Gospel camping-ah hian ka lut hnem ve ta tlauh tlauh khawp mai a, El-Bethel, Youth Hostel (Thunder Team ) hunlai atang tawh khan . TMEF ho camping centre Selesih ah vel te pawh ka lo lut ve nual tawh a. A chang leh Pathian awm ka rin loh lai te ania, a chang leh drugs lo pai luh ruk avanga engmah hrelo a camp a ka lo awm ve tluan pap te kha ania. A chang leh mittui leh hnaptui nena inhlan chang te, lamtual a hacksaw uar ber ber a ka tan lai te, rawngbawltu camping-ah poh hian vawi 3 vel lai chu ka lut ve tawh bawk a. Speaker leh team hrang hrang, style hran hran nei hi ka lo tawng ve nual tawh ani. Heng camping ka luhna zawng zawng atanga tun hnu a ka ngaihtuahna a lo lian ta ber mai chu MIZO KRISTIAN te hian engatinge Kristiante hi khawvelah hian hrehawm taka awm tur anga kan in zirtir le? tih hi a ni.
Kan in zirtir chhuah tum ber thin – Khawvelah hian nawmna tak tak a awmlo a, reilo te nawm a, a hnua hrehawmna min thlentu ani leh a .. tih lampang hawi hian kan in zirtir deuh vek mai hian ka hria a . Keima ngaihdan kan share ve duh mai mai chu … Pathian hian he khawvelah hian amah ringtute tan hian hlimna leh lawmna tam tak hi min hnutchhiah ve a , e.g 1. Family 2. Friendship 3. Personal Hobby 4. Nature and Art etc.etc.
Tumah hlim reng emaw lungngai reng a awm theihloh ang bawk hian, reilote kan hlimna pawh hi Pathian hriatna nen chuan a lawmawm zual zawk mai ani. Lungngaihna pawh hi Pathian nen chuan tawrh a zia awm zawk mai bawk a ni .
Tunlai a Mizo Kristiante ina kan in zirtir tawh ber tur ni a ka hriat chu, Pathian hriatna hian khawvela kan nun engkimah hian advantage min pe a. Hlawhtlinna te, hlimna te, taimakna leh tumruhna thlengin Pathian hriat (piantharna)hian min belhchhah zawk a ni.
Thuziak mi vak ka nilo a, thiam ang tawkin ka rilru a awm ka rawn tarlang ve zawk a ni e. SUNDAY PUAL in … Thlalak dah tel tur awm se interesting in ti deuh maithei a, mahse a vang khawp mai … 
Similar Posts:
- Pathian Hnaih a tha – Sam 73:28
- Kimkimi
- Changkang lo si, nuih tiza bawk si….
- Pornography leh Kristiante
- World Cup – June 30 Inkhel tur an awm lo!
a tha khawp mai
July 17th, 2011 at 12:34 am
chhiar phawt ang.
Report this comment
July 17th, 2011 at 12:34 am
Commentators te chet a hun leh ta e.
Report this comment
July 17th, 2011 at 12:36 am
Ka ngaihtuah neuh neuh a, I ngaihdan hi adik angreng viau a ka’n hriat chu le..hehe. Achha Post
Report this comment
July 17th, 2011 at 12:37 am
Lamtual-a i hacksaw lai thlalak chu dahtel ta la, hit om ropui sia
Report this comment
July 17th, 2011 at 12:40 am
ka pawm zawng tak a ni. Kristian te chu hrehawm te, tawrhna te, lungngaihna te chauh hi kan ta a ni lo.
Hlimna leh lawmna pawh kan ta tho. Bible pawhin thalaiten kan thatlai hlimtak a kan hman theih zia min zirtir. Mahse i Siamtu hrereng rawh.
Report this comment
July 17th, 2011 at 12:40 am
Tin,
Report this comment
July 17th, 2011 at 12:41 am
han soibelh tur thra deuh ka nei lemlo a, ka lom e.
Report this comment
July 17th, 2011 at 12:48 am
Ramtea camp atangin kan chhuak, Pu Buangthanga tupa, Marin-a te nen Chanmari atangin Zarkawt biakin thleng lam leh thingthiin min han kal tir mai kha chu… a zialo khawp mai. A Farisai ka ti tiah tiah asin.
