Ruatlawk Theology (Chhandam tawh nge Anchhedawng sa a piang?)

May 4th, 2011 9:30 am by moia

Pathian  hian  kan  pian tur te, kan thih hun turte, kan  thih hnu a kan kalna tur hmun te a hre lawk vek in kan ring em ? Kan ring lo a nih chuan mihring te aia Pathian ropuina – engkimtithei leh engkim hria (omniscient) a nihna  tak a chu kan pawm lo tihna a ni dawn a.

Engkim a hre lawk vek tih kan pawm  anih erawh chuan, kan awm dan mek leh awm dan tur zawng zawngchu ( hremhmun emaw vanram emaw a kal tur te thlengin)  a lo  hriatlawk/ruatlawk ang zel a ni tih kan pawm tihna a ni thung.

A nih leh,  chu Pathian in a lo hriat lawk chu mihring hian a tidanglam thei ang em le ? Mihringin a  tih dang lam mai mai theih si chuan, Pathian chuan a lo  hre lawk bik lo tihna a ni leh dawn bawk si.

Mihring thil tih leh duhthlanna in engmah  a tih dang lam theih si loh erawh chuan kan thih hnua a kan awm dan tur te pawh chu leilung pian hma a tanga  lo ruahman lawk sa vek tawh (predestined) a ni tihna a ni.

He mi chungchang hi  Kohhran Thurin lam a tang in lo thlir ve leh bawk ila. Presbyterian Kohhran Thurin IV na ah chuan chiang tak in –

“Thlarau Thianghlim, Pa leh Fapa ata lo chhuak chuan mihringte chu chhandamna changtuah a siam a, an sualzia leh chungpikziate a hriat chiantir a. Krista hriatna kawngah an rilru a tivar a, an duhthlannate chawk thovin, Isua Krista chu an Lalpa leh Chhandamtua pawm tura ngenin, pawm thei turin a pui a, anmahniah felna rah chi tinreng a thawk chhuak thin.” tih a ni.

(https://www.mizoramsynod.org/index.php?phek=bawm&bid=47)

 

He Thurin atanga chiang tak a lo lang ta chu, mihring hian ama chakna in Pathian hnen a thleng zo lo va. Sual chirhdup a tlu reng, mahni a tho chhuak thei lo, thawh duhna pawh nei chuang lo  a ni. St. Augustine-a leh John Calvin-a te chuan Ruatlawk/ Thlan te an awm in an ring a. Chu chu Protestant Kohhran tam ber leh Roman Catholic te pawh in tunhma atang a an lo pawm tawh dan a ni.  An Thurin ah chiang tak in dah kher lo mahse, an Thurin  atanga  logical conclusion chu Ruatlawkna( Predestination) awm thu bawk hi a ni.

Thiltih vang ni lo, khawngaihna  a vang zawk a chhandam kan nih thu pawh kan inzirtir tam em hi. Rawngbawl tur a chhandam tih thu pawh hi ngaihtuah ila,  rawng bawl(thiltih) vanga  chhandam ni lo vin, min chhandam  hmasak zawk vang a rawng bawl kan nih zawk zia sawilanna a ni.

Aw le, Thlarau Thianghlim zara Isua Krista chu an Lalpa leh Chhandamtu a pawm a, anmahni a felna rah chitin reng lo lang chhuak te chu chhandam fate  an  ni a, chutiang a pawm ve thei lo (Hindu, Muslim etc) leh  Camping/ Crusade na ilo vel a “ka pawm e” ti ve tho,  anmahnia felna rah hmuh tur awm chuang si lo te erawh  chu Thlarau Thianghlimin a puih ve tak tak  loh, boral mek te  an ni kan ti thei ang.

Chuti chu, mi thenkhat in Lal Isua an ring lo hi anmahni sual ni lovin, Thalaru in a hriattir ve loh vang a ni mai dawn lawm ni ? Nih chu ni mai e. (Ref. Chhandamna Thu, by Rev. Liangkhaia, 2009 Edition p-93)

Chhandam na changa vanram a lut tur a Thlarau Thianghlim puihna dawng te chu an va nihlawh em!  Chutiang tak a puihna dawng ve lo, chatuan hremhmun a kal mek te erawh  chu, vanduai ah pawh an van a duai chuang ngei mai.

 

 

 

 

 

 

 

 

 

 

 

 

 

 

 

 

 

 

 

 

Similar Posts:

Recent Posts:

26 Responses to “Ruatlawk Theology (Chhandam tawh nge Anchhedawng sa a piang?)”

  1. 1
    rose10 parvuli Says:

    ngaihtuah thui ngai chi, awl huna chhiarah dah ang :) :) post hlawkthlak tak a ni dawn tlat mai a !!

