Lalpa nena inpawl a, a hmangaihna lipuia lo hleuh tawh khawvel tuilianin a len bote chan khawharthlak zia hi sawiin a siak lo ve – nun zik sih chhum, hlim taka langa-khawhar em em si – mi dangte nena hlim taka leng za-mahse a nun riangvai si chu.
Thlalera Tuivalawng awm chuan eng dang a lungkham lo a chenna leh a nunna-tuipui a ngai ngawih ngawih a; sakhi ram tla sapui leh sahrangin an um chauh tawh thaw huam huam chuan a dang tihhnawn nan luite tui thiang a chak thin. Tuivalawng leh Sakhi mai mai pawn an nunna tur an hriat chuan kan thla chau tana chaw tur han hai rual kan ni ta lo.
Ni e, nun a kim lo- a kim mawlh lo; nun chep tak kara thawveng em em a Lalpa nena lo leng dun thin-zah pawh dawn lova a tul apiang lo au chhuahpui tawhte tan chuan nun zalenah hian khua a har zawk a lo ni. Khawram chhimbuk ang maia kan vah rek rekna hmunah hian A hmangaihna par tlana kan hlim lai kha kan mitthla lo thei lo va, tawng inchan lo leka kan rilrua khat liam kan phul chhuah bawrh bawrh laite kha kan nun hian a manghilh thei si lo.
Inkhawm thinte leh rawngbawltute hi han sel ve bawrh bawrh thin mah ila, kan nun chu a ro rap mai si a. Mahni inhnem chawpin kan kal a ‘Engmah an ni bik lo’ tiin. Sualna chuan tui angin min len zel a, a tirah chuan keimahni hleuh niin kan ngai a-mahse min len tih kan hriat meuh chuan a tlai zo ta. Kan ngaihsan miah loh inkhawm thinte tawrh ve loh chu kan tuar fo ta mai si-heng avang takte hian aw…ka nun hian Lalpa chu a va ngai em!! ‘Lo let leh mai teh, i ti-ho leh teh ang’ an tih laite khan tang laklawh dinhmunah kan ding tawh si a, let maina remchang a awm tawh si lo.
Mahni khum laizawlah rizai kherh chuata ka mut pawn chhungrilah cham veng veng hi a awm a-chu ngei chu ka nunin a mamawh chu a ni si. Khawharin ka chau va, zan tlaia Riakmaw sava hram nena danglamna kan neih reng pawh ka hre lo ve. Engtin nge maw mite hian lungsi taka Lalpa hi an hawisan theih le? Kei zawng ka nun hian Lalpa chu a ngai em a ni. A hmangaihna tem tawh zettu tan chuan tluksan hi a lo va na em !!
Khang hun lai zawng khan ka thiante nen engkimah kan inlungrual vek e ka ti hauh lo. Duhthawh chang leh han inpir zauh changte chu kan nei na meuh mai, amaherawhchu hmangaihna par kan tlan zaa han in umzui thui thei kan ni ngai lo. Mite dawn kaltlanga kan dawn reng kha a thahnem a, kan nun a inchawmtawn thin a nih kha le. Tunah lem chuan khang hun ngai khan lung lam ka vai ta; ka hnar khan min lo hnar ve ang em tih hi ka zawhna lian ber a ni. Kohin kir tur ni se han auh vak tak hi ka nap a, mahse a kir tawh dawn si lo, engah nge maw hlimna tlang ata lungngaihna khurah ka vah luh reng reng le? Eng hian nge min aikaiha heti taka hnawka ka tal le?
Zan hi ral se, khua lo var tur hian ka nun hi var chhuahpui se tih hi ka duhthusam a ni. Khawvel hlimna hian lungawina min hlui tel lo tih chu ka chiang tawh a, let leh tura ka nun insingsak chhung ringawt pawh hi rei ka ti. Engah nge maw chak loh tur zawk chaka ka mit ka len a, chan tawh hnu neih leh tuma ka phi buai le; Lalpa tel lo hian zawng nun hi a kim ngang lo a ni; Lalpa min siam thar leh rawh, ka nun hian a ngai em a che .
