Thingtlang nu lehkha zir lo; nu mawlmang ve tak, lo neia ei zawng thin ka ni. Nikum hmasa mai khan kan pain min lo boral san a, kum khat chuang chu ka lo hmeithai ve ta reng mai. Kan pa nen khan fa pakhat chauh kan nei a, kan duat em avangin a hming pawhin kan ko phal ngai lo. ‘Mama’ tih hlirin kan ko thin.
Nupaa lehkha thiam lo kan nih avangin zirna lamah rual kan awt em em a. Chuvangin, Mama’n lehkha a zir theih nan lo hna bakah kan nupain remchangah kan inhlawh bawk thin. Kan pain min boralsan hnu phei chuan hrisel lohnain min tlakbuak a, ka tan ramhna han thawh ziazang a ni ta lo. Chuvangin, khawpuiah eizawn a awlsam zawk ringin kan nufain kan lo pem ta a ni.
Sawi leh ta ila; kan pa thih hnu a kum lehah Mama’n pawl 12 a pass ve hlauh mai a, ka lawm kher mai. A pa aiawha min chawmtu tur a nih avangin a chungah beisei pawh ka nei sang a. Tunah rethei hle mah ila, Mama’n BA te a zawh chuan sawrkar hna chhete te a lo hmu ve ang a, kan khawsakte pawh a lo zia ve tawh ang chu, tiin hlim takin a sur a sa hnuaiah hna ka thawk thin. A chang leh a pa chu la dam se, a lawm ve tur zia ka ngaihtuah a, ka tap lo thei lo a ni. Mite ngaihdan ka ngaihtuah lo; ka fapa college a kal thu hi hmuh apiang hnenah hrilh zel mai hi ka chak thin a ni.
Khawpui chu thingtlang ai chuan pawisa a lo tam na meuh mai. Kei pawh chawhmeh kharchhawngin nitin bazar-ah ka thu ve a. Kan ei tawng tawng chu a ni ber mai. Amaherawh chu Mama chetzia leh inchei danah erawh chuan mak tihna deuh chu ka nei ve a. Tunhma ang chu a ni tawh lo. A sam a zuah sei a, a chal sam mit chhun lek lek kar atangin a rawn meng hram hram ni berin ka hria. Mahse, “Tunlai thalaiho incheidan alawm,” a tih avangin a tirah ka lo ngai ve mai. A hnu rei vak lo atang chuan pawisa min dil zing ta tial tial a. Han zawh lahin, “College thil mamawh alawm,” a ti leh mai thin. Fate mamawh chu puk chawp pawhin ka pe mai tur a ni tih hi ka ngaihdan a ni miau si a. Chuvangin, min dil ang ang chu i he lovin ka pe mai thin.
Khawchhiat tak a ni a, ka khua a sik er erin ka taksa pum mai hi a sil themthum a. Mut reng mai hi ka chak a. Mahse, hnathawha ka chhuah loh chuan ka fapa engtinnge college a chhun zawm theih ang? Ni e, lehkha a thiam loh chuan hmeithai fa leh nghal; mite’n an hmusit ang a, chu chu ka ngaingam thlawt lo. Chuvangin, bazar-ah chawhmeh zuar turin ka chhuak ve leh ta hram a ni.
Vanneih thlak takin ka thil zawrh chu a zo hma thei hlauh mai. Inah mut hahdam tumin bazar atangin ka haw ta vat a. Chaw ka ei mumal loh avangin ka lu a hai deuhvin ka khaw hmuh pawh a fiah chiah lo. Kawngpui kan tuma ka han pen chiah chu…Bike chak tawka lo tlanin mi rawn su ta thuai mai. “Awi..ka nu.! A va na em!”.
Engmah mu leh mal pawh ka hre ta lo. Kawngah ka let tawp tawp ni berin ka hria. Bike pawh chu ka piah lawkah a tlu tih ka va hre thei vuai vuai. “Kawng en ve ta che,” tia min rawn vin ri ka hria a. Ka rilru te te chuan “Tunlai thangtharho hi an va zak thei lo ve aw,”tiin ka han hawi chho va, tlangval pahnih an lo ni a. Pakhat zawk chu a inhliam ve deuh a ang. En pawh min en lo; lehlam a hawi tlat reng a. A thawmhnaw hak atang chuan ‘Mama’ ang ka ti ta riau a. Thei leh thei lovin ka han en chian nak chuan “Awi ka rei.. Ka fapa college kal tia ka lo chhuan em em mai kha a lo ni reng mai. Ka fapa college kal ka tih chu hetiang hi a lo ni maw?? Awi.. a va na em… “
Similar Posts:
- Corruption (Tu vang maw?)