    Report this comment

  2. 2
    thian tha Says:

    Ruatlawk theology chu ka pawm hlawl lo va, Pathianin mi ruat bik a nei tih erawh ka pawm tlat thung.

    Report this comment

  3. 3
    bucko Says:

    Hm… sawitur a tam khawp ang…. Ruat lawk (predestined) chungchang hi chu nakin ah ka ngaihdan ka la rawn post ang….

    lal Isua ring duh leh duh lo hi chu, thlarauthianghlimin a pui leh pui loh pawh nilovin, mihring zalenna, Pathian in duhthlan theihna min pek kan hman duh dan a zir a nimai…

    Report this comment

  4. 4
    Kezungpui Says:

    he thu hi controvercial deuh ani.Ruatlawk(predestined) awmzia leh a mean hi kan hriat hmasak a pawimawh awm e.
    Predestined in a sawi tum tak zawk chu ‘knowing before hand’ ani a.chu chu kan hrethiam theuh awm e.Pathian hian tute emaw hi vanram kal leh kallo tur a ruatlawk lam ni lovin,amah ngei,engkim hretu leh hmutlangvektu chuan hun lo la awm tura Amah ring duhtu tur leh duhlo tu tur te pawh a hre lawk vek a.chu Amah ring duhtu turte chu RUATLAWK tiin a sawi mai ani.Hei chu chhandamtur,hei chu chhandam loh tur tiin a ruat hrang lam ani lo a.Amah la pawm duh turte chu a hriatlawk vek avangin,chung ho chu Ruatlawk(predwstined/elected) tiin a sawi ani.
    Kan hriatthiam ka ring.kalo buaipui hrep tawh anih avangin keimah ah cuan ka chiang tawh viauin ka hria.enge in ngaihve dan?

    Report this comment

  5. 5
    cotdarz Says:

    Thil chihnih ah i rawn teh a. Destination leh coincidence hi chu inhnialna ti tamtu a ni ve hrim2 Pathian thu lovah pawh. Keichuan Pathian engkim tihtheihna ka rindan chu ‘mihringin kan hriatthiamphakloh zelin’ tih ka pawm tawp mai. Kan duhthlanna leh kan nun danin a zir tho si, a hriatlawk leh ruatlawk vek bawk si pawh hian a awm theih ka ring. Chhuk tel lova chho a siamthiam ka ring ka tihna a nih ber chu :D.

    Report this comment

  6. 6
    keimahte Says:

    Ruatlawk chungchang hi inhnialna sawt lo tak a ni. Bible chang khawi emaw lai tanchhan tur tam tak awmin lang mahse sela (eg Rom 8,9), Bible zirtirna pumpui eng atanga thlir chi a ni. Kan theologian hmasa (Rev Liangkhaia te ho) khan an lo pawm a nih pawhin, Calvinistic institution hnuaia zir an nih vang a ni ang. Tunlaia kan theologian te hi chu an in chhiar zau tawh deuha, Calvinistic predestination hi chu a tam zawk chuan an pawm meuh tawh lo.

    Ruatlawk theology hi Bible zirtirna nen a inrem chiah em tih chu mimal theuhin Bible zirtirna kan pawm danah a innghat ber tur a ni ang — tute emaw thuziak atang ni lovin.

    RUATLAWK THEOLOGY IN A ZIRTIR DAN:

    * Pathianin chhandam tur a ruatlawk sa vek, hremhmun kal tur nen.

    * Isua thihna kha mi zawng zawng tan ni lovin, Pathianin chhandam tura a ruatlawk te tan chauh a ni.

    * Rinna hi vanram kal nan a pawimawh ber a ni lo, Pathianin a ruatlawk te chu rinna a pe mai zawk a ni. Duhthlanna a ngai lova, Pathianin a lo thlan lawk te chuan loh theih lohin Isua an thlang ve mai zawk a ni.

    * Pathianin a ruatlawk te chu eng kawng pawh zawh se Thlarau Thianghlimin lo theih loh in Pathian hnenah a hruai thin (duhlo mahsela)

    * Chhandamna an bosan ve thei lo.

    Hengte hi Bible zirtirna niin kei chuan ka hriat loh avangin ‘ruatlawk thurin’ hi chu ka pawm ve lo tawp mai. Amaherawhchu Pathianin ruatlawk tumah a neilo ka tihna erawh a ni lo. #2-a ‘thian tha’ sawi ang khian a remruatna tihlawhtling turin rualawk mi thenkhat a nei tih erawh ka pawm ( eg, Jeremia, Paula ldt).

