TuaiSiala te sawm fiamna hnial thiam loh vangin ka poem phuah pakhat hi ka han chhawp chhuak ve ngawt ang e, post tur ka haihchham rih si a. Sonnet lam hrut hmain Iambic Tetrameter hmanga ka phuah hi ka han tlangzarh phawt ang e.
Tinkim ka dawn, riltin ka hrut,
Ka kur diam e, nunhlui ngaiin;
Eng dawn lova, tlaini len lai.
Panlai ka ngai, kir rel lovin,
Zan mu ka chhing, nghilh si lovin;
Zing khua a var, thin lai a thar,
Chhun ni ka chhiar, ka ngui riai e.
Kumpui ka chhiar, ka chhiar liam e,
Nun thar ka tawng, phurhhlan ka siam.
Ka riang hluan e, mahriaktein,
Zun phur ianga, kal lai relin;
Min dem lo u, min dem lo u,
Nun thar ka zir, ka zir zel e,
Chung khuanu leng, hual chung zelin.
He hlahril hi rhyme scheme lam ni lovin a meter chauh ngaihtuah chunga ziak a ni e.
June 3rd, 2011 at 9:44 am
Pu Muantea chu hla phuah mi tak i nih dawn hi.
Report this comment
June 3rd, 2011 at 9:48 am
Coma leh full stop hma chiah a thumal te khi ri säng leh fän deuh hleka chhiarin a kal zaih mai. Sikul naupang sawi tir chi a nih khi. Mizo hla sentence khat lek, ka ngaih tuah apianga ka thin lung ti che ngei ngei thin chu, “Pär ang an chul kan nun khua rei an chang zo ta” tih leh “Zan tiang Chhawr thla a en changin Lung rukah min vei ve rawh” tih te hi.
Report this comment
June 3rd, 2011 at 9:49 am
2. Oh, semi colon pawh a tel. Sorry.
Report this comment
June 3rd, 2011 at 9:52 am
Tonic solfa a tello maw?
:Fiamthu:
Thu leh hla lah hi in thiam nek hlawm a hairehai
Report this comment
June 3rd, 2011 at 9:52 am
Hringnun i chhawp chhuak nalh khawp mai.
Report this comment
June 3rd, 2011 at 10:03 am
Tlar hmasa ber a riltin ka hrut tih awmzia khi ka va hre thiamlo ve. Min han hrilhfiah teh u.
Report this comment
June 3rd, 2011 at 10:09 am
A va ngaihnawm dup dup ve…Chham rual thup thup a chak awm e.
Report this comment
June 3rd, 2011 at 10:31 am
6. Sangpuii pa, A phuahtu hian, Tin kim a han dawn khan, a rilruah a nun hlui mual liam tawh hnute a chhui kir/a rawn lang zut zut tihna a nih hmel.
Report this comment
June 3rd, 2011 at 10:37 am
Okei, riltin tih hi ka lo la hre ngailo a. Eng sawina atan nge an hman thin aw ka lo ti ve mai mai a.
Report this comment
June 3rd, 2011 at 10:49 am
A meter lamin engzat nge a kawh ?a kawk sang nge hniam ? Hrethiam ve chiah mah suh i, thiamrilpa muante hlahril meuh zawng a mawi hluan e.
Report this comment
June 3rd, 2011 at 10:50 am
A va ril em. Tlar khatnaa ‘riltin’ tih khi ‘kiltin’ tih tur nge ‘riltin’ tih hi a awm ve hrim hrim. Meter i tih khi a awmzia ka hre ve hauh lo a mahse a thra, a ngaihnawm ka ti. Tlar tawp pahnih khi ka va duh em @Muante.
Report this comment
June 3rd, 2011 at 11:09 am
Poetry ka chhiar hian a meter leh ter lo ah ka buai ve lo,a thu ken a zirin rhyme awmlo pawh ni se,mawi tho
Report this comment
June 3rd, 2011 at 11:27 am
Hmm!
Tha hle mai!!
Report this comment
June 3rd, 2011 at 11:34 am
Ka’n ti ve chhin -
Ka lu a pan, a khir uar e,
Doctor ka rawn, min tuai min tuai…
Report this comment
June 3rd, 2011 at 11:52 am
…riltin ka hrût…
Pànlai nun ngaia a suangtuahna vah vel nasatzia, a ngaituahnain hmuntin kiltin a hrût nasatzia – ril takin a rawn chham chhuak a nih hi.
Report this comment
June 3rd, 2011 at 12:08 pm
a va ropui em!!!!!
