Tun lai chu eng kan ti nge misual ril tak tak post chhiar tur a vang thei riau mai a, post hlui kan chhiar nawn tluk tluk zel mai a nih hi. College chawlh lai te a ni bawk a, post chhiar tur a tlem lai hian ka’n post ve mai mai teh ang miril ho in che tha duh lo em mai!
Mizo zawng zawng inpumkhat a, lungrual tlang dial dial a awm ho hi Zohnahtlak hrang hrang te duhthusam anih vek ka ring a, mahse tun dinhmun ah hi chuan kan la inlungrual/pumkhat lo hle tih pawh kan hre vek. Kan inlungrual theih lohna chhan chi hrang hrang tam tak a awm thei ang a, chung zinga a langsar leh pawimawh ka tih ber ‘TAWNG’ chungchang hi thiam lo chung chuanga sawi ve ka chak tlat! Ka mimal ngaihdan ka sawi anga in ngaihdan in sawi ve dawn nia…..
A hmasa berah ka hriatthiam ve dan chuan ‘Mizo Tawng’ kan tih hi tuna mizorama kan tawng hman tlanglawn ber, MBSE pawhin a Mizo Zirlai Bu ziah nana a hman, Duhlian tawng hi, hei ngei hi Mizo tawng chu a ni. Entirnan, paite hla hi mizo hla ani ti ngawt ila pawm lo kan tam viau ang, duhlian hla hi chu mizo hla kan ti thei vek thung si ang. Chutih laiin Mizo hla pawh Paite hla tho a ni, Paite Mizo an nih avangin. Ka sawi tum tak zawk a chu Mizo te zinga a tawng lian ber (Duhlian) hi Mizo tawngah pawm nghet bur ila tih hi ani(tawng dang pawh Mizo tawng ve tho alawm ti ti lo hian).
Zohnahthlak hnam hrang hrang te hian tun anga tawng chi hrang hrang, kan hnambil tawng theuh kan hman tlat chhung chu eng tik mah kan in hmu unau thei lovang. PUC ka kal ve zawk lai khan kan class ah khan Mizo tawng thiam reng si, mahse Mizo tawnga tawng tha duh miah lo kha an awm a, khang kha chu en unau tum mah ila a harsa deuh hlek thin, an tawng khan an in be zet zet a, kan hrethiam ve mang si lova! Mizo tawng thiam lo nise chu ka hrethiam lutuk, mahse kha tiang ang chi kha chu ngeiawm lamah an kal tlat. Awm khawm deuh a an tawnga an inbiaka an han nuih deuh tet tet te kha chuan ngaih a lo tha lo hman thin a, min nuih emaw intih a awl thin!
Tun ah hian Mizorama Duhlian tawng hmang (Lusei, Hmar, Paite, Fanai, etc) te hi chu kan inti Mizo em em a, a chhan pakhat chiah a awm a, chu chu tawng khat kan hman vang ani. Hmar ah pawh hmar tawng hmang chuan tlemin a Hmar pui, Duhlian tawng hmang aiin a in ti Mizo lo bik thin. Mami Varte hi han zawt ula “Mami, Hmar i ni em?” tiin, a ni chuan “Aw ni e” a lo ti var anga, “Mizo i ni em?” ti leh ula, a ni chaun nuihza deuhin “haha, i ho muah2 em mai a, Mizo dik tak ka nih hi!” a lo ti mai ang. A nih leh, Varte hnam ve tho, Hmar tawng hmang kha Mami Varte zawhna in zawh ngai chiah kha zawt leh ula ani chuan Hmar anih a hria anga mahse Mizo anih a hre ve lo maithei. Hnam khat theuh theuh pawh tawng a hrang chuan kan in en unau tak tak thei lo a nih hi.
