Pathian chuan leilung luah a chengho tur a a ruat hringfate, thlahkhat ni a hun rei tak chengho tawhte chu hnam niin a din a, chenna tur ram a pe vek a ni. Chuti ang chuan Zofa te pawh kan pi leh pu atang tawhin hnam niin min din a, chenna tur ram min pe a, chu chu Zoram hi a ni.
Chu ram min pek chu kan ram, kan ta, amah Pathian nen pumkhat kan nihna lan chhuahna a ni tih kan hriat a, a taka kan nun chilh theihna turin sakhua hmangin min suihzawm tlat a, chu sakhua chu kan Pi leh pu aţanga kan lo vawn ţhin kan hnam sakhua, Zo sakhua, Mizo sakhua a ni. Chu sakhua kan vawn/biak lai chuan Zoram, Pathian min pek hi eng kawngah mah leh engtik lai mahin hnam dang kutah kan dah ngai lo a, sakhaw dang biak nan kan hmang ngai lo.
A ram leilung humhalhna kawngah hniak khat pawh kan tawlh ngai lo a, nunna thâpin, nunna hlanin kan humhalh ţhin. Rilru lamah pawh kan hnam, kan ram leh kan sakhua kan phatsan ngai lo. Kan Pathian ram chu Zoram a ni a, Zofate Pathian kan bia a, khawvela ram thianghlim leh hlu ber chu Zoram a ni a, khawvela hnam thianghlim leh zahawm ber chu Zo hnam hi a ni a, Zoram leh hnam chhan nana nunna hlan tute chu Pathian mithianghlim, martarte an ni, chu ram leh hnam chhan nana thih ngam lu pu zawng zawngte chu Zo hnam leh ram leh a dintu Pathian tana damlai martarte chu an ni. Chu thinlung chu Zo sakhaw bia, Zofa nihna thinlung diktak a ni. Chu chu tuna Zofate thinlungah hian la awm pha tak ang maw…!!
Pipu chenah chatuan Lalpa’n ram min pe,
Hnam dang kutah reng kan hlan ngai lo;
Lalpa lalna rah ram leilung chhan vanga,
Fam chang Lal dana martar kan ni.
ti thei hi eng zat tak awm ang maw le..
Zo hnam nunah chuan tlawmngaihna hi Chatuan Pathian thuthlung ropui a ni a, a ţulna hmun leh hun apianga ţanpui ngai ţanpui a, midangte chawlhna tur a nih phawt chuan mahni chhiatna tur leh thihna hial thlenna tur pawh ni se a ţulna hmuna taksa neia din chu Zofa, Pathian mi nihna a ni.
Tlawmngaihna ţhian chhan thih ngamin,
Chatuan Lalram dana ding zawng te;
Kei ka thawk ang, nang lo âwl rawh, Zo nun chu,
Duhsak tawnna kim kan inhlân e.
tih ani si a.
He khawvela Zofa a kan lo piang hi Pathian thu, Pathian rorel a ni a. Zofate tan chuan Zo hnam nihnaah hian kan Pathian thu a famkim a, Pathian mi kan nihna famkim chu a awm a ni. Mizo kan nih a, kan hnam nihphung leh zia anga kan awm a, midangte tana malsawmna kan nih mai hian Pathian mi nihna famkim a ni a, sakhua kan nei a, Pathian thu kan zawm famkim a ni.
Leilung ramah Zofaa ka lo piang hi,
Lal danin a tawk e, ka hringnun;
Tel vena pawl a awm ve lo ram luah nan,
Nihna Zo nun mawi Lal tan a tawk.
kan ti tawh si a.
Zofa nihna tak keng a, kan hnam Pathian thuthlunga kan din lai chuan dikna, rinawmna, taimakna, huaisenna, hmangaihna etc., te nen tlawmngaihna a taka kalpui a, lungrual taka Zoram leh Zo hnam a kal lai chuan kan ram leh hnam chu Pangpar huan ang maia mawi leh duhawm a ni ţhin a, chu hnam ropui nihna chu Zofa nihna diktak thinlung pu miteah chuan a la nung reng a;
Van zawlbukah chatuan Lal rorelah chuan,
Zofa lungrualin pheilai kan khai;
Chatuan thuthlung tlawmngaihna taksa neiin,
Zoram par huan iang a mawi mang e.
ti theitu thinlung chu Zo hnam thinlung a ni.
