Kan tûnlai khawvel a changkàn chak tawh ém avângin keini Hnam Sakhua chuan a dik a diakin kan sakhaw dân te kan zâwm thei lo va. A pawi. Sakung phun nikhuaa kan Sadawt, Prof. Dr. K. Rotintawta’n thiam hla unhlun a chham laia in lehlam atanga Eminem a lo rap zuah zuah hi chuan rilru hian ‘Fano Dawi’ lam a hawi thei tawh thlâwt lo. Kan lo ti laklawh tawh mai pawh a.
Sakhaw hun hman chânga thil buaithlâk em em maia chu, hnam (chipêng) hrang hrang kalkhâwm ngang hi kan ni a. Hnamte lamin sakhaw hran an lo nei a, Ralte leh Pawi lampangin a hrang ve vein an nei bawk a, Lusei lampang lahin chuti bawk. Chuvângin inkhairual taka sakhaw hun hman a har em em a, kan duh dânin chu’ng sakhaw hrang hrangte chu kan chawhpawlh vêl a, a hlimawm duh phian. ‘Kawngpui Siam’ hunserh kan hman laite hian kan nui leh hak thîn, kan bawlpu James Zopuia ho hovin.
Kawngpui siam hi ka’n sawizau lawk ang a. ‘Sa leh râla malsàwm dîlna’ a ni. Hei hi a pawimawh tâwpkhâwk. A chhan chu ramsa hmuh tur a vàn tawh ém avâng leh Kristian râl leh Tuikuk râl an lo inchawhpawlh nuai tawh avângin.
Hmánlai khan Chapchar Kût hmain an hmang thîn a, Kristian-ho kumthar lawm rualin kan han hmang kherah! Nuam ve pângngai. Mahse, he hun hman dâwn chuan khuaa mi zawng zawng hi an awm a ngai, lo zinbo palh an awm chuan ho dêr a ni mai. Aizawl-ah chuan tihngaihna dêr a awm lo. Chuvângin thingtlâng in tlêmna hi kan zawng hrâm hrâm a. Hnam Sakhua pawmtu an nih a ngaih miau avângin kan pamtûl leh mai thîn a. Kuminah chuan Reiek Mizo Khua-ah keimahni hovin khua din lem lemin kan hmang a. Nakkum lamah chuan Ramhlun North Zokhaw siamah hman kan tum.
He hun a nawmna em em pakhat chu zû leh sa a hnianghnâr hi a ni. Kumtinin ar leh vawkte-in kan hman kârthlâk thîn. Kumin kha chuan ar kan hmang. Mizo ar a vàn ém avângin Broiler kan lei teuh a, kan keng tawp. Kan Sadawt Prof. Dr. K. Rotintawta chu septicemia natnain a bawhbuai avângin Sadawt aiawhtu, kan Tlahpawi Vutdurha Punte kan hmang.
Aizawl-ah tlângau pângngai an awm tawh loh avângin Young Mizo Association-ho kan bia a, Information Centre atangin Hnam Sakhua-in ‘Kawngpui Siam’ hun hman a nih tur thu kan autîr mai a. Chu’nga kal tur zîngah an hminga vànduaina lam kâwk thei hming pu, entîr nan, Chuaia, Kapdaia, Zachana tih vel an tel a thiang lo. Mahse, kan hmingte chu James, Josephine, John tihte a nih avângin chutah chuan harsatna kan tâwk lo.
He hun hman dâwn chuan lal in atanga chhuah vek tur a nih avângin lal awm ve tawh hek lo, VCP in kan hmang hawh a, kan inzuichhuak dam dam a. Kan mamawh chu em-in kan phur a, tuiûmin tui kan phur bawk a. Tuiûm nei lovin tuiûm aiah Plastic litre 10 dawng ang chiin an khai bawk a. Vahmim ipte a awm mai loh avângin Sadawt aiawhtu Tlahpawi chuan school bag a ak bawk a.
