Stadium tur emaw kan tih (Chite a mi) kha a ni leh lo tih chu kan hriat vek tawh kha.. Mahse awm ang ve viau tawh a nia aw..
Archive for May, 2011
‘Stadium Thulh’
Sunday, May 29th, 2011Buh Chang rum leh lei
Sunday, May 29th, 2011Buhfai (Rice), scientifi name – Oryza sativa L. hmanlai pipute atang kan ei ber thin, kan “chaw (staple)” a ni a. Mizo te chuah hi buh chaw a ring kan lo ni lo tawp mai a.Khawvel mi zawng zawng 60% hian kei mahni ang hian chaw ber ah an hmang ve mek a nia. Mak deuh mai chu Buhfai hi Western lam chuan chaw tak tak ah an hmang lo in Wheat ( Triticum aestivum) hi an hman thung lai in Asian lam chuan Buh hi chaw ah kan hmang ber thung. Khawvel a buhfai thar chhuah zawng zawng 90% hi Asia khawmualpui a kan chin a ni ber. Wheat tih loh ah chuan khawvel a thlai thar chhuah hnem ber a ni bawk e. Khawvel ah ram hectare (Tin 2.5) 115 million ah chin ni in kum tin 596 million tonnes thar chhuah ziah ang a ni. India ram hi khawvel a buh chin hnem na ber leh thar chhuak hnem ber ram a ni.
Rice hi hrisel nan a pawimawh em em a, chaw tha tak a ni. Protein chu Wheat ai chuan a pai tlem thung. 6-7% potein pai in amino acids ah erawh chuan thlai tam tak ai in a chung nung zawk thung. Thau (Fat) 2.0-2.5% a pai a; mahse heng fats ho hi buhherna ah hian a hlauh deuh vek zel. Thau a pai mang lo a nih chu. Buh hi hrisel nan chaw tha tak a ni a, khawvel a chawtha atang a chakna kan hmuh zawng zawng 22% leh proteins zawng zawng 17% lai hi buh atang a kan neih a ni.
(more…)
Kristian chhungkua leh kan tehdan diktawk lo te
Sunday, May 29th, 2011Kristian chhungkua chu tute nge?
1. Kristian chhungkua chu Krista luah chhungkua (The Christ Centered Home) a ni.
2. Kristian chhungkua chu Krista Lu leh Hotu bera neitu chhungkua an ni.
3. Kristian chhungkua chu Pathian biaa pawl thin, Pathian hnena Malsawmna an dawn ang zela Pathian hnena thilpek pe thin a, chhungkua Pathian hmaa kun (tawngtai) ho thin an ni.
4. An thiltih leh awm dan rengah pawh Pathian zah mi, Pathian pawsa a, Pathian hnena chawimawina leh ropuina petu chhungkua chu Kristian chhungkua an ni.
5. Kristian chhungkua chu midang hnena Krista chanchin hriattir mite an ni.
6. Kristian chhungkua chu Lalpa tana Maicham mit lova chhi thinte hi an ni.
(more…)
Sunday Pual: Lungawina
Sunday, May 29th, 2011Chhiar tur: Philippians 4:11 by Rev. Vanlalzuata
Kei zawng engkimah lungawi zel ka ching tawh si a (Phil. 4:11).
Vawi khat chu lal pakhat hian a huan a fang vel a, a thlai phunte chu en velin a in bula amah tihlim tura phun sawn tur a zawng kual a. A thlai phunte chu anmahni tawkah an hlut teh lul hlawm nen, nimahsela lungawina reng reng nei lo an lo ni deuh vek mai a. Oak chuan, Pine thing anga sang leh mawi ka nih ve loh avangin ka lung a awi thei lo a ni,” a lo ti a.
