Kan chenna khuaa ka inentir, min lo dawnsawn dan thu khuh leh sawi uar hauhlo vin kan tar chhuak ve mai mai ang e, rualawh ana thin em mai!
Doctorin tul a tih hun anih vangin Lab’ test nei turin zing dar 5 ah thoin ka in buatsaih a. Rose Hill Plaza a, Frederick Memorial Healthcare Services hnuaia lab’ chu zing dar 5:48 ah ka thleng phei ta a.
Dar 7 ah inentir tan anih dawn avangin zing dar 6:30 ah chuan kawngkhar an hawng chauh thin. Ka thlen hma deuh avang chuan motorah ka thu mai a, midang pawh an rawn thleng ve zel a. Pa pakhat leh nufa leh midang thenkhat te chu kawngkhar kiangah an din avang chuan an hawn veleh lut hmasa ber an ni ta. An hnungah chuan ka lut ve ta a, clerk (receptionist) hnenah chuan inhriattir (check-in) turin ka intlar ve ta a.
Min luhkhalh tute chuan, ” Kei aiin i thleng hmasa zawk,” tiin an aia hmasaa intlar tir min tum ta zel a, an nui sang hmel chu a hmuhnawm ngei mai. Tho hlim nih nen hmelrum hmuh nghal ul chu peihawm lemloh ve tak a ni awm reng a! Mak ka tih chu, motor dahna hmunah motor chhungah ka thu a, an kal pah chuan min melh zeuh awm pawh ka hre lemlo.
Mahse, an kiang vel ami an hmu chiang hle tih a hriat viau mai. Anni aiin ka thleng hmasa ani tih an hai lova, min khalh pawh an tum chuanglo a ni, an zahawm hle mai. Ka in kentir lem chuanglo, ka inentir hmain an khar dawn chuanglo tih ka chiang ve tlat.
Clerk chuan eng health insurance nge ka neih min zawt a, a chhinchhiah hnu chuan lehkha eng (yellow), number #105 chuanna min pe a, khami kha min rawn kohna tur, ka number a ni. Mi an fimkhur a, kan chinchang tul lovah midang hriattir an hreh/duhlo hle a, chumi vang chuan hming aiah min koh chhuah nan number min pe anih chu. Kan hriselna chungchang te hi doctor te pawhin kan remtihna lo chuan tuma hnenah an sawi chhuak thianglo, dan a ni.
Ka number an rawn lam a, clerk no.7 hnenah in ziaklut (register) turin ka kal phei a, in hriattirna (check-in) atang khan feet 10 emaw leka hla a ni. Chutah chuan, nui hmel pu sang hian clerk chuan “I dam em, ka theih tawpin ka pui dawn che nia,” tiin a hming a sawi hnu chuan ka ID leh health insurance card min dil a. Ka thil pek te a lem a lakchhawn (photo copy) zawh chuan ka pianni leh kum leh ka hming min zawt leh a ni;hei hi keimah ka ni ngei em tih chianna a ni.
Lab’ lama kal tura min koh nghak chuan nghahna pindan (waiting room) ah ka thu a, reilo teah chuan ka no. #105 chu rawn koin, min ko tu chu ka pan ta a. Min ko tu, Lab’ technician chuan, “Chibai, i dam em, ka hming chu… keimah hian ka buaipui dawn che a ni,” tiin hlim hmel pu takin min lo dawngsawng a. Kan inzui lut a, thuthlengah thu turin min ti a. Ka thut hnu chuan, a thil tih dan tur leh a tih chhan tur leh a awmzia chu ka hriat thiam ang tur tawkin chiang takin a sawifiah a. A tih tur a tih zawh chuan, “Vawiin i hun hlim takin i hmang dawn nia,” tiin min thlah liam ta a ni.
NB: in entir hi natna neih vang ani kher lo fo, fimkhur thuhlaah hriselna entir zeuh zeuh hi thil tha tak a ni. Motor te pawh oil change angai kan ti a, kan thlak mai. Oil kan thlak hma khan motor tlan dan a diklo chuanglo, a chhiat loh nan kan fimkhur mai a ni thin zawk.
June 16th, 2011 at 1:34 pm
first hi a nuam em le
June 16th, 2011 at 1:37 pm
Keini zawng heti teh ruai kan la nih hi.
Sawi zawh hmain damdawi an lo ziak ve em?
Nat fe pawh hian inentir hi a lo peihawm loh em a; i sawi khi chu a dik khawp mai.
June 16th, 2011 at 1:43 pm
Va nuam awm bik ve aw.. kan ram lam hi chu an vin thei khur khur khawp in ka hria, vawi hnih ka inentir ve tawh a, pawimawh fet ah lo chuan ka peih tawh lo hrim hrim. 😛
@tatrawta chang peih award hlan ni mai se .. 😀
June 16th, 2011 at 1:46 pm
Inentir man hi eng zat man vel nge ni ve ang le??