Zu kan keng teuh va. Excise atanga harsatna kan tawh loh nan hetiang lama experience lo nei tawhte kan kentîr mai a. Reiek Zokhuaa hmang tur kan nih avângin City Bus kan hire a, kawng sîr apianga thingsia phun a ngaih avângin thingsia kan zawng chawp a, kawng tluanin kan phun a. Kan thingphun lêrah Broiler thla kan târ zêl bawk a. Kan thleng tlai khawp mai. Bus driver-in a ning raps!
Tichuan, a hmunah chuan Sadawt aiawhtu Tlahpawi chuan thiam hla a chham a. Hetah hian khaw chhehvêl lal hming chham a ngaih thin avângin lal hming aiah VCP hming a hriat hriat a chham mai thîn. Chumi hnuah kan ran ken a talh a. A hnungzangah kher a vaw hlum a. A chham leh a. Chumi hnuah milu leh salu a lawi tam deuh nan malsàwm dîlin a chham leh a. Hetah hian tuman milu an lâk tawh ngai loh avângin Hnam Sakhua-a midang lo lût an tam zêl theih nan a chham mai a ni. Tichuan, kan ei ta a. A bâng hawn phal a ni lo va. Tiffin paia lo hawn tâwk chu an awm reng tho.
Haw pahin thingse phun inkâr kawngpui lai takah vut an phul a, uluk takin an chawkrual thap a. A tûka en leh turin kan hawsan ta a. A tûkah kan tlangvalte’n an va en a. Sa hniak a lo awm chuan salu lût a tam dâwn tihna a ni. Mahse, sa hniak ni lovin motor ke hniak a tam thei khawp mai a. Kawngpui Siam hi hman nawn a ngaih phah a. Kan hmang tlut tlut a, zu leh sa kan eiin kan in ngun phah viau. Sa hniak a awm erawh chuan kan lâwm em em thîn.
(A lehpekah chuan Hnam Sakhua-in ‘Fano Dawi’ kan hman dân ka rawn ziak leh dâwn nia)
Similar Posts:
- MIZO SAKHAW BIAK DÂN LEH A TOBUL ~ 2
- Hmanlai Mizo Hnam Sakhua
- Mizo leh sakung phun
- Baby tih hi
- Mizo hi hnam hming a ni lo
June 17th, 2011 at 6:36 pm
first em ooo
Report this comment
June 17th, 2011 at 6:37 pm
chhiar ang first bawkahhhhh
Report this comment
June 17th, 2011 at 6:49 pm
chhiar phawt ang..
Report this comment
June 17th, 2011 at 6:53 pm
A va ril ve… Ngaihtuah chhuak thiam khop mai
Report this comment
June 17th, 2011 at 6:53 pm
Hahaha a va fuh ve. A ngaihnawm bawk si
Report this comment
June 17th, 2011 at 6:57 pm
Ngaihnawm kher mai. GP
Report this comment
June 17th, 2011 at 7:08 pm
lolz…k’u sakhuaa hi ka tran tlat thau thau. I title khi chhiar a harsa.
Report this comment
June 17th, 2011 at 7:29 pm
Pa thluak tha tak zawng i ni chiang e. Lehpekah chuan hei ai maha hlim awm hian in la hman theih ka ring. I thluak han vawrh vir leh deuh teh.
Report this comment
June 17th, 2011 at 7:37 pm
Ka chhiar chhuak dap, ngaihnawm khawp mai. ‘O’ grade i hmu.
Kan vut phulah kher kher midum kawng lai ho an ek tum kha aw… Kan va buai tak.
Report this comment
June 17th, 2011 at 7:43 pm
Ts. Rumtea sawi ang chi khi in tawn nual kha.
Report this comment
June 17th, 2011 at 7:43 pm
Uluk taka chhiar chuan hmanlaia kan pi leh pute’n an sakhaw serh leh sang zinga pakhat, ‘Kawngpui Siam’ an hman dan in hre thei ang. Tin, Hnam Sakhua-in a rawn post fo, an Hnam Sakhua hi tih theih a nih tawh loh zia in hre bawk ang.
