Pathianin hlimna min pe a, nuih hi chu a nuamin a hlimawm a ni tiraw?. Hriselna lam zir mithiamte sawi dan chuan minute khat hlim taka i nuih chuan darkar 24 chhunga i taksain natna a do theihna a tisang a mahse darkar khat i thinrim chuan i taksain natna a do theihna kha i thinrim atanga darkar 6 thleng a tihniam em em a ni an ti
Mahse a chang chuan nuna lungkhamna leh lungngaihna te hian kan hlimna tur min laksakin min rukbo sak fo thin. Naupan lai leh tleirawl laia hlimna tur tam zia leh nuih awlsam zia kha kan hrereng ang chu! Tunah chuan puitling kan ni ta, ngaihtuah tur a tamin indawmkun a awl thin khawp mai, chu mai ni loin awlsam taka nun leh nuih mai mai te, rilru ruak len ngaihtuah nei lem loa awmte a har viau tawh thin. “tunge bill pe ang?”, “ka nupui/pasal tur tunge ni ang, eng ang nge niang?” “engtin nge ka fate harsatna ka sutkian ang” tihte leh zawhna chhansenloh hlirin kan nun a tikhat fo thin.
Mahse Pathian chuan a hmelmate pawh lawm takin a pawm thin,a awmzia chu keini paw’n kan ti ve thei tihna a ni. sam 2:4 ah chuan “Vana thua chu a nui ang a, Lalpa chuan anniho chu a nuihzabur ang.” tihin kan hmu a, han ngaihtuah ve mah teh u Pathian nui hmel tur chu, ngaihtuahna hlimthla mawi tak a ni.
Vawi tam tak Pathian hi tuna thil thleng mek avangtein lungngai leh rilru buai taka awmin a lu a hai ve hlein ka ring thin a mahse hei hi chu a dikloh em em na tur pawh ka hre chuang lo, a dik alawm Pathian hian bukna diklo a duhlo tih hi. Chutih lai vek chuan hmalam hunin a tibuai ve ngai lo a ni kan Pathian hi, Ani chu a bul leh a tawp a ni miau si a. A ram a zau zel anga nakinah chuan a ram chu din a la ni ang tih a hre tlat a ni.
Chuan engtin nge i tih tak ang? I hun tlemte kha Pathian tan han dah chhin la, Pathian hnena lawmthu sawi nan han hmang chhin teh, i inchir miah lo ang. Chumi piah lamha chuan minute khat chiah i lungngaihna leh i lungkhamte kha han nuihsawn vel chhin la, han deu chhin vel la, hlim han tum teh, i la inchhir chuang lo ang, chumipiahlamah chuan khang i harsatna zawng zawngte khan tawp hun an nei dawn tiin han inhrilh leh teh. i inchhir em?
Harsatna i tawh apiangin Pathian hnenah a awmzia zawt thin la, a chhanna chu i hmu ngei ang, tawngtaina zawng zawng chhan a ni a mahse a chang chuan “aih” ti a min chhan avangin tawngtaina chhanglo emaw kan ti mai mai thin a ni. Pathian kan Pathian chungnung vana Lal Isua nena thu hnenah ngei chuan i duh chu dil fan fan ang che.
Pathianin mitin tan remruat a nei a, a remruatna tihhlawhtlin chu kan mawhphurna a ni, eng ang paw’n tumin tlansan tum mahila, Lalpa tum dan chu dal rual a ni lo. Kan tan, nang leh kei tan remruat a nei a, kan harsatna te, kan hmelmate, kan hmalam hunte vangin lungngaiin kun mai loin A kutah innghat ngam zawk ila,a fuh ber a ni. Hetianga i tih chuan i harsatna te, i lungkhamte hlim takin i enliam thei ang a, “engkimah lawmthu” i sawi thei tawh dawn a ni.
Tunkar tawngtai thupuiah hei hi lo telh ve ta che
1. Pathianin chakna a pek dawn che avangin lawmthu sawi lawk la
2.I nuna i mamawh nia i hriatte dil la
3.A ram a lo zau zel nan leh A ram a lo thlen theih nan dil phawt ang che.
Similar Posts:
- Nupa Hlimna
- A mal malin chhiar la
- Lalpa I hmangaih ang chiah khan Lalpa’n hmangaih ta che se la!
- Belhtlak Pathian
- Ka vei reng thin che asin
a tha khawp mai
June 13th, 2011 at 6:35 pm
Lawm chungin ka’n chhiar ang e.
