Aizawl khawpui hi khap tamna khawpui a nihzia leh a chhunga chengte tan pawh awm ngaihna hre lo khawpa chep a nih zia sawi a awm leh thin. A sawituten eng vanga sawi nge an nih? Aizawl hi khawpui dangte aiin khap lamah a tuan a lo tha viau nge? Lo thlir thuak thuak teh ang hmiang.
Khap kan tihte hi :
Khap tam titute sawi tam ber nia lang chu: Zu khap, thalai khawlaia thu khawm khap, halpuah hal khap, lirthei tlan chak leh ri bengchheng lutuk khap, heng lo pawh thildang sawi tur a la tam viau ang. Engvanga khap nge ni ang? Zu tamnaah Zu in thiam lo an tam, Phung hmu an tam bawk. Insual buai leh tualthahna a tam a, accident, sum khawhralna leh thil dang chu kan sawi seng lovang.
Tin, thalai khawlaia awm mai mai kan tih zingah zirna ngaihsak lo an tam, nungchang mawi lo leh sual zir tanna a ni duh viau. Zirna lama chhuanawm leh mi hlawhtling, Kohhran leh khawtlanga mi hmantlak hmuh tur an vang hle bawk.
Awm mai mai e ti lovin an bengchheng duh phian zel. Halpuah leh lirthei tlan chak leh ri bengchhengte hian mimal zalenna a nek chep a, thawk lam leh lung natna a thlen thei an la ni ta zel. Chawlhnia dawr hawngte hian khawlai bawlhhlawh an ngai thei phianin an zingah sawrkar phal loh thil zuar hreh lo an awm leh thin. Heng ka’n sawite hian nunhonaah a chhe zawngin nghawng an nei vek a. Chuvangin, khap a va tam em em ve, tih ai mahin khap tlak an ni tak tak em? tih hi kan ngaihtuah chian hmasak a pawimawh zawkin a rinawm.
Khawpui dangte aiin khap a tam chiah em ?
Heng ka han sawi takte hi khap bur leh khuahkhirh a huam ve ve a. Engpawhnise, ruihtheih thil, nungchang mawi lo leh khawtlang tana hnawksak leh nunhona tibuai theih chi reng reng hi chu Aizawlah chauh pawh ni lovin India leh ramdang khawpui hrang hrangah pawh khap leh khuahkhirh a ni ve tho mai. Ramdang khawpuite hi khap tlemna khawpui an ni bik lem lo. Mizo Officer pakhat USA atanga lo hawin, “USA-ah chuan mahni compound chhunga thing pawh mahni thuin an kit thei lo,” a ti a ni.
Chu bakah thenawmte arkhuang leh ui bauh rin vang ringawtin a neituten pawisa an chawi teuh tih te a la sawi ta deuh deuh a. Singapore-ah zun leh ek chu sawi loh, i chil lem la, i hnap ak rawh’ tihte pawh kan hre lar hle a nih kha. Chil chhak man pawh sang telh telh tak a ni. Heng atang hian thil holama kan ngaih mai mai te hi mi ramah chuan an lo khapin an lo khuahkhirh tlat hi mak pawh kan ti mai thei.
Aizawl hi han en leh ta ila; kan duh duhna hmunah chil kan chhak thei a, remchang kan tihna lai laiah kan zung thei bawk. Miin a zah loh phawt chuan khawlaiah pawh e mah se, tu Police mahin an man a rinawm loh hmel. Kan ramah chuan khap reng chungin ui leh ar, halpuah leh Zu a zalen a, zan khawtairek thleng thlengin zalen takin kan bengchheng thei te hi a lawmawm letling hial zawk a ni. Khap tam hle anga kan hriat laiin khap kan ngai pawimawh lova; kan lekkawh tha bawk hek lo. Mahse, zalen lo riauva hriatna erawh kan nei ni berin alang.
Dan hi hnawk kan ti a ni zawk lo maw??
A thuhrimah Mizoram a ni emaw, ramdang a ni emaw, eng thilah pawh mimal leh khawtlang leh ram tana pawi thei a nih chuan mipui hamthatna tur ngaituahin sawrkar/ thuneituten dan siamin an khap mai thin. Tin, hnam mawl leh society te apiangah dan an nei tlem a, hnam fing leh society lian apiangah dan chi hrang hrang a tam duh hle. Chuvangin, Mizo society te tak te ni thin; kum 100 chhung leka lo thang duang ta em em; khawsak mawl laia anga zalen taka khawsak tum kan la tam a nih chuan dan ngaihpawimawhna leh hman tangkaina lamah kan la hnufual hle tihna a ni ang.
