Hlauh nei miahlo leh ngamloh nei miahlo mihring chu an awm awm love. Amaherawhchu ngam zawng leh hlauh zawng chu a dang thei viau ang. Pawngvina pawh khan a nupui chu a hlau hle in an sawi thin kha. Pasaltha huaisen, ramsa kawlh leh ral hlauhawm hma a zam ngailo te pawh hian min tina thei lemlova kan ngaih pangang, sazu no mit keu… tih vel mai mai pawh hi hlauh taktein an hlau thei tlat nia
Hlauh hi a tangkai chang a awm theiin, kan hlauh a zirin kan mizia pawh thui tak a hriat theih awm e.
Hnam mawl apiang hi tihthaih an nuamin, an hlauhna avangin thunun pawh an nuam thin. Hlauh tur ani nge nilo fiah lemlova mi sawi apiang hlau thei viau mi hi a awm theih khawp a, hetiang mi te hi dawihzep kan tihte chu anni mai lawmni? Mahniin fiah leh tih tum lemlova mite sawi lam apianga thle kual mai mai hi tunlaiah pawh kan nitin nunphung hrim hrimah leh kan rinna kawngah pawh kan tam thei viau dawnin ka hria.
Mizote pawh hi engngemaw chenah kan intichangkangin, fin leh varna kawngah pawh kan indahsang viau a. Amaherawhchu tihthaih kan la nuam riau in ka hre thin. Mi sawi hlauhawm apiang hi hlauh tur emaw kan ti niin a lang. Hmanni lawkah Nostradamus-a hrilhlawkna in mi tamtak a tibuai a, chumi hnuah NIBIRU kan buaipui leh luih luih anih kha. Mi thenkhat hlauhna nei ve lova thlamuang taka awm te chu mawl kan la ti viau lehnghal
Chutiang bawkin Bible Society leh Census hlau reng reng in mi thenkhat an lo hmanhlel a. European Union leh khawchhak lungpui hlau em em lah bo lo. Heng ang hlau a phar phar ho hi zawt ila an hlauh chhan ber hi an hria ang em aw ka ti thin. Kan hlauh tur hriat zawh zai dan em em hi engatinge ni ang aw?
Kan Christianna kum za kan lawm tawh hnu ah pawh heti reng reng mai hi chu Christian diktak awmdan tur ani ang em le!!! Paula ten, “Pathianin hlauhna thlarau min pe lova, huaisenna leh thiltihtheihna thlarau min pe” an tih lawm lawm laia mi sawi hlauhawm apiang a-dik-a-dawk pawh thlu lova hlauh ngawt zel mai hi kan dawihzia leh kan tak loh zia tarlanna chauh ni mai hian ka hre thin.
Kan thil hlauh hian min thunun tlat a, India dan a misual hremna a nat avangin thilsual kan ti ngam lova, nu leh pa kan hlauh leh kan zah avangin an mithmuhah thilsual kan ti ngamlo thin ani. Kan hlauh zawng tak chuan thildang min ngaihtuahtir theilo fo. Kan piputen an sawi thin kha, “sairamchhuah a sai hlaua tlanchhiat chuan sakei te mai mai chu kan palthle lawl lawl mai ani”. Kan thil hlauh hian min thunun tlat avangin hlauh tur diktak kan hriat a pawimawh hle ani.
Pathian hi kan hlauh tur diktak chu a lo ni e. Pathian hlau han tih hian zah leh tih a kawk tel ani tih pawh hre tel ta bawk ila. Kan insawi anga Pathian hlau tak tak ni ila chuan tuman European Union, khawchhak lungpui..etc..te hi kan hlau lek lovang a, corruption, tualthah leh inrawk tih tawngkam te hi kan hre kher awm love. Pathian aia changkanloh kan hlauhna te, Pathian aia retheih luat kan hlauhnate hian eng sual kawng nge min zawhtir a, eng pawi nge kan khawih thin tihte hi i ngaihtuah fo thin ang u
June 6th, 2011 at 1:17 pm
Sual
Report this comment
June 6th, 2011 at 1:58 pm
2nd phawt ang
Report this comment
June 6th, 2011 at 2:18 pm
Post tha hle mai.