Mizo Kristian ten kan tawrh nasat lai bera ka hriat chu Vai sipai kekawrkap chhing hoin kan hmeichhia te an pawngsual a a then an rai a. Vai fa an hrin duhloh (patriotic) vanga an mahni intihlum an awm lai… khawtlang pa hoin Hindu vuak an tawrh nasat zia te, VC ang te phei chu an mahni thlan an laih tir hnua an kahhlum tak te etc. kha niin ka hria.
“Kristian tih duhdahna anilo,” in ti ngawt ange aw. An tih duhdah te kha Kristian ani a, Kristian tih duhdah ani phawt. Vaiho khan vau nan! “Nangni Kristian” tih an lam fo bawk.
OT em hairehai
DAIH MAI A
Report this comment
July 17th, 2011 at 12:54 am
HV chu va tha angreng si ve. Beisei loh lam
Tawrhna chu kan sawi thina. Tawrhna tak tak kan nei em tih erawh hi chu ngaihtuah tham tak ani.
Thuthlung thar ah Krista avanga nuam ta der der thu a inziak lo khawp mai.
Pathian thil siam te hi ngaihsan ngai chu ani. Mahse Krista min theihnghilh tir tu ah an tang leh si thin anih hi. Engkim tih chu kan tan a thiang alawm. Mahse ka that pui em? tih hi kan inzawh fo a ngai.
Report this comment
July 17th, 2011 at 12:56 am
Isua hi kan ring khawp mai a, “Ka phur pawh a zang a..” a tih miau avang khan phurrit deuh hi chu “E… hei chu Isua sawi kha a ni lo, a man a zang a ti miau si a” ka ti hmak zel.
Tak tak a, Kristian(believer) nun hi a hahthlak ka ti ve miah lo, a nuam, a zalen, a awlsam em em, kan ni halh mai a ni. Traditions, costoms, do’s and dont’s tih vel te hi chu phuahchawp a tam lutuk. Hei hi a nia, Bible hi chik ila, nih khuk lam a ni lo, zalenna vawrtawp a ni zawk. Nuam tak a ni. ‘Isua nen’ tih pawh hi thil thing, boring lam a ni lul lo, Zalenna, khawvel in a pek ve theiloh, a hriathiam ve phakloh lam a ni reng zawk si.
Discipleship erawh a dang daih, KOH leh RUAT veloh tan chuan “Don’t try this at home” tih ang hlauh.
Good post
Report this comment
July 17th, 2011 at 1:00 am
Tumah hlim reng emaw lungngai reng a awm theihloh ang bawk hian, reilote kan hlimna pawh hi Pathian hriatna nen chuan a lawmawm zual zawk mai ani. Lungngaihna pawh hi Pathian nen chuan tawrh a zia awm zawk mai bawk a ni
Report this comment
July 17th, 2011 at 1:00 am
Post tupa, i thlir dana thlir khi an awm ve teuh a lawm lungngai reng reng suh he he
, ringtute hi ka rilruin ka lo thliar hrang ve mai mai thina,ka thliarhranna chikhat chu hetiang ngaihdan awm thei atang hian a ni a: A thim zawnga thlir(entirnan,he khawvel hi a chhe lutuk, ringtute tan awmna tlak a ni lo,he khawvel hi ringtute tan chuan tawrhna mai a ni tih ngaihdan) an awma,tin chumi side lo lamah he khawvelah hian ringtute hi tuar reng turin Lalpan min dah lo, kan hmaah hian malsawmna chhiarsen loh a daha chu chu ringtu ten tun atang hian emaw nakin lawkah kan la chen dawn a ni tih ngaihdan nei an awm lehin ka lo hre thin.
Tuna i sawi ang deuh hian, heng ngaihdan pahnihte hi lakhran hlawka dik thei an ni lo ve ve in ka hria,a hmasa zawk ngaihdana thil lawmawm deuh a lo thlena mahni in ringhlel rum rum khawpa rinhlelh melha melh chu a tha kher lo ang. A hnuhnung zawk ngaihdana thil lawmawm tur hlira kan ngaih chuan thil lawmawm lo kan chunga a lo thlenin vui a awla,tluksan mai pawh a awl zual niin ka hria.
A thabera ka hriat chu kan chungah engpawh lo thlengse Pathianah lawm tuma lawm zir mai hi a ni
Report this comment
July 17th, 2011 at 1:07 am
Mizo te hi christianity avanga tuar tlem ber pawl kan ni mai thei a(hranghlui Pathian thuawih hmasa ho kha chuan an tuar viau ania, khua atanga hnawhchhuah etc etc)
Pic dah tello mah la Mizo te rilru ah chuan a chiang tawk e.