    Report this comment

  7. 7
    swiftymcvay Says:

    nia,ka ngaihtuah nasa thei khawp mai he thil hi chu. Siamtu hian kan destiny hi a ruat niin ka hre thin. Engkim kan tih hi a remruat dan vek ni ten ka hria

    Report this comment

  8. 8
    varung Says:

    Pathian chatuan remruat chuan kan chhandamna, suala kan tluk tur leh Isua thisen hmanga chhandam kan nihna hi a ruat lawk ngeiah ka pawm a, A chhandamna kawng sial turin ruat lawk pawh a neih ka ring. Chutiangin Serhhran leh belruat pawh a nei chiang mai a, Mahse a nawlpui te erawh hi chu kan duhthlanna hmang ngei a chhandam kan nih leh nih loh hi a duhdan leh tumah ka ngai… Chuti nilo se lo Tupawh a ring apiang tih, Mi zawng zawng tih hi a dik lo a ni ngei ang… (Y)

    Report this comment

  9. 9
    sekibuhchhuak Says:

    Predestination; ruatlawk theology kan tih mai zirtirna hi Baibul pumpui zirtirna kan enin a inmilin a inrem a, Baibul chang tam tak ah khawvel pian hma pawh a thlan leh hriat kan nih tawhna tam tak a awm. Abikin chhandamna chungchangah ngat phei chuan, kan tihve leh kan ” duhthlanna” hi khawi lai takah nge kan hman tih hi a har lai ber chu ani a. Chumi anih chuan, Pathian engkimhria, engkimtithei kutah kan chhandamna hi a awm tihna ani mai.

    Free Will, duhthlanna pumhlum hi kan neih chiah em ?
    Hetiang hi zawhna in zawt ta ila : Engvangin nge Lal Isua zui i thlan ? Keima duhthlanna avangin, Lal Isua chu ka ring. I ti ani mai thei. In zawt chik zel ta ila : Engtik lai chiah khan nge, Engvangin nge Lal Isua zui chu I thlan ? Ka sual ziate ka inhrechhuak a, hremhmun kal tur ka ni tihte kan in hrechhuak a; Lal Isua chu Lal leh Chandamtu atan ka lo pawm ta ani, iti leh mai thei. Engtinnge i sualzia te i in hriatchhuah tak thut mai a, Isua zui i thlan tak ? Engvangin ? Johana ziak-ah chuan : “No one can come to me unless the Father who sent me draws him..” Pathian hnathawh ani mai dawn lawm ni. Mihring nature, chhelailetder ( total depravity ) hian Pathian athlang si ova, thiltha lam kawng reng angaituah silo ( cf Rom ) Piangthar tawh inih chuan, engtiklai khan nge pianthar duhna i neih le ? Chu duhna thillung petu che chu Pathian ani.

    Pathian thuneihna hnuaiah free-will kan neive chauh zawk ani.

    Predestination zirtirna la vawngtu te innghahna laimu chu, Pathian pathiannaah ( sovereignity of God ) ani. Entirnan : Kristian nilo, Isua chanchin i hrilh ta a, Kristian nih duh ta a. Engvangin ? Isua chanchin i sawi thiam vang leh i tawngkam thiam vang em ni ? Nge ni a, amah duhthlanna pumhlumin ( Pathianin a thinlunga hnathawh tel miah lovin ) a thlang zawk ? I thianpan Lal Isua zui aduh tak na chhan chu; Lalpan a thillungah hna athawh vang ani.

    Ruatlawk / Predestination, Calvinism tiin kan sawi duh emaw duh lo emaw, kan chhandamna chungchangah hian, PATHIAN athu ber tih hian pawm mai a awlsam awm e.

    Report this comment

  10. 10
    vakul Says:

    Kan nun hi han thlir vang vang ila:- ‘hun lo kal tura kan nun Pathianin min ruatsak vek tih hi ka pawm thei lo’ ti ho pawh hian kum engemaw hnuah ‘Pathian min lo hruai dan kha a mak’ kan ti leh tho. Tawk tek tawk viau chuan ka hria.

    Report this comment

  11. 11
    Jacka Pi Says:

    A theology laiah hian ka buai peih tawhlo hrim hrim…ka hriat chhun chu Isuan min chhandam tih ka hria a,ka duh tawk viau mai

    Report this comment

  12. 12
    donald Says:

    Predestination – ruatlawk theology hi a Biblical chiah em?