Chutiang kan nih chhung chuan eng dan pawh kan tan a hnawk ang a; eng act mah hi a hlawhtling tak tak thei lovang. Dan hi a nih ang taka hman leh lekkawh a nih a, zawm that chauhin mitin kan zalen zawk ang.
Similar Posts:
- Halpuah khapna thupek
- Aizawl-ah halpuah ri a awm lo
- Kumthar, Halpuah Tel Lovin
- A sakhming kan sêl e
- Krismas leh Kumthar boruak hrisel
June 9th, 2011 at 11:07 am
Amsterdam ah chuan zunin lova zun, mi verandah a guiter perh etc. 55 Euros fine na vek. Khap tlem lutuk vang hian alawm kan zawlkhawpuiahte hian trafic a mumal lohva zu khap loh pawh kan ngam loh ni. Ni lawm ni?
Report this comment
June 9th, 2011 at 11:08 am
Ka kal ve tawhna khawpui pakhat ah chuan zunin lova zun, mi verandah a guiter perh a zai, etc. 55 Euros fine na vek. Khap tlem lutuk vang hian alawm kan zawlkhawpuiahte hian trafic a mumal lohva zu khap loh pawh kan ngam loh ni. Ni lawm ni?
Report this comment
June 9th, 2011 at 11:10 am
A dang pawh ka la hre nual mahse ka kallohna ahmi chu ka sawi ngam lo…
Report this comment
June 9th, 2011 at 11:16 am
ziaktupa kan ngaihdan a va inang ve. Zu khapna dan pawh a hlawhtlin lohna chhan chu khapna dan puih lam aiin a hlawhtlin lohna sawi ring kan tam vang mai a lawm. Mahni thathawh hunah kan ngawi dial a, a hlawhtling lo chiah a ‘ka tih reng kha’ kan ti leh mai chauh a ni. Media lama kan tuan duh dan reng reng pawh hi hlawhtling zia a ni lo ve.
Report this comment
June 9th, 2011 at 11:21 am
A enga mah hmain khap hi kan han haw em em ringawt a. Mi tha leh fel pangngai tan thil hnawksak a ni lo reng reng. Zalên takin a khawsak theih. Mi felte tana hnawksak khapna a awm ngai lo ve.
Report this comment
June 9th, 2011 at 11:39 am
Khap hrim hrim hi ka sawisel hran lova, khapna dan chhuah hluai a bawhzui leh tum silo te hi a pawi ka ti. Dan kengkawhtu nilo in mahni thuneihna inpe chawpa khap ve sek ching kan tam lutuk hi ka ning. In han sawi tak ram changkang tak tak hi ka la kal ve lova; khapna dan an chhuah chu khawng takin an kengkawh thin anih hmel ka ti. Tin, NGO ten mahni thuneihna nilo pui a inrawlh sek a khapna chhuah ve ngawt te leh kawngpui dunga hrui pawta mi motor duh duh tidinga lo check ve ngawt thin te hi an ching ve lovin ka ring tlat.
Report this comment
June 9th, 2011 at 11:47 am
A ho e i thu post hi,
Report this comment
June 9th, 2011 at 12:08 pm
OT pawh khap nghal law law ang…
Report this comment
June 9th, 2011 at 12:10 pm
khap hrim hrim hi chu kan ngah ve lutuk a,mahse,kenkawh lam awm hek lo,an han kenkawh dawn pawn ngamloh an nei lehzel bawk si a,an tih ngam chinte chu min hrem mai lawm,tihpuitu ka neihve hunah chuan khap hian min dal bik lo ang
Report this comment
June 9th, 2011 at 12:15 pm
post ho tak ani e ti dawn ila i englo awm bawk si
Report this comment
June 9th, 2011 at 12:20 pm
Thlirna tlang (angle) dang dang atanga thil thlir kual hi a tha a ni. MLTP hman zel duhtuah hian Kohhran hi kan han puh vai vek thin tak naa, Vanglainia articles latest ho hi han chhiar ila, Khap zel duh hi an lo la tam hmel riau mai a!!!