Report this comment
July 17th, 2011 at 1:10 am
Pu zoho,zawhna chhete pakhat ka nei, Isua ringtu (piangthar)zawng zawngte hi koh leh thlan chu kan ni mai lawm ni ka lo ti ve thina, kan rawngbawl dan hi a inang lo mai ani lo maw, rawngbawlin ramthimah kan kal vek thei loa, kan inpekna chin leh koh kan nihna chin pawh a inang lo mai ni in ka lo hre thin. Helaiah hian i sawi hrang deuh thinin ka hriaa? @10 lat para
Report this comment
July 17th, 2011 at 1:12 am
Zoho: Kan ngaihdan nen ava in ang em… Isua ka hriatchian hnu hian engmah hi hreawmnaah ka ruat lo. Ka last decision chu Isua a ni zel mai. A nuam a ni. Mi hian a CHENG hi an man lo mai mai alawm. Nun hi Krista a ni a, thih pawh hlawkna tho. Mi hian Isuaa ka in nghat lutuk hi ka ngaihsam niawmin an sawi thin a mahse a ni lo. Ka rinah hian ka CHIANG a ni. Isua zui hi channa a ni love.
Good Post. Very Touching!
Report this comment
July 17th, 2011 at 1:20 am
Pathian rinna hi tawrhna lam ani lo a Hlimna sualchhuah tur zawk anih avangin tawrhna hi Hlimnaa convert turin kan zir zawk tur a nia. Lawmman tello mesage engmah a awmlo kan Bible hian a sawi lo, tawrhna hlang anga kan zir hi a fuh chiahlo thin alawm.
“Tu pawhin mi zui a duh chuan mahni Kross pu in hrehawm pawisalo in mi zui rawhse” a ti a, hrehawm hi pawisa lo turin kan zui tur a ni zawk reng a ni.
Pathian hian kan hlim tluka hmuh nuam tih a neilo ang, “Lalpa ah chuan lawm fo rawh u, ka ti leh pek thin ang lawm rawh u..” tih a nih kha. Hlimna hi sual chiahpiah lam thil anihloh phawt chuan a tluk a awm hleinem…Hlim thiam ila chu Bible thu tamtak hi zir ngai lo tluk a nia, tuar ta viaua kan in ngaihna ahte hian alawm Hlim min zirtir a tum ber chu.
Report this comment
July 17th, 2011 at 1:25 am
I thuziak ami hi lo qoute ta ila, hetiangin – ‘Tunlai a Mizo Kristiante ina kan in zirtir tawh ber tur ni a ka hriat chu, Pathian hriatna hian khawvela kan nun engkimah hian advantage min pe a. Hlawhtlinna te, hlimna te, taimakna leh tumruhna thlengin Pathian hriat (piantharna)hian min belhchhah zawk a ni’.
He para hi Isua ka zui tran na chhan leh ka zui dan a ni. Khawvela mi vannei leh hlimtheite ka en hian Pathian hre tak tak an lo ni zel mai a. A bik takin Mizo societyah hian a relevant leh zual. Sanna leh mi dang tana ka tangkai duh lutukna avang hian Pathian ka mamawh nia ka hriat avangin a rawng hi ka bawl thin. Mahse chu chu a bul tan nan chuan a tha viau. Mahse a tawp ala ni lo tih hriat a tulin ka hria. Pathianin min hmangaihna avanga hmangaih let ve hi a dik ber e.
Daniela’n meipui ata min chhanchhuak dawn lo mah se….a tih ang te, Habakuk leh Joba te, tin Paula’n thih pawh hlawkna a tih theih ang te kha va pawh phak a tul thin.
Ka duhtawk rih dawn ang e. Sunday hman nuam vek ule!
Report this comment
July 17th, 2011 at 1:43 am
Pathian hian amah mamawh tu kan nih hi a duh ber avangin min ti hrehawma, chuveleh amah kan mamawhna au thawm chu a hriat chak leh thawh a chak ber anih avangin hrehawmna hi a hmanga, Hlim taka kan awma kan mamawh zui takloh thinna hi a duhloh vang a ni. Hlimna ngawr ngawr hi a duhlo a niloa mamawhlo ni a kan inhriatna tak hi a duhloh chu a ni. A telloa kan awm theihloh zia min hriattir hi a tum thin em a, hrehawmna hi a hmang thin alawm. Hrehawmna hi a purpose chu ani miahlo, Amah mamawh leh a telloa nung theilo kan ni tih kan hriat reng hi a Goal zawk ania. Amah hre chunga kan hlim theih te chuan tih hrehawm kan ngai hleinem.