    An tanchhan ber Johana 6:44 hi hriatthiam a pawimawh khawp mai.

    Isuan “Pa mi tirtuin a hip loh chuan tumah ka hnenah an lo kal thei lo vang [No one can come to me unless the Father who sent me draws him..]” a tih vang hian chhandam tur emaw hremhmun kal tur emaw a ruatlawk tihna a ni lo. A chang dawtchiah hi an hmaih lui fo thin. “Zawlneite lehkhabuah, ‘Pathian zirtirin an awm vek ang,’ tih ziak a ni. Mi tin Pa thu hriaa zir apiang chu ka hnenah an lo kal thin.” a ti leh a. Hemi awmzia chu Isua hmang hian Pa chuan mi zawng zawng a hip a, ruatlawk bik awm lo in, a thu pawmtu te chuan Isuaah rinna an nghat mai thin a ni.

    Mihring suala tlu tawh hi mahni a in chhandam thei a nilo tih chu chiangsa a ni a, chumi chhandam tur tak chuan kan tihve tel hauh lovin Pathianin a fapa a rawn tira — mi zawng zawng tan, tihbik (ruatlawk bik) nei lovin. A ring duh leh duh lo kan awm mai a ni. A ring duhlo te hian an rin loh chhanah Pathian an puh thei lovang !!

    Report this comment

  13. 13
    D_auaChwngthu Says:

    A hahthlak hlawm teh e maw,.. :-D :-D :-D

    Report this comment

  14. 14
    vakul Says:

    Doctrine of Pre-destination hi a concept ngun taka thlir loh chuan sawi vak vak chi pawh a ni lo.

    Pathian thuneihna(Sovereignty of God) doctrine atanga lo chhuak a ni a, Pathian hi hnial rual loh ‘unquestionable’ a nihna chiang taka hriat hmasak chi a ni

    Pathian hi God of Rightiousness a ni a, dik leh tha zawng zawng tehna unit chu amah atanga chhuak a ni a. A duh apiang a ti ang a, tuman an question thei lo reng reng.

    Augustine-a khan ‘thil engkim a hre vek a, a ruat lawk a ni’ a ti a, Calvina’n a duh tawk lo ‘A hriat lawk vek avanga ruatlawk ni lovin, a ruatlawk vek avanga hrelawk a ni’ a ti thung a, a dah chungnun hmel hret.

    Engpawhnise, ruatlawk pawm miah lo an tam ve tho. Duh dan ber chuan Ruatlawk pawm miah lo Armenianism-ah piangthar ila, ruatlawk pawm Calvinism-ah rinna thang lian se la, Pathian hmangaihna kan chiang zual ang.

    Inhniala fel mai chi chu a ni lo. School of thought lian pui pui a tam em em a ni.

    Report this comment

  15. 15
    Lalthoimoia Says:

    proof nghal maina hi a awm thrin silo a.. in hnial lohtheih pawh ani love….

    Report this comment

  16. 16
    RenghangMan Says:

    Ngaihdan ka siam thiam ve lo..Lal Isua hi ka lal leh chhandamtu atan ka pawm tawp mai..hetiang theology hriatchian theih taktak siloh hian ka ngaihtuahna hi tibuai lul suh se..mahse, a bengvarthlak khawp mai,in comment hi..

    Report this comment

  17. 17
    donald Says:

    Arminianism hian predestination hi a pawm lo a ni lova, Calvinism pawm dan anga ruatlawk avanga mihring hi chhandam ni lovin, Pathian chuan amah ring tur leh tur lo a hriatlawk (foreknowledge) avangin chhandam tur a ruatlawk thei a ni a ti zawk a ni. Hei hi predestination tho a ni a, Reformed/Covenant theologian te khan Arminian predestination counter nan synod of Dort-ah khan 5 points of Calvinism kha a rawn duang chhuak ve chauh zawk a ni.

    Arminianism innghahna chang chu 1 Petera 1:1,2 hi a ni:

    ” Petera, Isua Krista tirhkoh chuan, Ponto ram te, Galatia ram te, Kappadokia ram te, Asia ram te, Bithunia ram tea Darhho awm, awih tur leh Isua Krista thisen theh dawng tura Thlarau tihhran a, Pa Pathian hriat lawk (foreknowledge) anga thlante hnenah chuan:In chungah khawngaihna leh remna tihpunin awm rawh se ”

    Martin Luther ang khan ‘predestination chungchang hi chu kan hrefiah tak tak chuang lo a, sawi tam loh law law hi a tha’ ti ve mai ila a tha zawkin a rinawm. Pathian chatuan program hi vaivut mai hian a hre phak lo ang ….

