July ni 7, 2011 khan 6th Legislative Assembly of Mizoram Eight Session chu Assembly Hall Aizawlah neih a ni a, hemi tum hian MLA te an kal kim a, kum upa ber Brig. T Sailo pawh a kal. Session-ah hian MLA hlui phahnih Suangpuilawn bialtu H. Lalsangzuala leh H. Hrangdawla bakah Arunachal Pradesh Chief Minister, tun hnaia helicopter chesuala thi ta, Dorjee Khandu sunna hun hmangin CM leh Member ten an ui thu an sawi.
Parliamentary Affairs changtu Minister Lalsawta’n a putluh Remna leh Muanna kum 25(June 30 khan Mizorama Remna leh Muanna tum 25-na chu Kohhran huaihawtin Aizawlah lawm a ni) lawmna leh chhunglam leh pawnlam tihbuai loh nana tia Official Resolution chuan sawiho a hlawh hle a, kum 1986-a Mizorama Remna a thlen theih nana tuna Chief Minister ni lai Lal Thanhawla’n MNF president Laldenga hnena Chief Minister seat a ken chuan fak a hlawh a. Chutih rualin ZNP MLA Lalduhoma erawhin seat inken vang emaw ni lovin in share-in remna kan nei ta a ni a ti thung.
Kum 1984 kha rambuai lai a la ni a, hemi kum hian Zoramah inthlanpui neih a ni. Remna leh muanna aupuitu Congress chuan hnehna an chang a(Rorelna kan chan chuan MNF hi thuthleng kan kian ang tih an auhla an ti:author), a hun laia boruak lian tak PC chu an hneh a ni. Hnehna an chan atanga kum 2 hnu kum 1986 June thlaah Remna thuthulung ziah a ni ta a, thla ruk(6) chhung Interim Government awm a ngai a, hetah hian a hun laia Chief Minister Lal Thanhawla chuan a seat chu Laldenga kianin ani chu Dy. CM a ni ta a nih kha. Kha khan July 7 session-ah hian khel a hlawh tel hle.
Zoram Nationalist Party president Lalduhoma chuan House-ah Official Resolution sawi zauvin Remna atana inbiak a nih laiin thla ruk chhung interim sawrkar a awm a ngai dawn tih a sawi a. He thla ruk chhung inchuhna hi a nasa hle tih a sawi a, Congress kan sawrkar chuan he thlaruk chhung hi Remna a thlen theih nan kan kian ang kan ti, a ti a. Hetih hunlai hian Mizoramah Congress party president leh Member of Parliament a nih thu a sawi a.
“A tawpah chu thla ruk chu inken vang emaw ni lovin in share-in Remna kan nei ta a ni,” a ti. (Share a tih hi Dy CM atan Lal Thanhawla dah a nih leh tak tho vang anih a rinawm:author)
Khatih hun lai khan CM kha a in pe lo a ti loh thu Lalduhoma chuan a sawi a. Kha Remna atana Peace Accord kha Mizoram leh India ram Accord a nih loh thu sawiin, MNF leh India sawrkar Accord a ni a ti a, Mizo mipui a huap zo loh thu a sawi bawk.
Senior politician JH Rothuama chuan tun laiah, “Engvanga Remna leh Muanna nei thei nge kan nih tih kan hre lovang tih kan hlau,” a ti.
“He Remna leh Muanna kan neia development kan buaipui thei ta a, Remna lo buaipuitu Mizoram Congress bang thei hial khawpa nihna an lo kian thei Chief Minister kan nei hi House hian kan chawimmawi a phu a hle a ni,” a ti a. Remna leh Muanna thlenna atana Kohhran hmalaknate fakin, kha tih hun laia PC ‘B’, amah telin, MLA palite remna inbiakna a kal zel theih nan banna an lo thehluh thute a sawi bawk.
MDF MLA P.P. Thawla pawhin UT hnua sawrkarna chelh hmasa Union an nih thu sawiin, chumite tho chuan Congress tihin kum 1986-ah seat an lo kian thei chu ropui a tih thu a sawi a. MNF te an dinhmun a ngaihtuah pui thu sawiin khatia an in surrender thei ringawt pawh kha ropui a tih thu a sawi a, MDF MLA chuan PC leh ZNP tute mai pawh hi Remna leh Muanna atan kan pawimawh vek mai a ni a ti.
Resolution hian sawi a hlawh hle. Mahse tarlang vek lo mai ang.
