Mi thiamten chhuan hrang hrang hi hming an lo phuah vek a, chhuan thar a lo pian apiangin rilru sukthlek leh hawiher a danglam ziah bawk a. Mahni lamah inngai upa hlei thei lo mahila kan aia nau zawk an lo thathnem viau tawh chuan min nawr upa tho tho thin a nih hi. Khawnge tawi tetein Generation hrang hrangte hi i han thlirho teh ang.
Veteran: Hranghlui, kum 1945 chin 1946 hma lam zawnga piangte sawina a ni a. Indopuiin an rilru a suksak tawhte an ni. Tunah chuan pensioner an ni deuh vek tawh a; an nun a ngel nghet a an side lamah nghet takin an tang thin. A thli beng lam lamah an thle ve mai mai ngai lo. Brig.Thenphunga duh tlattu pawh an zingah hian an tam a, an ruh tlat mai a ni.
Baby Boomer: 1946-1964 inkara piangte an ni a. Indopui a tawp a, nun a zalen a; nun inkharkhip leh ralti reng renga awm lai hun a liam tawh avangin huau huau leh Party a tam a. Hmeichhiat mipatna lamah an tlan nasa hle. Nau pawh an piang hnem nangiang e. Tleirawl chhuah han tih phat nei ho an ni tlangpui a, nu tling patling an lo nih chuan an fel ve leh viau hlawm.
Generation X: Gene X movement tia an sawi chiam kha a ni a. 1964-1979 inkara piangte an ni a. Tunlai thiamnain a thuai ve hman education tha dawng pha chinte an ni a. Mahni inring tawk, thenrual pawl nuam ti, thiam thil neih ve duh tlat- zalen duh em em, hna ngai reng thawh aia han tih kual chak ve tlat an ni a; hna pawh thawh kual tur la awm/tam hun laia piangte an ni.
Generation Y: 1980-1995 inkara piang, Nawalh bawk sen hnu leh khawnvartui pawt hnua piangte an ni. Millenium/Net generation an ti bawk em kha. Technology-in an nun a kaihruai thui em em a, dem ngawt tur lah an ni bik hek lo. Khawvel an daidar an chak a an tan nun ngheh ngaihna a awm lem lo. Nitin khawvel lehlama thil thleng an hre nghal a; mak leh style-in an rilru a luah tlat avangin chu chu an buaipui ber. Thil an hriat lam chu hre hle mahse thil awmsa hi an ning(rebellion against establishment) hle a; chhuak thar, kal dan thar, design thar leh thar hrim hrim hian an rilru a bukrit ber.
Generation Z: 1995 hnu lama piang Digital Generation an tih bawk te. Electronic leh technology chhuak thar reng reng hi thiam sain an piang emaw tih tur an ni a. Veteran leh Baby boomer-ten computer mouse an zir fe a an khawih hleih theih loh laiin anni zawng an han khawih phat hi a a dik nghal em em mai a ni. Gene Y-ho nen khian inzulna thui tak an nei a, upate inhnialna avangin thil tha ber pawh an thliar thiam tawh lo va, an ngaiha tha kha a tha ber a ni mai.
Heng generation inthlak chho rengah hian inhriatthiam tawnna tha a awm loh thin avangin Generation Gap a awm thin a; mi thiam leh fingte chuan thelh an tum hram hram thin. Tunah chuan Modern tih mai pawh kha duh tawk tawh lovin post modern/ post colonialism culture an ti deuh kher a; Gene X movement leh a hnu lam kha Coca cola culture an ti thin a; chu chu cyber culture-in a thlak a, phuah tur pawh hian a daih seng dawn em ni aw? Gene X movement slogan ‘its my life/just do it’ te kha nakinah chuan thing kan la ti leh mai lo’ng maw?
Zinga innei a, tlaia inthen culture-Red Hot-ho aia californication sa ring thrah; ‘I love you’ tih aia ‘I love the way you lie’ tih hmang duh zawk culture hrethiam ve tur hi chuan in-update ve deuh zawng a ngai a nih tak ber hi!! 20th Century kha ‘Age of Anxiety’ an tih chuan 21st century hi zawng ‘age of depression and suiside’ a ni lovang tih tunge sawi thei. Industrial stage skip-a Aggrarian stage atanga cyber society-a zuang lut hnam hi kan lo inchhuih pilh deuh pawhin tu han dem tur kan nei lo.
Ni e, hranghlui zia han put ve deuh hi chuan tunlaia kan mi thiamte thu vuakthlak han hnial ve maite hi a chakawm thin a; hrethiam tur kan nih vei nen. Englekhawle, hun danglamin generation thar pawh lo chhuak zel se, vawiina thil tharte hi lo thringin a thar dang lo chhuak leh thin pawh ni se; ideology thar leh philosophy pawmnahawm tak takten min han run thin bawk mahse, Kan rin Lal Isua kha niminah nen vawiinah nen kumkhua pawhin a pangngai fo ang a, a danglam ngai lovang.
