Mizoram sorkar chuan SP Singh-a ngenna angin Principal Resident Commissioner-ah a hlangkai a. Amaherawhchu, Assembly House-ah meuh a chungchang sawi a nih avang leh a post chu phuahchawp mai nia sawi a nih avangin, September ni 24, 2010 khan Principal Resident Commissioner atangin Resident Commissioner-ah dahthlak a ni leh a. Tunhnaia sawiselna thawm a rik rin leh lai takin, vawiin (June ni 9, 2011) khan DP & AR chuan Resident Commissioner atangin Principal Resident Commissioner-ah hlankai leh a ni.
DP & AR notification-in a tarlan dan chuan Vanhela Pachuau, IAS (Chief Secretary) chuan Political & Cabinet, Vigilance Power & Electricity, DP&AR a chang a. Lalmalsawma, IAS (Commissioner & Secretary) chuan Home leh Prison, Finance, Planning leh GAD a chang ang.
Similar Posts:
- Commissioner/Secretary hnathawk tha ber ?
- Vanhela Pachuau – appointed for Pondy CS
- AGMUT Cadre IAS te bihchianna
- SP Singh an sawn chhuak ta
- Chief Secretary-ah Vanhela Pachuau
Kimi Colney hian thu pawh a ziak...
Hairehai....
June 11th, 2011 at 2:02 pm
Report this comment
June 11th, 2011 at 2:06 pm
hahahhahaha….an v che ‘pipu’ ve
Report this comment
June 11th, 2011 at 2:08 pm
vanglaini.org ah k lo chhiara.post tha tak ani
Report this comment
June 11th, 2011 at 2:11 pm
S.P.Singh fan club ah ka tel lo. Tel chu ka hre mai.
Report this comment
June 11th, 2011 at 2:19 pm
He pa chungchang hi sawi a tam tawh tehlul nen hian kan sorkar beng erawh a thleng ve vak lo thin a ni ang.
Report this comment
June 11th, 2011 at 2:27 pm
Deuh deuh chuan a! Kan hotupa chet duh dan salh salh hi chu..!!!
Report this comment
June 11th, 2011 at 2:39 pm
Hmmmm..
Report this comment
June 11th, 2011 at 2:40 pm
iau
Report this comment
June 11th, 2011 at 3:21 pm
Vawiin Vanglaini ah Joseph C.Lalremruatan “Let S.P.Singh Go” tih article a ziak. Hetianga hmalak hi a effective ka ring.
Report this comment
June 11th, 2011 at 3:26 pm
MNF sorkar laiin OP Singh kan buaipui a. Congress sorkarah SP Singh
Khaw nge “Singh is King” tih hla kha? I sa dual dual ang u hmiang.
Report this comment
June 11th, 2011 at 3:31 pm
Let S.P Singh Go
Saturday, 11 June 2011 06:38 Vanglaini
Delhi Resident Commissioner atana ruat a nih hnu lawk atanga Mizo mipuite thamlo zawnga thawm nei reng mai, a khât tawka a thiamthu belhchiandawl lo leh thu fahrah te te hmanga chanchinbu lama rawn insawifiah zak miah lo, Delhi tlanga Mizo mipuite leh Mizoram sorkar leh sorkar khaipa leh sorkar official-te tana rinawm leh tha taka thawk leh an harsatnate sukiang tura hlawh leh hamthatna pek a nih in hre miah lo mihring, mi tlemte te chiah tih lungawi tum S.P Singh an tih pa khuan Mizote hi min hmusit hle a ni tih chu reilote chhung a thawh hnu pawh khuan a lang chiang viau awm e. Ka ngaihdan tak phei chuan Mizo mipuite leh Mizoram sorkar Official-te harsatna siam turin hlawh kan pe te pawh a ang berin ka hria.
January thlaa Delhi kan zuk zin ve tumin Mizoram House bak thlenna tur hre ve ta lo chu kan zuk thleng ve a. Thlen tirh ni atangin a hmel hmuh tumin ka mit ka len ru ruai a, mahse vanneihthlak nge vanduaithlak deuhin Mizo mipuite ngam loh chu ka hmu ta lo hlauh pek a. Khualzin tam tak te sawi ang ngeiin Delhi tlanga kan House neih ve chhun chuan beisei a phak lo hi ka’n ti mai mai khawp a. Dormitory (boys) bathroom te chu tute emaw in experiment beihnan an hmang a ni ang a, tih tur khawpin a tawpin tui chhia a tling nasa a. Lo awm rei deuh tawh leh chinchang hre deuh tura ka ngaihte kan zawh lahin a rei tawh lutuk kan thlen tirha lo thleng hmasa te pawn kan thlen hma paw’n a ni tawh an ti, tia min hrilh phei chuan eng ti thei lo mah ila ka sa zak mai.
