Edit – Sandman.
Hmmm…. Born Spektator chuan thil ngaihtuah chhunzawm tur tha deuh i rawn thehlut a, mahse a heading/title bak engmah i rawn ziak leh si lova! 
Hetiang headline ringawt hi chu kan publish ngai chiahlova, mahse ka vei zawng a nih avangin i post hi ka lo ziah zawm mai, a pawi i ti em lovang chu maw?
Kan Minister ten blog emaw twitter an neih a tul nge tullo kan tih hma in tunlai khawvel dinhmun hi han thlir ta phawt i la…
India ramah hian nikum December khan 110 million internet users kan awm tawh a ni. Internet penetration chu a la tlem hle a, 10% vel lek a la ni (sawma pakhat chauhvin internet access an la nei), mahse 110 million (110,000,000) hi chu a tam tham ve em a ni. Leh bakah heng 110 million internet users (nang leh kei pawh kan tel ve) te hian ngaihdan leh vei zawng te pawh an nei veka (deeply opinionated) chuan election lai in an voter turnout rate pawh a sang em em a ni. Sap tawnga “influencer” kan tih ang an ni tlangpui bawka, chuvangin internet a an thil chhiarte leh ziahte atangin midang pawh vote tur chungchangah an influence hneh thawkhat a ni.
Tunah, khawvel stats – Nikum vek khan 2 billion internet users (2,000,000,000) kan cross tawh. Heng zingah hian 100 million chuang chu bloggers an ni a, chuan Twitter ah lah, ni tin 3,000,000 tweets ai a tam mi in an ziak reng bawk a ni.
Internet hi khawvel a technology la thang chak ber (growth rate) a nia, chuan khawvel a ram hran hran zingah India hian highest internet growth rate a la nei zui bawk a ni.
Heng zawng zawng en chuan, internet hi kan politician te tan chuan potential a nei sang hle a ni. US ah te chuan an politicians ten blog leh twitter account an nei fur tawh a, President Obama tak ngial pawn 8 million chuang twitter followers a nei. Blog leh twitter account an neih avang khan lo copy ve i la ka tihna a ni miahlo. Mahse internet (web 2.0) hian thil tamtak a thlak theia, hmana kan tih theihloh te pawh tunah chuan awlsam deuhvin kan ti thei tawh a ni.
Entirnan, hmanah te chuan politicians te hi personal taka biakna chhance kan nei ngai manglo. Election campaign lai ten lammualah an thu sawi kan va ngaithla thin a, chuan TV leh cable te pawh a rawn lar chho zel a, TV ah te kan hmu fo ta a. Chutiang bawkin tun internet age ah chuan engvangin nge internet hi kan hmang tangkai lohvang?
India ram a politicians lar ho chu twitter ah an awm deuh vek tawh. Shashi Tharoor, Sushma Swaraj, Narendra Modi, SM Krishna etc etc. Followers pawh an ngah em em a, chuan an mahni nen personal in kan interact thei a ni. An policy ngaihdan te kan hrilh thei a, chuan thil kan complain duh chuan kan hrilh bawk thei. Politicians fing ho chuan mipui thu sawi chu an thlir reng bawk a ni.
Mizo officer te zingah chuan Pu R.Lalrinawma (Information commissioner) hi twitter ah a active hle a [@lalrinawma], a tweet update pawh ka follow na a rei tawh. An department in enge an tih mek, eng conference ah nge a kal, sorkar policy a ngaihdan thenkhatte etc kan lo hre ve thei nghal zel a, bakah a personal life thenkhat pawh a rawn tweet zeuh zeuh thin a ni. Hei vang hian amah hi personal chuan hre miahlo mah i la, hre chiang ang viau chuan ka in ngai ve tawp. Hemi post a ka lo comment tawh ang khan – Information commissioner ni a lo tech savvy ngei bawk hi chu a inhmeh ka tih mai bakah ka ngaisang ru tlats.