- Ka zurui tawngkam fuh deuh ber..
- Fapa Sual
- Kei ka thlang zawk
- Zanin 17.6.2012 Inkhel (Inthlahrung takin!!)
June 9th, 2011 at 8:35 pm
lung a va kuai teuh
Report this comment
June 9th, 2011 at 8:36 pm
Cyar ag lem..
Report this comment
June 9th, 2011 at 8:36 pm
Chhiar ila
Report this comment
June 9th, 2011 at 8:40 pm
Mama hi a sual a, Mama nu hi a khawngaih thlak hle mai
Report this comment
June 9th, 2011 at 8:40 pm
An nufa hmabak chu ava eglo ve oo.. A fapa poh chu vuak hrep tlak anih chu
Report this comment
June 9th, 2011 at 8:45 pm
Report this comment
June 9th, 2011 at 8:51 pm
hetiang fiction story englo deuh hi chu ka chhiar peih lo han ti dawn ila ka chhiar chhuak tho sia …ziak thiam kher mai
Report this comment
June 9th, 2011 at 8:59 pm
Sikul tlanbo, drugs leh zu, sex hman thlengin tunlai Aizawl sikul naupang tam tak hian an ching khawp mai
Report this comment
June 9th, 2011 at 8:59 pm
A fapa hi a MHIP zawng pawhin vuak tlak a nih hi maw le. Tiang hi kan tam viau mai lawng maw? pahnih khat chu ka hre ve tet. Hah thlak hlawm chuan.
Report this comment
June 9th, 2011 at 9:05 pm
Comment thiam a har hle mai. Thil ni thei te:- 1) I fapa hian rual a awt a, mi hausa fa a kawp a, an nun dan level a, nun a tum ve ringawt. 2) An han sut che pawh khan, zahna leh zahpuina in a rilru a luah khat. 3) A hun laiin zirtirna tha a dawng tam tawk lo tih a lang. 4) Inchhir a, Pathian lam a hawi thuai loh chuan, a ral thùm ngei ang. 5) Ruih hlo bawihah a täng hman tawh em? Tih ngaihven a ngai. Engtin nge kan siamthat theih ang le?. 1) Bäng lovin, beidawng lovin tawngtai sak reng la, mittui tla zawih zawiha atana i tawngtai lai phäwk fo che sela a duhawm khawp ang. 2) Thin ur lovin, amah ilo bei sei sän zia te, i lo chhuan zia te, i thlamuan pui zia te, i rin dan anga alo awm loh avanga i rilru nat zia te hrilh kauh kauh phawt mai teh. I rin leh hlauh thawn ang em em chuan ala bo thui lo mai thei a sin.
Report this comment
June 9th, 2011 at 9:15 pm
A va mak ve!
Report this comment
June 9th, 2011 at 9:17 pm
#10
A ngaihnawm ka ti khawp mai. Mahse, a tawpna khian ka duhthu a sam tawk lo ka ti. A chhan chu a thawnthu a ngaihnawm nasa mai si a, a chhiartu zawng zawng rilru a kaihruai tawh a. A tawp dan paw’n chhiartute a barakhaih em em a, a aia lungkuai leh lungrun lehzuala tihtawp theih dan awm sela chuan duhthusam!
Report this comment
June 9th, 2011 at 9:25 pm
I khawngaih thlak hle mai,i fapa chu a va ti ang lo ve.
Report this comment
June 9th, 2011 at 9:37 pm
A ngaihnawm khawp mai. Nu leh pa te hi chuan min lo hmangaih anih hi.
Report this comment
June 9th, 2011 at 9:50 pm
rilru a khawih khawp mai, i fapa chu awwwwwwww….
