He pa te hi vannei lil lel khawp mai! Scientist hovin “Berlin patient” tia an koh, Tomothy Ray Brown-a hi HIV bakah Leukaemia (thisen cancer) vei tel bawk a ni a. Chu a thisen cancer enkawl nan chuan thling (bone marrow) atanga Stem Cell an tih chu an pe (transplant) a.
He thling petu hi Mingo (Caucasian) zinga zaa pakhat HIV hrik kai thei lo an tih zinga mi a lo ni hlauh mai a. Timothy-a chuan he thling a han lak atanga hun engemaw hnuah chuan a thisen cancer-in a that pui bakah a HIV hrik chu an bo ta duak mai a nih chu! Amah enkawltu leh viltu Scientists ho pawhin mak an ti khawp mai!. HIV enkawlna leh damdawi zawnna kawngah pawh he thil hi thil tangkai tak ni theiin an hria a ni.
Chhiar zawm duh tan:
https://news.yahoo.com/s/yblog_thelookout/20110603/us_yblog_thelookout/first-man-functionally-cured-of-hiv
Similar Posts:
- Pumpui Cancer
- Cancer damdawi
- Swine flu in an awmdan thlak
- Cannabis bigger cancer risk than cigarettes
- Ruai thehna hmun atangin…
June 7th, 2011 at 5:37 pm
thling petu bone marrow (thling) chu harvest tiah tiah ila nimai lawm hjehehe
June 7th, 2011 at 5:39 pm
A va tha dawn em..HIV positiue tam tak ka hmu tawha, an khawngaihthlak thei khawp mai..a damdawi hi siamchhuak tawh se a va lawmawm dawn em.
June 7th, 2011 at 5:40 pm
Tangkai tak ang maw….
June 7th, 2011 at 5:44 pm
June 7th, 2011 at 6:07 pm
TNT(team)?? ho video ka en pakhat ah chuan HIV/AIDS?? dam leh ka hmu tlat in ka hria.. a rei toh.. some 4-5 years back..
June 7th, 2011 at 6:23 pm
A va lawmpuiawm ve. HIV damdawi hi hmuchhuak ta sela khawvel hi a chhe awm mange te ka lo ti ve mai mai a.
June 7th, 2011 at 6:31 pm
@Sangpuii pa.. HIV lo poh natna dang sex kaihhnawih a tam tho alom.. ti mai ang.. HIV damdawi chu a tangkai don em asin.. duhvang reng nilo a, nu leh pa atanga kaichawng naupang te hi an khawngaihthlak em mai..
June 7th, 2011 at 6:48 pm
A va lawmpui awm ve. Pathian hi chuan Mi bik hi a nei a ang ka ti.
June 7th, 2011 at 6:58 pm
Tak2 poh a ni dawn emw ni mawle …. ka awihlo vel vek toh … miracle cure ho hi … kum 1 tal han hmang phot se
June 7th, 2011 at 8:26 pm
HIV kai thei lo mihring te an lo awm leh zel a ni maw? A va mak leh zel ve!
June 7th, 2011 at 8:37 pm
HV an HIV damdawi hmuh chhuah thu a post
June 7th, 2011 at 8:40 pm
HIV damdawi te chu an hmuchhuak tawh reng a lawm, gas cylinder bur tiat vel a nia, tui tel lova dawlh tur, nikhat ah vawi hnih. (Fiamthu)
@ post tupa, HIV hrik kai ve theilo chu chanchim kimchang zawka hriat a va chakawm ve,.. Mak hle mai. Tin thudang, natna tihbaiawm leh hri tha lo tam tak lo thleng tur a awm tih kan Bible ah hian ziah a awm em kha?
June 7th, 2011 at 8:46 pm
Ka awih lo tawp mai.Thil theih a ni lo ah ka la ngai bur.Thoma anga a naka ka zen phawt loh chuan tih ang vel kha ka ni.HIV chanchin hi chu kan zir ve viau a, a kai thei lo bik an awm thu in ziahna pakhat mah chhiar tur ka la hmu lo.
