Christianity Today-in a chhuah dânin, Presbyterian Church (PC), USA chu a keh darh mêk. A chhan bulpui ber chu May 10, 2011 Thawhlehni khân PC, USA chuan rawngbawltu atana mawngkawhur ordain a remtih tâk vâng a ni. Vote hmanga thutlùkna an siamnaah, Gay & Lesbian Ordination chungchânga Kohhran Dân tihdanglam duhtu an tam zâwk a; “Kohhrana rawngbawltu ni tûr chuan mipa leh hmeichhe inneihna thianghlimin a phuar emaw kawppui nei lova thianghlim taka awm an ni tûr a ni,” tih Dân dinglai chu tihdanglam a ni dawn ta a ni.
Tuna a landànah chuan, tualchhûng Kohhranin rem an tih phawt chuan Regional Presbytery chuan homosexual ordination hi a dodàl dawn lo a ni. Hetiang thil hi a inmung a ni tih hriain Kohhran 120 zet chuan tûn kum 4 kal ta chhûng khân PC (USA) hi chhuahsanin, Evangelical Presbyterian Church an zawm phah tawh a. May ni 10 thil thleng avâng hian PC (USA) hnuaia Presbyterian Kohhran engemaw zât chu an chhuah phah leh dawn niin a lang.
1970 kum khân USA-a Northern Presbyterian Church chuan vântlang hriata mawngkawhura inchhâl chin chu Kohhran rawngbawltuah ordain ni lo se tiin a lo rêl tawh a, a kum lehah Southern Presbyterian Church chuan hetiang bawk hian an rêl ve leh a ni. Tichuan North leh South Presbyterian Church te hi 1983 kumah inzawmin tuna Presbyterian Church (USA) kan tih hi an din ta a ni. Kum 2006 atang khân mipat hmeichhiatna chungchânga thianghlimna an hrilhfiah dân hi a dalrai hret hret a, tichuan, Lesbian leh Gay te rawngbawltu atana ordain remtihna hi May ni 10 rorêlnaah vote hmangin an titlu ta ngè ngè a ni.
Similar Posts:
- Gay minister
- SF Presbytery supports a lesbian minister
- Presbyterian Church USA-in kohhran hruaitu atan mawngkawhur pawm
- Sodom leh Gomorra Thlarau a inluling
- Presbyterian Church (USA) in Gay Pastor an nemnghet!
June 15th, 2011 at 8:34 am
Kan ram a Presbyterian kohhran chu he tiangah chuan kan la kal dik e.
Report this comment
June 15th, 2011 at 8:40 am
Khai a…va zialo ve maw le..
Report this comment
June 15th, 2011 at 8:43 am
Mawngkawhurten Vanram an luah lovang tih ziak a ni si a. He lei kohhran hi Thlarau Thianghlim hruaina ngaihsak lova mihring chhia leh tha hriatna hmanga a kal phawt chuan a kal sual ang a, a la kal sual zel bawk ang. Back to the Bible hi a va pawimawh tak em!
Report this comment
June 15th, 2011 at 8:51 am
Mizoram Presbyterian hovin, “Rorel hi a ‘Rau’ lai ber a ni” an tih thin hi a dik zia ka hmu tulh tulh mai. Bible ah Pathianin Mawngkawhurte a ten zia leh huat zia hre reng chunga rorel khawl puiin chutiangmi hre reng chunga an Puithiam atan an pawm anih chuan, kehdarh bak hmabak an nei lo. Duhthlan tur 1 chiah an nei. ‘Mawngkawhur puithiam nge an duh an Members te?” a bak a awm lo. Mizoram Synod leh baptist ho pawh hi rorelna khawl puiah Pastor hoin an dominate hneh lutuk a, Lay workers te an rapbet lek lek thin. Fimkhur rawh se.
Report this comment
June 15th, 2011 at 9:39 am
Zia lo hle thin mai, sap ho hi chu a!
Keini chuan hetiang dinhmun hi kan la hnaih vak lovin ka hria. Bible hi a nawlpui hian kan la ring tha khawp. Theology zir chhuak te hi an thu hrilhfiah danah an liberal deuh duh viau nain a mipui vantlangte hi chu kan la fundamental viau lo maw…??