Report this comment
June 17th, 2011 at 7:56 pm
kei ni hnam sakhua ho hi min ti el chiang! Ka lungawi lo. Ha3
Report this comment
June 17th, 2011 at 7:57 pm
Hairehai.
A ngaihnawmna leh hlimawmna phenah hian he post hian thui takin thu a sawi niin ka hria.
Report this comment
June 17th, 2011 at 8:28 pm
Ka nuih a za lutuk lo. Mahse, post tha tak a ni. Laipuimu-in kristiante min tihnawk thei tu nia lang hi han kap pawp pawp mai teh.
Chuan,
Hnam Sakhaw tobul leh a chanchin hriat hi a pawina a tam lo khawp mai. Chutihrualin, hnam thil hlui, hman tangkai tûl tawh hauhlo thar thawh tum talh erawh a pawi ka ti.
Report this comment
June 17th, 2011 at 8:59 pm
Va sawi kual deuh veee….anyway good post!
Report this comment
June 17th, 2011 at 9:00 pm
‘Hnam sakhua’ tih vel a tam e, kei chu ka nel lo hrim hrim tawh. TSA post mah ni se, ka khur lo chauh zel tawh mai. Setana(Isua ni lo) a nui vun vun ang.
Report this comment
June 17th, 2011 at 9:24 pm
E khai! Tuaite, a ril lutuka a thu laimu phawkchhuak pha turin, kei ang tan chuan a buana buan fê tham lah ni a! Uluk tawka tum 3 zet ka chhiar chu! A tha-in i lo va turu teh hrep em!
4th para a – “Aizawl-ah chuan tihngaihna dêr a awm lo a” tih khi, “… tihngaihna a awm dêr lo a” tihtur a nih hmel.
A tlukpui : ka chau lutuka chaw ka ei dêr thei lo… ni lovin, …chaw ka ei thei dêr lo. Kan harsa lutuka hmalak ngaihna dêr ka hre lo… ni lovin, …hmalak ngaihna ka hre dêr lo.
Report this comment
June 17th, 2011 at 9:32 pm
E heu va ril ve
Report this comment
June 17th, 2011 at 9:56 pm
van thiam mai mai e…
Report this comment
June 17th, 2011 at 10:01 pm
@K’u Kawlpui, a ni dawn teh tak e a! Ka lawm e.
Report this comment
June 17th, 2011 at 10:39 pm
TuaiSialA i ziak Ngaihnawm hle mai , .Hnam Sakhua ten Milu lam in hman dan te, I thang chhuah dan kawng leh Pu Pawla sai i hlauh vang a i nula kherh kual vel dan te pawh rawn chhunzawm la mawle
.
Report this comment
June 18th, 2011 at 12:54 am
Good..
Report this comment
June 18th, 2011 at 6:46 am
Ambiguity lam chu a hnianghnar zek mai! NH 54 Kawngpui Siam that hi kan mamawh hle mai! Zu leh sa telin emaw, tel kher lo pawhin!
Report this comment
June 18th, 2011 at 8:29 am
haha he post chu Hnam Sakhua counterna a ni maw..he khawvel ram zauah hian ngaihdan a tam pawm dan a tam mahni ngaihdan leh pawm dan chauh a dik a ni tih ringtute hi mi tamtak an awm reng a ni.
Report this comment
June 18th, 2011 at 9:50 am
hahaha, ngaihnawm ve
Report this comment
June 18th, 2011 at 10:50 am
Hnam sakhua chuan a chhiar ve tur ah ngai ang. @TS(ti ve ngawt zel ila) i ngaihtuahna ril zia kan hre tulh tulh dawn a nih hi, han chhunzawm zel teh. Heti zawng pawha a harh loh chuan. Tuikuk nau a ni mai.
Report this comment
June 18th, 2011 at 10:51 am
A lut nawn palh a.
Report this comment
June 18th, 2011 at 3:30 pm
Tv. Tuaisial, i ril !
Report this comment