Mizoram sorkar erawh ka dem hauh lo, mahse a hotu lu ber erawh engnge a tih thin tih hi rilru-in kan in zawt mawlh mawlh nghal a. Thil dang pawh tam tak sawi tur a awm a, mahse vawi tam tak chinchang hre zawk leh thleng zing zawkten an rawn thai lang tawh a, sawi lang vek lo mai ang.
Hmun danga Mizoram House-ah pawh kan thleng ve fo tawh, harsatna leh manganna tawha House hotute hnena kal chuan rin phak bakin min ngaihtuah thin, chu’ng hmunte chu Mizo-pa hotu luber a nihna vek an ni thung. Vawi duailo kan Minister, Deputy Speaker, MLA leh high official-teho S.P Singh laka an lungawiloh thu leh harsatna a siamsak thin thu chanchinbu lamah kan hmu ta. He’ng mite hi anmahni chu eng mi pawh lo ni rawh se, kan hriat tur erawh chu Mizo mipuiten kan aiawh tura kan thlanchhuah leh Mizoram sorkar leh Mizo mipuite aiawha hnathawkte an ni tih hi a ni awm e. Chuvang chuan heng mite hmusittu chuan a thlang chhuaktu leh anmahni neitu Mizo mipuite hi min thamlo-in min hmusit hle tih hi research beih ngai loa thudik a ni awm e.
Official ni lo te lungawilohna zawng zawng kan la dah tha zawk mah mah. Health Minister Pu Rinliana hian tum khat chu, “Hei hi Mizoram House a nih hi, nanga lo inlulinna hmun tur a ni lo” tiin a hrilh e, an ti; a ti tha ka ti takzet. Mizoram Governor, pa zaidam leh thinnel tak mai a chunga a’n thinrim thei mai te khan S.P Singh inlulinzia chu a tarlang chiang viau bawkin ka hria. Mizoram lu ber pawh khatia loti ngam chuan ak zat hnih hnuailam, rawng lo lehnghal te phei chu min hmuhsit a, min tham loh turzia hi sawi ngam chi pawh a ni lo. Chubakah, hna pawimawh a tih tur leh bawhzui tur tam tak tih that duh loh a nei fo te an la ti ta deuh deuh nia maw le!
Chapo taka, dan ka zawm tur sorkarin a siam chu ka zawm kim vek, te a la ti ngam te khu… Tih tak takah chuan office a hun taka thlengin a hun takah a haw ziah ka ring lo phawt. Leave la si loa office laia a kalchhuah fo ka ring bawk. Mizoram House motor pawh office kal nan chiah a hmang bik lo tih a chiang viau bawk. House chhunga problem awm pawh a hun takah a endikin hma a la ngai lo tih a chiang viau bawk (a thleng thangten an chiang khawp ang). Chhui chian poh leh a that lohna leh dan a zawm kim bik lohzia a lang chiang ang.
Mizoram House leh Mizoram House-a motor zawng zawngte khu S.P Singh-a ta a ni lo a, a pa ta pawh a ni hek lo; Mizote ta a ni. Mizo mipuiten kan aiawha kan thlantlin leh Mizoram sorkar thil pawimawha zin official-te hman tura lei a ni. A uchuak venna atan dan chu a awm ve pawh a ni thei. Tin, S.P Singh hi Ministry of Home Affairs hnuai ni lovin Mizoram sorkarin Mizote tana thawk tura a chhawr, kan hnuaia thawk a ni tih hi a inhre lo reng reng hian rilru a ti na a, tah a ti chhuak bawk.
Kan hotu lu ber Governor leh Delhi tlanga Mizote pa ber kan M.P (Lok Sabha) neih chhun Pu CL Ruala te meuh pawh heti khawpa a zah lo leh a inlulin khum duh mai te phei hi chu Constitution zahlohna te hial pawh a ang ka ti. Heti zat Mizo ngei Resident Commissioner atana tling leh tha tam tak an awm laia tih tur pawimawh hmasa ber chu Pu zahawm tak, S.P Singh ui tak chunga chawlhtir hi a ni awm e. Mizo mipuite tana mi tha a ni lo tih kan hriatchian, hnam dang lehnghal, Mizo mipuite tana rawih chhunzawm zel a, a ‘term’ hman zawhtir kher hi a tha kan ti em? A tuartu tan chuan thla khat lek pawh kum 10 tluk zet a ni thei asin. Chuvangin ‘Let Him Go’, Ka pu.
