Khawthlang ram tlakhniam sawt zia kan hriat theih nan, thil thenkhat i han tarlang mai mai teh ang.
1. May 31, 2011 chhuak, Christianity Today-in a târlan dânin, Isle of Lewis, Scotland-a Lochs khuaa Kohhran—Leuborst Church an tiha kum 20 chuang zet rawngbawl tawh Rev. Andrew Coghill chuan bânna a thehlùt. Bânna a thehluh chhan chu hetiang hi a ni.
Kâr hmasa khân Church of Scotland General Assembly-ah dârkâr 6½ zet rawngbawltu atana mawngkawhur (MKH) ordination (Gay ordination) chungchâng ngaihtuah a ni a. Hetah hian Rev. Andrew hian MKH ordination dodâlna thu huaisen takin a sawi chhuak a. Vote lâk a ni a, MKH ordination hi remtih a ni ta a. He an General Assembly thutlûkna hi duh lovin bânna a thehlùt zui ta a ni.
“Church of Scotland chhûngah hian mi tha, Pathian tih mi leh nun inserhthianghlim rawngbawltu an awm zêl ang tih ka ring. Bible hawisana, ama duhzâwng pathian dang thlangtu Kohhran huang chhûngah hian kei chuan rawng ka bâwl thei lo a ni. Kraws thu hi a sawia sawi ringawt lovin, a nuna nunpui tûr a ni.
Khawi lam nge ka hawi dâwn tih erawh ka hre mai rih lo. Lalpa’n rem a tih chin thlengin ka hruai tawh che u a ni,” tiin a bân chhan a sawi fiah. Kâr hmasa khân, he thutlûkna duh loh vâng tho hian Rev. Roddy Macrae chuan bânna a thehlût tawh bawk.
Vântlâng hriata MKH a ni tih inpuang, Scott Renie chu Queens Cross Church, Aberdeen, Scotland-ah kum 2009 khân rawngbawltu atân nemngheh a ni a. Heta tang hian Church of Scotland chhûngah Homosexuality hian bû a khuar ta a, an khel an khel ta a ni. Kum 2009 hma lamah pawh Church of Scotland hian MKH ordained minister rawngbawlna nei tûrin a lo ruai tawh bawk.
2. ‘Same Sex Marriage’ hi Mizo tawng chuan ‘Zahmawh inang Inneihna’ tiin kan dah thei awm e. Zahmawh inang inneihna hi Bible zirtirna kalh a ni. October 16, 2010 thleng khan, tûnhnaiah America ram state 50 zinga state 5—Conneticut, Iowa, Massachusetts, Vermon leh New Hampshire-ah te zahmawh inang inneihna hi dânin a phalsak tawh a ni. Tin, Federal District—Washington DC leh Oregon State-a chêng Red Indian hnam ‘Coquille Tribe’ pawhin zahmawh inang inneih hi dânin remtihna a pe bawk.
A hmâ-in Arnold Schwarzenegger-a Governor a nihna, California State Supreme Court chuan zahmawh inang inneih hi a lo phal tawh a ni. Tin, State pathum—New York, Rode Island leh Maryland te chuan, ZII hi an khap lêm lova, mahse, Marriage Licence erawh an pe chhuak lo thung. ‘In God We Trust’ titu America rama chêngte thinlungah hian Bible zirtirna hian hmun a chang tê tial tial niin a lang.
3. United Kingdom-a Cornwall biala awm, Marazion khuaa Hotel pakhat—Chyrmorvah Private Hotel neitu Kristian nupa, Peter Bull leh a nupui Hazelmary te chuan Bible zirtirna an ngaihpawimawh avângin an Hotel-a double-bedded room-ah rêng rêng chuan mipa leh hmeichhia, innei tawh, nupa tuak chauh thlen an phal a. Inngâizâwng pawh ni se, la innei lo chu riah dun an remti lo. Tin, homosexual couple hrim hrim pawh pindan pakhata riah dun an remti lo bawk.
Kum 2008, September thla daih tawh khân homosexual pahnih Steven Preddy leh Martin Hall te chuan pindan pakhata thleng dûn turin Hotel hi an hauh lâwk a. Mahse, Hotel Manager Bernie Quinn chuan ‘homo’ an ni tih a hmuh veleh a lo hnar fithla hmak a ni. Tichuan, Steven Preddy te ‘papa’ (‘nupa’ tih a rem si lova) thinrim chu Court-ah an zualko ta a. An chungchâng hi December ni 13 leh 14, 2010 Thawhtanni leh Thawhlehni khân Bristol County Court-ah ngaihtuah a ni.