June 16th, 2011 at 1:47 pm
Mi tlawmngaite lakah Mizo tlawmngaihna dik tak i lan tir let ve chu i ti tha e. Thil tha ni a kan hriat hi chu copy chak deuh mai hnam hi kan ni reuh a, entawn tur tha i hriat chu in thlahrung lovin han ti zel teh.
June 16th, 2011 at 2:17 pm
Inentir a va hahdam dawn em.
June 16th, 2011 at 2:19 pm
An va vai zia lo ve! :p
Ngainawm khawp mai. Kan pi leh pute kha hmun hlauhawm leh ralti-ah chuan ‘kei’ tia hmasa nih inchuh a, induhsakna lantirna ang chiah chuan ‘nang’ tia hnuhnung ber nih pawh hreh lo an ni. Thangtharte hian kan chhawmnung zel em? Vai ze tha lo tak2te hian min tichhe viau tawh em?
HV, I thil tawn hi tlawmngaihna ni lovin dikna a ni. Chuan, nang i tlawmngai a. 😀
June 16th, 2011 at 2:27 pm
kan ram doctor thenkhat hi chu inhmuhtirh atang hian, i pawi ka sawi em ni? Tih ka chak tlat thin
June 16th, 2011 at 3:38 pm
Chhangteval #4 Lab’ test angah chuan pakhatmah ka chawilo. Hei hi a inanglo thei, ka hnathawhna atanga ka neih ka health insurance in a khuh vek vanga chawilo ka ni. Doctor hmuh erawhin cheng 20 ($20) ka chawi thung. Urgent care leh emergency kal angaih erawh chuan a to deuh thung.
An hawihhawm hlawm teh hrep em mai a, Mizoram a chin veah ka awt em a, ka rawn phawrh a ni ber. Damdawi min pek te hian chumi damdawi thawhdan tur leh min pek na chhan etc. chiang/fiah takinmin hrilh thin.
June 16th, 2011 at 4:57 pm
Mizoram nen chuan lei leh van ang hlauh a nih chu! Kan daktor te er awr hlawm lah hi, be hreh tak ka ni be hreh tak! Rethei tan chuan damloh ve ngam pawh va ni suh!
June 16th, 2011 at 5:35 pm
A ngaihnawm ngei e.
June 16th, 2011 at 5:38 pm
CFL ty 🙂 tawngkam tha in sial aman tih hi chhawm nun zel atan a duhawm ngawt asin.
June 16th, 2011 at 6:07 pm
Oil thlak turin thawh hma a va ngai ve aw! (H)
Post tangkai tak a nih hi.
Hetiangah hian Mizote, hawihhawm leh mikhual chhawn thiam inti tak te hian hmasawnna tur kan ngah ngawt mai. Misual.com hmangtute tal hi chu i inzir zel ang u.
June 16th, 2011 at 6:32 pm
Kan ram doctor tam tak zingah,
1. Intih hausak luih deuha rawn ngai an awm an ti..
(dik tak maw) (Y)
2. Mi hausa pak deuh huam an awm an ti..
(dik tak maw) (Y)
3. Mahni damlo ngaihsak zui miah lo an awm an ti..
(dik tak maw) (Y)
4. Zu rimnam chunga duty an awm an ti..
(dik tak maw) (Y)
5. Emergency-a koh hrehawm tak an awm an ti..
(dik tak maw) (Y)
tawk hrih, a dang pawh ka la hre teuh..
June 16th, 2011 at 6:34 pm
Pu HVA inentirna hi private clinic a nih hmel a,hospital pangngaiah hian an lo vin ve tuk tho lo maw?Aizawlah pawh hian OPD a doctor biak hrehawm tak ho hi an private clinic-ah chuan an fel thei ras.
June 16th, 2011 at 6:45 pm
Amaria.vch #15, sawrkar ta a ni e. Sumdawng/dawrkai etc. reng reng dawrtu te hlim hmel pu lova dawnsawn hi thianglo tluka ngaih a ni.
Dawr pangaiah pawh customer ten dawrnghaktu te vin hrep mahse, hlim hmel sarhin an be hram2 tura ngaih a ni. Thinrim erh a an chhuah dawn paw’n, “Ilo kal leh hram dawn nia, i duh ang ngeiin thil alo awm tawh kan beisei,” emaw tih hram hi in zirtir dan a ni. Kum 10 kalta khan dawr ka nghak thin a, kar 2 chhung training ka nei phawt… thinchhiat chi a ni hauhlo. 🙂
Bank te hlei hlei ho dawr an nuam. Kan duh ang kan tih zawh hnu pawh hian, “Puih theihna kala nei em,” hlim hmel pu sarhin min la ti zui lawm lawm. Chutah, chhuah dawnah, ” Chhun tha tak i hmang dawn nia,” tiin min thlahliam ngei ngei. Bank chauh a nilo, khawi hmun pawh vantlang kalnaah chuan a ni vek.