Report this comment
June 9th, 2011 at 12:27 pm
Khap tamna khawpui?
Report this comment
June 9th, 2011 at 12:31 pm
zun inah e suh Ek chhuah tawh chuan zunin a ek hi awl viau ni tur ni..
nakinah chuan mahni compound chu sawilo mahni ekin-a ek te an la khap ang… Ek chhuak in kan la talbuai nasa dawn..! Future a va han bright lo tak em..! hoooohaah…!!
Report this comment
June 9th, 2011 at 12:33 pm
Communist lal hunah chuan ek ina e lo te chu an mawng an sat thla siah siah ang!
Report this comment
June 9th, 2011 at 12:39 pm
Keini khawpuiah hi chuan khap alawi kan la nei hlei nem mawle! Mi ram angin han khap deuh se kan ziaawm deuh tur. Mahse, khap chhun pawh a phelh theih dan ngawt zawng kan ni a. Ramhnuaia khawsa tawk lek zawng kan ni e.
Report this comment
June 9th, 2011 at 12:58 pm
hman deuh khan zan khat chu aizol veng 1 ah ka bialnu nen motor chhungah(thianghlim takin) kan thu duna, tlawmngai leh midang tanpui tur pawl inti anlo kala, kan vengah chuan kan khap, haw rawh u min ti.
Report this comment
June 9th, 2011 at 1:19 pm
@16 saint sammoo: ka va khawngaih che..!! A engmah hma in an ring sual ringot che e lo..!! Motor chhunga thut chu an khap ka ring bok si lo.. A enga chiah chu nge maw an khap le..
ngaihtuah mai mai atan:- Ka thil ngaihtuah hi an khap a nih vaih chuan a va buaithlak duh awm ve…
Report this comment
June 9th, 2011 at 1:51 pm
Ram dang te thil khap leh Mizoram a thil khap te hi tehkhin chi an ni dawn em ni. Mi ram ah chuan sawrkar in dan leh thupek fel tak hmang in thil an khap a, Mizoram ah chuan a hman hman in khap tur kan zawng a,NGO TE HIAN KHAP THEIHNA POWER AN NEIHNA HI HRIAT A CHAKAWM KHAWP MAI. Mizoram ah hi chuan moral policing lam hi kan uar zawk mah a nih hi, kan thil khap ho ah hian a chiang khawp mai. Comment #16 a mi ang te khi thil tul lo lutuk ani, kawngsir khawi lai ah pawh, (No-parking area te a nih loh chuan) kan ding ve thei a ni.Road tax te pawh kan pe a nilawm ni?
Report this comment
June 9th, 2011 at 2:15 pm
@ 7 leh 10, post ho tak a nih loh hi, post tha tak ani zawk e, lo ziak zel teh post tupa, a tha riau thlirna tlang dang
Report this comment
June 9th, 2011 at 2:16 pm
Post tupa hi 100% in ka thlawp e. Ka rilrua lo awm ve reng thin; mahse ka sawi chhuah fai thiam chiah si loh a ni e.
Report this comment
June 9th, 2011 at 2:30 pm
Ka support e kei poh. Mahse zu khap in a nghawng hi chu thil tha lo a va ni em. Local zu chhe lutuk avanga zu in mite tawrh nasat zia te, A sen chi inpha inti ten Vai sipai ho hnen atanga a man pangngai aia let engemaw zata an lei thin te hmuh hi chuan rilru a na ve deuh thin. A in mite chuan khap sawmsarih mahse an in dawn tho tho ka ngaihve dan chuan. Vai sipai ho chawm len an ni ringawt pawh hi ka rilru a na.
Demand hi khap theih loh chuan supply kan khap hnehin ka ring lo. Mizoram a dry village pakhat ami te pawh zu in turin an khaw thenawm an kal tauh tauh tho mai.
Pawisa hek tih te chu a dikna chen a awm, mahse thlah zalen nita se tlem chuan a in mite chuan an seng hnem lo zawk deuh ngei ang. A mawl zual deuh in chin tawk hre lo, ruibuai leh inkhawhral thak thak thin ho avanga khap kan duh anih chuan inngaih dan dan le.