June 13th, 2011 at 6:35 pm
Engpoh thleng se ka lawm zel ang…..Good post
June 13th, 2011 at 6:37 pm
Lawm zel nun neih theih hi ava chakawm em!! Good post
June 13th, 2011 at 6:45 pm
Pathian hnen atangin malsawmna tam tak kan dawng a. Chûng malsawmnate chu hrethiama Pathian tih lawm let ve nan kan nun hi hlim taka hman a tha reng a ni.
Chuan,
Thupui hran neia tawngtai hi kan uarin chîn dan berah kan nei a. Chuti ni mah se, kei ta pek lah hian a vaiin ka khaikhawm tawp mai zel si a!
Mahse, ka lawm zel tho e.
June 13th, 2011 at 6:55 pm
tluanga engvang pawhin ni rawh se, engtin pawhin ni rawh se tawngtai zel ang aw
June 13th, 2011 at 6:59 pm
Rose, tehreng mai! Tawngtai thiltihtheihna hre thiam ve tur niin ka hria. Vawi 2 ka damlo ve tawh a. Khawvel damdawite’n a tihdam hleih theih loh ka taksa chu, tawngtaina hmanga tihdam a ni tawh miau alawm!
June 13th, 2011 at 7:05 pm
ok, tawngtaina zawng zawng hi chhan a ni a mahse a chang chuan a chhanna chu “aih” a ni thin. chhang se kan duh angin min chhang lo mai zawk a ni, kan thatna turin engkim a ti thin tih a nih kha, a dik reng asin, a hreching tute apiangnin a dik zia na hre thin (*) (*)
June 13th, 2011 at 7:18 pm
Amaherawh chu, tawngtaina zawng zawng achhang lo tih hriat atha,thinlungleh tihtak zet a kan dil erawh chuan ahria, angawihsan ngai mai lo. Hawh u, tihtak zet in kan Pathian hi i ko thin ang u. (Y) (Y)
June 13th, 2011 at 7:24 pm
everyprayer we pray gets answered but sometimes the answer is no
June 13th, 2011 at 7:42 pm
Harsatna leh lungngaihna ka tawh chang hi chuan hunin a liampui leh mai dawn a ni tih ka hrechiang a,enge zirtur ka neih? tih ka inzawt a,mahse a chang chuan a chhanna ka hre mai thin lo.Tin,ka hlimna leh lawmna te pawh hi a liam leh mai dawn tih ka hria a,ka ui em em thin.A pahnihah hian zirtur a awm ve ve tih ka hria.Ka tan chuan a hlu ve ve(harsatna te hi chu a kha deuh mai pawh a).Pathian hian ka thatna tur in engkim min tihsak a ni tih ka ring tlat thin.Chuvangin,lawm mai tur ka ni tih ka hria.Tawngtai tam leh Bible chhiar tam hi sual laka invenna tha ber a ni.Ka thlahthlam deuh apiangin ka nunram hi a chau thin.
June 13th, 2011 at 7:45 pm
alanism a changa ruak ngawih ngawiha kan inhriatte hian ngaihtuah lawk lem loin tawngtai tawp ila,a fuh zel mai asin. harsatna leh hlimna zawng zawng hian nakina kan nunin a tawn zel tur hmachhawn dan min zirtir zawk thin
June 13th, 2011 at 7:53 pm
Lawm chunga rawngbawl tur ka ni tih hi nitin ka inhrilhh mawlh mawlh thin.
Tawngtai subj. No 1 khi chu ka tih duh ngai loh chi a ni ve tlat. Hetiang hian tawngtai ila advance a lawmthu lo hrilhlawk hian Pathian tha bat ka tum dawn ni tlatin ka inhre thin.
June 13th, 2011 at 8:00 pm
Rilru a han hah tak tak hi chuan, Engmah lungkham nei miah lova hlim taka nuih lo hlut zia ka hre thin. Mahse, chutiang dinhmuna han din chiah chuan, Pathianah chauh thlamuanna ka hmu thin a, Lalpa nèn kan inhnaih lai bera lo ni reng thin. Good job, Rosie.
June 13th, 2011 at 8:07 pm
A tha khawp mai,a harsa thin mai pawh a.
June 13th, 2011 at 8:19 pm
Rose- ni e,tawngtai tawp mai te hian ngaih hi a tha veng veng thin,thla hi a muang em em thin.Tawngtai effective lai ber chu chauh leh ro em em lai hi niin ka hre fo.
June 13th, 2011 at 8:20 pm
a tawpah Isua!