Thenkhat chuan tawng hrang hrang hmang tho si hian in en unau a theih tho lawm ni ti kan awm ang a, tuna kan dinhmun en hi chuan kan thei lo chu a nih hi, zep lovah chuan! Nakinah pawh kan theih ka ring chuang lo. Naga ho hian tawng hrang hrang hmang chung hian ‘Naga’ chu an in ti vek a, mahse tawng khat hmang leh hmang lo hi chu an in ti unau thei bik chuang lo reng reng. Hmelthar an hmuh pawhin eng tribe nge a nih an zawt hmasa ber ziah. Keini Zohnahtlak hnam hrang hrang te pawh hian Mizo ka ni chu ti vek mah ila tawng hrang hmang hi chu tlem chuan kan in en dan a dang thin.
Duhlian tawng hmang ve lo te pawh hian Duhlian tawng hi thiam vek tum ila. Thenkhat chuan Duhlian tawng hman hi tlawmah an la nge ni ka hre law, an hmang hreh tlat zel. Duhlian tawng hi Lusei te tan chauh a hman tur ni a ngai ho hian kan ngaihdan hi kan thlak a hun ta e. Mizo te hian inpumkhat nan tawng khat kan hman a tul a, Duhlian tawng pawh hi tawng dang tam tak awm mahse Mizo zawng zawng ten kan hre kim tawk lo thin a, chu vangin Duhlian tawng hi a hmang kan tam ber a, a hmang ve lo te pawhin rawn hmang ve zel rawh u tiin ka sawm a che u.
Similar Posts:
- Mahni hnam tawng thiamloh a zahthlak
- Tute hi nge Mizo? Mizotawng hi enge?
- Hmar hi Mizo hnam ani em?
- Mizo hnahthlak inunau nan Mizo tawng
- “Hnam Khat” kan ni
July 17th, 2011 at 7:06 pm
ni thei tho mai, pawmtu a zir dan ni ang chu, Isua pawh messiah nilo ti a, pawm tu an awm ang tho hian
Report this comment
July 17th, 2011 at 7:06 pm
“Zohnahtlak” in tih fo zinga inpumkhatna daltu chu tawng (language) anih chuan MIZO zinga inzawmkhawmna daltu chu eirukna, hausa leh rethei inthlauhna, khawpui leh thingtlang inkar zau, sorkar hnathawk leh thawk ve lo inkar te anni.
Report this comment
July 17th, 2011 at 7:06 pm
Comment tam duh chi..
Report this comment
July 17th, 2011 at 7:14 pm
a that ka ring
Report this comment
July 17th, 2011 at 7:16 pm
POST THA
Report this comment
July 17th, 2011 at 7:22 pm
Hetah hian enge zawm tur ni ang le, hetiang ah hi chuan China ho policy hi a tha ber mai kum 200BC vel daih tawh ah khan an lal Qin Shihuang chuan an ram kalphung a rawn zawmkhawm a, tawng hrang hrang hmang thin khan tawng pakhat lo nei in a hnu zel ah pawh hnam lian tak anlo ni ta zel ani. Tunhma chuan chinese hi hnam khat tawng chu ani ngei ang, mahse rampum in an hmang a, Chinese ho tawng alo ni mai ani. He tawng hi Zofate inpumkhatna atan a min pek ani tih hi hre chiang ila a tha hle ani.
Report this comment
July 17th, 2011 at 7:24 pm
keini saklam ho tan suan ‘aal’ hi lam a hal emmmm lommmm …
Report this comment
July 17th, 2011 at 7:25 pm
keh chu post tupa ka thlawp e. Hnial chak tak2 an tam ang a.
Report this comment
July 17th, 2011 at 7:36 pm
B. lalthangliana (Mizo tawng peng hrang hrang) lehkhabu ziah ka chhiar mek hi chhiar ve theuh ula ka duh ngawt mai. Tlemazawng kan thailang zeuh ange: –
“Thumal 1690 tehkhinna ah Lusei leh Ralte 87.21 %, Lusei leh Hmar 71.59 %, Lusei leh Lai 65.73 %, leh Lusei leh Paite 37.10 % a inang anih chu“
Report this comment
July 17th, 2011 at 8:11 pm
Duhlian tawng hi innghah nan a hmangin MIZO tawng a insiam mek, ti ila a fuh berin ka ring. Tuna Mizo tawng kan han tih bik ‘Duhlian’ tawng hi a fir tawh hauh lo. Tin khawthlang lam lah khawchhak lam, chhim leh hmar a kan Duhlian tawng hman hi inang lo tam tak a awm. Mizo tawng hi kan duh emaw duh lo emaw a insiam mek a, hmang duh lo bik kan la awm dawn lo, tu tawng bik mah a nih dawn loh avangin.