Hotel neitu Peter Bull te nupa thlavâng hauhtu Christian Institute chuan, “An Hotel a ni a, an duh angin Hotel dân chu an siam thei a ni; Guest House hi an sumdâwnna a ni ringawt lova, an in leh lo a ni nghâl a ni,” tih chu an tanfung a ni. Kan ngaihsan em em leh kawng hrang hranga kan entawn khawthlang ram, Sapram kan tihte zingah hian Kristiante thupui nun thianghlimna hi a tlahniam sawt hle a ni. Mizoramah pawh ‘gay’ leh ‘lesbian’ kan pung chak hle. Engtin nge Kohhranin hma kan lak dawn le?
Similar Posts:
- Bible-ah i kir leh ang u
- Gay Pastor avangin Church of Scotland a buai hle
- Presbyterian Church USA-in kohhran hruaitu atan mawngkawhur pawm
- Gay minister
- Zahmawh sawi hi sual a ni em?
June 16th, 2011 at 8:37 pm
Bawn ve
Kohhran tlem telh2 an awm nual laiin pung thur thur an awm ve bawk. Chumi chu chhan a awm thei nual ang. A khua atanga pem chhuak an tam vang te leh etc etc. Engpawh nise, a lawmawm lam hi in thlir ve teh ang aw:
Crossroads Community Church (Cincinnati, OH) :: Brian Tome
Made 6/6 growth lists with an average rank of #42.33
Lancaster County Bible Church (Manheim, PA) :: David Ashcraft
Made 6/6 growth lists with an average rank of #75.33
LifeChurch.tv (Edmond, OK) :: Craig Groeschel
Made 5/6 growth lists with an average rank of #13.4
Church of the Highlands (Birmingham, AL) :: Chris Hodges
Made 5/6 growth lists with an average rank of #28.2
Saddleback Church (Lake Forest, CA) :: Rick Warren
Made 5/6 growth lists with an average rank of #33.2
Woodlands Church (Woodlands, TX) :: Kerry Shook
Made 5/6 growth lists with an average rank of #33.6
Seacoast Church (Mt. Pleasant, SC) :: Greg Surratt
Made 5/6 growth lists with an average rank of #48.2
Community Bible Church (San Antonio, TX) :: Robert Emmitt
Made 5/6 growth lists with an average rank of #50
Bay Area Fellowship (Corpus Christi, TX) :: Bil Cornelius
Made 5/6 growth lists with an average rank of #62
CedarCreek Church (Perrysburg, OH) :: Lee Powell
Made 5/6 growth lists with an average rank of #63.6
Report this comment
June 16th, 2011 at 8:38 pm
gay leh lesbian ho hi ka ten hluah hluah.
Report this comment
June 16th, 2011 at 8:42 pm
hrmmphhh brrrrrrr
Report this comment
June 16th, 2011 at 8:49 pm
#2 naa i sawi California cc khi, Judge pangai pawh nilo, pawnlang taka mawngkawhur (full fledged faggot) California judge pakhat (US federal judge ) chuan same sex marriage hi a pawm hauhlo.
https://www.smh.com.au/world/ga.....1g3zr.html
Report this comment
June 16th, 2011 at 8:58 pm
Hetiang lam pang chanchin hi chuan rilru a ti changel hmun tlat.
Report this comment
June 16th, 2011 at 9:04 pm
Gay leh lesbian chungchangah hian hriatreng a tana tha chu hurherhna uchuak (sexual perversion) ani tih hi ani…tlema awm nem leh tuai deuhte ‘gay’ tura ngaih ringotte, tlema hmeichhe frank deuh leh pa deuhte ‘lesbian’ tura lo ngaih ve ngawt chi ani lo. Hei hi chu ‘sexual commitment’ lam thil ani. Hurherhna ani tih hi tuai deuh leh awm nem deuh emaw hmeichhe pa deuh kan lo awm palh anih pawhin hriat tur ania, tumah in ngaih bel tur ani lo. Khawtlangin tuai nia an hriat, tawng pawh nem hlei khan nupui a nei a, a fapa te chu sipaiah tangin sipai tha tak2 an ni tlata. Nula awm khauh deuh pawh nupui tha tak ni chhoin fa a hring teuh thoa. Amaherawh chu, tuai pawh ni chuang miah lote, hurherh vanga mahni neih ang tho va tih ching ho hi ‘gay’ an nia, chutiang tho chuan nu zem mahse hmeichhe pui ti tlat chi kha lesbian an ni.
