Inchawimawi hi thil tha tak a ni a, hring nun timawitu a ni. Hnam changkang zawkte chuan inchawimawi an thiamin an uar hle thin. Kan pi leh pute pawhin an phak ang tawk tawkah an lo uar ve a. Mi huaisen leh tlawmngai; mi kawlh leh sa kawlh laka khawtlang chhanhim thinte chu an zahin an chawimawi thiam hle. Khuangchawi nikhua te hian lal leh upaho pawmtlan, mi tlawmngai leh huaisen hnenah “Huai no” an hlan phawt loh chuan tumahin zu an inngai lo.
Tunlai hun ang lo takin chawimawi phute chuan chawimawi nih an hreh em em a, an lo biru thin a. Tlangval chak deuhte tirin an hruaichhuak thin a ni. A hun lai ngaihtuah chuan inchawimawina sang tak leh zahawm tak a tling a ni.
Kan pi pute khan khawtlang tana mi tangkai; tlawmngai leh huaisente an ngaisang a. Mi entawn atan an chawimawi thiam hle. Chuvangin, tlangvalte pawhin chutiang mi tlawmngai leh huaisen nih chu an tum tlat thin. Pi leh piten an phaktawk ang angin chawisan tur dik leh ngaihhlut tur dik an kawhhmuh a; khawtlang nunah pawh kawngro a su hle. Mitlawmngaite zarah mi kawlh leh sa kawlh lakah an lo him phah thin a, khawtlang nun nuam tak an lo siam thin a ni.
Pi leh puten zir tur leh entawn tur tha tak an lo hnutchhiah hi thangtharte tan a hlu a, a ropui hle. Pi pute nunze mawi leh chindan tha chhawmnun zel hi mahni hnamzia chawisanna leh chawimawina tha tak a ni.
Chawimawina hian entawn tur leh ngaihhlut tur a kawhhmuh tel a. Chuvangin, chawimawi tur kan thlanthiam a pawimawh hle. Ramin ei leh bara intodelh a mamawh laia ei leh bar thawhchhuah kawnga mihlawhtling te, mi tam takin sawrkar chauh ringa eizawn an tum laia thalai thenkhat mahnia eizawnna ngaihtuaha hlawhtling thei te, central services lama mizo thalai kan tlinmawh hle laia a tling lo awm leh zauh thin te, mahni hmasial leh mahni hlimna chauh ngaihtuah a pun chhoh laia khawtlang tana mi inpe tak tak lo awm thin te, parent paid hmanga hremhmun speed-a tlan thin, ruihhlo thil tihtheihna hmanga intihuaisen an pun tual tual laia mahni nunna thapa misual laka thian chhan thih ngam Mizo thalai kan lo la nei zelte hi thil lawmawm tak a ni.
Heng bakah sport lamah India leh khawvel huap Mizo tihming tha thangtharte zingah an lo awm lehzel a; Mizo nih a tinuamin chawimawi an phu hle. Thangtharten ngaihsan tur dik an ngaihsan theih nan hetiang mite chawimawi hi intihhmuh atan a tha hle.
Chawimawi phuten an phutawk chawimawina an dawn a pawimawh rualin chawimawi phutawk aia hleihluak taka inchawimawi chu thil tha a ni lova. Lemchan nunah min hruailut thei. Hei hian ram hmasawnna kawngah leh khawtlang nunah nghawng tha lo tak a thlen thei a, chawisan tur dik tak chawisang lovin thil holam mai mai kan buaipui chiam thei a ni. Chuvangin, khawtlang anga inchawimawi kawngah kan chawimawite hi anmahni leh khawtlang tan engtiang chiaha hlu leh chhenfakawm nge an nih tih kan ngaihtuah fo tur a ni.
Inchawimawi kan tih hian parthi inawrhtir te, thilpek inpek te, awmni khama ruaitheh te, huau huau leh ti bung bung lam chi te hi kan rilruah a lo lang pawh a ni mai thei. Tulna chin pawh a awm ngei ang. Mahse, naupangin nu leh pa a chawimawi dan tur chu nu leh pa thuawih a ni. Chutiang bawkin sikul naupangina zirtirtu chawimawi dan tha ber chu an thuawih leh tha taka lehkha zir a ni mai. Chuvangin, inchawimawi kan tih hian huau huau leh ti bung bung lam ringawt a kawk kher lo tih pawh kan hriat a tha hle.
Kan nitin nunah thil dik/tha lo kan chinthan tawh vanga ngaia kan neih leh tha anga kan ngaih tam tak a awm a. Chutiang thil dik/tha lo thlauhthlak ngamna nun neih chu (thil harsa tak a nih naa) inchawimawina ang thova ngaihsan/chawisan tur dik inkawhhmuhna a ni. Chuvangin, chawimawi phu kan chawimawi a pawimawh ang thovin chawimawi phu lo chawimawi loh ngam pawh hi a pawimawh a ni.
