Ruihhlo a zawrh thin avanga a awmna, Lily Veng-a tlawmngai pawl hrang hrang ten an veng chhuahsan tura an tih PC Rochharliana chuan nimin tlai thleng khan Lily Veng a la chhuah san lo.
Central YMA ruihhlo do pawl CADS ten mi pakhat hnen atangin ruihhlo chi khat, parvon spas box hnih an man a, he mi hian PC. Rochharliana hnen atanga a lei nia a sawi hnuah CADS te hian PC Rochharliana hi an man ve leh ta niin thudawnna chuan a sawi a. PC Rochharliana an man thu leh an man chhan hi CADS te hian Chaltlang ‘N’ (Lily Veng) YMA hnena an hriattir hnuah Lily Veng khawtlang hruaitute chuan June ni 30 khan an veng atanga inthiarfihlim turin PC Rochharliana chu an hriattir ta a ni.
PC Rochharliana hian an veng a chhuahsan duhloh avangin nizan hmasa khan Lily Veng-a tlawmngai pawl hrang hrang te chu kalkhawmin PC Rochharliana chu an veng chhuahsan turin an hriat-tir nawn leh a, nimin tlai thleng kha chuan PC Rochharliana hian Lily Veng hi a la chhuahsan lova, court lama a zual ko avangin Police-in an veng hrih bawk a ni.
Similar Posts:
- ‘Chengkhata’ su hlum
- Bawngkawn YMA in Camp lut turin tilui
- SRS tih tawp a ni ta
- Ruihhlo zuarte’n press leh CADS inkarah boruak chhia awm se an duh: CADS
- Kolasib Town Road siam chungchangah thil fel lo a a awm emni?
dik khawp mai
July 7th, 2011 at 11:38 am
#143 hehe: Thil hi a lehlam chauh hriat hi a finthlak ber loh tih te hi hriat ve mai mai a tha. Tatkawng veng in nam tluk i tih pawh kha Tuikhur hnar a insa lui ngat, rei fe khawtlangin an vantlang tan a tha ngai lo tia hun an pek pawh a sa lui ngat, pipu te atanga duhloh thil a ni. Silai hmehpuah khumah pawh a innei tupa in khawtlang a vau nghe nghe tak kha mawle. Vengdang VC ten NOC te an lo pe vel zui lehnghal.
Report this comment
July 9th, 2011 at 10:08 am
A chhuak tawh e. A in neitute ngei pawh in chhuak turin vawi 2 chiang fahran in an lo hrilh tawh bawk. Tin dawr an nei bawk a, a neitu te bawk in an kalh sak. Ka lawm e….
Report this comment