Report this comment
July 17th, 2011 at 8:14 pm
4th para khi ka helh tlat. “Mizo tawng thiam reng si, mahse Mizo tawnga tawng tha duh miah lo kha an awm a…” tih te, “An tawng khan an in be zet zet a, kan hrethiam ve mang si lova…” tih te khi an tawng i hriat loh vang mai a ni.
chhangte_ll sawi ang khian Lusei, Hmar, Lai leh Paite tawng hi inang a tam lutuk. Thla 1 zir la, i hrethiam thuak ang. “Nangni ho kha Mizo tawng hmang vek r’u” tih ai chuan an tawng kha hriat tum zawk ila, min rel thei lo a. An tawng tlem kan thiam chuan kan inkawmngeih ve mai.
Report this comment
July 17th, 2011 at 8:20 pm
Ka mawl â leh pek. “Duhlian” kan tih tak hi enge kha…? Lusei/lushai nen enge a inlaichin dan kha…? Juda ten ‘Jentail’ an tih ang deuh kha a ni mial lo maw?
Report this comment
July 17th, 2011 at 8:35 pm
10# i ngaihdan khi a dik ka ti khawp mai, kum 100 liam ta a kum 50 a upa luseipa thi ta kha lo tho leh ta se, tun a kan tawng hman lusei tawng kan tihah hian hriat thiam loh a ngah tawh viau ang. Tuna a lan danah hi chuan zo hnahthlak tu te pawh hian mizotawng hi kan awki leh tawng hmang ang zelin kan siam belh zel a nih hi maw. Nia post tupa, i ti dik tawng hi a pawimawh lutuk, babel insang satu te pawh kha hnamkhat an ni, mahse an tawng a dan tlat chuan ti kha a ni mai.
Report this comment
July 17th, 2011 at 8:37 pm
A thuhrimin Mizo tih hian engchen nge a huam le. 1930s velah kha chuan Mizo tih hi ala lar lo hle ni awm in a hriate chuan an sawi thin ani. Lushai hills tih ani thin tuna mizoram pawh hi. Mizo tih tawngkam lo lang hmasakna ber chu Th Lewin an Dzo a tih atang hian ani awm e. Hun alo kal zel a, Pu Zosapthara hian MI tih rawn belh in MIZO ti ta niin a lang bawk. Chuvangin Mizo kan tih hi chuan zohnahthlak ho zawng zawng a huap in ka hria. Tawngthu ah erawh chuan kan inthurual tlan theih leh kan inhriatpawh tlan theihna hi a tha ber niin ka hria
Report this comment
July 17th, 2011 at 8:42 pm
Report this comment
July 17th, 2011 at 9:01 pm
@ZerO: 1st para hi ka ngaih ve dan a ni…Rilru tet vang leh thikthu chhiat vang mai2 a ni.Zohnahthlak tawng zingah eng tawng pawh 50% tal chu a hriatthiam theih. An sawi tum chu i hre thei deuh vek ang. Chipeng in ang ni si, mahni chipeng tawng thiam bawk si, mahse inbiak na a hmang zak leh si ho hi kei chuan ka ten. Mahni nih na zah pui ah ka ngai ve tlai. Mahni neih phak bak a inchei ang tlukah ka ngai. Mahse, titi hona ah erawh chuan mizo (Duhlian) tawng ani emaw, english ani emaw…kan vai a kan hriat thiam theih tur kan hmang tur a ni.