Pine thing pawh chuan, “Grep anga rah thlum tak ka chhuah ve loh avangin ka lung a awi thei lo a ni,” a lo ti bawk a. Grep pawh chuan, “mahni pawha ding zo lo, mi dangte rinchhana awm reng mai hi ka lung a awi thei ngang lo a ni,” a lo ti a. Geranium pawh chuan, “ Lilac anga rimtui ka chhuah ve hma chuan ka lung a awi thei lo vang,” a lo ti a. Lal chuan, “Aw, ka duh taka ka phunte vek in ni si a, tumah min tihlim tur in awm dawn lo em ni aw?” tiin a in bula phun sawn tur chu a hmu zo dawn lo emaw a ti a.
Manchester United Vs Barcelona at Wembley
Sunday, May 29th, 2011The mood ahead of the UEFA Champions League final between United and Barca has been friendly.
A good final for the neutral is expected with both teams doing their best to talk up the abilities of their opponents.
Do not mistake that for complacency. Both sides know what’s at stake – the importance of a fourth European Cup to add to the trophy cabinet of two historical sides cannot be underestimated.
The Red Devils with three European Cups to their name are still behind their bitter rivals Liverpool who have five while a win for Barca at Wembley would cement the Catalans’ argument for being the best side ever.
Han sawi teh duah tur ka hre lo.
In tanpui mawihnai
Saturday, May 28th, 2011Zanin, May ni 25, 2011 hian Paul Simon (Simon and Garfunkel ami) chuan Washington’s DAR Constitution Hall ah concert a nei a. A hla sak mek “Gumboots” hla thu a theihnghilh deuh zawk pek alawm mawle. Chutih lai tak chuan mipui lam atangin au chhuakin hrilh ani a. Simon chuan a hlathu a theihnghilh thut tih chuan mipui lamah pui turin a au chhuak a ni. Chutih lai chuan Paul Fournier (kum 42) chuan bahlah miah lovin a rawn sa chhuak nghal a.
Paul Simon lawm lutuk chuan stage ah ko chhoin an jam dun ta anih kha. Mipui an chawk phurin concert hlawhtling tak ani awm e.
Paul Simon, Paul Fournier in a zai pui:
(more…)
Hnam ‘ro’
Saturday, May 28th, 2011Tun hma kan pi/pu te kha, an khawvel kha ala zim a, an in elna leh intlansiakna te, an hmingthanna kawng, khawtlang invawn felfai na kawng te kha tunlai nen chuan a danglam ta hle. Hmanlai Pi leh Pute rinawmna, tlawmngaihnam leh huaisenna te kha, tunlai hian a ho zawng a sawina a awm ta zeuh zeuh a. Chuvangin, he zawhna hi misualho hian I han chhang liam liam teh ang u le:
1) Hmanlai ai-in, tunlai hian mihring hi kan rinawm ta viau em ni le?
2) Hmanlai aiin kan tunlai tlawngaihna hi a tak-in, a ropui ta viau zawk em ni?
3) Hmanlai pi leh pu te ai khan kan huai zawk ta viau em ni le?
(more…)
Luang liam!!!
Saturday, May 28th, 2011Thangkhat lian meuh chu a vei ve ta. Theihnghilh tuma beih chu hah thlawnna mai nia ka hriat avangin hriatreng ka tum ta zawk a. Kum 12 kaltaa thil thleng kha a ni a, khang hunte kha ka dawn kir chang chuan ka rilru a la khawih reng thin.
Zirna sang zawk zir turin Zawlkhawpui lam pan chuan ka chhuk ve a, thian nei lem loh bakah ka pite ina awm ka nih avang chuan thian ka pawl tam lem lo. Lehkha leh Laptop bih ngur ngur mai lo chu tih thin em em pawh nei lo chuan ka awm mawl ve tawp thin a. Ka pite in hnuai chu vai chhungkua hian an luah a, an fanu pakhat nen chuan kan innel ve em em thin. Dawra thil lei tul changte chuan kan kal dun mai thin a, thian ang taka inkawmin kan infiam bawrh bawrh thin a.