Thlaler tuivalawng ang,
Khawram chhimbuk ang hian
Ka nun hian Lalpa chu a ngai a,
Sakhi luite tui chak,
Thaw huam huam ang mai hian
Ka nun hian Lalpa chu a ngai em a ni.
Nun a kim lo I tel lo chuan
Khawngaih leh hmangaihna
I hnena awm kha,
Min neihtir leh ang che aw.
Sual vanga lungngaihna,
Ka tawh nite hian aw;
Ka nun hian Lalpa chu a ngai a.
Min hnemtu ka vai e,
Khawhar hian ka chau si;
Ka nun hian Lalpa chu a ngai em a ni.
Hmangaihna par tlan za,
Kan hlim nite zawng kha;
Ka dawn hian lung lam ka vai ruai e.
Kohkir theih chang se aw,
Auh ruai ruai ka nuam e,
Ka nun hian Lalpa chu a ngai em a ni.
Similar Posts:
- Misual a mutui thei lo
- Misual a mutui thei lo
- Robert Lalruatkima – Nitinin min kai la
- Hun Sarih Lalram Nun
- Zùn ngai lungmawla
June 26th, 2011 at 5:15 am
He hla hi ka duh thin khawp mai. Lalnunsiami’n nalh taka a sak ngaihthlak a nuam asin aw.
Report this comment
June 26th, 2011 at 5:21 am
A va tha em!
Report this comment
June 26th, 2011 at 5:40 am
Report this comment
June 26th, 2011 at 6:46 am
He hla phuahtu hi chu, mi piangthar dik tak, suala han tlu zawk tih a chiang mange. Pathian nena lengdun reng thin Lal Davida te ang, suala an han tluk khan, nuam a tiin a ti zawng chhang lo chiang teh asin.( sam 42:1 & 51:1-19) “We know that anyone born of God does not CONTINUE to SIN;”(1 John 5:18) Kan Zorama kristian Piangthar tawh inti ten, hrehawm tihna leh inthlahrunna nei miah lova, Sual tuipuia kan han cheng chhunzawm pät a, vanram kai kan in bei sei ve tho thin hi chu!! Kan ngaìhtuah awm deuh thin chu a ni. Pathian hrin tawh, amaha pathian chi awm tawh hian, sual tuipuia chen reng a, Lalpa hlata awm hi, nuam ati leh tawh ngai lo.
Report this comment
June 26th, 2011 at 7:05 am
A van tha kher em… ka mamawh tak i rawn ziah chu…ka van lawm em! Lalpa nei tawh tan sual khura kan tluk leh hian Lalpa kan van tilungngai nasa em… Lalpa min ngaidam lul rawh…
Report this comment
June 26th, 2011 at 8:57 am
Post thatak a ni..Pathian thu ril sawi duah ai chuan tuna kan nun a thleng mek sawi hian mi a ti harh zawk fo reng a ni
Report this comment
June 26th, 2011 at 9:34 am
Lal Isua’n Petera hnenah man a nih hunah chuan an zaiin an phatsan tur thu a hrilh a, mahse Petera rinna a bo loh nan a tawngtaisak thu a hrilha, [a phatsan hnua] a hawi kir leh hunah a unaute tinghet turin a chah bawka (Cf Luka 22:31-32).
Mizoramah chuan camping/crusade naah sual thu leh chhandamna thu tlemte kan sawi a, miten Isua an lo ring ta maw tihah, ‘I phatsan leh vaih chuan aw’ tiin kan han in vau zui ta thin a ni a! Lal Isua style hian ‘camping in chhuak anga, in tlu/tisual/phatsan leh dawn khawp .. mahse ani chuan a pawm tawh che u avangin amahah chuan rinna nghat tlatin hawikir leh ula, inti tichak tawn rawh u’ tiin inchah ta thin zawk ila kan thatpui zawk a rinawmin ka hre ve mai mai thin.