Similar Posts:
- Youth For Christ memberte tan website thar
- Sangha Dadu vei!
- Lung ti leng..
- Mizo Idol/Icon etc ka hmuh ve dan
- Bang Rawh Se
June 29th, 2011 at 5:53 am
Veteran i sawifiah (interpret) dan khi en nawn leh a that ka ring! NOI
Report this comment
June 29th, 2011 at 6:19 am
comment 2nd e.. Kei pawh ‘hranghlui’ tih hian, mi na zawng hi hranghlui kan ni thei angem aw ka ti deuh.
Report this comment
June 29th, 2011 at 6:58 am
A tha leh pek e. Khawi lam Psychology Lehkhabu ami nge i rawn lak chhuah aw? Ka tuina lam a nia. A dik tlangpui ka ring. Mahse, kei pek hi, Gen-X zing ami ka ni nachung hian, ka thisenah hian ‘Hrang hlui (veteran) zia hi a luang tel tlat mai a, a dal hret hret chuan ka hria a, mahse, a la tak tawk ang reng viau lawi si. # Gen-z hi a dik ka ti khawp mai, ka fate ho hi an nia, Computer hi, ‘ part of their daily life’ ani tawh tlat mai a, man chak tak an ni. (Gen-y ho pawh hi an ni deuh thoin ka hria). ##Nimina Gothica thil post khan, ‘Hranghlui ka lo ni ve ta’ tih dar min khawn sak. Ti daih ila, Theology lama Gen-z hovin, Gen-y ho an han nuai tur hi an ngaihtuah awm i ti ve em?
Report this comment
June 29th, 2011 at 7:01 am
ka tho 1st e.. Heta tang chuan..
Report this comment
June 29th, 2011 at 7:08 am
I van categorize nasa ve… a dik hmelphian leh nghal…
Report this comment
June 29th, 2011 at 8:21 am
Chhiar a nuamin a bengvarthlak khawp mai.
Report this comment
June 29th, 2011 at 8:31 am
a posttupa hi an vengah ruah a sur ang a a ngaihtuahna vakrawlai a rawn post mai mai a ni ang. Tum mumal a neih pawh ka hre lo ve. A thuziahte khi a dik leh dik loh pawh prove tumin lehkhabu a rawn eih nang. Han chhiar reng reng khian a ti vel mai mai nih khi. A last line erawh a tha e.
Report this comment
June 29th, 2011 at 8:36 am
Kei pawh X generation ngat. a dik thawkhat e
Report this comment
June 29th, 2011 at 8:38 am
generation next
Report this comment
June 29th, 2011 at 8:46 am
Veteran leh Baby Boomer te khi khitiang khi ani chiah em mawni le. Han chhui chiang leh chhin teh, a aia chiang khi awm thei lo maw te ka ti mai mai
Report this comment
June 29th, 2011 at 8:57 am
Generation Y… huhu pawimawh khawp mai, nihna ah ka chiang kawk mai a
Report this comment
June 29th, 2011 at 9:03 am
a va ngaihnawm ve aw…
Report this comment
June 29th, 2011 at 9:19 am
I va then hrang thiam ve..tha lutuk..
Report this comment
June 29th, 2011 at 9:41 am
Dik hmel fu mai, khawnvartui pawt tih khi khawnvartui pawl tiin han dah phei la chu. Bengvar thlak e.
Report this comment
June 29th, 2011 at 10:08 am
Kei chu eng generation ah mah ka tel ve lo…. veteran atang generation z thleng hian ka hrethiam vek…han ti mai ila.
Pu HV, enge veteran sawifiahna ennawn a ngaihna chhan han sawi zau keuh teh?
Generation MZ-01C vel ho hi an khh chak thei khawp mai..
Report this comment
June 29th, 2011 at 10:10 am
A bengvarthlak ee
Report this comment
June 29th, 2011 at 10:10 am
correction : ‘…an khalh chak thei…’ tih tur. Kan network in edit a support ve lova….
Report this comment
June 29th, 2011 at 11:34 am
Hranghlui nih hi a lo awl a nia nge kan kawmrualah matric pass thawm hriattur a awm tawh lo em mai!
Kan hla duhzawng pawh hla hlui min tih sak zel tawh si a
Report this comment
June 29th, 2011 at 1:59 pm
Nova, Adama, Judas Iskariot-a te kha VETERAN! Kei chu Baby Boomer of the kangaroo!
Report this comment
June 29th, 2011 at 2:49 pm
Kan hranghlui ve tan ta a ni ang, kan rim thinte, min rim thintute pawh an dul a kiar tawh hlawm em mai!
Report this comment
June 29th, 2011 at 3:10 pm
“Nawalh bawk sen hnu leh khawnvartui pawt” hei te chu 90’s chho ah zawk a lom. 90’s tir pawn khawnvartui a la pawl lova nawalh kawrah pawh horse head ala lar hle.