Report this comment
June 9th, 2011 at 2:43 pm
a tha ka ti khawp mai i thu ziak hi. Mahse tih tur ka neih awm pawh ka hre love
Report this comment
June 9th, 2011 at 2:53 pm
zu khap lohna-ah pawh local zu in a tihchhiat mihring hi zuk tam zawk zel ia.. keimahni ‘mera bharat mahan’ desh-ah hi chuan..
khap tur hi chu kan chham lo alawm Zofa te hian…
Report this comment
June 9th, 2011 at 3:40 pm
in ho e a
Report this comment
June 9th, 2011 at 4:09 pm
Aizawlah hian nun phung pangai taka khawsa tan khapna thupek vanga buaina tur reng reng a awm ka hre lo.
Heng khapna te hi khawtlang thatna tura tih vek zawk a ni a, chep ni a i inhriat chuan inenfiah i ngai a ni thei!
Report this comment
June 9th, 2011 at 5:12 pm
Khap te chu a om ve loh bok ten le… Mahse ti leh thin ang.. Zu khap te chu, kan ram ngaihsan??? “USA” te pon an theih loh kha keini hian kan theih chu ka van ringlo em.
MLTP hi anihna tak ang in han kengkawh ta poh nise …..Organised crime scene te hi arawn chawr chuak zawk lo ang mo lee..??? like in the “USA” chhanchu mizo ah pawh engmah pawisak neilo kan tam ve toh bok si..
Report this comment
June 9th, 2011 at 5:14 pm
25′ i ti tha lutuk, kuhva ka khilai ang che, i ei ngai em?
Report this comment
June 9th, 2011 at 5:51 pm
He thuziak hi a awmzia lo in ka hria. Ka chhiar leh thin a amah leh amah a in contradict tlat.
Report this comment
June 9th, 2011 at 5:52 pm
Post thatak a va ni em…
Report this comment
June 9th, 2011 at 5:58 pm
Freedommm
Report this comment
June 9th, 2011 at 6:59 pm
@16, kawngsira ding thin midang zar i zo a nih chu, inchung a in rim lo a hmun danga leng hi chu rinhlelh an hlawh chawk a nia…. rin dik loh chang a awm theih a vang in rinhlelh khap tur ?
Report this comment
June 9th, 2011 at 7:18 pm
midang ti buailo freedomm hi chu pawilo.
zalenna hman kan duhdan hian midang zalenna a tibuai em ?tizawng in post tu kan support lawks, khaptu nilo in
Report this comment
June 9th, 2011 at 7:24 pm
I tuam zau lutuk a, a ho zo vek. Legislation, Act, rules, moral, ethics, human rights, social obligations, a chhip a thamkhawm a YES or NO in tihtir tum ang deuh a ni.
Corruption pawh hi sawi zau lutuk chuan public money development na tur ngawh ngawi nuai 100 chuang eiru leh Office printer a KTP/TKP/YMA a committee kohna lo print tir te, kal tlai leh haw hma deuh te hi bawm khat ah kan khung a, a ho zo vek thei.
Vanram nawm dantur zia te,hremhmun hreawm dan turzia te, universe zau zia te leh chatuan rei tur zia te pawh hi sawi fiah tum lutukna lam ah a ho zo vek thei. Te ka ti mai mai.
Report this comment
June 9th, 2011 at 10:17 pm
Zoho em em a che Bawngpain lei a leh laiin a hmui phuar suh.
Report this comment
June 9th, 2011 at 10:27 pm
Khapburna dan, khap kan duh em em tak chu MLTP Act pawh hi a ni. MLTP Act la nung zel tura duhtu Kohhranho leh MAL hi zu tihremna lam kawnga thawh hlawk lo ber an ni thungin a lang.
Report this comment
June 9th, 2011 at 10:47 pm
Christmas leh Kumthar lai in Puak thei thil reng 2 leh hal te an khap. Naupuak te pawh an khap!
Report this comment
June 9th, 2011 at 10:49 pm
# 33, coruption i sawi dan khi ka ngaihdan chiah a ni.
# 35, a thawh hlawk ber YMA kan sel leh tho bawk si!
Report this comment
June 9th, 2011 at 10:50 pm
Khap tam lutuk leh khap theitu tam lu tuk te leh Pawl NGO an ti emaw ni tam em em pawlpawl ti duhlo pawlpawh dingna kawp a pawl tam hian MIZORAM hmasawnna nasa takin a dal tih kan hriat chhuah a kan ban san vek hunah kan Zoram chu a la chang kang ve ang
Report this comment