Tunah – a critique:
Tam tak chuan a tullo in ti dawn tih ka hre sa 
“Hetiang mipui in an la hriat mangloh blog leh twitter buaipui ai chuan mipui leh ram ngaihsak zawk se etc… corrupt lo se etc… ” tih lam comments chu a awmlo theilo. Mahse kan hriattur pawimawh chu, blog leh twitter an neih avang khan an hna an thawhloh phah kherlo. An tih tur chu an ti kawp thei reng. Mizo te zingah internet hmang la tlem mah i la, internet lama regular an rawn pung chho zela, hmana website leh discussion forum siam (eg: misual.com) hun kan pel tep tawha, tunah chuan social networking age leh ease of connectivity ah kan lut tawh a ni.
misual.com pawh hi computer hma a rawn online kher a ngai tawh lo. Kan phone atangin awlsam takin kan ti thei. Hmana ka lo post tawh A official ta: Internet age thar kan lut e! a ka sawi tawh ang khan, khawvelah hian computer/laptop aiin smart phone atanga rawn online kan tam tawh zawk a ni. Chuan mobile internet hian hetiang twitter, blog, micro blog etc. platform hi a support vek e.
Blog leh twitter lama rawn tel hi in lak style na emaw changkanna lam a nilo. “Chat” nan mai mai pawh a hman theih, mahse tangkai tak pawn a hman theih tho. Politicians twitter account nei ho chuan thil ho mai mai sawi nan an hmang ngailo bawk.
Kan politicians ten blog leh twitter an hman chuan an hna a khawibuai lova, thil chan tur an neilo. Chutih rual chuan hlawkpuina tur an ngah hle a ni, mipui thenkhatte nen awlsam takin leh direct deuhvin an interact thei tawh dawn bawk a. Chuvangin hetiang lama an rawn tel ve hi kei chuan ka beisei hle a ni.
Minister, MLA, Opposition etc. ten hetiang technology thar an hman tan a tul ka tihna chhan pakhat leh chu, nimin comScore in report an rawn chhuah ah chuan, India rama internet users 75% chu kum 15-30 an ni! Mizoram pawh chutiang vel tho chu kan ni ang (a percentage hi sang pawh a sang zawk maithei Mizo internet users te zingah chuan). Chuvangin a naupang lam ho te hi an mahni election lai a vote tlingtu tur an ni sia, hetiang technology thar hman tan chu a tul tawh khawpin ka hria.
Ka lawm e.
– Sandman.
Ps. Ka stats thenkhat khi source hran hran a mi, kan hnathawhna lamah ka lo hriat tawh ho an nia, chuvangin a source ho chu ka rawn dah lo mai, ka zawng kual hman hrihlo.
Similar Posts:
- 2010 chhunga internet khawvel statistics
- Friday woohooo… News tlem
- 2012 chhunga Internet khawvel
- You can now install IE7 without validation
- Highest-paid actresses
June 8th, 2011 at 9:33 am
A ni khawp mai. Pu Zodintluanga hian facebook account a nei a, a dang hi chuan an neih ka hre lem lo, amah hi nei 1st an i mai thei..
Report this comment
June 8th, 2011 at 9:36 am
@Born Spektator chu va ziak thu veeeeeeeeee……
mahse he rawtna hi buaitlak ngawt ang oldmodel thenkhat tan chuan..
Report this comment
June 8th, 2011 at 9:44 am
@Sandman, i thuhma chauh ka chhiar hman hrih. Mahse ka nuih huk chu le! Post submit dangdai ber of the century a nih dawn hi!
Report this comment
June 8th, 2011 at 9:44 am
A tha phian maithei.. tha vak lo maithei bawk.
Report this comment
June 8th, 2011 at 9:46 am
Old model thlak a new model neih hun a ni tawh lawm ni. New Model mil lo tur ho chu hluihlawn mai zel tur ni hmiang ka lo ti mai a.
Report this comment
June 8th, 2011 at 9:48 am
An lo la nei na nge?