Tu emaw duhlian tawng hman loh vang a mizo ni lo ang lek2 a sawi2 hian inpumkhatna tur a dal zawk in ka hria. Duhlain tawng hman theuh tur, tih sawi2 lo hian kan literature ramri hi ti zau ila, mizo chipeng hrang2 tawng te hi seng lut ila. Mizo tawng hmang rawh u, ti a innawr2 a ngai lo in tawng dang chu zawi2 in a ral mai ang.
Report this comment
July 17th, 2011 at 9:04 pm
Tawng hian min t unau ngei mei, Mizo tawng (Duhlian) a kaupeng heng Hmar, Paite, Lai tawng, etc. Pwh thiam tum vek ang.
Report this comment
July 17th, 2011 at 9:04 pm
Kei chu ka phal zau ang reng, Mizo zawng zawng huap Mizo tawng a la pianglo ka ti deuh tlat. Duhlian, laizo, dapzar, hmar,ralte adt adt in chawhpawlh chho zel se, thinlung taka kan pawm vek hun ah hei le Mizo tawng ti ta ila, chutiang zawng chuan inher hret hret phal vek ila, te ka ti….. a theih a nia, kan chapo vang hian kan buai mai mai a ni…. la sawi belh atan duhtawk phawt.
Report this comment
July 17th, 2011 at 9:10 pm
#11
Report this comment
July 17th, 2011 at 9:11 pm
Hun a ral zel ang a, Mizo (Duhlian) tawng ni lote hi chu an rem mai ang. Hei hi khawlvel in her dan, tawng tenau lo ral tial tial dan ani.
Report this comment
July 17th, 2011 at 9:18 pm
#17..A kau peng i tih tak khi han sawi chiang deuh la.
Report this comment
July 17th, 2011 at 9:18 pm
Nia in lo kawmen liam liam a lawmawm e, ka ngaihdan hi in ngaihdan a ni ve kher lo tih a chiang reng….
Report this comment
July 17th, 2011 at 9:23 pm
Tawngah hian kan rilru (A bik takin mizo chipeng duhlian/lusei tawng hmang ho)kan tih zau a ngai khawp mai. Duhlian tawng hmang lo ho bulah kan thikthu kan tihchhiat viau chuan kan inpumkhatna a ti chhe thei tih kan hriat a tha. ‘R’ lam thiam loh vanga, ‘Burmami’ kan ti mai thin te leh, nuihza siam nan a kan hmang thin te hian mi rilruah inhuatna a tuh a ni tih kan hre reng tur a ni.
Report this comment
July 17th, 2011 at 11:04 pm
@CHEMTATRAWT, heihi ka ngaihdan chiah, i hriat reng, mawl min tih em em na kha a nih hi. I hmu em ang chu maw?!!
Report this comment
July 17th, 2011 at 11:55 pm
Mizo vek kan ni e….tihah hian lungawi tlang ila tha ber lo maw….Paihte ngan tak,hmar ngan tak te hi ka thian kawm ngeihte ber an ni thina fiam nat fe pawh hian an thinrim chuanglo…kei pawh min fiam natfe pawn chti tho…a chhan chu Mizo kan nihnaah kan lungawi mai….Chumi khami thlah…chuta tanga lo chhuak kan ni bal e lam kha anilo.Tun lai thangthar zual ho hian hriat zau nan an rawn chu e kha e mai mai niin ka hria…..post tha khawp mai.
Report this comment
July 18th, 2011 at 10:12 am
#16 utupi,zohnahthlak tawng zingah eng tawng pawh50% tal chu a hriat thiam theih,iti lutuk lo maw?
Post tha e
Report this comment
July 18th, 2011 at 10:35 am
Post tupa thahnem ngaihna a fak awm e. Chutìh laiin, comment 10.Papara, 11.Zero, 16 &23 Utupi, 18.Zoho, 25 Fanai metal te comments ka thlawp zän e. 7.troxx comment ang khi Mizo hnahthlakte inpumkhat na tur atan a, thil mamawh loh ber chi a ni.
Report this comment