Tuna tisaa Zofa nihna keng tam ber erawh chuan kan sakhua kan vuan lo a, kan hnam kan phatsan a, hnam dang sakhua kan vuan mek chu a nih hi. Hnam mipuite chuan kan hnam sakhua kan phatsan tih chu kan hria, kan ram leh hnam kan phatsan tel tih erawh kan in hre thei tlat lo. Nimahsela kan hnam sakhuaah chuan ram leh hnam hran a awm lo a, sakhaw hran lak tur a awm hek lo. An vai hian pum khat an ni a, an insuihzawm vek si a. Sakhaw phatsan chuan a ram leh hnam a phatsan a, hnam phatsan chuan a sakhua leh ram a phatsan a, ram phatsan chuan a hnam leh a sakhua a phatsan a ni. Zoram pangpar huan ţhin kha hling hmunah a chang zo ta.
Amaherawhchu, hnama min dintu, ram min pe a, sakhuaa min suihzawm tlattu chuan kan boral hlen a phal lo. Zo hnamin a Pathian kalsan leh hlat ta riau ni a a inhriatna te, ral khat auh ngai ni a a hriatna te, ram leh hnam thlawh khûm a Pathian a biakna zawng zawng te, a mihringpui Pathian anga a biakna zawng zawng te chu sawi nghînin a awm leh ţan ta. Ram leh hnam leh sakhua pum khat a nihna te, hnam nun ze mawi tinrengte chu Pathian aţanga chhuak a nihna te, khawvel thil kan lo tih ţhin zawng zawngte chu Pathian thil a lo nih vek thu te chu puan chhuahin a awm leh ţan ta. Chatuan Pialral pawh kan damlai atan ngei a hun hnaih a lo ni leh ta a nih hi. He kawng leh thuthlung hi Zoram hian a pensan a thiang tawh lo, a boral hlen loh nan.
Chung siar khi kan lo lang e, hnamte tan,
Van changril kan kuai e, Zo nunah;
Khuavang kalna Zo nun mawi te lamtluang hi,
Zoram pensan suh i boral ang.
tia vanneihtlak taka Zoram au harhtute an lo chhuak ta. Pathian malsawmna a ni.
A tawp berah chuan thil inkawp tlat, kal hrang ngai lo leh kal hrang thiang lo chu hei hi a ni; Zo nun leh tlawmngaihna hi. Pum khat a ni a, lak hran theih a ni lo, a thiang lo bawk. Zo nun famkimna chu tlawmngaihna hi a ni a, tlawmngaihnaah chuan hmuh tur leh zawh tur kawng khat chiah a awm. Chu chu, ‘Eng dangmah ngaihtuah lo a a ţulna hmun leh hun apianga ţanpui ngai apiang hnena nun pek,’ a ni tawp mai a ni. Tunge a ţanpui? amahin a tuar let theih dawn em? a hlâwkpui thei dawn em? chuti ang lam engmah a lang lo, a tel ve thiang tlat lo. Mi bawhchhiatnain a huam tel ve loh, sal tang nia inhriatnain a phuar tel ve loh, tlawmngaihna thuthlung vuantute zawng zawng tan Pu Lalhmunsiama chuan,
Tlawmngaihnaah hei hi kan hmu zo nunah,
Mite aia nun pek a ni e;
Bawih bang tawhte thian tha thuthlung inhlanin
Unau za kan nih hi kan zahpui lo.
tiin ZO HNAM PUANCHHUAHNA HLA mawi tak mai hi a lo siam a ni.
Similar Posts:
- Ram leh, hnam leh sakhua
- HNAM ROLUNG
- Rawngbawlna
- Mizo kungah Mizo nun a rah tur a ni
- Zo Sakhaw Zepui (chhunzawmna)
July 18th, 2011 at 4:07 am
welcome back, hnam sakhua
Report this comment
July 18th, 2011 at 4:10 am
Report this comment
July 18th, 2011 at 4:29 am
buannel.com a i post te ka lo hmu a, comments ka’n chhiar dawn a comments tu an lo awm lo a, misual ah chuan i posts hian comments ngah thei sia, comments chhiar tur …..e
Report this comment
July 18th, 2011 at 5:16 am
A hla ka ngaithla chak e. A thluk eng ang tak ni ang maw?