Report this comment
June 8th, 2011 at 9:50 am
A hrim hrim in tunlai khawvel hmasawnna hip phak lo ram hruaitu chuan engtikawng mahin hmasawnna min thlen ka ring lem lo. Tun ang khawvel ah state pakhat hruaitu ve lem internet pawh khawih thiamlo an awm anih chuan, a thar a thlak mai tur a ni dawn lawm ni.
Report this comment
June 8th, 2011 at 9:53 am
Politician chu ni ila blog chu a harsa deuh a nih pawhin twitter account chu ka nei hrim hrim ang!
Born Spektator=a post, Sandman-a ziak chu a tha hle mai! Born Spektator, i hming i pu zo hle mai!!
Report this comment
June 8th, 2011 at 9:55 am
Mizoram-ah chuan a hlut tur angin a la hlu lo maithei, internet user tamzawk hi thalai (naupang te te) anni a hetiang lam hi chu an tuipui phak loh hmel. Engpawh nise rawtna tha tak a ni e
Report this comment
June 8th, 2011 at 9:57 am
kan hruaitu tam tak tan hi chuan a khirh deuh a ni,thalai harhvang tak politician kan nei si lo a,ti thei hmel pawh an put hlawm niau loh hi,han enchiang mahla,ha lem vuahlo chu an vang pharh tawh ang
Report this comment
June 8th, 2011 at 10:02 am
Lal Thanhawla te tehlulin engtin nge blog an siam thiam ang? Thil hawn neuh neuh bakah an inhmang peih leu. He’ng mi un tak tak ho thiamna hian internet a thleng pha ngût na chu maw!
Comment pakhatna khi ka vawikhat hriatna chiah. Mahse, a tu-a pawh mai hian facebook kan ti tuah hum mai a nih hi. Zodintluanga tan chuan advantage a tha khawp mai. <>
Ka lawm e.
I tan chauh.
TuaiSialA.
Report this comment
June 8th, 2011 at 10:03 am
Blog te hi han nei chiah sela chuan nuam an ti lutuk anga, ram hruai hna an hlamchhiah lutuk palh ang. Cabinet meeting te pawh facebook hmangin an nei vel anga, tha leh lovang.
Report this comment
June 8th, 2011 at 10:04 am
TuaiSialA: Zodintluanga Ralte tiin a dah a, media lam tan chuan a awlsam phah khawp mai, a online fo lehnghal…
Report this comment
June 8th, 2011 at 10:11 am
fb. twitter, blog ka nei e – politician atan ka tha dawn riau in ka hre ta riau mai.
Tak tak a, thil tha deuh, ka lo ngaihtuah ngai loh a ni e, ka ngaihtuah chhuah ni awm ta a ni. hehe.
Han comment zel ula, nakin ah ka rawn thutak deuh ang.
Report this comment
June 8th, 2011 at 10:29 am
A hranpa a blog neìh chu an thatpui phah khawp ang. Ka lo vei ve mai mai chu department website nei an awm nual a. Heng website ah te hian discussion forum te siam sela kan hlawkpui phian in ka ring.
Report this comment
June 8th, 2011 at 10:44 am
Tha hle mai…!! Thil dang daih han sawi tel mai mai ila..
Mizoram ah hian Computer/Information Technology Engineer hi enzat nge awm ang? Hmanni a Computer Engineer post ruak pakhat ah chuan CSE 50 vel an exam.. Exam ho zawng2 kha hna zawng lai mek(hna neilo) an ni em le?.. insuihkhawm vek ta se, employable graduate engzah nge awm thei ang le?
Report this comment
June 8th, 2011 at 11:12 am
Hei hi chu Vanglaini vel ah chhuah te u
Report this comment
June 8th, 2011 at 11:25 am
Kan hruaitu te hian an hre phak lul lo vang.. IT ah hian hna tam ber chu Computer Operator vel niin ka hria (12+Any Compt certificat Govt approved), typewriter changkang chi ah bak kan la chhuah vak lo a ni; a tlangpui in.