A sawitute hian a tlangpui thuin Remna leh Muanna lo thleng ta zela chu tumah inpuhtawn lova, tumah a neitu bik awm lo, Mizo mipui ta a nih thu an sawi uar deuh zel a. Hetiang lama positive taka sawi an awm nual lai hian tute emaw kher deuh kher tum erawh an la awm ta tho bawk. Inpuhmawhna a tlem tawh viau laiin la ti lui zeuh zeuh an awm, mahse ramhruaitute an puitling hlein a hriat tawh a ni.
Similar Posts:
- Tlakpui kum – 1998 & 2008
- Serchhipah Ex-Minister Pu Tlanghmingthanga hovin Remna Ni hman a ni
- Cong. Minister hluiin MNF a zawm
- Congress leh MPC thawhho tum
- Mizoram eleksawn 2013 preview ~ Part I
A lawmawm thin e…
July 8th, 2011 at 7:01 am
thianpa post anih vangin comment ve sim2 teh ang
Report this comment
July 8th, 2011 at 7:05 am
Mizorama Remna leh Muanna a awm theih nana Pu Hawlan a Lalthutthleng Pu Denga alo kian kha chu a Political career a a thil tih fuh ve ber aniin ka hria. Lal Isua pawh khan Lei leh Van inrem lehna turin a nun a hlan a, Chatuana chawimawiin a awm dawn a ni. Sual hremna dan khauh leh khirh deuh tek tawk duang chhuak se kan va ti ve aw.
Report this comment
July 8th, 2011 at 7:08 am
in van kawmen tha duh lo hlawm ve, han kawmen sup2 teh u,
Report this comment
July 8th, 2011 at 7:23 am
Assembly session hi local Tv ah te an live thin tak na in, entu an tlem thei hle….
Report this comment
July 8th, 2011 at 7:57 am
A ngaihnawm khawp mai. Ka lo en ve ngai lemlo a. Remna leh muanna neih hi a hlu a. I vawng nung zel ang u. Tin, Pu Duhawma thusawi erawh khi chu dikna chen awm mah se ka thlawp zawng a ni hauh lo.
Report this comment
July 8th, 2011 at 8:13 am
Puitlin lam panna a nih chuan a lawmawm ah ngai i la. Tu emaw ka kher vang ni lo vin, zawhna tlem min chhan sak thei in awm mial em?
Khatia thutthleng inken/ shared a nih khan engtia rei nge a daih? Congress kha an lal leh mai em ni kha? Defection leh rigging tih vel Zoram pawlitik a a arawn lan tanna kha he remna thuthlung ziah.hnu ah em ni kha?
Sawiselna ni lo vin, thudik hriatchak vang a ni e
Report this comment
July 8th, 2011 at 10:05 am
Tih tur hriat loh thlak mai mai e. Hei ai chuan MLTP Act sut te, Corruption dona lama tha thar zuan te, thingtlang leh khawpui sum lama inthlauna nasa lutuk te, Aziawl Municipal Council thuneihna tlem lutuk te, buhfai, petrol, LPG, electric man to chho mipui tana tih ziaawm dan te sawi khawmin bill te pass ta zawk se an hun hlu tak an hman that zawk ka ring deuh.
Report this comment
July 8th, 2011 at 10:20 am
Vaiva, lal leh mai loh ten, inthlang ram ka ni miau a lawm. Kum 1984 ah cong an sawrkara, 1986 ah MNF anlo haw a, mipui thlan ni miah lovin an rawn sawrkar a, 1988 ah kan inthlang leha cong an chak leh ta a nih kha. Khamitum kha nitain ka hria Pi Hlimpuii [MNF Candidate] bawm a bo an tih tak kha? MLA inthlanah mimalin bawm an neilo tih hrereng chung khan zuawi viau hlawm a.
Pu Duhawma khi chu a tre ve mai mai a nih khi.
Report this comment
July 8th, 2011 at 11:37 am
Pu Hawla leh aho te chuan tun ah te hian Remna leh Muanna bakah Zoram siam that nan CM thutthleng Thalai fing zawk te Dikna duhtu te tan kian ngam leh se aw
Report this comment
July 8th, 2011 at 11:41 am
Keipawh tih tur hriat loh thlak ka ti deuh,an hun hlu tak paih nan chuan Pu John Rotluangliana thusawi khan mei tawite a nei
Report this comment
July 8th, 2011 at 11:52 am
6. Vaiva, ka hriatdan chuan, Pu Laldenga khan interim period thla 6 kha a hmang zova, Inthlan a han awm a, an chak a, mahse kum 2 pawh tling lovah P.Siamlianate ho kha an defect ta a, mid Term poll a han awm a Pc a sawi ang khian Pu Hawla a CM leh ta a niin ka hria.
