LIANPHUNGA BUNG : Sateèk khaw chung chhim lam Km 3 vèlah a awm a. A panna kawng hi bo a awl phian —hoarding a awm vak lèm loh bàkah, arrow pointer an siam ve chhunte lah an kawh kùntîr lutuk a —kawng chung nge a kawh, kawng hnuai hriat a har hle. Khaw chhûnga mite zawh chawp tho tho an ngai.
Nia le, Bung chanchin, Sateèk Thalai Pâwl-ten an ziakna chu a tlu phèk reng a. A thu inziak a khawk nasa hle tawh a. Eng le khaw le —bûng kùng hi phun a nih kum chu AD 1886 a ni a. Pandit Jawaharlal Nehru-a pian hmâ chu a ni ve hrim hrim phawt mai. Lianphunga Bûng hming pu mah se; a phuntu chu (an ziak dànin) Lal Suakhnûna zu ni teh daih si ale!
A sàn zâwng hi engtik hun laia an teh nge chu ka hre hauh lo va, 33 meters tih chu ka chhiar thei a. A len zâwng tia an ziak hi a bul vàwng lai a nih ngei ka ring a, 39 meters tiin an ziak a, vèt kuala teh an nih a rinawm bawk. Chiang ta lo zàwk chu a sàn lam hi a ni ber e. Kum tinin zìkno chhuahin a sàn belh ve a rinawm si a. Tin, a zâr inpharh dùrh mai hi 58 meters? a nih a rinawm ta ber a. … 58 tih chin bàk hi reh miau hèk! Thlìr vang vangin a zâr hmâwr tàwp atanga a hmâwr lehlam chu a lo berah pawh 58 meters a ni lo chiang sa a. Zawh chian tùrlàm tumah ka tawng si lo.
A hmunah hun ka hmang rei hman lo. Ruah phingphisiau mai tùr ang maiin a lang si! Lalmânga Nu Lâwm rawih ni va hman zuai nân ka va hmang a. ZerO khàn hmànah a rawn post tawh a, ka hriat ai chuan a hre chiang zàwk daih ang.
Kàwn cham nuam tak a ni a. Wide angle lens (18mm) vèlin duhthàlin meter 80 vèl atanga hlâah a cover kim theih e. A chhehvèlah hian Shelter pucca ve tak tak pawh a awm thlih thliah a. He lai hmun hi Nghalo Lui hmun a ni ngei ang, Nghalo Lui tih inziak chhiar tùr a lo awm nual bawk a. Nghalo Lui an tih nachhan hi eng tak ni ang maw le? Sangha awm ve lohna lui a ni mai thei asin! Guide awm hek lo … thlen dawn tepah pawh ka la bo ta hram a. Nikum atanga School thar an hawn mual sira Catholic School-ah ka tlan lùt nawlh mai. Kal ve duh in awm chuan thlen dâwn tèpa kawng tha vak lo, diak ve tak —a kawng hnuai zàwk in zawh ang a. Bûng chuan a lo bâràkhaih thut mai ang che u.
Bùng thlang lam in thlìr thlàkin ràlkhata Bàwngthah leh Dârlung khuate (khaw thian niin) a lang chiang phian a nia. Bûng chhak (east) lam, awihtlàn thlîr thla la, Nghalo Lui tui an siakna-khâwl bunna in tè i hmu bawk ang. He lui tui hi Sateèk-te tâna an tui-tlàn ni tak maw?
Lâwm rawih duhthawhna ni tih tàkah chuan … hei hi ka tawng fuh mial! Awi thaw, northern hemisphere-ah chuan naktùk mai atangin chhùn nî a rei lo leh tial tial dâwn ta!
Similar Posts:
- Maubuang Dai – Rinawmna Kâwn, Mizoram
- Kaladan project thuthlung
- Japan lam i han fang ang u aw: Part 3
- Mizote hi Indian kan ni…. em?
- Tawng chungchang
June 22nd, 2011 at 5:26 am
A ngaihnawm e, thlalak pawh thlir a hahdam reih rawih khawp mai. Thawh tha hle mai
Alo rei tawh em tak anih chu mawle, kan naupan lai pawhin a awm tawh reng a ni hairehai
Report this comment
June 22nd, 2011 at 6:27 am
A mawi hle mai tak a!
Report this comment
June 22nd, 2011 at 6:33 am
Bungzung khua min hriat chhuah tir, khi Bung zar khian!
Report this comment
June 22nd, 2011 at 6:55 am
bung hi chu a hrang duh hmel e.heh. 2nd pic khian naupan lai min ti ngai hle
Report this comment
June 22nd, 2011 at 7:15 am
Bung chu a van mawi em em ve…
Report this comment
June 22nd, 2011 at 7:36 am
Chawnghilh, i post tha lutuk, tiang ang beng varna lam pang hi rawn ti zel teh… Nghalo lui chu a hming atang chuan sangha awm lohna lui ni mai awm a nia.. hming hi chu han lam hian a awm ang tur hi a hriat mai zel a, ‘CHAWNGHILH’ han tih mai te hi hming ve hrim2 ni mai ang chu ka tia, a awmzia chu ka hre miah lo.?