Compt engg, MCA etc.. ho tan a hna beisei om ber chu Lecturer tih vel ni mai em, om bok si lo. Tunlai technology hman theihna chu Mizoramah chuan ‘THEIH LOH’ tih a ni. BCA ho tan poh Graduate level an nih tho vangin General ai chuan a tha tih vel a ni e.Engtikah nge Internet hmang tangkaiin File pending leh file rei tak tak thang nghah ngaite hi a bo ang o.. IT minister in a dinhmun vangin Face book account a lo nei ve a ni mai a, midang hi chu ramthim an la ni. SWAN tih vel poh ruahmanna ah an la top a nih hi.. Lo nei poh nise intihhlim nan bak an hman ka ring lo…
Report this comment
June 8th, 2011 at 11:39 am
A tha khawp mai, Twitter hi ka hrethiam hleithei lo
Report this comment
June 8th, 2011 at 11:44 am
Born Spkr-in thupui a thawh a, sandmana’n a thu a thawh a, chuan paws tha tak a lo chhuak a.
sandman,
“Kan ram hruaitu – zei loh hmel tak takte hian Porn movie en ve thin rawh se”
tih thupui ka rawn thawh ang a, nangin a thu lo thawh leh la…
Report this comment
June 8th, 2011 at 11:45 am
“Entirnan, hmanah te chuan politicians te hi personal taka biakna chhance kan nei ngai manglo.”
hehehe..in most cases, it would be their personal assistants, perpaps PR staff tweeting.
Report this comment
June 8th, 2011 at 12:03 pm
@18 critic: dik ltk..
Hnaruak awm ve chu…
Computer Programmer ( 1 post)
Contractual
Consolidat-ed `12,000 p.m.
B.Tech / BCA/ Graduate with Computer skill with working knowledge in Mizo language upto Middle School standard.
Preferably 1 year
Subject to agreement signed by both the party.
Cheng 12000 hlawh ah BE computer thawk duh an vang viau lovang mo?? A tlem ee… Lower Division Clecrk ai pawn a tlem zawk.. IT company lian tak tak ten Mizoram a an invest ve theih turing policy duang se.. IT Policy an siam hi hmang tnagkai tu an awm pawh ka hr lo…
Report this comment
June 8th, 2011 at 12:07 pm
An la nei nange
kan ram politician te hian FB, Twitter or Bolog an neih chuan an thutchilh nasa lutuk anga, hna an thawk hman lo ang
Report this comment
June 8th, 2011 at 12:18 pm
An ngaihtuahawm lutuk ang, a thente hi chu!
Report this comment
June 8th, 2011 at 12:53 pm
Hei Pu Lal Thanhawla chuan a fb account a neih reng hi…friends a la ngah vak lo…hahaa
https://imageshack.us/photo/my-.....ledzp.jpg/
Report this comment
June 8th, 2011 at 1:23 pm
British Researchers chuan friend list ngah hian awmzia a nei lo mi pakhatin friend 150 bak an handle thei lo tih kha in lo chhiar em aw?
Hon’ble Minister Pu Zodintluanga chu misual.commer a ni ve thin. Mahse minister anih hnu hian a comment ka hmu ngai ta hauh lo. Congress Ministry-ah chuan a tunlai berin ka hria.
Tin, Hmanlai mi tih fo hi a tul lem lo! Tv kan neihna pawh late 70’s & early 80’s chauh a ni a, internet kan neihna pawh late 90’s a ni a, calculator hmet thiam lo pawh kan nu leh pa te an la tam mai! An hmanlai ka ti ve chuang lo’ng!
Report this comment
June 8th, 2011 at 1:50 pm
@lushai_er, #26.
Report this comment
June 8th, 2011 at 3:04 pm
A tha khawpmai.
Report this comment
June 8th, 2011 at 3:30 pm
oho
Report this comment
June 8th, 2011 at 3:42 pm
kan minister te hian nawh chi te hi zuar ve se..