Report this comment
July 8th, 2011 at 1:18 pm
Kha tihlaia politician tho te kha a tha/ thalo tiin kan la thlang ve laih laih chu a ni si a
Khatih lai khan pawl khat ka zir tawh em aw? ha ha
Report this comment
July 8th, 2011 at 1:20 pm
Tuina lam chi a ni leh tlat mai thai ve leh hlek ang.
Hemi chungchangah hi chuan Hawla hi a fakawm ka ti khawp mai. A lalna ken a duh lutuk kha Central lam pawn mak an ti hial a ni. An ngaih a thatloh a vangin Pu Rajiv Gandhi, PA Sangma( a hunlaia Union Minister) leh Williamson Sangma ( Meghalaya CM) te khan amah Pu Hawla tel lovin an be hial a ni. Khatia a tel lova Shillong an inbiak tum khan central hotute khan ‘lalthutthleng kian kher lova inremna zawn’ kha an lo sawimawi pui hle a nih kha. A chhan chu khami hunlai khan peace talk a kal reng a,term tawp dawnah kan ti fel mai ang an ti a ni. Mahse zoram mipuite harsatna kha a rang thei bera hlih kha a duh ve tlat.
Chuan chumi hnu leh deuhah Pu AK Anthony(a hunlaia AICC General Secretary) kha Aizawlah a lo zin leh a. Chik takin zawhna tamtak a zawt a. Vawi khat electiona chak ber nih hahthlakzia thlengin uar takin a hrilh a ni. Mahse a hmin leh thei chuang lo.
Hetiang a nih avang hian- Engmah experience neilo ramhnuai lama lo awm reng tawhin ram a kaihhruai tawp chu an ngaih a ngam lo deuh viau a. Chuan Pu Hawla chu Cntral lamin Deputy turin an ti ta a ni.
A fakawm khawp mai.
Kohhran lam- Rev DR Zairema te, Rev Dr HS Luaia Padma Shree te, ldt. hmalakna an sawi ri miah nange a posttu pa?
Report this comment
July 8th, 2011 at 3:03 pm
@Ignatia (33-115 AD): Kohhran lam hming a ri nasa, Rev Zairema te pawh, mahse an sawi rei a, dah vek hman ta lo a ni e…
Remna leh Muanna an sawi hrim hrim hi kei chuan hnam inlungrual nan pawh a tha ka lo ti ve viau asin.
Report this comment
July 8th, 2011 at 3:25 pm
Zova tha tehreng e, Tunlai thalai tha tho thut, thatchhe awm mai mai ho hian ka hel e an rawn tive khanglang ang tih hi hlauhawm tak a ni. Remna leh muanna hi a hlu a, sum a lei theih pawh a nilo.
Report this comment
July 8th, 2011 at 4:53 pm
Post tupa a that nasat chu. A remchan phawt chuan kohhran hi lo lam zel rawh se, Pathian hming a narana sawi chhen ai chuan a tha zawk. Tin, tunhnaia MPF-te pawh hi lo fak chiam sela a tha ang chu…
Baptist MLA leh minister pawh kan nei a kha…. Hmana Remna leh Muanna kan neih theihna tura thawhhlawk berte zing ami kan ni tih pawh hre reng chung siin MPF erawh kan zawm duh tlat silo. Hman kum Baptist Assembly khan duh leh duhlo kha ka inbuk ve khawp mai. Han zawm ve vat ila chuan kan inthlan dan pawh chhim lamah hian thianghlim phah leh zual ang mawle. Mahse Pathianin ala rem ti lo aniang e.
Report this comment
July 8th, 2011 at 6:04 pm
Post tha khawp mai. Remna Ni a Rev.Kapzauva(?) thusawi kha tha ka ti khawp mai. Kan inrem loh zia hi sawi leh sawi loh vanga reh chi a ni lo ‘Act Fast’ a ngai a ni.
Kohhran lian ber Baptist leh Presbyterian te COLD WAR kan neih chhung hian kan Zoramah hian CORRUPTION dopui kum pawh puang zawn ila, RUIH HLO DO KUM pawh puang thin mah ila, kan beramputen mi beram an invehtawn suau suau chhung chuan kan ram hian hma a sawn theih ka ring lo.
Rev.Sawma thusawi kha ka hnuk a ti ulh bawk. MNF-in Mizo Union tawh phawt an huatlai, mahni Mizopuite thah hreh lo leh kawktute kha vawiin thleng hian tute nge kan theihnghilh lo, mahse PHUBA kan in laksak tawn lo hi avan hlu em.
Report this comment