June 13th, 2011 at 8:34 pm
Lawm reng hi chu har khawp mai. Bible pawh hian ‘Lawm fo rawh u’ a ti mai zawk a ni. Lungngaih chang leh lawm changte pawh a awm ve ang chu. Lungngaihna leh tahna te hian hlim leh lawm hlut zia min zirtir thin fo mai!
Pathiana rinna nghet tak neih chuan lungngaihna karah pawh beiseina a awm a, hlim loh reng pawh tum ila a theih chuang loh!
June 13th, 2011 at 8:34 pm
Tunlai chu post a tha thei kher mai. Tunlaia ka rilrua riak reng mai chu:
1.Tuarna phena malsawmna,
2.Thil hotea ngaihah pawh lawmna chhar zel,
3. Vawiin nia harsatna ka tawh pawh hi vawiin a ral rual hian a ral ve dawn..
June 13th, 2011 at 8:35 pm
Tunlai chu post a tha thei kher mai. Tunlaia ka rilrua riak reng mai chu:
1.Tuarna phena malsawmna,
2.Thil hotea ngaihah pawh lawmna chhar zel,
3. Vawiin nia harsatna ka tawh pawh hi vawiin a ral rual hian a ral ve dawn…
June 13th, 2011 at 8:39 pm
mama-B lawm reng chu a har lutuk mahse ringtu kan nih chuan engkima englam apiang kan thlir tur a ni lo’m ni
CFL nia, engkimah hian lawm tum chuan alawm theih, a thiehdan kawng a awm miau a,
June 13th, 2011 at 8:47 pm
a va han tha tak em!
Harsatna tawp khawkin kan chhungkua min bawm a, nimahsela, hun a lo kal zel a, kha harsatna kha kan lo tawk lovang tih kan hlau letling zawk.
Tihtakmeuha tawngtaiin kan tana tha tur kan dil a, mihring ten thiltha kan tih leh Pathianin thil tha a tih a danglamzia kan hmu a. Mihringin thil tha a tih chu reiloteah a ral mai thin, Pathianin thil tha a tih erawh chatuan atan a lo ni si.
Tihtakmeuhvin i tana tha tur dil hmiah la, rilru hahdam takin Pathian remruat chu ngak la, a rei deuh anih pawhin i hlawhchham hauh lovang.
June 13th, 2011 at 8:51 pm
misualte hi kan va in ang lo ve o! Thenkhat lawm taka Ama rawng an bawl laiin keini ak zahnihte hian peih lo chung chungin kan ti lui hram hram a nia. Inkhawm te hi ka van harsat em???
June 13th, 2011 at 8:58 pm
swift ka lo chhinchhiah danah chuan a tam zawk chuan kan duh danin kan dil a, kan duh dan dan a Pathian rorel dan herkawi tir kan tum thin , Pathian tum dan dal rual a ni lo tih hi kan theinghilh fo a, tawngtaina chhangloah kan puh thlu leh tawp thin thung,. a pawi a ni
zero kan inanlohna tak hi asin kan hlutna 🙂
June 13th, 2011 at 9:04 pm
A mawlsawmna kan dawn thin avanga lawmthu sawina hi kan chhungkaw tawngtai thupui a ni ber fo mai. Kan dam ngawt mai te hi lawmthu sawi na tham lutuk a ni.
June 13th, 2011 at 9:09 pm
Rose,ziak tha hle mai. Engkima lawm hi har hle mahse, Pathian atang chuan a theih tlat! (Y)
June 13th, 2011 at 9:15 pm
Kan naupan laiin he hla hi sikulah devotion ah leh Miss Mawiteii class ah kan sa thin ” A merry heart heart, its like a medicine, like a medicine, its a merry heart, a broken spirit, dries the bone, a merry heart is the joy of the Lord”
A thluk a ziah telh theih tlats loh.
June 13th, 2011 at 9:16 pm
HV/MAISEK Pathian tana kan tih ka ngaihtuah apiangin kutzungtanga chhiar tham lek a ni a, kan tana a tih erawh sawi sen ani si lo, tuna kan titi ho thei ringawt pawh hi!
June 13th, 2011 at 9:21 pm
vee pee 😀 😀 😀 kan nuapn laiin keini paw’n kan sa thin asin ka lung i ti leng reuh eee
June 13th, 2011 at 9:22 pm
Hetiang lam thu hi ka ziak ve thiam miah lo. Chuvang chuan a chhiar lamah lo ramtang mai teh ang. (Y)
June 13th, 2011 at 9:24 pm
shailendra
June 13th, 2011 at 9:48 pm
rose10 parvuli
i la hre reng mawJune 13th, 2011 at 9:53 pm
Engkima lawm hi har ka ti khawp mai dawt sawi miah lohah chuan ka thei lo. chuvang chuan ka chan leh ka tawn thenkhata ka lawm theih loh thu hi Pathian pawh ka hrilh thin. Pathian erawh chuan min her remsak dan erawh a hria tih ka hria a.