Hman lawkah, Khawvel tawp tur thu an rawn puanga sms ah kan thehdarh nuaih nuaih a, a hnu lawkah, School naupangin Inlarna an hmu an ti leh a, kan beng kan chhi hru hru a, heng hi alola thleng dawn chauh a. Isua ni a inchhalte pawh an lo la awm hial ang. Mahse, heng thli chhem nghin theih kan nih chhung chun kan nihna leh Pathianin in ni e a tihna hi kan la man fuhlo tihna ani ang.
Report this comment
June 6th, 2011 at 2:25 pm
Last para….”Pathian hi kan hlauhtur diktak chu alo ni e”…dik tak ani….Pathian chuan englai pawhin min hmu renga,..hlau ila,tih takzet ila chuan thilsualti hi kan awmlovang…
Keichu Thlahrang tihvel hichu ka hlau lo…ka hlauh fo thin chu hlauhneih hi ani..
Report this comment
June 6th, 2011 at 2:28 pm
Thlarau tihlum a,Gehena a paih theitu hi hlau ila a tha berin k hria. Good post.
Report this comment
June 6th, 2011 at 2:34 pm
Report this comment
June 6th, 2011 at 2:50 pm
A ni ngawt mai..’Ruah hnuhnung Sur apianga phun sawn theih’ an tih ang deuh a mihring ze nghet neilo, a sawithiam sawi a piang awih zel te hi a tha lo a..Isua khan BiBle pawimawhzia hi a rawn tilang chiang khawp mai a. Setana thlem a a awm khan..Khawvel pumpui pek a tiam te, Biakin chhip atanga zuangthla tur a a thlemte khan..Setana a chhan letna.”Tih ziak a ni.” tiin, Bible thuziakin a chhang zel a..Bible hi kan chhiar tam a tul a ni.
Va sei ta ve aw….
Report this comment
June 6th, 2011 at 3:03 pm
#7, mate ainawn, AMEN
Report this comment
June 6th, 2011 at 3:46 pm
Pathian chauh hi hlauh tur diktak anih laiin, Mizo zingah hian hlaulo kan tam hle mai!
Kan tawngtai te hi kan peon chei lek lek mai anih hi mawle.
Report this comment
June 6th, 2011 at 3:59 pm
Ni e, Pathian hi hlauhtur dik tak chu a ni. Gud paws!
Report this comment
June 6th, 2011 at 4:13 pm
A dik khawp mai
Report this comment
June 6th, 2011 at 4:34 pm
II Timothea 1:7 “Pathianin hlauhna thlarau min pe lo va, thiltihtheihna leh hmangaihna leh rilru feltak neihna min pe zawk si a”.
Report this comment
June 6th, 2011 at 4:49 pm
2nd
Report this comment
June 6th, 2011 at 5:21 pm
Enge hlauh tur?
Engmah hlauh loh tur. Vawi khat bak a thih theih loh. Chu pawh chu mizawng zawngin kan tawn vek tur a ni.
Report this comment
June 6th, 2011 at 5:28 pm
NIBIRU hi lo thleg tak2 se, a hlau ho hian tifuh an inti viau lo’ng maw?!
Report this comment
June 6th, 2011 at 5:34 pm
hlauhtur ber hlau lovin hlauh loh tur hlir kan hlau ta ni berin ka hria
Report this comment
June 6th, 2011 at 6:42 pm
Nia. Kristian lem tamna ramah hian.
Report this comment
June 6th, 2011 at 7:31 pm
Nia
Report this comment
June 6th, 2011 at 10:19 pm
Hretlem apiang hian hlauh kan nei tlem deuh chuan ka hria! Good Post.
Report this comment