Report this comment
June 22nd, 2011 at 7:43 am
m¡(khual)p@
kan hre hlawm rin ren asin 
Report this comment
June 22nd, 2011 at 7:55 am
Nikum fur lai khan ka kal ve a, fur lai chuan a kawng a nuam lemlo khawp mai. mahnia kal ka ni nangina ka bo miahlo. a kawng min hrilhtu khan a kawng lian ber kha zawh char2 mai rawh ati a. bo lo in ka thleng ve thlap. good post
Report this comment
June 22nd, 2011 at 7:56 am
Bung thlalak chu a va ‘cial’ kher em,a mawi lutuk tlat.Mihring lo lang khian a ti nung sarh bawk si! Thlam hmuh a nuam,mahse vaimim/thlai vel a va la te deuh ve aw.
Report this comment
June 22nd, 2011 at 8:01 am
Ka kal ve tawh..a hmunhma leh a kawng hi chei atan ka it khawp mai..a khaw mite hian an ngaihsak vaklo chu a ni..bung kawngah hian nula tlangval leng an tam thin:hunpui denchhenin..phawk an awl phian awm asin..bungzar or a hrui rwn tla thla duah ang chi kha ggatinge a awmm ve loh le aw ka ti.
Report this comment
June 22nd, 2011 at 8:51 am
Nikum khan tawite ka post tawh. Van ngaihawm em em! Khimi kawng kher kher khi chu ka bel lutuk a, mitchhing chung pawn ka thleng hrim hrim ang lolz…..
https://misual.life/2010/07/25/lianphunga-bung/
Report this comment
June 22nd, 2011 at 9:58 am
Bengvarthlak hle my… 2nd pic khi sawhthing hmun aniang…
Report this comment
June 22nd, 2011 at 10:02 am
voin chu chawl bawk a,misual ho kawm ila..
a bengvarthlak tak zet.Kan naupan laiin vawikhat chu min hruai ve tawh,camera te kha kan nei ve lo a ni chek ang chu thlalak pawh awm lo…..
mikhualpa…pu chawngchilha hming put chhan chu maw..a chawng a chuan achilh leh a…a niang
Report this comment
June 22nd, 2011 at 10:09 am
Lian hle tak mai aaa
Report this comment
June 22nd, 2011 at 10:28 am
Thlalak chuan lung a ti leng hle mai a.
Report this comment
June 22nd, 2011 at 10:28 am
A ngaihnawmin a mawi hle mai
Report this comment
June 22nd, 2011 at 10:31 am
2nd pic. chuan ka lung a va tileng tehreng em.
Zoramah haw chhoh hun hmasa berah chuan feh leh tauh tauh ila a nuam ber mai.
Report this comment
June 22nd, 2011 at 10:51 am
va mawi ve aw ! ka kal ve tawh ngei mai kei pawh…Lianphunga Bung hi ral hla deuh, tlawng ral lam atang pawhin a lang a, a nalh khawp a nia.
Report this comment
June 22nd, 2011 at 11:32 am
Lian tha tial2 ve le e.,
Report this comment
June 22nd, 2011 at 2:42 pm
a va pui bung bung ve
Report this comment
June 22nd, 2011 at 2:46 pm
a hrang em??
Report this comment
June 22nd, 2011 at 3:01 pm
Va bel bul ve meuhah chuan a chanchin ka hawn tlem ngawt mai!
Report this comment
June 22nd, 2011 at 3:34 pm
Hawn kawng, chhe chhe teuh raaaaap mai! Muallungthu chhim lam dai hnaia lei min thenfai ro huam tawh saw, ka tlan thleng hman lo chiah. Lung leh lei a rawn baw thla nawk nawk mai a. Chhim lam pan tur car pakhat pawh a tawlh kir hman hram. Kal tlang an tum ta lo zui!
Kei erawh, thlek chiang vang vangin, ka hma lam ke tlan pel thuak khawpa chakin ka vung chho. Ka thaw huai!
Chutichuan, kawng kama Green Mizoram denchhena thing phun leh a hungna lo kual mawlh mawlh kan hmu phei ta zel a. Phun chu an phun, an enkawl zui leh ngut ang emaw?
Report this comment
June 23rd, 2011 at 1:57 pm
Zero khan helai Lianphunga bung a kal hian nula a hruai(thin?).
A bengvarthlak hle mai, hetiang hmun hi awmze nei deuhin han cheibawl ila, khualzin hipna tha tak a ni mai tur.
Green Mizoram thingphun hi chu enkawl zui thin atan an tha khawp mai.
Report this comment
November 9th, 2011 at 5:24 pm
https://g.co/maps/g8zp3 hei hi Lianphunga Bung a ni em? Green Arrow, South of Sateek. World Bank kawng hrul, about 500 ft
Report this comment