Report this comment
June 9th, 2011 at 10:02 pm
Conclusion chu leh! A nu bike-in a su a, a nu rilru a na hle…i ti mai ang.
Report this comment
June 9th, 2011 at 10:08 pm
Hetiang nun dai pha velo, chhungkaw mumal taka seilian ho chuan an hriat thiam pui tam lovang che.
In fa mal neih chhun a ni a in duat lutuk kha a pawi a ni, in chhungkaw dinhmun kha hriattir ve thin rawh. Kan unau ah hian ka nu duat bik chuan pawl 9 pawh a pass lo. College kal tantirh lai hian nun inthlahdah hi a awm em em bawk a nia. A tan bang lovin tawngtai la, mi ropui tak tak kan hriatte hi an nu te tawngtaina rah chhuah tam tak an awm a ni.
I fapa chuan tunlai nun dan hi thlahlel ve hle mahse thui a kal hmain mirethei fa a ni tih vawi tam tak a in hre tho ang. Tunlai sualna anga nung tur hian sum leh pai neih deuh te a ngai a nia.
Report this comment
June 9th, 2011 at 10:08 pm
Thil hriatchhuah ka nei. The Ten Commandments filmah khan Mosia nu tak leh lem khan Mosia an inchuh a, hetiang hian:
Mosianu-tak(Jochebed): I gave him(Moses) life.
Mosianu-lem(Pharoah’s daughter): I gave him(Moses)Love.
Anu-lem hi a enkawltu zawk kha a ni. Ngaihtuah chhunzawm peih tan….
He thuziak pawh hi a tha reuh khawp mai. Khawtlang huapa zahna hi mi chanah chauh dah a awl hle a, keimahniah pawh hian a thleng thei a ni.
Report this comment
June 9th, 2011 at 10:12 pm
Ka khawngaih hle mai che, mahse keia lo khawngaih ve theih che chu ka ni hauh lo. A hringtu a nu tan chuan a va han rilru nak thlak dawn em! Hmangaih taka kan enkawl leh kan mi rin ber, kan nun pum kan in nghahna hetiang zawnga a thleng hi chu ka tuarpui khawp mai che, I fa chu hrilh la, vua la, a thi lovang, khawdur a ngai hmasa thin an tih kha, engpawh nise, a nu i nia, Pathian rawn chung zelin i kaihruai dawn nia,..
Thawnthu pangai mai mai niin ka hre tlat lo, autobiography huang-ah ka dah mai
Report this comment
June 9th, 2011 at 10:13 pm
Zirlai ka nih laiin hetiang fiction thuak hi “My drama in real life” a ni ve tho mai! Nu leh pa hi thahrui nei zawkte hian kan lo hne cher chhe thei khawp mai! Lungkham nei lova kan len chhung a va rei tak em!
June 8, 2011, zan dar 8 dawn thuak khan New Street (Mission veng)-ah ka drive thla a. Mendus Building bathlarah rawlthar rualkhat an lo thu thap a. An hmaah chuan kawng chung lam ruak ve vea lo in-Ultimate Fight an lo thlir a. Hrawka an inreh pah chuan zurui vaupum aw rawl a ri chul bawk a. Kawngpui chhuat lah a diakin a hnawng hle a. A bet sek zawk tan leh a bawh bettu tan pawh chetna nuam a ni hauh lo.
Biak Inpui an hawn zawh hlim hlawt chhak lawka insual an ni a. Khatianga insual ta chu Mission Veng YMA leh VDP hruaitute an inkhawm bang, Biak In chhunga an la khawmuan vang pawh ni fahmiang. Police patrol kal vel an awm bawk chuang lo va. Referee awm lovin, tlin chin ROUND a ni dawn tih a lang reng.
Kei lah chuan, “Engnge ni ta a?” ka’n ti hram a. Mendus Building bathlara rawltharho zinga a pawr zualte chuan, “Ngam leh ngam an insual a ni mai a, i rawn sawi tur a awm lo,” tiin min rawn khak nghal a. Kei mei kawh ve em em chu ka kapah a inzep lut a, ka tawlh bo san ve ta mai a.
Hman deuhva Mission veng tak tak, tuna Mission veng ni se satliah ta ni mai awmah ka ngai ta a. Khangho rual khat zingah khan The Biz-a hriat hmeithai fapa kha a lo inrawlh ve leh hman ang em aw?