Report this comment
July 18th, 2011 at 5:54 am
Hnam sakhua chu va reh ve
Report this comment
July 18th, 2011 at 6:18 am
Nimin sunday chawhnu khan kan upa pakhat chuan- Tunlaia hnam sakhua zirtirna leh an tum, media chi hrang hrang leh Internet thlenga an tan nasat thu leh an zirtirna laimu chiang takin kohhran mipuite min hrilh a. Keini kohhran (Presbyterian) mipuite chuan Beroia mipuite anga kan Bible keu hmasak phawt a tulziate kan zir thar phah leh ta a nih kha. An zirtirna thu thenkhat phei chuan kan nuih a tiza teh asin.
Report this comment
July 18th, 2011 at 6:49 am
Hei raw hah….ramthar luah luah yo yo…..
Report this comment
July 18th, 2011 at 7:11 am
Mizo culture origin leh hmanlai nunphung entawntlak lai i rawn post hi a bengvar thlak thin. Hnam sakhua hmanga Kristiana rawn nek kher lovin.
Khawvel pakhat a cheng te,Krista avangin kan inpumkhat chho va, kan intlawh pawp a, kan inzirtawn leh indawm tawn lai a..hnam inlak bingte hi, a hawizim thlak deuh.
United we stand, devided we fall tih ang deuh a nia. America chakna khu, hnam hrang pemlut awmkhawm, chi bing lam a inthliar lovin, an tang ho va, an thawk ho a, ram ropui an ni mai. Hnamdang ho thil neih hlu an ram tan an hmang tangkai mai a ni. Juda ho finna te, Negro ha chakna te a ram tan a hmang mai a ni.
Japan ram hausa leh changkan ber mai pawh Tsunami in an nuai a,ramdang tanpui luai luai an mamawh ta mai a ni. Mizote hi, tha bik, fel bik a in dah mai lovin, mahni culture kalsan chuang lovin, hnamdang te thatna hi thlir telin, zirtel ve zel ila.
Tlawmngaihna te hi chu, sakhuana avang chauh nilovin, Mizo nunphung pakhat, kan thisen a in tuh ve tlat a ni.
Mizo Hnam sakhua ka vuan lova, tlawmngaihna chu ka nei ve tho
“Zu in mi hlei hlei hian tlawmngaihna an ngah te kan tih thin hi”. Thangthar nunah hian he kan ‘Mizo rohlu’ tlawmngaihna hi chawinun zel a tul khawp mai.
Mahse hnamdang pawh hian tlawngaihna chu anlo nei teh meuh mai…
Report this comment
July 18th, 2011 at 7:37 am
Report this comment
July 18th, 2011 at 8:03 am
Khawvela hnam tin te hian mahni hnam sakhua theuh vuan ta ila chuan he khawvelah hian sakhuana avang intihbuaina te hi a awm lo ang a, kan inpumkhatin ka in pawh leh zual ang a, kan inzirtawnin kanin dawm kang leh zual ngei ang. Tun ang a kan awm a, midang hruailuh tuma kan phet kan phet hi chuan buaina hi kan la tawk zel ang. Hindu te hian missionary te rawn tirin rawn ti ve ta se chuan inbuai dan tur hi ka hmulawk thiam viau mai. Hnam sakhuaah chuan tu mah hi hlauh tur an awm ve lo,
Report this comment
July 18th, 2011 at 9:16 am
Krista chuan hnam tin a mite u leh nau ah min siam a, Kristian te hi khawvela chhungkaw lianpui, thlarau hmun khat, rinna hmunkhat a cheng, hlim taka, min siamtu Pathian faktu te kan lo ni ta.
USA kal ila, kan Pathian tho anlo bia, Japanah kal ila, kan Pathian tho anlo bia a, Europeah kal ila, kan Pathian tho anlo bia a, Thailand, hongkong, singapore ah te kal ila kan pathian tho anlo bia a, a va nuam bik tak em aw….!!
Bawhchhiatna a tlu tawh hnu, Babel In sang sak avanga inthendarh ta te, Krista chuan min rawn ti pumkhat leh in, chhungkaw lian pui ah min rawn siam ta….Chapona avanga heta tel ve duhlo te hian Kristian te hi nek sawr an tum thin avanga khawvel a, sakhaw in hmelmakna alo awm thin.
Mahse keini chuan tumah kan hua in kan tai ve lo ve, miin chatuan nunna anlo neih ve theihna turin Krista thu kan hril thin a nih hi. Tumah hi kristian a siam theih an nilo va, siam tum kher pawh a tul lo. Krista hmangaihna thatna hria a, an mahni duhthu a anlo rin ve khan kristian tih an ni ve ta mai a ni.
