British ho khan India hmarchhak kil Assam phai kin, Alexandrapur, tunhmaa Mizote ram ni thîn, Assam ram ni ta chu thingpui that duhna ram a ni tih hriain a ram neitu Mizote biak leh râwnna pawh nei hauh lovin thingpui huan tur an rawn vât èng ta hiai huai mai a. Luidung lamah te pawh thing leh mau an tawlh dul dul reng mai bawk a. Mi ramah lûtin an pawi an sawi tih pawh hre duh lovin an duhna lai laiah khua an rawn din ta zêl a.
Chutia ngaihmawhawm leh enghelh tham khawpa an chêt tâk avângin kum 1826 khan kan pasalthate chuan luidunga an thing leh mau tawlhte chu titâwpa a rang thei ang bera kan ram atà haw turin an zuk hrilh a. Mahse, pasalthate thusawi chu engahmah ngai duh lovin Kachobingalong-ah te nasa takin an che zui zêl a. Chumi chu duh lovin kan hnam pasalthate chuan kum 1844-ah an zuk ûmdarh ta a. Kuli mi 20 thatin mi 6 chu salah an hâwn bawk a ni.
Nimahsela, British sawrkar chuan Capt. Blackwood-a leh a hote chahchhuakin an vênna hnuaiah thingpui huan tur bawk chu an duhna lai laiah an vât zui zêl tho va. Tichuan, a ram neitute min thunun theih beiseiin ngaihdân mak tak leh artial fin takin Mizo lalte nen remna sauitan an sawt ta chúk chûk a. British aiawh Cachar bawrhsap Ware Edger-a leh Mizo lal eng emaw zât te chuan remna saui an tan ta a ni.
British leh Mizo lal thenkhatte’n remna saui an tan ta mai chu thil thui tak lo thlîr phate chuan pawi an ti takzet a. British-te chêt zui zêl dân pawh chu ngawihbopui mai chî niin an hre lo va. Kum 1871, January ni 23 khan Alexandrapur khuaa thingpui huan manager, James Winchester chu an hnathawh chawlhsana kan ram atà haw turin an zuk hrilh a, mahse, a duh tlat loh avângin an kâphlum ta a ni.
Pasalthate hian hetia kan ram chhûnga sap hovin thingpui huan an rawn siam mai hi a pawi theihzia leh thil ngaihmawhawm a nih zia an hriat avângin he’ng kumah te hian an hnathawh chawlhsana kan ram chhuahsan turin an zuk hrilh a ni – chu’ng kumte chu: 1826, 1844, 1847, 1860 leh 1871 te an ni.
Kan pasalthate kha kawng tha pawh awm lo, rampalailêngah ei-in tur mamawh zawng zawng mahni inphurh chawp vekin an thawkchhuak thîn a. Mizote aiawha ram lo humhalhtu an nih avângin an ngaihsànawm em em a ni. Theihtâwp chhuaha hnam dang laka an lo humna avângin vawiin thleng pawhin Mizo hnam hi la dingin kan tu leh fate nena chènna tur ram la nei thei kan ni tih hi hriat nawn fo a tûl hle.
Thingpui huan manager James Winchester a thih tâk avângin a fanu Mary Winchester, naupang chumchiap mai leh pawisawi ve lo chu kutthlâk ve lovin, sal man pawha man lovin duat takin lainatna nen rampalailêngah zantam riaka an kalkawngah pasalthate chuan inpuakchhâwkin Sailam lal, Bengkhuaia hnênah an hlân ta a. Ani’n duat takin a lo enkawl a, chu mai pawh ni lovin an khuaa puantah thiamte hnênah kawkpuizikzial leh lenbuangthuam puanzeh a tahtîr a. Khatih laia kan incheina mawi ber berin a lo thuam a ni.
British hovin Negro sal an kawl leh Red Indian an tihduhdah dânte ngaihtuah chuan Mary Winchester chunga Mizo ze diktak lang kha a ropui ngawt mai. Kan ram leh hnam pawisawitute fa mah ni se, Mizo zia leh ngilneihna avângin Mary Winchester chungah khan räwng takin an ti ve lo a ni. Khatia kan innawr tawn lai khan kan fate lo man ve ta sela, British lalin an rama thawmhnaw tha leh mawi ber berte order-in a lo thuam ve ang em le? Mizo tlâwmngaihna leh ngilneihna hi a ropuiin a chhuanawm thîn ngawt mai.