Report this comment
June 15th, 2011 at 10:01 am
Presbyterian church kal hmangah chuan upa kan ordain thin a ! Tuna i rawn sawi khi Presbytery 1 huam chhunga thil thleng ni awm tak ani. Amaherawh chu, mizoram angah hi chuan khi khi synod executive committee in a dodal thei ang. US angahte khu chuan an mahni kohhran mal te te khu an independent thliah mai si a, kohhran mal thiltih anih hmel viau mai ka ti. Khitiang an nih vaih chuan Synod nena kan thawh honate pawh en nawn vek a ngai dawn anih khi…. a hma daih pawh khan member tam takin American PC hi thawhpui loh an duh zawk tawh…khami khel khan an in hnial chiam tawh kha…
Report this comment
June 15th, 2011 at 10:13 am
chhuahsan tlak anih chu mawle
Report this comment
June 15th, 2011 at 10:56 am
Report this comment
June 15th, 2011 at 11:16 am
anni leh keini kan inang thei lo. an duh leh lo ordain mai mai teh se; hetiang chanchin tha lo hi hriat hriat pawh a tha ber lo.Kan ramah hi chuan homo ho hi mipui vantlang nawlpui atang paw’n en hrang ngam ang u. ‘Tihdam aiin inven a tha zawk’
Report this comment
June 15th, 2011 at 11:24 am
Kan ram kohhran hian kan hlat vak tawhin ka hre lo
Kan pastor min tak zingah pawh, Genesis hi myth mai ani ti te pawh an awm nawlh nawlh ta mai. Thuthlung Hlui hi a tangkai tawh lo tia, Inkhawmnaah pawh, Thuthlung Thar Bu bak keng ngai tawh lo Pastor te pawn an awm ta a. Saptawng Baibul thenkhat a, Isua thusawi, a sena an ziak ngaipaiwmawh ta bera, Baibul chhung ami tho; Paula lehkhathawnte te chu– pawimawh tawk lova ngai pastorte pawh ka tawng nual ta !!! Hman deuhva Nilai Thupui zirlai Bu te kha chu sawi loh a leng ni ta se.
Kan rama kohhran lian tam tak inrelbawlna hi sorkar ang deuh hi kan ni a, pastot te pawn; Baibul mimal ngaihdana an rindan hi an sawi vul ngam lutuk lo. Mahse, han kawma han titi pui chuan, pawm dan mak fe fe nei ka tawng nual.
Mawngkhawhur vanram kai loh tur thu in ziak, a ziak anga pawm thlap hian, hmeichhia kohhran rawngbawlnaa, nemngheh rawngbawlna ( pastor, teacher, elder ) Baibulin a phal lohthute chu; PAUL an Korinth kohhran tana asawi alawm titein kan sawi tan tawh chu anih si hi maw !!
Pu Muantea sawi angin, Back to The Bible, Back to the word of God tih hi avan pawimawh tehlul em !!
Report this comment
June 15th, 2011 at 11:27 am
Hmeichhiat-hmeichhiatna te, mipat-mipatna te hi a zialo ani. A lar ta viau lehnghal tunlai ah. US te chuan an duh leh Gay lo ordain vel mai2 se,an inhmeh tawk chauh alom.keinin te ve lo ila ni mai.
Report this comment
June 15th, 2011 at 1:19 pm
Reformed Church-ho a bikin Episcopal Church(Bishop nei) tih lohah hi chuan Layty’s Contribution hi a tam em a, Kohhran member a rorel khawl khan an duh tihna a ni mai. Episcopal church-ho tih chu ni se, dem bel bik tur pawh an awm mahna.
Mizoram angah hi chuan he’ng hi kan la hnaih lutuk hran lo; a vantlang/ mipui nawlpuiin an remtih loh chuan Kohhranin an tihna chhan ngawt tur a awm lo. Hlauh ngawt tur a ni rih lo,
Amaherawhchu- theology ni lo-kan nun hi a nawlpuiin kan nun hi kan duh Liberal tlang veka heng pawh ngaih serious loh hun kan nei mai ang tih erawh kan inven tlan a tul.
1980’s chhovah khan Pawngsuala that zui tih te, nupui vawhlum tih te etc.. chanchinbua kan chhiar khan kan chek tlawk tlawk thin a. Tunah chuan kan chhiara kan ngai neih chho ve mai…sual turu tak tak a pun tak em avang a ni. Khatiang deuh khan kan nun hian mak a tih a nep tial tial ang a, kan pawm dahlau tial tial ang tih kan veng zawk tur a ni.