Hunte a lo liam chuan kan lo innel deuh deuh a, a nu leh pate chhuah hlante chuan len zeuh zeuh chu ka ching chho ta a. Ka pite chhuah leh a chhungte chhuah inrual thinte kha kan va hmang tangkai thin tak em!! Zan khat inkhel kan en dun kan hmang tha lo lutuk erawh rawn thai lan loh hram ka duh nain ka rawn tilang ta hram mai.
(more…)
‘ZO’ thil thing sawinan maw?
Saturday, May 28th, 2011Tunlai kan thangthar te’n an uar em em, thil thing sawinana an hman thin chu ‘zo’ tih hi a ni a. Pa pakhat tunlaimi lo ve tak hmu ta se, “sawlai pa saw a zo tiah tiah..” tiin an sawi thin. Hetianga kan tawngkam hman hi engtia han phuahchhuak ve ngawt nge an nih ang aw? tiin ka ngaihtuah mai mai thin.
Rual u deuhte pawn he tawngkam ‘zo’ tih hi an lo hmang ve tawh thin a. An hmanna ho kha han ngaihtuah tlang dawn teh ang. Ramhnuaiah an han kal a, “helai chu a hmun a la zo hle mai” titein an sawi thin. Chutilaia ‘zo’ an tih chuan a kawh ber chu ‘kha hmun a boruak kha a la thiang a, khawl ropui tak tak khu in a boruak a la bawh buai ve lo’ tihna a ni.
A tawp berah chuan upa zawk te’n ‘zo’ tih hi ‘hmun sang, hmun thengthaw, boruak la thianna hmun sawinan’ an hmang tlangpui thin a. Tunlaia kan hman dan nen chuan a inanglo khawp mai. Tunlai hian he thumal hi a awmzia pawh hre lova thil thing sawinan hmang kan tam khawp mai. Ka hriatdan khi a dik ber e ka tihna a ni chuanglo. Midang ka zawhna leh upa zawkte hman dan atanga ka thlirna mai a ni tih erawh min hriatsak dawn nia.
Ka zawhna awm ta chu- ‘ZO’ tih thumal hi engnge a awmzia nia i hriatdan ka hre duh a? Tunlai kan thangtharte hian kan mizo tawng hi a nihdan leh hman dan pawh ngaihtuah lova an chinglet thin hi eng nge i ngaihdan?
Aizawl – Dwarbond (Silchar) Kawnglaih
Saturday, May 28th, 2011– C.H.Liana, Durtlang-Leitan. [Source : MUP Tlangau February 2011]
Khawvel pumpui mai indona avanga kan buai mup mup lai – 1941-ah khan Japan ral kha an lo chak buan buan tak em avangin Mizoram ri bul bul vela vengtu sipai thiar luh zung zung theihna turin Kawngpui (lamlian) tha neih angai a, Aizawl-Silchar kawng laih zauhna turin Sawrkar thupek a awm ta a, chumi lamlianpui chu an han laih tak tak meuh chuan kan khua Durtlang pawh hi a paltlang ve ta miau si a, borak thar kan hip a, kan nitin nundan te, kan khawsakna te, kan sakhua te chenin a tha leh tha lo lam thlengin, min chawisangin min tibuai ta ni berin a hriat theih.
Hawiher zau leh sang zawk kan neih lai hian vawiin thlenga kan buaipui ngai harsatna eng eng emaw te min thlentu kawngka chu a ni ta bawk lawi si. Hemi kawnglaih chanchin hi sawi seng lo mah ila, a then a zar tal chu han sawi lan ve hi a chakawm hran pa ve hrim hrim a ni.
He kawng lai tur hian British India Sawrkar chuan Indian Tea Estate Association hnenah contract hna a pe ta a. Hnathawktu labour 3000 zet a rawn hruai a, an zinga Mizo pakhatmah an tello hi a mak hle a ni. Kum 1941 ah chuan an lai tan ta mup mup mai a, Jeep leh 15cwt Truck tlantir theih ngei tura siam hi an tum ber a ni.