Lal Davida ka fakna em em chu, a beram ven lai leh lal a nih hnu thleng pawha Pathian a mamawh dan te, a tih dan te, chapo phah miahloa nihna pawhin a ti danglam lo kha a ni…Pathian pawhin Davida ang lal kha chu a duh ve thlawt a nih kha.
Report this comment
July 17th, 2011 at 1:48 am
Kan camp lut ve kha chu..kan thianpa khan counsellor bulah “A nih leh ka pu, Pathian khan setana kha a hneh tho si a.. Ngatinge min thlem thei lo tura a siam law law mai loh??” an ti mai chu(h)! Counsellor kha a hawi lawl lawl mai mawle..
Report this comment
July 17th, 2011 at 1:51 am
misuala@14 – post thar tur ka lo va ziak daih a,…. i zawhna chhang fiah tur chuan tih fe a ngai ang. A bul thum atanga hriatloh phei chuan pawm a har lutuk tlat.
A khuh hawnnan hei hi ka post tawh a, i chhiar tawh em aw…
https://misual.life/2011/06/.....-chi-hnih/
Report this comment
July 17th, 2011 at 1:51 am
Mihring te hi awt,it,chak, duh ve kan nih thin a vangin ringtu ten kan tawrh a tul thin Nitin ei zawnna ah ei ruk ve duh loh a vangin ui chung chunga hnawl a ngai. Ui na nun kan neih tak kha kan tan tawrhna a ni. Kan nitin nun ah Isua a vanga mi te tih ang tih ve theih loh tur a tam lutuk.. Englai pawh a thil sual in a hip theih loh khawpa thlarau mi ka la hre ve lo. Pathiana lawmna tam ber pawh hi amah a vanga tuar huam te nun a lo thleng a tam ber in ka hria..
Report this comment
July 17th, 2011 at 2:13 am
Keimah@19-I thianpa zawhna chu kan chhang nasa tawh asin, hetah hian, tu tu te emaw nen a comment a kan inchai falna hrang hrang ah.
Bush an Saddam Hussain a thah lawk lohna chhan kha a awm,a thah mai chuan Iraghi zz in hero ah an ngai dawn a, US leh Irag inkar chu engtik ah mah a fuh lehtawh ngailo ang.
Justice ah chuan misual hi a sualzia proof a nih hma chuan hrem a thianglo, claim a nei ve anih phei chuan fulfill sak loh chuan HELNA dang a chhuak leh thei. Pathian in sual a huat em em zia, a zung nen a phoro lam biahthudi te pawh a ni zawk e.
Report this comment
July 17th, 2011 at 2:19 am
critic, chutia i tih ngawt, Buddhist puithiam manastary a awm ho hi an sang asin,desire chu an control thei khawp mai. awhna, itna, chakna thunun tawh hi kristian ah pawh, tianlo ah pawh an tam thei khawp ang.
Sex drive ah phei chuan Mizo mipa te hi kan lo normal lo tawp, kan lo extreme nget nget em alawm mawle.
Ni ve miahlo thian ka tawng nual tawh. Sawi thui duh miah lo.
Report this comment
July 17th, 2011 at 2:33 am
post ṭha hle mai..
Report this comment
July 17th, 2011 at 2:37 am
Pu. Zoho, i sawi dik chiah. Mihring hian pawn lam a lang thei ah chuan in sum theihna chu a nei a lawm. I sawi Bhuddish lo ah pawh pharisai ah pawh “kun reng pharisai” te pawh an awm an tia lawm. An mit hmuh thil in a hruai sual loh nan te pawh an ti a ni mahna! mahse Bible chuan, ” Taksa tih hrehawm chu tha viau in lang mahse tisa chakna a hneh thei si lo” a ti. Paula sawi a ni ta in ka hria. Ngaihtuahna sual te, thikna leh duhamna kan neih ringawt te pawh hi Pathian thianghlim lak a tang chuan a tenawm a sin. Missionary, Pastor leh rawng bawltu tam tak te hi an fihlim hauh lo. For Eg. Pu. Zoho, Davida ang khan Uria nupui in bual hmu ta la i thisen a lum pap lo maw.. ha.ha..
chung chu lawm tawrhna nen a tlan san ngai ka tih ni. Gud night.