Report this comment
June 26th, 2011 at 10:23 am
Va tha e, Sual ah tlu thin mahila thoh leh hi ringtu te tihtur om tak a ni famkim reng kan om silo
Report this comment
June 26th, 2011 at 11:12 am
A tha ka ti hle mai, Pathian hre tawh sual man nih hi chu anamailo duh khawp mai, khua hi a har satliah lo tumah hian min hnem theilo ni ber hian a lang. Hetiang atan hian Sam 77 na kha tha ka ti.
Report this comment
June 26th, 2011 at 12:52 pm
Ngaihnawm dap dap hle mai. Chawhnu inkhawm ai kan ring mai teh ang! Live a i sermon a ni ka ngaihthlak chak ni.
‘Nun a kim lo i tello chuan’
Ka lung a ti leng!
Thu har pui pui khel ai chuan hetiang hian ka thlarau nun a chawm.
Report this comment
June 26th, 2011 at 1:01 pm
A thlarau malsawmna dawng tawh te’n an phatsan leh chuan, a khawngaihna an ngainep tihna ani dawn a, a vuaklet chu a na khawp ang.
Amaherawh chu, Lalpa chuan Thinlung kehchhia a ngaidam duh a, a hma a indah ‘Zero’ thei te hnenah englai mahin a hla ngai lo.
Report this comment
June 26th, 2011 at 1:03 pm
Heng hla thu te hi i nei mial lo maw aw? Ka va duh ve:
1.Ka lalpa hungzui tur hian channa emaw ka lo ti
2.Krista chuan baptist turin min tir si lo.
Report this comment
June 26th, 2011 at 1:49 pm
#12 a hmasa zawk khi ka nei e. Ka a pe dawn che nia .inah ka awm lo va
Report this comment
June 26th, 2011 at 2:34 pm
Thui tak kan in ang…
‘Lo let leh mai teh, i ti-ho leh teh ang’…..Rawngbawlnaah thui tak i tel tawh a nih hmel, kei aiin i kalthui….. tunah i hlat tawh hle niin a lang, kei chu ka la inkhawm…
Ringtu nun hi chu tluk leh dingawn hi a ni ve hrim hrim a. Paula’n meuh pawh a induhkhawplo a, ‘mirethei ka va ni tehlul em’ a tih ve thlawt kha.
Rau teh riai lo mah la, ngaihdam dilin tawngtai la, kohhran bel leh la…
Report this comment
June 26th, 2011 at 2:38 pm
Avan tha tehreg emm…. Ka ciar non dap mai.. Kapa ka hre chhuak a.. A nun hlui a ngaih thin zia leh a nun khohar zia hi nopangte ka nih lai poh khan ka hre thei thin.. A muhil theilo in mutdon a athli ri karh2 thin te kha trap cung in khum atrang in kalo ngythla thin.. Kan tet zual lai a pulpit a a thusoi te kha mitthla ah alang uai2 a…mahse kum8 lai kan dil a.. Lalpa hian abo hlen a phal lo.. Kum18 ka tlin kum ciah hyn lomthu soi in a kir leh a.. Lalpa ka lom e tihbak soi gyhna ka hrelo. LALPA KA LAWM E
Report this comment
June 26th, 2011 at 2:43 pm
Avan tha tehreg emm…. Ka ciar non dap mai.. Kapa ka hre chhuak a.. A nun hlui a ngaih thin zia leh a nun khohar zia hi nopangte ka nih lai poh khan ka hre thei thin.. A muhil theilo in mutdon a athli ri karh2 thin te kha trap cung in khum atrang in kalo ngythla thin.. Kan tet zual lai a pulpit a a thusoi te kha mitthla ah alang uai2 a…mahse kum8 lai kan dil a.. Lalpa hian abo hlen a phal lo.. Kum18 ka tlin kum ciah hyn lomthu soi in a kir leh a.. Lalpa ka lom e tihbak soi gyhna ka hrelo. LALPA KA LAWM E..
