Tlem lai deuh khan ka peih lo chung ka pa in min nawr luih avangin Sawrkar hna ka dil ve a. Written test kan han nei ta a. Result a lo chhuah chuan ka lo tling ve vang mai a. Interview ah pawh koh ve ka ni a. Ka lo ngaihsan ruk em em thin BA/MA val thenkhat te chu an tling zo ta hauh lo mai a. Ka ngaihtuahna a kal thui khawp mai. Engtin nge BA/MA an zawh theih aw?
Interview zawh chuan a tling te an rawn tarlang leh a. Kei aia written test a ti thalo ho kha an tling ta phawk phawk mai a. A hnu a ka hriat leh dan chuan Minister lehkha an lo nei tha hlawm hle a ni awm e. Kei chu ka tlin loh avangin ka lawm zawk daih, sawrkar hna thawh ka peih lo a. 
Ka ngaihtuah zui ta mai mai a. Kan ram hruaitu te hi ka khawngaih ta tlat mai a. A chhan chu lehkha kan zir hian zir sang ve fu si, thiam na tak tak paw chhuak silo kan tam lutuk hian Zoram hi min ti chhia a. Kan ram hruaitu te an duhloh lamah kan kal tir nasa lutuk a ka hriat vang a ni.
BA/MA passed tam tak kha written exam ah kei BA pawh pass ve lo ai in an tichhe zawk tlat. Kan exam ah hian English, GK leh Mathematics kan exam a. Har em em pawh a ni lemlo. Kei pawh ka tlin theih lai in an ni kha engatinge an tlin loh tlat aw ka ti thin. Lehkha kan zir lai hian engtin nge kan zir thin le?….
Tichuan hna lak an zo ta a. Kei aia ti chhe tak tak te kha Minister lehkha vangin an tling ta hlawm a. Thenkhat chuan hna lak ah politics inrawlh nasat lutuk thu leh ramhruaitu te demna an lo sawi cham chi bawk si. Thiamna tak tak, chhawr tlak a thimna nei si lo khan hna duh vangin an hmelhriat(?) Minister te lehkha an ziah tir a, an tling ta. Minister diklo taka lehkha ziah tirtu te kha mipui in kan dem lova, a lo ziah sak tu minister te kha kan dem daih thung si. Zawnga tuar ai Ngau in a tuar a ni ringawt.
Party mi leh sa te chu induhsak na tur chin a awm ve tho, chutih rual chuan tling mang silo, tlin duh lutuk avanga kan ram hruaitu te thil diklo kan tih tir tam lutuk hi insiam that kan ngai in ka hria. Duhsak tlak a thiamna kan neih ve a tul. Chutih rual chuan mi hlemhle te avangin thiam tak tak te pawh chhawr loh in an awm phah thin. Hei hi kan ram thanmawh bawk, min ti hnufual tu a ni. Hetiang hmang a tling ho reng reng hi mahni hna a tui zui tak ka hre tlem khawp mai. An thatchhe duh chawk.
Tichuan heng zawng zawng ka han ngaihtuah hian kan ram hruaitu te lu hai tur zia ka ngaihtuah chhuak a. Ka khawngaih ta em em mai a ni. Hawh u, kan ram hruaitu te hi ram tana ke pen thei turin i thlah zalen ang u. Mahni tanghma chauh hai lo hian.
Ka lawm e.
Similar Posts:
- MPS written result chhuak
- Hria awm tak che u maw..
- MZU LDC post chungchanga buaina
- Eng tikah tak kâwl êng ve ang maw?
- Hnalak dan chungchanga ka ngaihdan
June 21st, 2011 at 5:31 am
Chhiar ila..
Report this comment
June 21st, 2011 at 5:41 am
Kei chu ka khawngaih lo, an duh reng vanga nasa taka bei an nia lawm le..
Report this comment
June 21st, 2011 at 5:45 am
hahthlak mange aw,kan ram riangte leh a chhunga chengte hi chu!
Report this comment
June 21st, 2011 at 5:53 am
An tia lawm: Truck driverin handyman tur atan amah aia mawl a a hriat leh a duh duh a a chhawr theih ngei tur ala thin an ti. Chu handyman chu driver alo ni ve ta a, a hma ang bawk khan duh2 a a tirh/chhawr/tih kawi theih tur handyman ala leh ta a. Chutiang zel chuan an kal chho e, an ti.