(He ka thuziak hi misual rualin Guwahati sumo an suam a, passenger-te chhanchhuaktu Mizo tlangval huaisen pahnih puala ka ziah a ni. Inthlahrung takin chanchin buahte ka lo chhuah tir ve tawh mahse ka misual thiante hnenah ka thil veite share turin (a thu thenkhat siamremin) ka rawn post ve tawp a ni e. The Biz)
June 16th, 2011 at 11:26 am
Mizote thinlungah in chawimawi chu sawiloh, lawmte in lawmpui hi thil harsa tak a ni thin. Tunah erawh kan zaithiamte atangin kan ze thalo tak kan paih ta niin a langa; a lawmawm khawp mai.
June 16th, 2011 at 11:32 am
van tha em..chawimawi phu te hi chu hmaichhanah pawh fak hmiah2 mai tur..very good post
June 16th, 2011 at 11:39 am
Nia sin chawimawi phu te chawimawi thiam hi changkanna dik a ni. Thudang a lai chuan THANGCHHUAH DIAR erawh kan hmang khawlo mah mah in ka hria.
June 16th, 2011 at 11:42 am
ABCI Manager 2 rukbote chhanchhuaktu Mizoram Police te hi nasa takin i chawimawi teh ang u. (Y)
June 16th, 2011 at 11:50 am
4. Awmawmpuia, I news hriat chuan mi va tilawm teh reng em. “Kan Policete hi an kut phuar loh chuan an chhuan awm thlawt ani” tih ring tlattu kani e. A hran paa Post chi ava ni ve. Mi dik leh Huaisente kan chawimawi thiam a, mi hlem hlete en dawng kan thiam hunah kan ram kalsiam hi a in her dik mai ang.
June 16th, 2011 at 11:58 am
A rubotu tute an man em?
June 16th, 2011 at 12:04 pm
@5 PKfanai , Ka hrechiang bik lo. Zonet a kal zet zet a ka chhiar ania. Dholchhora luihnar leiletah an inkap a, helho hian silai leh thuamhnaw engemaw zat an tlanchhiatsan ani awm e. Tunah hian Mizoram an rawn pan mek… Chanchin chiang zawk hriat thuai beisei ila. A hre hmasa apiangin rawn tilang teh u.
June 16th, 2011 at 12:30 pm
Awmawmpuia, Ransom pek vang ni lova, a kah a, an kah chhuah a nih ngat phei chuan, Central YMA lam te pawhin Zawl khawpuiah ropui taka lo hmuah chi ava ni ve aw. Mizote chanchin chhe lai hlir chhuah thin, Times of India ah te pawh vawrh lar chi a nih chu. Chawimawi phù te i chawi mawi ang u.
June 16th, 2011 at 12:40 pm
Rukbote chhanchhuaha an awm chu a lawmawm mange. Kan sorkar huaisen takin naia sen pawh sen an tumlo tih an hriat chian em avangin an chawm peih tawhlo pawh a ni mahna. Pu Rambawiha aw hriat a chakawm mange.
June 16th, 2011 at 12:55 pm
idol, icon etc.. In Thil tha a hrinchhuah (chhun) inchawimawi.
June 16th, 2011 at 12:56 pm
Mahni sualchhuah chawimawina Doctorate hi a chhe lo ve. Lei tur a tam tawh bawk awm e. Who is Who pawh sumdawn nan a tlak nachhan chu sum nei chawimawi hlawi chak an tam vang. Hmelhriatten tan min lo khawhpu inchawimawina Padma Award te pawh hi Association-a inrawlh hnem a hlawkpuiawm. Hmasang Mizo pipute, chhim lam Phura chawimawinate saw a lo FAIR hle.
June 16th, 2011 at 1:01 pm
pawisa an pe, pe lo.. tih vel kha titi a tam leh viau ange maw chu..
June 16th, 2011 at 1:08 pm
“He ka thuziak hi misual rualin Guwahati sumo an suam a, passenger-te chhanchhuaktu Mizo tlangval huaisen pahnih puala ka ziah a ni.” (Y)
Ka vei ve ber pakhat a ni thin. Hmanlai kan pipute khan mihuaisente an lo chawimawi thin. Ghty. Summo chungchangah kha chuan thangthar tam zawk kha chuan, “an va a tak, kut lawnga lo beih te chu thih an hlau lo em ni ????” an ti mai a ni. Summo driver te pawn pui tange an ti hlei lo!
Vanglaini Award te kha dawng se, thangtharte hian mi huaisen, thian chhan thihngam te ngai hlu leh se….
Pu Thena kha ka lawmpui lo ni lovin, a hunlai khan a thawhtur a thawka, hlawh Sawrkarin a pe a, a duty tha takin a ti ani. A fakawm em em bawk.
Tuna Kan Mizoram Police-te pawh hian an duty an ti a, fak leh chawimawi an phu a ni. Huaisen Medal pawh “Lammualah” an dawng leh ngei ang.
Summo chungchangah kha chuan kan ram NGO leh Media te hi ka dem khawp mai !