Report this comment
July 17th, 2011 at 3:31 am
A awmzia ber chu maw he kan khawvel hi chu corridor zau pui ang mai ani a,tah chuan i duh tawkin i leng vel thei a.Mahse thlarau khawvel thihna awm tawh lohna ah chuan he khawvela corridora i awm/cham laia i thil tha tih azirin an buk dawn si che a.Chumi new world khawvel lola awmtura i nawmsak reng zawk theih nan chuan he khawvela i cham chhungin nangmah nawmsakna ringawt nilovin pathian duhzawnga angin i nun angai zawk ani.Hrehawmna lama inzirtir khi chu adik lemlo..
Lalpa Pathian chuan a dan leh thu pekte hi mihringte ahmangaih taka asiamte tana harstana tana apek ani lovin an zawm theih leh an zawm tura tana apek ani a.Mahse mitinte kawng engkimah kan dinhmun a inchen loh vangin thenkhat tan aharsa thin a,mahse engkimah lalpa pathian rin chhan chunga a rawng kan bawl chuan kan hlawh tling dawn ani.
Report this comment
July 17th, 2011 at 3:36 am
Vanram ka hmang ta lo mai a.Vanram tih poh hian vanram hi..”Shamayim”an tia hebrew chuan chi sarih ngawt a awm a.Shama mayim;;tui awmna sawtah tihnan pawh a hman theih a awmzia zawk chu tui leh bible(Torah) chu tehkhin anih ang in.Nunna hnar an nih ve ve na ang in.vanram chhawng li na hi mizo ten a kan hriat larve ber vanram kan tih ber zawk ahi ani e..
Report this comment
July 17th, 2011 at 5:16 am
@I4 Ka ngaihdan…
Report this comment
July 17th, 2011 at 8:08 am
Kristian nih avanga hrehawm taka khawvela awm tum ngawt hi a fuh lova, piangthar nih avanga thawpik tak leh inphah hnuai ruai reng chunga nitin hun hman pawh hi a tul berin ka hre lo. Hei hi chu kan khualzinna ram, khawvel ani miau si a. Kristian pawh, kristian lo pawh, piangthar pawh, piangthar lo pawh, he khawvela kan cham chhung chuan kan nun khawchhuah nan te, kan tu kan fate avang tein theih tawp chhuaha survive kan tum hram hram a ngai. Kohhran rawngbawltu anih vang te, Kohhran hnuaia thawk anih vang tea biang lehlama ben chawrh pawha nui vur vur tura kan ngai tlat anih chuan kan ngaihdan a diklo hle ang. Mihring vek, mamawh nei vek kan ni si a.
Report this comment
July 17th, 2011 at 10:42 am
Lalpaah chuan lawm fo rawh u …….a tih kha.
Ringtu chu a rin-a A ropui em avangin a hlim thin, a zalen thin ” Lalpa Thlarau awmna apiangah chuan zalenna a awm thin” (2 Ko 17). Pathianin zalenna min pe a, zalenna chu atha zawng, a hlimawm zawng, a thianghlim zawng in kan hmang thiam tur a ni.
Eiruk tur awm ta se…eiru ta ila, kha ka eirukna khan zalenlohna leh hlauh thawnna min siam a nga, a ruk a nun hlim lohna min siam thei a ni.
Eiru ta lo ila..ka awhzawng ka lei theihloh phah ngei ang a.. mahse, hlimna, zalenna, hlauthawn tur engmah nei lovin min siam ang…….Chu chu Kristian nun a ni.
Buhfai leina tur sum mamawh em em lai a, Pa berin a eiruk duhtlat lo chuan, chaw an nghei phah thei, chhungkua a damlo tan damdawi leina an neih loh avangin thihna (hial a thleng thei) chu chu tuarna chikhat a ni thei.
“Thilsual tih avanga tuar ai chuan, Pathian remtih zawnga a nih chuan thil tha tih vanga tuar hi a tha zawk si a.” 1 Pe. 3:17
Report this comment
July 17th, 2011 at 10:44 am
Lalpaah chuan lawm fo rawh u …….a tih kha. Chhandamna hi hlim taka enjoy ve tur kan ni….tum bur, in lak mi tak vak leh in tih thutak vak hi ‘a old model’ deuh.
Ringtu chu a rin-a A ropui em avangin a hlim thin, a zalen thin ” Lalpa Thlarau awmna apiangah chuan zalenna a awm thin” (2 Ko 17). Pathianin zalenna min pe a, zalenna chu atha zawng, a hlimawm zawng, a thianghlim zawng in kan hmang thiam tur a ni.