- Joseph C.Lalremruata,
Camp: MZU
Report this comment
June 11th, 2011 at 3:42 pm
He pa Deuh2 chu leh…..
Report this comment
June 11th, 2011 at 4:05 pm
A mak thin bawk ve maw le. A mak a ni. A mak tawp. Pathian nung-a hi a rilru a buai tawh a niang.
Report this comment
June 11th, 2011 at 4:07 pm
He thil hian chiang tak in hengte hi a lan tir:
1. Lal Thanhawla sawrkar hian Eirukna hi phoro ahnek in a kui tiak mek ani.
2. Lal Thanhawla leh a pawl ten an sawrkar tirh a piangthar ta anga an in sawina te kha, he hian an piangthar tak2 lo ani tih chiang tak in a ti lang.
3. A ma thawh pui te ngei ngei chu sawi loh mizoram Lal ber governor meuh pawh pawisa lo tu hotupa hian a chapo zia a lan tir.
4.Zoram mipui ten kan hne em em, mi pamham te in duh sakna kan hrawn tawh hnu Babute-a sawrkar ang chiah khan ram rawngbawl ahnek in mimal /party rawngbawl kan hrawn leh dawn tin chiang tak in a ti lang.
5. Zoram mipui te hi hawi ngaihna hre lovin min siam a, sawrkar hne awm tak kan hrawn hnu ah ahma ami ang tho kha kan hrawn leh hmel.
6. Inthlan leh ah vote tur hre lovin kan vote kan hralh loh vek pawn khua keh tui te tih ngei tur vote thlak peih lo khawp in min siam ngei ang.
Report this comment
June 11th, 2011 at 4:12 pm
vlchinzah #14 A chanchin an sawi hmang hian mi nasa ve tak chu anih hmel.
Mahse, i sawi #3 na hi chu ka ngaihdan ( ve mai mai) ah chuan “Freedom of speech” kan nei theuh a, mahni rilru dik tak sawi chhuah pawp chang hi a tul chuan awm mahse pawi ka tilo. Miin midang te zah kai a duh chuan amah kha zahawmin a awm angai thin.
Mahni ngaihdan ni miah silo, diklo tih rilruk reng si engemaw thilah, “Yes sir” tih reng hi tha ka tih zawng ani hauhlo kei chu.
Report this comment
June 11th, 2011 at 4:14 pm
Tawngvai a va ang em.
Lal Thanhawla chuan, an sorkar velah Supply Minister-in gas cylinder bûr 1,00,000-in a tihpun thu a sawi a, he ti chunga mipuiin gas an dawng
tha lo a nih chuan agent-te mawh a nih thu a sawi.
Gas chungchang hi chu sawi2 ve teh suh se, MNF sawrkar kha an tluk lo emai.
https://vanglaini.org/index.php.....8;Itemid=2
Report this comment
June 11th, 2011 at 4:21 pm
@Hv, a dik alawm, kei pawn mak ka ti. Cabinet zing ami lungawi lo te khan meeting an neih hian an sawi ngei a rinawm a, Tin, an chhuina report pawh pharh ngei anih a rinawm mahse heti chung pawh a him dan ah humtu hrawl tak, thil ti thei tak anei tih a chiang thawkhat viau ani.
Report this comment
June 11th, 2011 at 4:21 pm
Hleih nei taka rorel duh awmkhawm kan nih hi HT Sangliana chungchangah khan a chiang mai.
Report this comment
June 11th, 2011 at 5:01 pm
@Zamzo, iti khawp mai
Report this comment
June 11th, 2011 at 5:16 pm
SP Singh hi heti khawp anih tawh hnu pawha a remove duh miah si loh chuan, mipuiin a remove duh lotu hi an remove ve leh mai ang ka ti aw…a hla vak tawh bawk si lo a….
Engle khawle, special investigation report vawi 2na kha, RTI atangin dil chhuah nise, Misual.com ah hian lo chai ho a van chakawm ve…. 
Report this comment
June 11th, 2011 at 7:07 pm
SP Singh-a chu Delhi-ah a awm a, Mizoram lamah kan lo helh nasa hi a dik ka ti lo.