June 7th, 2011 at 9:29 pm
Kei paw’n awih a har ka ti khawp mai…virus hnathawha knowledge ve ho mai atang pawh hian…
June 7th, 2011 at 10:40 pm
a va thra dawn ve,midang kaichhhawn theih loh chi HIV chu ansawi ka hria a,Mahse kha2 khawi a trang a, a kai nge ni chuang ang le??
A kai theilo chi mihring chu Mizo zingah hian an awm ve ngem le? anthisen hip chhuah thren sak a,HIV+ te thisenah thun risk ve pawp ila an thra ve tho ngemle??
June 7th, 2011 at 10:42 pm
Kei chu a post-tupa ka ngaihtuah hian a awihawm viau lo maw ka lo ti deuh asin. Kan zingah chuan a hre ber pawl chu ni ngei turah ka ngai a.
June 7th, 2011 at 11:30 pm
Ka va awih chiahlo e,bone marrow transplant chuan leukemia chu a ti dam ang,mahse HIV in a tihchhiat theihloh WBC siamchhuak tur chuan a mak ka ti deuh.Mahse a lo ni mahna,a nih chuan a lawmawm hle ang.
June 8th, 2011 at 1:27 am
A va vannei lil lel tak ve maw le. Ka lawmoui tak meuh e.
June 8th, 2011 at 3:50 am
@hmelthatea#12, Mingo zinga HIV hrik kai thei lo an tih mai ho hi a chhan ngaihdan chi hrang hrang a awm a, chung zinga pawmaewm zualte chu:
1. HIV hrik mihring thisen cell-a a luh theih nan hian ‘receptor’ emaw, ‘co-receptor’ emaw a mamawh a. Heng mingo hoah hian co-receptor pakhat CCR-5 an tih hi danglam bik takin (mutant) a awm a, chu chuan HIV hrik cell-a lut tur kha a lo dang niin an ngai. (He mutant CCR-5 hi mihang hoah chuan a awm lo)
2. Natural Killer(NK) cells an ngah a, chung chuan HIV hrik leh HIV hrik pai cell-te kha an tihlum a niang an ti bawk.
3. Heng mingo ho hi hmanlaia an pi leh pute khan Hripui (Plague) an lo tuar chhuak tawh a, he Plague virus leh HIV hi a in an deuh reuh avangin Plague lo tuar khaw chhuak tawhte chuan an ‘gene’ chu an thlahte zelah an pe chhawng a, chu chuan HIV hi kai a ti harsa ta niin an sawi bawk.
Bible-a Isuan hri a len tur thu a sawina chu Luke 21:11-ah khan i hmu ang. Matthaia 24:7-ah pawh hian Bible lehlin thenkhatah chuan a sawi bawk.
June 8th, 2011 at 4:30 am
@ 1 Zualbon..harvest tak ila a tha ngawt ang a…A vannei hle mai..
OT ve lawk : Hman ni deuh khan Davida Home a HIV+ an enkawl damdawi tur laksakin Aizawl civil Hospital-ah ka kal a..an tam ngei mai..Nula nalh, fai si, hmeltha tak tak -an damdawi tur lam ka hmu teuh mai..Kei pawh chu vei ve angin min lo ngai a..ka insawi veilo duh bik ta lem lo a..Ngaihtuahna an luah nasa duh ngei mai.
A rawngbawl duhlo hnam leh ram-Lalpa tih boral tur, min suatna hmanrua te a ni mai lawng maw aw..tih te ka ngaihtuah a…
June 9th, 2011 at 3:37 am
Post tupa i mi chhanna chu ka hlawkpui khawp mai, beng a tivar hawk a lawm, mahse mingo ho i ti ringawt a, khoi lai mingo nge tih i rawn sawi tel thei law law em? Hriat a chakawm hle mai