Rilru a, “Keimah vanga hire i nih kha ka hailo ania,” an tih theih tur an tam tawh em vang te pawh ani pakhat ang e, Mizoram thanmawh bawk an tam tak em em mai. Development pawisa khawih chingpen leh Dan (law) palzutna tam lutum te hi,a kua a thuk tawh em mai a, an vai mai hian paih vek annih loh chuan Mizoram siamthat hi a harsa tawh khawp ang.
Hruaitu thar Saddam anga mipui leh sawrkar hnathawk te hlauh kan mamawh; Min tihlum tur tihna nilo vin!
Inthlan hun chu tawngkam thiam leh party lam en berlo vin, mi taima leh dikna duh mi zawng zawk ang u.
Report this comment
June 21st, 2011 at 6:00 am
Lalmanga nu lawm rawih ni … tih thuah pawh sawi dan chi hrang a tam, ram hruaitute leh duhsak ngai site lawm inrawih hun a thleng ve a ni mai! Duhsak ngaite hi QUALIFIED tak tak an ni vek kher lo.
Competitive-a thil kal a nih si hi chuan, TLING apiang tling sela chu a tha mai tur. Hetiang experience nei ve daih tawhte zinga mi in tam phian pawhin ka ring.
Report this comment
June 21st, 2011 at 6:18 am
Written Test leh Interview pal tlang miah lova tling pawh ka hre rin ran mai a
Report this comment
June 21st, 2011 at 6:38 am
Mizoram a sawrkar office hna LDC to Assistant hi hna har a ni lo,diktak chuan LDC experience chuan Asst. file chu a deal thiam vek,office saptawng hi chu a ngai leh ngai vek a ni,chuvangin thiamna lam em em ai chuan hna a rinawm leh taihmak hi kan mamawh zawk chu a ni.Political appointment a lak ho pawh an taihmak a hna an thawhthat phawt chuan a tha a ni mai.
Report this comment
June 21st, 2011 at 7:07 am
Ka sawi (#6) pawh khi a a thawk ṭha (qualified) tlat
Report this comment
June 21st, 2011 at 7:13 am
I tlinglo chu ka lawmpui che….lol…..sorkar hna tam tak hi chu mi thatchhia leh mawl thawh tawk lek a lawm
keipawh ka thawk duh reng reng lo
Report this comment
June 21st, 2011 at 7:21 am
Minister te hian insawipui leh lehkha inziahsak hi ti lo nggam se chuan kan ram chu kan jia deuh ang tih hi ka ngaihdan a ni ve tlat..nikum lawka health worker lak tumte pawmh khan minister lehkha a intiang ur a ti a thawk pakhatin..a bul atang hian tlak pawiah hlau lovin dik ngam se kan tha tlang mai tur..
Report this comment
June 21st, 2011 at 7:48 am
Written test-a tling chin chu in tha tlang thawkhat viau lo maw ka ti mai mai. Tak tak a mipui kan thiamlo a, ministerte pawh an thiam chuang lo. Min tihsak loh chuan ka vote tawh lo ang, inthlan leh ah ka tlin loh phah ang tih rilru atanga kan in nawr tawn nasa lutuk hi a fuh lo.
Ka lawm e.
Report this comment
June 21st, 2011 at 8:00 am
Ka post chu ka thawh hma a a lo chhuah chu le. Comment a ngaihnawm hlawm e. Thupui ang khian ram hruaitu te ka khawngaih a, ka khawngaih na key tak chu mi tlinglo ten hna kan dil a. Ram hruaitu te lehkha leh recommend na eng eng emaw kan tih tir a. Tlin loh leh intih lugawi loh an hlauh avangin min ziah sak a. Hnalak na ah fello a tam tiin kan hruaitu te kan sawisel leh a. He lai tak hi ania ka khawngaih na chu. Hna kan dil dawn anih chuan tling ngei turin i in zir in i in buatsaih ang u.
