti ngai ve,Antena kan han her a,a fiah em?tih deuh reng te kha an ngai thin a nia,an insual laia a lo fiahloh chuan antena kha kan her reng thei teh e.
March 8th, 2012 at 6:06 pm
1984 kuma Babutlanga kan TV en chak kan tlankual zak zak lai minti hre chhuak uar uar mai a.
May 8th, 2012 at 4:14 am
In la vawih ngai em?