Hmeithaite tar lam tiang hawl tur chu an fa duatte hi kan nih teh lul nen, tiang sawp kan hawltir ta mai thin hi a pawiin a zahthlak a ni! DEAD END KIDS kan tam ta.
Report this comment
June 9th, 2011 at 10:23 pm
I ziak thiam hle mai. Thinlung khawih taka thu ziah hi thiam taka sawisel aiin a har zawk. Han tang zel teh, kan lo chhiar zel ang.
Report this comment
June 9th, 2011 at 10:23 pm
Iau sei ve, comment har chi. Midang comment chhiar ve mai chi.
Report this comment
June 9th, 2011 at 10:29 pm
A va lungchhiatthlak ve!
OT lawks, vawiin Mizoram Santosh Trophy Team Vs The Rest XI inkhel kha a hnuaia link ah hian thlalak en tur a awm:
https://www.zofooty.com/
Report this comment
June 9th, 2011 at 10:35 pm
Mama chu a va sual em ve aw….
Keipoh hi lo hausa ta ila tlema ka naupan deuh lai te khan ka sual ve viau ka ring, mahse kan hausa lo tih ka hria a,ka sual ngamlo mai. Chuvang chuan kan chhungkaw dinhmun hi nopang hnenah hrilh/hriattir ve te pawh hi a tha in ka hria.(ka ngaihdan mai2).
Report this comment
June 9th, 2011 at 10:37 pm
rualawhna sual boih a tang ve ve, tunge thiam lo hmasa?
Report this comment
June 9th, 2011 at 10:37 pm
I Bike sawi ang mai kan chhiar tui tak tak dawn chauh a a break kan rap thut mai alawm le. Han ti zel teh, hmanhmawh miahlo in a tawp dan han sawr bing deuh la.. te lo ti ve ringawt ila!!!
Report this comment
June 9th, 2011 at 10:38 pm
A mizo typical hle mai. A scene ah judgement siam mai lovin, a bulthum kan zeldin teh ang. Mizo society cocoon tawn tet in a lainatawm ber a nu kan sel daih teh ang:
Fate hmangaih han tih hian an duh leh mamawh ang material thil pek zel (theih) hi a tawkloh zia kan hmu e.Zirtirna THA, kaihhruaina THA a ngai. Chumi pe theilo nu leh pa chuan hei hi an hmabak a ni chawk,inang diak diak lo mahse, pumpelh a awm lo.
Kan ram a social evil leh chhungkaw keh(ti mai ang)a nu leh pa mawhphurhna sang zia kan hmu bawk. Awareness hi kan sawrkar hnuai a dept pakhat kut a dah ngawt pawh a tawk lo(good governance a nih siloh chuan), Kohhran leh NGO te an pawimawh khawp ang. Thlarau hnep hnep leh riai lam a ni ber lo, parenthood ah mizo te hian awareness kan mamawh hluah hluah, hetah hian kohhran leh khawtlang pawh obstacle anni thui a nia aw.
Retheihna pawikhawih kan hmu leh bawk. A hun lai a priority pekloh vang, nachang hriat loh vang, transitional stage anih vang leh adt avangin kan nu leh pa te khan lehkha an zirsanglo hlawm tlangpui a, an rethei hle, chutih laiin materialism leh rualawhna thlipui a rawn tleh lai nen a in nangching lawi si a. Generation inla lawn fuhlo pawi zia kan hmu bawk. He generation a fate hian nu leh pate an zahpui tlangpui, an sual vang a ni ngawt lo, value system inthlak rahchhuah a ni zawk.
A tawp nan rualawh avanga fate khawpui a pemkhawm ngawt pawi theih zia kan hmu leh bawk. A tul phawt chuan hna, eizawnna, sumdawnna, in hmun leh ram thleng pawn sacrifice ngam a ngai. Hnam fingho zing ah an fate envt thlak a ngaih avanga mahni in pawh hralh a, pem daih hi an ching, Mizo nu leh pa an fate siamthatna atana in hralh a pem rap rap khawp ka la hre meuh lo, kan hriat tlanglawn chu chnagkanna leh nawmsakna um a pem anni deuh vek thung.
