Mizoram hmasawnna tura pawimawh em em, tourism promote-na tur website www.tourismmizoram.com leh Mizo mipuite mamawh leh nghahhlelh em em “Mizoram Professional & Business Directory 2011″ chu nimin June ni 8, 2011 khan City Car Bazar & Rentals Showroom, Upper Republic, Aizawl-ah tlangzarh a ni ta.
He Tlangzarhna inkhawmah hian Pu S. Hiato, Tourism Minister, Govt. of Mizoram chu Khuallian niin Website thar hi a tlangzarh a. Tin, Pu Lal Thanzara, Parliamentary Secretary (Chief Minister’s Office), Govt. of Mizoram chu Khual Zahawm niin Directory a tlangzarh bawk.
click pics for larger size
He programme hi Mali Hlondo (RJ, FM Zoawi)-in zei taka kaihruaiin, Pu Rochanmawia, CEO, City Car Bazar & Rentals-in inlawmna thu a sawi a. James Ramdinmawia’n website leh Directory thlirlawkna neiin, Joseph Lalnunmawia, Webmaster-in Projector hmangin website demonstration a nei bawk. Gospel Singer lar tak Rosy K. Remsangpuii leh Lelte Award Traditional Singer of the Year 2011, Lalbiakhlui Pachuau ten zaiin mipui kalkhawmte an awi a ni.
Special Invitees atangin Pi Lal Riliani (Mizoram Chief Minister Nupui), Prof. Lianzela (Controller of Exams, Mizoram University), Pu Biakthanmawia (Jt. Director of Tourism Dept., Govt. of Mizoram) leh Pu Lalthuamliana (AGM of State Bank of ) ten thu an sawi bawk. Pu C. Zarzoliana, Jt. CEO, City Car Bazar & Rentals-in Vote of Thanks sawiin Rev. C. Lallungmuana (City Car Bazar & Rentals neitu Pu Rochanmawia te unau zinga mi)-in Malsawm Tawngtaina-in he tlangzarh inkhawm hi a tin a ni.
Thusawi ve lem lo, mi pawimawh zingah Pu Lalrinmawia Ralte, Parliamentary Secretary, Pu V.L. Robiaka, Chairman, ZIDCO leh Pu C. Pahlira, Prominent Citizen te an tel bawk.
He website thar hi City Tours & Travels te’n an siam a ni a, City Tours & Travels hi City Car Bazar & Rentals peng pakhat niin a enkawltute leh an Office pawh a thuhmun a ni. Mizoram mawizia nasa taka khawvel mithmuha pholan a, tourism hmanga Mizoram Economy chawisan tumna avanga he website hi buatsaih a ni a, thahnem ngaih luatah thlalakte pawh chi hrang hrang lakkhawm a ni. Thlalakte hi a latu leh copyright hauhtu hriat vek a ni lova, chuvangin he website visit-tu ten Disclaimer Page hi chhiar ngei turin kan inngen e.
Mizoram Professional & Business Directory 2011 ah hian Mizoram chhung District Hqrs. tina Sumdawnna Office leh Dawr telephone number dah a ni a. Tin, Mizote tana pawimawh em em, India ram khawpui lian zual thenkhata College tha zual (stream hrang hrang zirna) te, Hospital leh Hotel Address leh telephone number te dah a ni bawk. Duh angin dah kim a har viau mai a, chuvangin chhut hnihnaa dah luh turin dawr telephone number tel ve lo, tel awma ngaih kan nei a nih chuan tourism.mizoram@gmail.com ah hriattir theih a ni.
Similar Posts:
- ZoFooty website thar launch a ni ta!
- Minister leh PS te zinna senso Rs. 27,32,246
- Aizawl F. C in Website an nei ta
- 100
- Parliamentary Secretary thar hna chanpual
June 10th, 2011 at 1:04 pm
Awiii… Father-a chu leh
Report this comment
June 10th, 2011 at 1:40 pm
@jamesrdm #35, E,sotrkar ta a nia maw ka lo ti mai sin,my mistake…
Report this comment
June 10th, 2011 at 1:48 pm
Pi Rii a lo lang ve ziah!
Report this comment
June 10th, 2011 at 2:04 pm
Pu Vangchhia, mail chu kan lo check tawh e. I rawn contribute tha hle mai, kan lawm lutuk. @52 Xaia, It’s ok. @Mr. Serendipity & benjamin, website chipchiar taka in lo en avang leh in feedback avangin kan lawm hle mai, site pawh kan lo update nghal e. @zualbonez, comment no. 22 khi lo en leh lawk teh…
Report this comment
June 10th, 2011 at 2:08 pm
Phalna la hmasa loa thlalak dah a va tam hmel ve mawle.
Report this comment
June 10th, 2011 at 4:37 pm
james hi an hotupa ami i nih?
Report this comment
June 10th, 2011 at 4:48 pm
edit
Report this comment
June 10th, 2011 at 5:03 pm
website hawn a ho hle mai a, inti changkang taka changkan lohna a nih hi mawle, directory siam hi chu a tha foooo ang….
#21 TuaiSialA comment hi dik fia fia ltk,
Ku Tuaite, i bolog chu ropui takin hawn tir ve la…
Report this comment
June 10th, 2011 at 5:14 pm
@jamesrdm, Tour Package tih hi engtianga kalpui nge in tum aw? nangmahni in buaipui ta ang ula in website ah hian a senso tur in ziak lang thei em? ziahlan ni ta ang sela a va tangkai leh zual awm ve le
Report this comment
June 10th, 2011 at 5:37 pm
@baubauh, Tour Operator tam tak hian an website ah Tour Cost hi an dah lang vak lova, chutiang deuh chuan keini pawhin enquiry a awm chuan min rawn dawrtu email ah kan thawn zel mai…
Report this comment
June 10th, 2011 at 5:44 pm
package ah hian MZU tlawh tih awm tel a ngem?
Report this comment
June 10th, 2011 at 5:56 pm
A tirah khan kan han telh deuh zuai a, mahse hun a heh dawn riau-in kan hria a, chubakah a aia University changtlung zawk leh tlawh manhla zawk an tlawh fo tawh awm si a, an enjoy lo ang tih kan hlau leh deuh a, tunah chuan kan telh leh ta rih lo…
Report this comment
June 10th, 2011 at 6:35 pm
@jamesrdm a lawmawm e…..duhsakna ka hlan a che u…
taka, in tour guide nula chhe lo ber hi min lo biak teh a
Report this comment
June 10th, 2011 at 8:48 pm
A hming atang hian a fuh lo nghal!
Report this comment
June 10th, 2011 at 9:01 pm
@Big_Boss, a eng hming ber nge i tih?
Report this comment
June 10th, 2011 at 9:11 pm
backpackers hi an zinna hmunah farm ah te hlawh neih a thawk hi an awm thin a, experience atan…chutiang ti duh an awm chuan min lo hrilh dawn nia…e chuan taka facebook ah “we welcomes” tih saw thlak teh u, bena sawi ho nen khian :D…a har loh chuan
Report this comment
June 11th, 2011 at 4:24 pm
@Fonz, kan fimkhur tawk lohhna ah min rawn finchhuah a, kan lawm hle mai. Facebook-a kan mistake pawh kan siamtha nghal e…
Report this comment
June 11th, 2011 at 4:30 pm
Lawmawm khawp mai. Good luck!
Mi pawimawh hnaa tul tak tak sawm kan ching lutuk hi ka ning ta khawp mai. Kan minister leh Sorkar mi pawimawhte pawh hi programme pui dana zirin an kal ve zel mai a. Hna an thulh phah nasa ta ve ang.
Report this comment