Nangpoh kapa dinhmun ag a i ding a nih cuan kir leh roh.. Tun a ahmel hmuh nuam zia leh a hlim toh zia hi.. A thlamuanthlak asin.. Kalo trongty pui ag ce..egmah nilo mah ila
Report this comment
June 26th, 2011 at 2:46 pm
Nangpoh kapa dinhmun ag a i ding a nih cuan kir leh roh.. Tun a ahmel hmuh nuam zia leh a hlim toh zia hi.. A thlamuanthlak asin.. Kalo trongty pui ag ce..egmah nilo mah ila
Report this comment
June 26th, 2011 at 2:55 pm
#17.ka lawm e.
Nia, min lo tawngtaipui rawh, tupawh hian kan mamawh em em a ni.
Report this comment
June 26th, 2011 at 4:27 pm
Post tupa in han fuih/hnèm liam liam mai chuh, ka nuih a za deuh tlat. A Pathian thu läk dan hrisel that zia leh a thu vuak thlak fin zia atang hian, kristian puitling leh nun hrisel tha tak nei ani tih a hriat reng a lawm. mi dangte counselling pe atan duhthusam anih hi. (In pawih fak in tih pawhin a dik tho, a faktu hi pawìh ka ni miau a).
Report this comment
June 26th, 2011 at 5:33 pm
Jesuslovesme Says:
Heng hla thu te hi i nei mial lo maw aw? Ka va duh ve:
1.Ka lalpa hungzui tur hian channa emaw ka lo ti
Vawikhat ka rilru ah he hla hi a awm nasa mai a, a hlathu ka hre kim si lo…ka sa chak bawk si. Kan misual pui Nl Riangtleii ka email a..a lo nei hlauh a ( mizo gospel songs a ni hian a nei thei a, ka dil reng mai!). I duh chuan ka lo thawn ve ang che. Mail me: pieceofmymind3@gmail.com
Sawi chhuah takah chuan kan ngaithla nghal teh ang
Pu Vakul, very good post.
Report this comment
June 26th, 2011 at 10:15 pm
BMW, thanks.
“Ka lalpa hungzui tur hian channa emaw ka lo ti” he hla hmang hian sermon ka ziak a, tuntumah hian post tur zawk em ni chu aw ka ti a. In lo duh ve hlawm hle mai, ka duh thlu ngang mai kei pawh. Next sundy pualin han post ka tum ang e.
Report this comment
June 27th, 2011 at 1:35 am
Hei chu i chanchin a nih ka ring thei lo.
Mahse a tha tho tho e. 
.Chtih laiin thlirna tlang dang atangin ka rawn thlir ve lawk ang e.
Misual ho hi chu kan awmna hmun khawi ah pawh, maltlat ngam nun, Lal Davida ang khan ro leh chau engang mah ila dingnghet ngam nun kan mamawh tho bawk e.
Chawhmeh tuihnai chi hrang hrang hmeh chauh a chaw ei lo va, chawhmeh a tuiloh em em pawh a dal leh alu leh chi chauh pawh chaw ei puar thei nun kha kan mamawh tho bawk e.
Mizote hian thlarau nun a tuihnang reng hi kan chak a, kan um a, Tuipui sen kam nun kha kan ngai thin, Lalpa erawh chuan thlaler paltlang tur in min ti thin thung si.
Rinawm kan duh a, kan dil a, Lalpa erawh chuan rinawmlohna ruam ah min hruai lut a, kan chhuah theih hun ah Lalrinawma tiin min ko chauh thin.
Hlim kan duh a, hlimna kan dil a, Lalpa erawh chuan lungngaihna ruam ah min hruai daih thung a, chuta kan la hlim theih tho chuan Lalhlimawma tiin min ko chauh thin.
Lungawi kan duh a, kan dil a, Lalpa erawh chuan phunchiarna ruam ah min hruai lut a, chuta kan la lungawi theih fo chuan Lallungawia tiin min ko chauh thin.
Ringtu nun tluantling chu kan entawn atan Israel faten Mosia leh Josua hovin thlaler ah an lo zawh chhuak tawh e. Tuipui sen kam ang thilmak leh hlimna nilovin, thilmak thleng hmasa lovin I dai ngam leh i dai chin chauh zel i ram a ni tawh ang.
Report this comment