Eiruk tur awm ta se…eiru ta ila, kha ka eirukna khan zalenlohna leh hlauh thawnna min siam a nga, a ruk a nun hlim lohna min siam thei a ni.
Eiru ta lo ila..ka awhzawng ka lei theihloh phah ngei ang a.. mahse, hlimna, zalenna, hlauthawn tur engmah nei lovin min siam ang…….Chu chu Kristian nun a ni.
Buhfai leina tur sum mamawh em em lai a, Pa berin a eiruk duhtlat lo chuan, chaw an nghei phah thei, chhungkua a damlo tan damdawi leina an neih loh avangin thihna (hial a thleng thei) chu chu tuarna chikhat a ni thei.
“Thilsual tih avanga tuar ai chuan, Pathian remtih zawnga a nih chuan thil tha tih vanga tuar hi a tha zawk si a.” 1 Pe. 3:17
Report this comment
July 17th, 2011 at 12:10 pm
LAL ISUAL NEN ENGKIM A ROPUI… He khawvelah hian hrehawmna leh phurrit kan tih te hi Isua nen chuan a zang asin. Amah ringtute, Amah nena lengdun thin tan chuan e..he lei hi vanram a chang thin.. Amen..
He post hi a tha lutuk
Report this comment
July 17th, 2011 at 12:29 pm
LAL ISUAL @above
Report this comment
July 17th, 2011 at 1:07 pm
Phone atanga komen ka tum rei lutuk a,ka theihnghilh hman vek:-) engpawhnise Pathian thlarau awmna apiangah zalenna a awm thin tih hi a varpawh tan lo chuan sawi chiam a fiah theih pawh a ni lo!
Report this comment
July 17th, 2011 at 2:38 pm
Kristian te chuan Pathian kal tlangin optimism leh positive attitude kan nei a…chu chu eng dinhmun ah pawh lunglawi theih zelna a nia. Khawvel thil kan la thlakhleh ruk deuh chhung chuan kristianna chu tawrhna a ni teh meuh mai. The trick is to surrender ourselves completely to God..chuan tawrhna a ni lo mai
Report this comment
July 17th, 2011 at 3:48 pm
ziak tha e. Me liké3
Report this comment
July 17th, 2011 at 7:32 pm
Ka pianthar hma a concert a ka lam thin ai khan ka pianthar hnu a concert a ka lam hian ka zalen tawh zawk a, nuam ka ti tawh zawk.
Ka pianthar hma a zu ka in thin ai khan ka pianthar hnu a zu ka in hian in dan ka thiam tawh zawk a, nuam ka ti zawk.
Ka pianthar hma a mi min sawiselna thil ho te te a ka thinrimna leh in sual ka cho at na thin ang kha, ka pianthar hnu hi chuan ka nuihpui mai mai thei tawh.
Ka pianthar hma aiin ka pianthar hnuin ka tum a sang zawka, ka taima zawk bawk.
Lal Isua hnung ka zuina kawnga harsa ka tih chhun chu Kohhran programme tam lutuk a tel kim tur a min phut tlat hi a ni deuh mai.
Post tupa, Mizo kristian tumbur khawpa Pathian thu awih te nen hian kan biak Pathian hi a thuhmun lo em ni ang aw ka ti fiamthu tihtak fo thin.
Report this comment
July 17th, 2011 at 10:25 pm
Mizo Kristiante inzirtir awm tawk vel a ni. Inthlahtu bul Evi leh Adama bawhchhiat rah intel te pawh a ni mahna. He khawvel hi ka khualzinna ram te inti thul, He khawvel hi Pathianin duh taka a siam, malsawmna ram,kan nu a ni a, duat tak leh hmangaih taka enkawl hi Khuanu laka kan chanvo a ni.
Report this comment
July 17th, 2011 at 10:30 pm
Report this comment
July 17th, 2011 at 10:47 pm
hahahaaaaaa, Hnam Sakhua a lo lang leh taaaa,,lo lut leh nget2 mai roh lemmm,i va han bo rei thei tak emmmm, kan lo ngai hle che asin HS
Report this comment
July 17th, 2011 at 10:50 pm
Misual ah a langlo rei (bo) nge pathian thu ah a bo rei … akekeke
Report this comment
July 17th, 2011 at 11:09 pm
#41, a double in
Report this comment