Hmanlai kha chuan naupang huaisen Chhandama te kha Zoram pum fan khawp khan chawimawina a hlawh a…….Kawnpui nu Sakei chekhlum tu te khan chawimawina a dawng nasa khawp mai. Mahse vawiinah chuan “huaisen” vanga tangkapui dawng kan awm ngai ta lo ;-(
June 16th, 2011 at 1:14 pm
i post ka chhiara ka rilrua lo awm daih chu tunlaia Zaithiam leh lam thiam (mai mai) kan idol, icon, ta lutuk hi a ni. An han zaia khawtlanga kan lo hmuak te kha a zakthlak ka ti. Kan nau thangthar lo awm zel turte hi zaithiam ni turin kan encourage vel mai mai a ni.VCP ho hoin….
Kan Aizawl mipui (a bikin han dem fiam ta ila)ho hian duh duh hi rei lote atan an khawngaih a(charity & Philantrophic activity tak tak awm si lo), an chawimawi a, thingtlang lamin an lo entawn a-mi hlawhtling ni si lo, tlanghriat-hnathawh hreh tawh si-incheia leng kan pun phahin ka hria.
Kan fate, thangthar hi lam dual dual se, zai dual dual ila hma kan sawn dawn si lo. Mi hlawhtling-entawntlak chawimawi hi a tul…
Ka tawngkam ka’n hmanghriam lui zel teh ang-ka vei bawk a-Zaithiam mai mai hmuah dul dul ai chuan IAS.MCS-te chu sawi loh Nurse hna hmu pawh hmuak ila a hlu ka la ti zawk.
Chawimawi tlak hi i chawimawi teh tak ang u.
June 16th, 2011 at 1:14 pm
ABCI mi pakhat chu cross fire-ah a pumah silaimu pahnih a lut an ti em ni? Hrechiang kan awm em?
June 16th, 2011 at 1:19 pm
CM Pu Hawla thru-lang tlat mai le.
http://tinyurl.com/zialo-lutuk
ka rawn OT lawk. a zia lo ngei mai
June 16th, 2011 at 2:29 pm
Thih hnua inchawimawi pawh a tha. Dam lai ngeia chawimawi phu te chawimawi phei chu a hluin a tha leh zual.
June 16th, 2011 at 2:55 pm
x-man i rawn chhuah hlui em mai hahha nikum ornikum hmasami a nih hi!!!! hahha
June 16th, 2011 at 3:23 pm
hmu ve chauh hek
June 16th, 2011 at 4:00 pm
Vakul&Benny, in sawi dik e. Chawimawi phu chawimawi a tha a, an phu tawk a ni bawk tur a ni. Phutawk aia hleuluak tak leh a sahaw zawnga tih kan chin pawh hi enfiah a ngai khawp mai.
June 16th, 2011 at 4:20 pm
Sumo chhanchhuak tu i tih te hi tute kha nge aw, an cc kan la hrelo nge nile. Lushai_er sawi ang deuh khian chanchinbu lamin an cover tha vaklo em ni le. Mizoram pawh hi chawimawina no dawng tur hian thliar deuh kan ni ve ta zawk nge?
Nikum lam khan Pu Thanliana fapa US Marine a tang pawh Irag ah deploy alo nih ve tawh avangin MSA chuan chawimawina an hlan. Huaisen fal ani tihna ani lova Mizo te aiawh ang maia US tana thawkchhuak chu chawimawina an hlan ni maiin ka hria, tha ka ti fu mai. US sipai (regular)ah leh a kaihhnawihah hian Zohnahthlak te hi an awm ve nual tawh. Lai (Pawi) lam unau te phei chuan Presidential award an dawng nual tawh mai, a then te chu unau ten an ni hlawm. Anni hi an inngaitlawm a, tu’n an hriat sak lemlo niin ka hria.Unau hmeichhia zawk hi fighter pilot a ni a, Zohnahthlak hmeichhia ah chuan US fighter pilot hmasa ber leh huaisen lawmman dawng hmasa ber anih hmel. A unaupa erawh hi chu US Navy a awm a ni a, an 2 hian middle East lamah deploy an ni ve ve. Anni unau ang te pawh hi Zohnahthlak te atanga chawimawina dawng tlakah ka ngai khawp mai.
Helamah (Lo ti ve sek ila, Rev Vanlalnghaka thusawi ka hre chhuak) chuan Pre-K (A pawl thiamlo pawl ang) pawh an pass chhuah ni hian “Graduation Day” hmangain naupang ten an nu leh pa te hmuhin an thiam te an hmuhtir (show) thin a, certificate mawi tak nen anmahni cho phur chho zel thei turin lawmpuina an siam thin. Hetiang te pawh hi tha tak niin ka hria.
June 16th, 2011 at 4:56 pm
VH, thil chhinchhiah mi ka lo ni lova, a pawi hle mai. An hming leh an address ka chiang tawh lo. Ka la hriat chu Pakhat zawk kha sipai chhuti haw a ni a; Zonet chuan an rawn kawm ngei a, en pawh ka en. A bak chu engmah ka chiang tawh lo. Nikum hmasa emaw a hmasa leh emaw a ni ang. I zawhna ka chhang thei lova, pawi ka tihle mai.