June 16th, 2011 at 6:53 pm
India ramah chuan damlo entur an tam lutuk a, kan doctorte hi an polite seng/peih lo a ni mahna! Ni khatah damlo sawm emaw lek en se chuan an polite ve fu mai thei! Kan ram retheih avangin kan hrisel lo va, damlo kan tam thei hner hnur lutuk a, kan doctorte hian an eizawnna hi an la thlamuanpui hle niin a lang. Nakinah kan changkan hunah nitn an clinic-a damlo 2 emaw 3 emaw chauh an en hunah chuan an polite over viau ang!!! 😀
Engpawhnise, tawngkam hawihhawm leh ngaihthlak nuam hi chu damlo tan pawh dam nghal sawng sawng theihna a ni khawp mai.
June 16th, 2011 at 7:01 pm
keimah, mipui mamawh zat khami hmunah khan an duty tir mai niin ka hria. 🙂 😛
A thuhrimah, damlo inentir hun hian chhumlo chatlo vin bawrtu an nei reng tho. Khawi hmunah pawh mipui/vantlang dawr chi hmunah chuan hawihhawm hi an inzirtir nasa khawp mai. Thinchhe deuh/vin deuh emaw chu an ban (fire) mai zel a, tha deuh asin.
Sawrkar hna hrim2 pawh hna nghet tak2 a awmlo, thawk peih leh thawk tha tan hmun a awm a, peihlo tan hmun a awmlo. Dan chunga leng lah tumah an awm heklo. Tunah pawh US president ngei pawh dan siamtu mi 10 in court ah an khing mek. Chumi tye zingah chuan an mahni party mi ngei te pawh an tel nawk. Obama tlin tuma presidential candidate pakhat pawh pawisa hmang diklo nia an rinhlelh vangin thubuai a awrh mek. Thiam loh a chan chuan kum 10+ lungin atang ang.. chutiang vel chu mi ram chu an nia.
Mizoram ve hi a ler atanga a zung thlengin ;-(
June 16th, 2011 at 7:01 pm
Kan ram doctor zingah hian fel tak tak chu an awm. Ka ral hriat danin Dr. Loncey hi an fak khawp mai. Private clinic a hawng ve duh lova, OPD lamah a thu char char thin. A theih hram chuan upa lam deuhte a en hmasa bawk a, inentir tawhten a bula awm chu kan dam sawng sawng mai an ti.
June 16th, 2011 at 7:09 pm
nia tha ka ti khawp mai, Vairam hmun then khat ah poh hian biak nuam tak tak an awm.. mahse kan zoram mawlh mai khi!
June 16th, 2011 at 7:12 pm
Pakhatah chuan Pu HV, mi ram te hi chu an lo fing (civilized) hma bik em a ni. Hrenpereng kaiha til lang renga kan thut lai khan an ni ho zawng ek nei lo lenin an lo leng daih tawh a nia!! 🙂
June 16th, 2011 at 7:19 pm
Ngaihnawm bawk a, awhawm bawk !…. (Y)
June 16th, 2011 at 7:20 pm
muante, helamah pawh hian kal hmasa leh hmasalo chu thuhran ania, “Lehkha eng min pek” ah khian an kal dan tur an ziak vek a ni. Chutah chuan kal hmasa ngawt nilo vin, a chang chuan hmanhmawh thlak emaw tul hamsa an awm chuan an en hmasak tur thu an ziak tel. Tin, inziak dang leh pakhat chu minute 15 kan thut hnua minla koh loh chuan va inhriattir tur a ni bawk.
Camera ken chi ni heklo, ka phone in an lehkha inziak ka la a USB ka neilo zui mahse, ka chhiar peih chin:
Facility:
* To be clean & comfortable
*Signage provided for ease and navigation throughout the facility
Test & Treatment:
* To be informed of any delays
* Technologist to introduce himself/herself
* To verify your name & date of birth for your safety
* An explanation of procedure you are having done today & duration
* Discharge instructions
Personal issues & comfort:
*Concern for your modesty when changing for a procedure, when applicable
* Assistance to be provided at your request
Overall Assessment:
*We hope tha we have met or exceeded your need &expectations during your visit.
etc. etc.
keimah #21 keia mimal ngaihdanah chuan, “Kan hnam ala naupang a,” tih ang chi lampang hi sawi fo thalo riauin ka hria. Heihi chhuanlamah kan hmanga kan hmabak umzui peihna tak2 kan neihloh phah fo theiin ka ring tlat asin.
June 17th, 2011 at 3:51 am
2007 krismas hmang tura india ram kan haw khan…(kan sawi ve mai2 teh ang) dawr leh khoilo chhuahna office etc ka kalin midang an awm ve chuan thra takin an hnungah ka hun thlen nghakin ka ding(tlar) mai a!!!mahse tumah ka hnunga lo kal te khan ka hnungah in tlar an tum ve reng2 lo mai!!min kal pel zel a a hma hma a h chuan chuhhelh zetin an ding ta zel mai a…ka hun a thleng thei ta reng2 lo mai..ka harhchhuak a tihdan thlak a ngai a ni e.. ka ti ta a..