Report this comment
June 8th, 2011 at 3:45 pm
@lushai_er: Ka Like e
Report this comment
June 8th, 2011 at 3:46 pm
dik chiah..
Report this comment
June 8th, 2011 at 4:58 pm
Kan khawvel than dan mil tur zela in update ve angai alawm.
Report this comment
June 8th, 2011 at 5:05 pm
# 30 : Tunlaiah chuan nawhchi man a to tawh a, nawhchi zuarho pawh an inchhiar viau tawh an ti. A lakna rate (ka nui vur2 mai a…) angin an pe phal tawh an ti.
Report this comment
June 8th, 2011 at 6:19 pm
Mizo thalaite computer chinchang hria leh zuma khelthiam an tam,In tinah kan hung fer fur a, facebook account neilo kan awm tawh meuhlo,Mahse, eizawnna tling nitura thiam peih erawh kan vãng.
Report this comment
June 8th, 2011 at 7:04 pm
Zan lam a EPL en a atuk a YMA inkhel en chu, hmuhnawm tih a har, update a tul…
Report this comment
June 8th, 2011 at 7:05 pm
Thil reng reng a nihna tur a nihhma in process hun chhung hi a awm ve a. e.g. fa neih, zu sak.
Thil reng reng thiam dawn chuan trial & eror period hi a awm ve bawk a.e.g. thirsakhawr khalh, naupang kal zir.
Thil reng reng hmanthiam dawn chuan hmanthiam hma hi a awm ve bawk a. e.g silai
Kum 10 ah chuan kan thiam tawh ngawt ang.
Report this comment
June 8th, 2011 at 8:33 pm
AVA ZIA LO VE. MOBILE ATANGA KAN TITI LAIA KA CHUT ANI A. KA ZIAH ZAWH HMA IN LO IN POST ANIH DAWN HI. I RAWN CHHUNZAWM A KA LAWM KHAWP MAI.!! MISUAL DOT COM ADMIN NGE NGE IN HAWIHHAWM THIN E !!
Report this comment
June 8th, 2011 at 8:47 pm
Ka ziah tum ka han chun zawm ang e.Kan ram veitu tamtak hi kan lehkha zir sang ho leh hawi zau tak tak te an ni nual ang. Hetiang ho hi mi influence thei tak tak leh thil chinchang hre tak tak an ni ang tih chu kan pawm tlang ang chu. Hetiang ho hi kan roreltu te hian an biak theih dan awm zinga tha deuh ber chu ka thil propose khi ani ngei ang.
He thil hi thil harsa lo tak ani a, mahse kan hruaitu ten an la hlat na chan deuh ber ni ka hriat te:
1. Minister’s Advisor leh secretary te hi kum lama upa tak tak hetiang lam hre hauh lo tur an ni fur mai. In sawi danglam phawt a ngai ang.
2. “English poh ka tawng thiam hlei nem, Eng teh lul nge kei hian Delhi ah ka zuk tih anga” ti minister te kanla nei zeuh zeuh thin bawk si a.
3. Kan ram hruaitu te hian hetiang mithiam leh chinchang hria ho ngaidan hi an ngaithla chak lem lo. Kum sawm chhung rorel nan a pawimawh anti vak lo ani ang.
4. Traffic Police SMS Gup Shup neih thar pawh minister ten an la hawng rum rum anih chuan Blog hawn man chu a hautak viau lo mo. lol…
Report this comment
June 9th, 2011 at 5:07 am
@Born Spektator: Point no 4 hi tak tak a mi? LOL mai pawh ni, [Nui tlawrh tlawrh]
Report this comment
June 9th, 2011 at 10:22 am
lolz point 4 chu leh!
Born Spektator, nia i post hi i rawn submit tawh bawk sia, mak kan lo ti angreng lutuk a, body copy engmah a awm silova… la ziah belh duh chuan draft ah khan i save thei a, “pending” ah i rawn submit palh a nih dawn hi. Draft a la awm ho chu kan khawih ngailova, pending a mi te chauh hi a nia kan edit/publish thin.
Report this comment