Report this comment
June 21st, 2011 at 8:14 am
H.T.Sangliana hi a entawntlak fu.. Office thil vel avanga a in lama hmuh hi a duh miah lo. Hetiang ti ngam hi kan mamawh.
Sangpuiipa, tunah chuan thiamna avangin a sawmin an rawn sawm tawh zawk che alawm tiro..
Report this comment
June 21st, 2011 at 8:34 am
@tatrawt,nia. Kan thiam zawng ah hian thiam em em ila. Midang an duh zawng awmloh vang te pawh a ni mahna, min rawn sawm ve mial a. Sawrkar hna thawh hi chu a tha, mahse ka peih vak lo kei chuan.
Report this comment
June 21st, 2011 at 9:42 am
Aniasin.
Report this comment
June 21st, 2011 at 9:44 am
Sorkar hnathawh in ten ngam a, a tha e. Mizoram ah chuan sorkar hnathawh chu moral leh character chhiat vekna ani. Hlawh tam mah se, an character an hloh chuan a manhla lo.
Mahse chu vanga sorkar hna thawk tur fair lo tak a lak tur ani chuang lo. Minister te pawn integrity an nei tur ani. Engti pawn rawn dil se, vote loh pawhin vau se an tih loh tur an tih phah lo tur. Hna pe thei pawn sorkar dan a zawm dik thlap tur ani. Amah zu in rui bur bur thin mahse,hna a thawh dik chuan a tha zawk.
Zu heh, KS dawr ching , inkhawm ngailo mahse sorkar hna a rinawm chu kohhran upa corrupt, punctual lo, dawr hrehawm, duham aini kan thlang zawk zawk tur ani. Mizoram ah hian kan priority a kal sual duai tawh.
Report this comment
June 21st, 2011 at 9:53 am
Thil diklo ti turin miin min nawr se an hmaizah vangin lo tihsak ila, anni aia ka felna leh that zawkna a awm chuang lo. Chuvangin, minister ten recommendation letter an ziah hian thil a tibuar zo..mipui pawn nawr se, huaisen takin ti lo ngam se ka ngaisang ang.
Report this comment
June 21st, 2011 at 10:08 am
@RenghangMan, nang ang ram hruaitu hi kan mamawh. Chutih rual chuan an dinhmun ah hian ding ve ta ila, ka ziah sak lovang pawh tiila kan ziah sak tho lawng maw? Kan huaisen viau te a nih ngawt loh chuan.
Report this comment
June 21st, 2011 at 10:30 am
kan komthlanga edu.oficer, kohhran upa ai hi chuan komchhak pa zu in mi (a rui chu ka la hmu miah lo) hi poisa chungchangah ngat chuan ka ring zok.
Report this comment
June 21st, 2011 at 11:46 am
@18, CM Hian tuman ziahsak loh tur ti se mipui hnenah pawh puang se tunlai mi hian kan ngaisang zawkin ka ring.
Report this comment
June 21st, 2011 at 2:50 pm
MLA 1 chuan NREGS hnuaia VLA lak dawnin interview board nilengin a thutchilh an ti…..
Report this comment
June 21st, 2011 at 3:19 pm
Thiamna tak tak paw chhuak ngei tura zir leh zirtir hi a tul takzet a ni. A tha khawp mai.
MLA/Minister recommendna lehkha hi a tam lulai deuh thin a ni. Hman deuh phei kha chuan, gas lak nan, bus ticket lak nan adt an ziak zel mai.
Report this comment
June 21st, 2011 at 3:46 pm
Minister recommend tel miah lo hian a thiam tak tak chu eng hnaah poh an tling thei tih hi ka thuvawn a ni ve.
Report this comment
June 24th, 2011 at 7:21 pm
Gopalla mizoram chhungah chuan a apply chi vakloh ang i thuvawn hiii
Report this comment
June 27th, 2011 at 2:01 pm
@Gopally minister etc. lehkha leh recommendna tel lo chuan thiam tak tak chu za a pakhat te an lo tling ve thei mahna lee.
Report this comment
June 29th, 2011 at 10:37 am
#24 & #25, a dik chiah. #23 Gopalla thuvawn khi chu Mizoram ah chuan kan thuvawn a ni rih lo tlat.
Report this comment