Delhi atang hian Mizoram lamah sawn chho mai sela…..mahni duh zawngin Roreltute ro rel tir tum hi thil tha pawh a ni ber lo ve. Mizo zawng zawng min hmuhsit chu ka ring lem lo.
Report this comment
June 11th, 2011 at 7:08 pm
A khai aw.. Zamzo ata mai mai thin hi a
Report this comment
June 11th, 2011 at 7:24 pm
A chanchin a chhe a zawnga ri fo mai hi a rintlak meuh angem aw! Dan a kengkawh ve mai niin ka lo ngai a.
Report this comment
June 11th, 2011 at 7:33 pm
He pa vang hian inthlan leh hun chu Congress ka vote lovang. Shala.
Report this comment
June 11th, 2011 at 7:47 pm
A khai aw!
Report this comment
June 11th, 2011 at 7:50 pm
Congratulation, ti mai ang. Kan CM tur a lanih hmel si a.
Report this comment
June 11th, 2011 at 8:09 pm
Hetiang thil hi politicise vak chi pawh a niin ka hre lo!
Report this comment
June 11th, 2011 at 8:25 pm
SP Singh hi Delhi Jt. RC hmasa sawi dan chuan AGMUT Cadre IAS zingah pawh hian awmna tur hi a hnawng a hnawng tawh thin a. Chhura duh loh Naa’n nei tang e kan ti nge keini chuan heti khawpa min tibuai chung hian kan la hum hram hram a.
Mipui nawlpui tana a hnawksak chu thu hran, Governor, Cabinet Minister, Dy. Speaker, MP te thlenga zah lotu hi ka hua a, amah aia ka huat zawk mah chu tun thlenga amah la hum tang tang tu hi a ni. Cabinet Minister pakhat chuan ka hnenah heti hian a sawi, “SP Singh hian tumah a hlau lo, Cabnet Minister pawh min zah chuang lo, kan CM leh CS chiah hi a hlau,” tiin.
A kaikuang ber chu Pu Hawla leh Pu Vanhela an ni mai. Dikna chu luipui anga luantir tak tak hi an tum lem lo a ni ang e. Kan CM ber pawh a Delhi thian vai te hnena a Cabinet Minister Delhi zinte lo take care tura hrilh fo si, SP Singh-a’n a lo take care lo ngam tlat hi CM nen eng inzawmna thuk tak nge an neih ang tih hi ka hriat chak ber a ni.
Governor a zah loh pawh a huatthlalak tawh nak alai a, ama thawhpui a Cabinet Minister leh MP ngei te pawh zah lotu chu engvangin nge CM hian a hum reng, SP Sing-a nen hian hnungthak an lo inhiahsak tawn thui viau pawh a ni thei asin…
Report this comment
June 11th, 2011 at 8:53 pm
A zung pawh phawi chu khawi lam, Delhi lam thleng thlengin a la kaih belh ta deuh deuh a nih chu!
‘RUNLUIH’ thil tih hi chhanin ala awm ngei ang.
Report this comment
June 11th, 2011 at 10:05 pm
Kei chu MZ house Delhi a A/C dah phal RC a tan chuan ka duh e,hrehawm thei teh mai nia aw…
Report this comment
June 11th, 2011 at 10:29 pm
@khabezum, thil diklo a awm a ni tih chu Principal Scy. Lalsawta chhuina atang leh Parliamentary Standing Committee Report atang hian a awm ngeia rinna i la neilo nge? Amah i emaw, a humtu emaw i tan vang hrim2 a dik taka rorelah i la ngaih theih?????!!!!!!
Report this comment
June 11th, 2011 at 11:42 pm
hmani chu delhi Mizoram House choka bawm kha ka en ve a, thlalak em kha chu a ti deuh a! vaipa insawifiah na ‘material tha chi’ tih kha chu dawt chiang bal, 12 lakhs a senna kha awihawm loh theipa tawp ani. An cupboard ai khan fridge hung khat tlat ta pawh nise 12 lakhs man chu a ni lo hrim hrim..saalaa..bang rawh se.!
Report this comment
June 12th, 2011 at 9:51 am
Tawngka ngei ka hriatah chuan C.S hian chuan a tan lo…..
Report this comment
June 12th, 2011 at 1:57 pm
I hre dik ang, ruatruatapa.
Report this comment
June 15th, 2011 at 9:36 am
Nizan ka mumangah SP Singh, mizo te min hmusit tu hi CM in a suspend ta ! Min han hrilhfiahsak thei in awm em….
Report this comment