Report this comment
June 29th, 2011 at 3:13 pm
shylo #15, WWII hnuah pawh indona chi hrang2 lo tel tawh te kha chumi indona veteran anni vek…eg: IndoChina war vet’, etc. IndoMizo war vet’ te pawh kan ti thei ang chu MNA hmasa te kha chu.
Generation Z: 1900’s – 2000’s a piang te hi Generation M, the Net Generation, emaw the Internet Generation tih niin Soviet Union tlukchhiat hnu, internet browse theih hnu sawina ani tlangpui.
Report this comment
June 29th, 2011 at 3:24 pm
https://news.yahoo.com/blogs/up.....45626.html
Report this comment
June 29th, 2011 at 3:25 pm
Late 80s chin a piang hi foreign media chuan ‘digital natives’ an ti. Hetia koh hi a tunlai an ti zawk
https://en.wikipedia.org/wiki/Digital_native
Keini upa deuh ho hi ‘digital immigrant’
A digital immigrant is an individual who was born before the existence of digital technology and adopted it to some extent later in their life.
Report this comment
June 29th, 2011 at 3:27 pm
ka nicotine gum double power thial chu….saala ka ka a puak keh lo choh
Report this comment
June 29th, 2011 at 3:42 pm
Kan venga Tennis/ Badminton player-a Veteran an classed ah chuan 45 chin an ni. Hv, bmw te chu an la veteran lo e. Life began 40 an ti bawk si a, keini chu kan la piang lo a niang!!
Report this comment
June 29th, 2011 at 4:30 pm
Veteran sawidan pawh hi in ang hlawmlo anih dawn hi!
Manchester United player Ryan Giggs,Paul Scholes te pawh veteran player an tia kum 45 em pawh an la tling bik hleinem Haha!
Report this comment
June 29th, 2011 at 5:26 pm
Eng vateran mah nih ka duh lo e. ’18 till i die’ ani zirithrawh mai a ni
Report this comment
June 29th, 2011 at 6:27 pm
A ziaktu hian a ziak tha khawp mai.
Hetianga ngaihtuahna a seng hi a lawmawm hle a ni.
Chutih rualin veteran khi “Tunah chuan pensioner an ni deuh vek tawh,” tih lai hi a bold mah mah maithei. Khing generation te khi kan hnam siamtute an niin ka hria.
Indopui hnu kum 1950 chhova de-Colonization spirit nasa tak khawvela awm mek(ram awpna ata zalenna pian lai)boruaka khawsate an ni a, hnam feeling leh nationalism pawh an nei lianin ka hria. Ram leh hnam tana an inpekna a ropui a, vawiin thlenga Mizote dinhmun thaa dahtute an ni ka ti. Pensioner tih hian eng pensioner nge tiin a zawh leh theih ang…Generation X i tih zingah khian ka awm a, min influence nasa em emtu chu Veteran i tihte khi an ni tlat. Khimite influence khi Gen X hi an nih a rinawm ve khawp mai.
Hetianga ngaihtuahna i seng hi a lawmawmin a hlawk thlak takmeuh a ni vakul
Report this comment
June 29th, 2011 at 9:18 pm
Hman ni a ka chhiar leh hriat dan nen i Generation rawn then dan khi a in ang lo deuh khawp mai a.
A khawi zawk nge maw hman tlak zawk dawn le..i Source leh ka chhiar hmasak zawk Source kha ain ang lo ani chaing mai..
A eng pawh chu nise i rawn post tha khawp mai…
Report this comment
June 29th, 2011 at 10:06 pm
Hv. Nia veteran chu i sawi dan khi a ni tih ka hre riai ruai. Mahse tunlai khawvelah hian tawng hi a in-adapt chak em a, a hunlaia an kawhtir chauh kha an lo kawhtir duh ta mang lo va; Mizotawng ngei pawh hi a ni tih phat rual a ni lo.
Veteran chu tunlai khawvelah chuan an kawhtir tum line-a rual u-ho sawi nan an hmang mai mai tawh a nih ber hi. Chu chu social analyst-te pawh hian an follow ve ber hian a lang.
Genaration ka then velah khian tumah ka according hran lo, bulfuk takin; ka suangtuahna zam vel naran mai a ni a. Khawi khawia ka chhiar tawhho cham bang a ni ber awm e.
Pkfanai i mi zawhna khi ka motive behind-a nia. lei tawt tawng fuh tum ang maiin na deuhin ka sawi fuk fuk ang tih ka hlau leh deuh va; ka zuzi kual mai mai a nih hi. A ropui ta lo khawp mai.
#21 an huam pha ve tih thu deuh a ni a, an ni vek tihna ni lo se.
#30 a thentu a zira danglam mai thei thilah ka ngai e.
Report this comment