    Report this comment

  18. 18
    vakul Says:

    #17 donald i ti dik. Ka ngaihhai deuh a ni mai thei e.

    Kan thupuiah Calvins’ teaching of emaw ka lo ti hman pek a. ;-)

    Predestination hrim hrim hi chu tu pawh hian pawm tawk chu kan nei vek. Chuti a nih chuan. :-S

    Report this comment

  19. 19
    donald Says:

    Ni e vakul, tu pawh hian predestination hi pawm chin hi chu kan nei theuh mai ni chuan a lang. Kan pawm chin hi a inang lo viau hlawm mai pawh a ;-)

    Report this comment

  20. 20
    Krista Says:

    Hetiang lam hi chu ka ngaihtuah buai duh lo e….

    Report this comment

  21. 21
    cotdarz Says:

    Pathian roreldan hrethiam phak ni ila, a ropuina kan hre nang. A tum ber leh awmdantur min zirtir tluka ngaihven tur pawimawh ka hrelove

    Report this comment

  22. 22
    Msi Says:

    A khawi a pawh pawh ni rawh se…a buktu tur chuan, Pathian a nih angin a buk mai dawn lo em ni? Leia ka dam chhan ni a ka hriat tihlawhtling tur a beih loh chu he ramah hian tihtur dang ka nei lo. A ring apiang tih a ni a…tu rinna mah ka sawi thei lo…ka rinna ah a innghat ka ti e :-)

    Report this comment

  23. 23
    sekibuhchhuak Says:

    Nangnin min thlang lova, keiman ka thlang che u ani. A tih atang pawh hian; Pathian chuan ruatlawk chu anei thih a chiang khawp mai.

    Kan duhthlanna pumhlum atanga Pathian chhandamna hi kan hnawl theih nise, mihringte hi kan chhandamna kawnga incharge pumhlum kan ni tihna ani ang. Chu chu Baibul zirtirna ani bawk si lo.

    Report this comment

  24. 24
    Art-a Says:

    “Nangnin mi thlang lo, keiman ka thlang zawk che u a..”[Johana 15:16]tih thu hi Pathianin chhandam tur leh hremhmun kal tur a ruatlawk tih tanchhana hman chu a fuh lo maithei a ni.

    He thu Isuan a sawina hun leh hmun leh a sawi chhan hi a pawimawh. Zanriah hnuhnung an kil zawha, khawvel a chhuahsan tawh dawn avanga a zirtir sawm leh pakhat te hnena a thuchah a ni a, chhandam tura ruatlawk an nih thu lam a ni lo. Hengho hi a rawngbawl tantirha a thlan chhuahte, apostle tia a vuahte kha anni a, a thu hre tu ni tur leh chanchin tha khawvel zawng zawnga puangdarh tura a mi thlante anni.

    A ruh lang rawta sawi chuan chhandam tur leh tur lo Pathianin a ruatlawk tia tang tlat ho hi chhandamna chungchangah an chiang lo a ni! Heng thu: tlanna,inremna, simna tihte leh sual ngaihdamna chungchangah hian an buai tlat a ni. A chhan chu Isua kha mi zawng zawng tan a thih si chuan mi zawng zawng hi vanram an kai vek turah an ngai tlat a, mi zawng zawng hi vanram kai turah an ngai leh bawk silo a, chuvang chuan Isua thihna kha mi zawng zawng tan ni theia an hriat loh avangin, ruatlawk thenkhat tan chauha thiah an pawm hmiah mai a ni.

    Isua kha mi zawng zawng tan a thi tih Bible in a sawi hi an pawm tlat lo a, mi zawng zawng tih hian mi zawng zawng a huam lo an ti tlat mai a ni. An hriat fuh lo chu mi zawng zawng tana a thih avang hian mi zawng2 vanram an kai vek dawn kher lo a, an tana thi-a chu ringa, a thu zawm tute chauh hi chatuana nung tura ruatte chu an nih thu hi a ni.

    Report this comment

  25. 25
    keimah Says:

    “Ani chuan mi zawng zawng chhandama awmah leh thutak hriaah a duh a ni” (1 Tim. 2:4)

    Report this comment

  26. 26
    trusted Says:

    PATHIAN IN A HMANGAIH CHE
    I THAT NA TURIN ENGKIM A THAWH SAK ANG CHE (L)

    Report this comment

Leave a Reply

You must be logged in to post a comment.