Seems like they are going to learn the hard way out. A tak ah hetiang hi an tam khawp in ka ring bawk.
Post tha e, biz.
Report this comment
June 9th, 2011 at 10:52 pm
A tha hle mai, tun lai thalai te nun dik tak i pho chhuak ani,in enfiah na chang kan hriat phah ka beisei
Report this comment
June 9th, 2011 at 10:53 pm
tha khawp mai…nupa nun hman hi hrisel nan a tha a nih dawn hi…haha..tak tak a, hetiang hi an tam asin…mahse nu leh pate ka dem mah mah…faten an duh tih vang ringawtin kan pe thin a, hei hian kan fate, tawnhriat la ngah lo tak tak, thiante ei apiang ei a in ve chak kha a hruai sual ta maiah ka ngai….a tawp dan khiiiii….
Report this comment
June 9th, 2011 at 10:54 pm
thonthu thovenlohthlaktak a va ni ve! atak tak ah poh hetiang ang hi a thleng thin ngei ang tih min ngaihtuahtir, hetiang aia nasa te poh…
Report this comment
June 9th, 2011 at 11:06 pm
Thalaite an that theina tur chuan ram kal phung dik kan mamawh.
Helamah chuan kum 18 tling chin hi chu nu leh pa ten an chawm tawh lem lo.
Lehka an zir duh anih pawhin college an kalna man fee zawng pawh an in tum thin. scholarshp tih lam a awm ve lo.course man kah lei a ngai.instalment in emaw pek thin ani.
bakah thla tin national insuarance leh health care sum an chhun luh a ngaih a vang in hna thawh leh zir a ngai thin.
Report this comment
June 9th, 2011 at 11:56 pm
A ngaihnawmna phenah zirtirna ropui tak a inphum e. Post tupa, i thiam hle mai, a dang pawh kan lo beisei e.
Report this comment
June 10th, 2011 at 12:06 am
A ngaihnawmna phenah zirtirna ropui tak a inphum e. Post tupa, i thiam hle mai, a dang pawh kan lo beisei e..
Report this comment
June 10th, 2011 at 12:56 am
mi hausa leh rethei te kan la inthliar hrang em em lova, hei vang hian mi rethei te poh hian mi hausa te khawsak anga khawsak ve mai tumna hi kan nei deuh tlatin ka hria. hei hian chhungkaw khawsak in a a phakloh deuh deuh thil neih ve mai duhna a ti lian.
Report this comment
June 10th, 2011 at 12:57 am
ka chhiar hi ka va inchhir em! A tawp dan khiiiii. A ngaihnawm tehlul nen aw
Report this comment
June 10th, 2011 at 2:11 am
#32@CFL_ Comment dan atang chuan i chhiar hmel loh hle mai “Post tupa te han tih”
Report this comment
June 10th, 2011 at 8:58 am
Mama hian kawng dik lo a zawh a ni tih hmuhchhuah nan hmang se,college hi a kal peih lo a nih chuan
chawhmeh te zuar mai rawh se.A kawng zawh chhut ngun thei rual a ni tawh(a zirna leh an dinhmun ngaihtuahin ).A zawh lui zel a nih chuan fapa laktlak loh,hrin man awm lo a ni ang.He post atang hian ka fing leh sawt e.
Report this comment
June 10th, 2011 at 9:43 am
Ngaihtuah a va ti thui ve… mama chuan a insiam that phah em ang chu maw.. nu te sut thluk tawp hnu ah chuan. Mama nu pawh mama’n a dil apiang che puk chawp pawh a i pek duh zel chuan harsatna in tawk zel dawn a nih hmel e
Report this comment
June 10th, 2011 at 12:53 pm
Luangliam huang hi true story vek turah riak ka lo ruat a a lo ni meuh nange mawle!
A tha viau a, nia, a tawp dan khi a korean film sitail tlat
Report this comment
June 15th, 2011 at 1:34 pm
A nat dan a double duh ngot ang!
Report this comment
July 15th, 2015 at 10:50 am
simplemente haga clic en el sitio de Internet hasta que viene
Ka fapa college a kal ve tawh asin | mi(sual).com
Report this comment