Report this comment
June 3rd, 2011 at 12:49 pm
wow ! 14 lines chu a rawn ni ta ngei mai ! Muantea chu ti fiam mai2 dawn emaw ka tia, i van rawn phawrh ril si ve ! A bik takin english leh mizo dept ami zirlai hote tan chuan harh kuar2 na tur thil ani tlat mai…han ti zel teh u……
Report this comment
June 3rd, 2011 at 12:49 pm
Sir Muantea’n English min zirtir lai (class xi & xii) kha chuan ka tui ve thin a nia. Mahse, Ui leh a kaihhnawih ngawt mai zir a, ka buaipui tak hnu ah hian, ka hriat ve ho pawh ka hloh then ta
# 14… chhunzawmna ka lo nghak e, a tawi na’ngin a ril tlat
Report this comment
June 3rd, 2011 at 1:18 pm
Khi hla khi rhyme scheme nei thlapin han ti la chu, a nalh lehzual ngei ang. Chhiar a nuamin hlathu un lutuk ang chi a awm lem lova, mi mawl ber tan pawh hriatthiam theih chi a ni. I sonnet ka lo nghak reng e!
Report this comment
June 3rd, 2011 at 1:34 pm
a va ril em
Report this comment
June 3rd, 2011 at 2:35 pm
A thupui khi “Hun hlui – Nun thar” tih ni zawk se, a mawiin a fuh zawk ang em awww…???
Report this comment
June 3rd, 2011 at 3:08 pm
Pawnlang takin a ril
Report this comment
June 3rd, 2011 at 3:31 pm
@a post tupa, a meter i ngaipawimawh ta sa sa, a pair khatna chauh khi sawi ila – tlar khatna chiah khi siamthat ngai a ni awm e. Tlar khatna tih loh khi chu pair khatna khi unstress/stress a ni deuh vek a, tlar khatna tê khian a hmai a tibal.
Pair hnih zawha comma dah zel hi Iambic Tetrameter ziarang a nih chuan ka hre law, chutiang a nih loh chuan comma dahna thenkhat (eg. Eng dawn lova, tlaini len lai.) ah khi chuan dah loh a mawi zawkin ka ring ve ringawt. Tin, Mizo tawng kalphung ngaihtuah chik zawka chhiar chuan, tlar 4-na, pair tawp pahnih khi chu siamthat a chakawm ngawtin ka ring bawk.
I thiamzia a lang a, ka theih ve loh thil a ni tih pawh ka hai lo. Midangin an fak tho che a, kei chuan heti lam hi ka rawn ziak ve mai mai a ni e. NOI
Report this comment
June 3rd, 2011 at 3:56 pm
Mizo trawnga poetry phuah hi thil har tak a nia, ka tum ve nasa tawh alawm, a thui mawh teh asin aw. Mizo trawng hi a la hausa tawk lo a ni tih ka pawm phah thlap. A post tupa pawh hian hetiang taka dek nalh leh ril tur hi chuan a chai ve nasa khawpin ka ring e.
Report this comment
June 3rd, 2011 at 8:44 pm
Thiante u, min lo hrethiam teh u. Vawiin ka hna lamah ni tla van vuuiin ka buai a, ka online hman ngang lo a ni. Iambic Tetrameter hmanga ka hlahril phuah hmasak ber a ni a, fuh tawk lo chu a awm e.
‘riltin’ tih lai khi ka phuah hun lai ka ngaihtuah letin ‘kiltin’ tih ka tum a, mahse a huam zau tawk lovin ka hria a, thinglung chhungril ber hrut vek tur ka duh avangin ‘riltin’ duh takin ka ti ta mai a ni.
@kawlhawk, hun leh nun hi inunau hnai tak kal dun rial a nih avangin ‘a tha vek e’ ka ti mai.
@lianchhiara,i mit a varin hlahril lamah chuan i benghawng hle tih a hriat e. I han tarlan lai tlar khatna pair 3-na leh 4-na khi a meter lamah chuan dik mahse a flow a letling roh a, ka duh sia, ka ti ta mai
Amaherawhchu, tlar 4-na i sawi khi chu han siam danglam dan tur ka hre lovin a dikhlelna lai ka hmu thiam mai lo tlat, min han hrilh zawk teh.
Thu, hlaa chantira kalphung zawm tura phuah chhuah hi lung a len lem loh phei chuan ralpui phiara phiar a ngai deuh roh tlat thin
In comment ho hian min tilawm khawp mai.
Report this comment
June 3rd, 2011 at 10:27 pm
‘riltin’ tih khi ka duh luttuk. Tunhnaia tawng hmang thar siam chawp, computer term atana hman tur “mouse’ tih lehlinna tih vel ai hian a adopatable luttuk, riltin tih tawngkam khian ka ril a fan…
Report this comment
June 4th, 2011 at 3:46 pm
Ka lo thlir reng thin a, tunah chuan ka hmu ta.
Thenkhat chuan hla hi phuah dan/ kalhmang bik nei hi an hrethiamlo mai pawh ni lovin, tul an ti lo thin. Mahse, hei tak hi hla ropuina leh a phuahtu themthiamzia phochhuahna a ni a; ngaihtuahnain riltin a hrut loh chuan phuah mai mai theih a ni lo tih a tarlang bawk.
Ka chhiar a, ka chhiar nawn leh a, ka chhiar leh zel a. He hla a lo awm theihna tura a phuahtu thluak hman nasat turzia ka hmu bawk a.
Report this comment