Theologian-te hi kan hlauhthawn chhan tur a ni ringawt lo-anni chuan tunlai mil hian Bible redefine an tum thin a, chu pawh a nawlpui lifestyle an thlir lo thei lo. Pahnih khatin lo hel nuai ve deuh bawk mahse(kan duh loh danin) Kohhran neitu chu Pathian leh mipui an ni; mipui duh loh danin Kohhran an kal ngam meuh tawh lo’ fimkhurna(inzirna) tur hun kal tawhah a ngah lutuk.
Report this comment
June 15th, 2011 at 2:06 pm
PC USA hi kan synod hian kan la thawhpui zel dawn em ni? Hetiang kohhran tawp lutuk hi sangawizawnpui atan pawh kei ka duh lo.
“Ring lote nen rual lo taka nghawngkawl bat” lo turin Bible-in min hrilh kha!
Report this comment
June 15th, 2011 at 2:52 pm
Pu keimah #13,
i kawmen tha em mai kha 
khilai ang che 
Report this comment
June 15th, 2011 at 4:29 pm
Pentecostalah lut vek se a ni mai lawm
Report this comment
June 15th, 2011 at 7:00 pm
Report this comment
June 15th, 2011 at 7:17 pm
@kawlhawk,#14, ka lawm e. Hei hi i tan!
Report this comment
June 15th, 2011 at 10:43 pm
Mawngkawhur ordained = corrupt people ordained?
Report this comment
June 16th, 2011 at 10:04 am
PC USA kan thawhpui bul intan dan te hi ka hre lo mahse anni hi kan thawhpui kher enge an ngaih aw ka lo ti ve mai mai thin. USA ram ropui ah link nei ve hrim hrim ila tih te anih loh chuan. Min thawhpui duh chuan min rawn zar zawk awm takah te ka lo ngai thin.
PC USA an tlachhe mek niin a lang – chhan tamtak a awm thei ang. Presbyterian pawh hi chi engzat tak awm ang maw?
Ka sawi ve fo erawh Pathian hian a rawngbawl tur hian – Mosia tutl that, Davida Mi nu uire etc etc te hi zuk hmang tlat zel a mawle. Engkima thianghlim famkim hi a mi hman ber te zuk ni tlat lova. Hei hian Pathian hmangaihna ropui zia a tilang hle in ka hre thin
Report this comment
June 16th, 2011 at 10:26 am
‘Back to the Bible’ hi thupuiah i nei teh ang u. Kan kir leh dan tur erawh inhrilh hriat fe a ngai maithei. eg. Eden huana Thuawih lohna/ bawhchhiatna nghawng bulpui ber chu taksa thihna (physical death) hi a ni. ‘vaivut i ni a, vaivutah i kir leh tur a ni’ Chutih rualin Pathian laka mihranna te, thilsiamte innghir nghona te pawh a nghawng tel bawk. Tih thu hi sawi ta ila, Zorama inti thlarau mi tam zawkte ngaihdan chu a ni hauh lovang le, Bible-ah i kir ang u
Report this comment
June 16th, 2011 at 11:02 am
PuMz, Pathian hian, Misual an sualna sim tum miah lo hi Ropui taka a hman hi ring duhhlek suh.Mosia tual thah dan kha a noble em em a, Pathian duh loh zawng anih karing lem lo. Entirnan, Ram buaiah Sipaiin Mizo Nula a pawngsual a, Nunna thap tak meuhin chu nula khawngaihthlak tak chu chhanin Sipai nula pawngsual tu chu that ta ila, Pathian pawi sawi kan nih ka ring lo. Lal Davida nun pumpuiah khan tum 2 chiah a thil tihsual kan hmu a, a inchhir em em a, a sim chiang hle. A sim chung pawhin Pathianin a hrem tho. MiNu a uire avanga a tuarna zozaite kha “Em em a” tih awl asin. Pathian thin urna leh hremna rapthlaktur zia erawh a hriat theih riai ruai.
Report this comment
June 16th, 2011 at 4:33 pm
A tak2 a nih chuan ava rapthlak dawn ve. Hrereng chunga tisual an ni dawn tlat. Bible thutak hi tidal lovin hawh u, kan hnam pawh hi a boral lohnan i ‘Back to the Bible’ ang u. Kan hnam damchhuahna a ni si.
Report this comment