Report this comment
July 18th, 2011 at 9:28 am
welcome back* phot ang. Ka’n chhiar nawn leh phawt.
Report this comment
July 18th, 2011 at 9:29 am
RE:I riru hi thliarkar rilru e mai… Globalisation lo tlat thin. Missionary chungchang i sawi khi, nangmah i indah tha daih a ni maw…lame post
Report this comment
July 18th, 2011 at 9:50 am
#10: “midang hruai luh tuma kan phet kan phet chhung hi chuan..” Khi tak khi nangmah in en let nan hmang la… I thil tum hi i thu leh hla chhiar thang tan a hai theih loh.
Report this comment
July 18th, 2011 at 11:45 am
luk hus bak
Report this comment
July 18th, 2011 at 11:50 am
No comment:)
Report this comment
July 18th, 2011 at 1:04 pm
Zo nghawngkawl puanchhuahna ve thung aw…
Report this comment
July 18th, 2011 at 1:15 pm
Hnam sakhua hi Saula ang khan Krista do na kawngah thahnem a ngai thei viau a, han piangthar nulh mai se, thahnem a ngai thei phian ang a. I tawngtai pui ang u.
Report this comment
July 18th, 2011 at 8:21 pm
Report this comment
July 18th, 2011 at 10:14 pm
Welcome back Hnam Sakhua! Thute hi i thiam. Serampore rimte pawh i nam dawn lek leka ka hriat chu
@10 :Khawvela hnam tin te hian mahni hnam sakhua theuh vuan ta ila chuan he khawvelah hian sakhuana avang intihbuaina te hi a awm lo ang a, —- Khua leh khua kan inhmuh thiamlohva, kan indo thin hunlai kha Kristianna luhhnu nge luh hma ? Mahni hnam sakhua theuh kan vawn lai avan ni mai awm em !
Report this comment
July 19th, 2011 at 2:43 am
Hnamsakhua@10-religious pluralism/ toleration hi i chhun mumang ang ngei hian a lo thleng dik dawn e. Sakawlh lamram ah, kan hrelawk alawm. Peace i tlangaupui a, United Nations pawh in an tlangaupui bawk e, Isai 9:6 ‘Prince of Peace’ Isua title pakhat pawh an mahni an inclaim na a rei ta hle mai, an symbol ah pawh indona hriamhrei chu hlo vahva, sickle ah an chher daih tawh reng alawm.
Anti-christ kalkawng a ni i sial ni, bro.
UN hruaitu in enge remna leh muanna cc a a sawi kha ‘remna leh muanna he khawvel a rawn thlen thei chu, tupawh, Setana pawh ni se, kan iai chuang lo’ a ti hem mai.
I va vang thin ve. Lo misual ve zel rawh.
Report this comment
July 19th, 2011 at 9:31 pm
sekibuhchhuak: Khua leh khua an inhmuh thiam loh a,an indo kha sakhuana avanga indo em ni an nih ? Sakhuana avanga intibuai a lawm kan sawi.
Report this comment
July 20th, 2011 at 12:27 am
Post tupa chu, nuih i ti za mange, (no.10) , Khawvel buaina, ram leh ram indona, in tualvuakna, thisen chhuahna hi sakhaw vang ani tih hi i hre lo der nge i hre lo hrim hrim. Mahnih sakhua theuh kan vaun a, ram lak kan tum a, Kan Bharat-a, a hmaa Hindu leh Mosolman intualvuakna te hi entirna hnai ber ani awm e
Report this comment
July 20th, 2011 at 8:23 am
A dik chiah reng a ni, mahni hnam sakhua theuh kan vawn loh avang leh ram lak kan tum theuh avang hian a lawm buaina kan tawh reng ni. mahni hnam sakhua theuh vuan ila, he khawvelah hian sakhuana avanga buaina hi a awm lo ang kan ti reng a lawm. Entir nan;- Nang pawh eng hnam emaw lo ni ta la, i hnam sakhua i vawn chuan a tawk chiah. I hnam sakhuaah hnam dang lak luh tum phet kha a tul lem tawh lo, i hnam sakhuaah i chian chuan eng sakhua pawh hi thianah i siam thei ang. Engvangin nge Hindu i hlauh, i hnam sakhuaah i chian loh vang a ni. Mizo ni na na na engvangin nge Hinduah te i in leh ngawt ang? Sikh ni na na na engvangin nge Mizoah i inleh ngawt ang?
Report this comment