NB: Mary Winchester kha James Winchester-a’n anmahni hnam, sap nupui laka a fahrin a ni lo tiin thil chinchâng hriate chuan an sawi.
Thulâkna: British leh Mizote chanchin by S.K.Sanga.
Thubelh: He lehkhabu hi a tha khawp mai. Pasaltha Khuangchera thih ni pawh September ni 27, 1890 a nih thu a rawn ziak chiang a ni. Khi thu khi a pawimawh leh chhinchhiahtlâk êm avângin ka rawn ‘dah’ a ni e.
Similar Posts:
- Kan ram leh sakhua sap salah hruailuh a ni
- Zoluti
- Zorock-a Music Video thar en theih leh ta…..
- Mizo pa lârte lai-ah hming
- Israel Hnam bo leh Mizote
:)
June 6th, 2011 at 2:37 pm
Bengvarthlak e..
Report this comment
June 6th, 2011 at 2:45 pm
Bengvar thlak e, Oil and Gas Company leh Sairang thleng Rail kawng siam tura MOU an sign te pawh hi thil thui tak lo thlîr phate chuan pawi an ti takzet asin
Report this comment
June 6th, 2011 at 2:47 pm
3rd
Report this comment
June 6th, 2011 at 2:54 pm
tha hle mai
Report this comment
June 6th, 2011 at 2:56 pm
Mat lui kam atang hian chhiar ang hmiang
Report this comment
June 6th, 2011 at 3:03 pm
Hmanlai mizo pipute khan an sal mante abikin hmeichhiate kha an tiduhdah lo niin ka hria a, pawngsual ang chi phei chu an ti lo a ni awm e. Titi mai mai atanga ka hriat a nia, chumi ziak chu tia han sawi tur ka hre lova. A dik a nih chuan enge a chhan ni ang aw ka ti mai mai thin.
Report this comment
June 6th, 2011 at 3:06 pm
ngaihnawm hle mai . .
.
Report this comment
June 6th, 2011 at 3:28 pm
Ka hman hunah ka rawn lut leh ang. Sikulah ‘Mizote chu inrûn hnam kan ni’ tiin kan zir thin. Mizote hi inrûn hnam kan ni ringawt lo.
Report this comment
June 6th, 2011 at 3:37 pm
Avan tawi vele
Report this comment
June 6th, 2011 at 3:38 pm
Tunlai (UT hma atangin) kan ram enkawl tute ve hi
Report this comment
June 6th, 2011 at 4:00 pm
Maipawl paws!
Report this comment
June 6th, 2011 at 4:05 pm
Nie, kan pasaltha te kha an fakawmin an huaisen ngawt mai, kan hriat reng a tul hle a ni.
Report this comment
June 6th, 2011 at 5:25 pm
pasaltha tih han hmuh hi chuan read more button khi ka click chak zek2 thin. A ngaihnawmin a tawi fel at mai lehnghala
Report this comment
June 6th, 2011 at 7:02 pm
senor TS , history a cleopetra chanchin pawh hi ….. tih ka sawi leh trep ani..akeaeka
Report this comment
June 6th, 2011 at 7:17 pm
# 14.. Hahahaha.. Hei chu a dân a dang deuh
Ka sawi duh ber chu, eng vanga kan historian-te hian Mizote hi inrûn hnam kan ni lo ti nge ni ang le..? Eng ram paw’n civil war chu an nei deuh vekin ka ring a, chhim leh hmar indo, chhak leh thlang indote pawh khan kan civil war a ni ve mai a. Chumi tih lohvah chuan an hmelmate chauh hi a ni an rûn thin chu. Kan ram humhalh nan theihtawp an chhuah a, thîkthu pawh an pechhia. Lal leh midang engemawzat chuan man an tawk a, jail-ah thih thlenga tantir an ni a, a then phei chu vuakhlum an ni hial mai. Chuvangin ania comment hmasa lamah pawh ‘Mizote hi inrûn hnam kan ni ringawt lo’ ka tih ni.
Report this comment