June 13th, 2011 at 9:54 pm
😀 ka la learn by heart
June 13th, 2011 at 10:00 pm
Rose, ka (Y) che… 0oh! I paws hi ka (Y) ka tihna :p
Lawm zel nun thuruk i neih vang lek lo niin i thau luah… han ti ngawt ila i thau bawk si lo a 😮
Kan rin ai daihin i ril, i thu a tha, i puitling ka ti. Nang ang thian tha ka chhar ta che hi ka va lawm em! A dang pawh rawn paws zel rawh, mi zawng2 hian chhiar ve se ka ti mange…
June 13th, 2011 at 10:01 pm
A dang leh… kan sak thinna hmun a inang “He that is slow, is slow to anger, its/he’s better better than the mighty, proverb sixteen sixteen, thirty two”. Hehe.. hre chhuak zut zut mai.
June 13th, 2011 at 10:26 pm
kalom kawla. kei deuh hi nia lom.
June 13th, 2011 at 10:27 pm
ka cher lutuk hi in tih thau ka ngai. can you show me the way??? 😉
vee ppee zai zel teh khai, kan lo ngaithla ange
June 13th, 2011 at 10:30 pm
(Y)
June 13th, 2011 at 10:56 pm
ziak tha lutuk.
June 13th, 2011 at 11:19 pm
(F) -i i van ziak tha ve ! 🙂
Tawngtaina hi communication anihna aiin communion ( with God ) anihna hmuhfiah thiam zel te. Dil tawngtaina aia tam a, chibaibuk ( worship ) tawngtaina nun neihte hi avan hlu em ! Vuina aia lawmthusawi ( thanksgiving ) tawngtaina neih tamte hi avan pawimawh si em ! 🙂
When we pray God changes us .
June 13th, 2011 at 11:27 pm
seki i sawi dik e. tawngtaina hi dil hun ni ringawt loin Pathian leh mihrignte kan inpawlna a ni mah zawk asin
kan nu leh pate pawh be mumal loin thil dil reg ringawt ila a dik thie dawn lo reng reng 😀 😀
June 13th, 2011 at 11:27 pm
Ziak tha hle mai. Mahse, hlim reng ila manganna nei lo ila Pathian kan hlat tawlh tawlh dawn a lo ni a, harsatna ruam atangin Pathian hmel a lang fiah thrin.
June 13th, 2011 at 11:31 pm
as_khiangte harsatna tawng lo tura duan mihring tumah kan awm lo, harsatna hnehtheilo khawpa nep tumah kan awm hek lo. kan harsatna atang chuan a ni eng kan hmuhna tur chu, tumah kan tawrh zawhloh khawpa thlemna min pe lo a ni tih bible ngeiin min hrilh kha. ringtu chuan engkim a eng lam zawng zelin a thlir thin tur a ni lawmni? kan zavaiin tang fan fan ang u
June 14th, 2011 at 12:10 am
Tha hle mai..engkimah hian positive approach kan mamawh anih hi mawle….. (Y) 😀 (C) (C)
June 14th, 2011 at 9:49 am
A thu a puitlingin a tha hle mai. ‘Ka lawm zel ang Lalpaah chuan ka lawm cheu dawn a ni ka chhandamna Pathianah chuan’ tih nun neitute aia hausa tunge awm thei ang.
Tha lutuk.
June 14th, 2011 at 12:53 pm
Ruah a sur, “Mahse” – lawm ang u! 😀
June 14th, 2011 at 12:55 pm
Len chhuahna tur pawimawh tak2 ka ngah vei nen, pawi mange… “Mahse” – lawm ang u! 🙂
June 14th, 2011 at 12:56 pm
kawlbawihpui leh! lol! nia ruah sur chu mut a nuam. mu ang u ! 😀 😀
June 14th, 2011 at 1:01 pm
len chhuahna tur i ngah vei nen, chhungkaw inkawmkhawm nan hun hmang daih ang u, a hlawk zawk ang 😀 😀
June 14th, 2011 at 3:48 pm
Pu Darphawka kha in chhungte a ni em ?
June 14th, 2011 at 4:22 pm
lushai ka hre miah lo kan chhungte a nih leh nih loh chu. ni pawh ni se kan age gap a nasa em mai, ka hre lo ang. hahha