Kan thian 1, in la pa ve tak mai, engemaw hleka han innuai mai duh thin pawh hian fapa a nei a, a tuai em2 mai…heng hi chu pianphunga hormones dik tawk lo effect ani an tia, lo ten ringawt leh lo hmuhsit ringawt tur ani lo. Amaherawh chu, hetichung pawha mipa pangai nunphung an zawh ve theih nana lo tanpui kha kan tum zawk tur ani. Hmeichhia pawh chu ti tho chu. Bible pawhin a sawia, mipa thei lo, ’tilreh’ ringawt pawh hi ‘gay’ an ni lo. Mahe Pathianin a duh loh chu mahni Pianphung pangai kalsana same sex va mutpui tak mai kha ni. Thuthlunghluiah chuan denhlum tur an ni. Thuthlungtharah chuan vanram kailo tur tih anni bawk. Kan sawi tak ngheng chu le….
Report this comment
June 16th, 2011 at 9:05 pm
Rome ram ropuina a tlakchhiat chhan pawh min ti hrechhuak rum rum e.
Report this comment
June 16th, 2011 at 9:39 pm
Vanramah thawl nuam takin a awmtheih dawn a ni mai alawm.
Report this comment
June 16th, 2011 at 9:51 pm
Ngaihdan zau lutuk hi a tha lo khawp mai, Kohhran pawh kan goal vanram a nih chhung chuan kalsual a har. Chuti ni lo a Isua aia Kohhran a lan sarh chuan chhiatrupna a ni mai.Bible thu kalh zawnga an kal chuan a daih rei chuang lo ang. Kan Pathian hi Hmangaih Pathian ringawt a ni lo a, phuba lak hmang tak leh Pathian thikthu chhia a ni ve tho a ni.
Report this comment
June 16th, 2011 at 10:20 pm
“Pastor mawngkawhur” tih leh “Sipai hnaptawlh” tih te hi thil inhmeh lo tak an va ni chiang tak em.
Report this comment
June 16th, 2011 at 10:27 pm
va zia lo thin ve aw!!!!!!
Hv-a comment erawh a chhiar a nuam.
Report this comment
June 17th, 2011 at 12:15 am
Ngtv-a hla, ‘ sodom leh gomora kan iangzo kan iangzo ta, ‘ tih kha kan hriatchhuah zawk chu le
Report this comment
June 17th, 2011 at 12:50 am
Khawvel hmawr tawhzia a lang chiang tulh tulh e.
Report this comment
June 17th, 2011 at 1:06 am
A va rapthlak em aw..
Report this comment
June 17th, 2011 at 1:36 am
A intihchangkanna chiloh e mai GAY vel zaaih hi chu…..
An dinhmunah rau rau chuan Lesbian hi Gay aiin ka la hrethiam mah zawk keimah ah chuan . Gay kher hi chu a tenawm lehzual bik tlat.
Report this comment
June 17th, 2011 at 1:57 am
Misualho tak hi chu aw.. Pathian thu pawh hi inhlap thei zek mai.
Report this comment
June 17th, 2011 at 4:11 am
gay hi a enkwl dam theih an ti tlat.. Dr Robert Halliday, Synod Social Front Coordinator in a ti..
Report this comment
June 17th, 2011 at 6:14 am
Sodom (sodomy)-te chu AD kum zabi pakhatna hun lai pawh khan an khum daih tawh. Tunah phei chuan lesbianism a tel tawh zawk a nih hi! “Lehkhathawnah ‘sualnate a la pung ang…” tih a nih rèng kha!
Evan Vanlalnghaka a nih laia a thu sawi ka la hre reng thin, “Sodom leh Gomorra suahsualna rapthlakzia kha … Pathianin mei leh katin a hrem zui ta reng a. Sodom leh Gomorra ral chian em em zia kha, tun thlengin Archeologist-te pawhin thirfiante bung takngial pawh an la hmuchhuak lo …” a ti. A va sawi fiah tak em!
Report this comment