A VA THANG THUI DAWN EM..!!
Kan CHhailai Thangnunnemi’n
Tlang zarel thang dawn lova
Tleidang leng nem rang puan i zawn le
I chhailai val ka tawna Biahthu hril bang si lovin
Chhingkhualval sul ang zui i tiam e
A va thangthui dawn em!!
Kan sakhming khua velah
Haleluiah(Rualza lengzawng) chinlai deng kim se
A ţha partin lawri lemang derthiam parte
Dam chhung hian lunglai i her awm e.
Lunglai her la herzel la,
Tleidang pawh va der zel la,
Rairah val keizawng ka kiang nang e
Tumtawk leng chu zawng ve in
Chung Pathian khuanu zarah
A dam hian parte i dam dun ang.
I ngai lawm ni Lungrunpui
Chhawrthlapui eng ruai hnuai a
Ţhenloh biahthu Lungrual a kan hril lai?
Aw ! Ka ngai e Kan nunhlui
Mahse Rairahval i ni
Kawltu chawi ka chunnu’n a phal lo
Khuaţhal tui ang ka nghak che
“Tlang za rel thang zing mahse
Thuam ang i do dun ang” i ti a,
Lung ka chhir ngei nang ngaih hi.
Khua rei tinkim dawn changin
Lem ang derthiam leng ilo ni e.
He hla hi pu Khawzabiaka phuah a ni a, khawkawn a kum 1955 a a phuah a ni..A mah hi a kum 81 mi ni in hrisel tha in serchhip ah a cheng mek. Lalthansanga Ralte [L] leh H.Lalthakima te’n an sa a, a hla thu dik in an sa lo nual a, a hla chang thumna hi an sa tel lo bawk a, hla hlui zai a lungleng mi tak in a hla thu dik leh a hla chang kim hian han sa se ngaihthlak a chakawm hle mai..
Similar Posts:
- Lungruka di
- ‘Nang ang ‘ tih hla Rebecca-in a phuahtu phuah angin sa lo
- Rosary
- I belh pawn – Tribal Power
- Banzai ka rel mahna
July 22nd, 2011 at 5:12 am
A thang thui dawn hle mai
Report this comment
July 22nd, 2011 at 5:39 am
Hla thu ah hi chuan mizo tawng kan ziah dan hi fimkhur angai khawp in ka hria. A bik in ziah zawm tur leh zawm loh tur ah hian. Chhiar buai a awl duh tlat in ka hria (eg: khua rei=khuarei, partin lawri=partinlawri, lemang derthiam=lem ang derthiam,,, te han ti deuh duah ila)
Report this comment
July 22nd, 2011 at 5:51 am
Thangnunnemi chu a van lerh teh hawrh awm ve mawle. A tlar khatna ah ‘Kan chhailai’ a ti a, tlar 4-na ah ve thung chuan ‘I chhailai val ka tawn a’ a ni leh daih tawh mai.
Report this comment
July 22nd, 2011 at 6:08 am
Chhiar/sak a nuam zeih zawih hle mai
Xonas #3 Lo ‘LERH HAWRH HAWRH’ mai mai sela a pawi dawn em ni le, lêr hawr hawr pawh ni hleilo te chu hairehai
Report this comment
July 22nd, 2011 at 6:09 am
A leng zing mang e, ruai ruai a.
furlai mah nise ruahtham loh diktak anih khi. 
Tawnmang lamah lalngaihzualin,
Kumtluangin thavalmawi,
I tan chauh min lo ti e.
Report this comment
July 22nd, 2011 at 6:28 am
@4 ni tho mai, a lerh hawr hawr lutuk hi a phuahtupa tan hian a ngeiawm dawn em a ni. Hla tha tak niin ka hria, H.Lalthakima sak ka ngaithla ve thin
Report this comment
July 22nd, 2011 at 6:28 am
Engatinge maw ni ‘Thangnunnemi tehhawrh chu le…..
Report this comment
July 22nd, 2011 at 7:10 am
A thluk dik leh a chang kim chuan ka lo sa dawn maw ni le! D key in a sak theih em, key dang chu ka thiam lova
Report this comment
July 22nd, 2011 at 7:11 am
Thangnunnemi chu, Khawzabiaka tawnah tui ang a nem lo hle ani maw! Hetiangin Lem ang der lo ta se, hetiang hla hi a piang awm si lo. Lem ang derna lam hla hi mipa phuah deuh vek anni a. Hmeichhe phuah ka hriat chhun hi a mawi ka ti tawp thei lo. Apa in a phuah sak em maw ni dawn ni? Lungrun, Nang väng zatlang rèl ka phur, min dawn vela e hrilh ka hai; Lem ang min der mai hi! I tum reng em lo ni? Hun kha leh chen sùl ang ka zui kha, sam ang min then ta si a…. Hei hi maw an sawi hmangaihna vanduai. A tawp khar nana ‘Mangtha, mangtha, mangtha…’ a han ti vawng vawng mai phei hi chu, tang a väk chem chem thei hial thin.
Report this comment
July 22nd, 2011 at 10:32 am
Va ṭha ṭhuai ṭhuai ve a!Hmeichhia hi an lo mak a ni e!
Report this comment
July 22nd, 2011 at 12:12 pm
A hming hi ka ex nen inang chiah a,ka phu zawk lawm le.Ka rilru ang chiah a pu ve a,min phuah sak nih hi.
Report this comment
July 22nd, 2011 at 12:17 pm
Hmeichhia chauh hi kan ti bik a, mipa pawh hi rinawm lo fe fe chu kan tam ang maw le. Hmeichhe lam pang hi an tawrh a chak zawk a, an phuah chhuak ve lo mai mai a ni lo maw?
Report this comment
July 22nd, 2011 at 12:32 pm
Eden huan atang renga sual hmasa an nih kha maw…ka ring chiah lo
Report this comment
July 22nd, 2011 at 12:48 pm
Ka rin ai hma a achhuah chu, #2, ni e, tih dik a lo har khawp mai, ka uluk ve tehreng nen..
#5 ruah thram loh chu ni tehnang, patling thrankin pawh an chhuak tawh phuah a a nih a trang in..
Report this comment
July 22nd, 2011 at 1:34 pm
A Thunawn tlar Khatna..A La thang thui dawn e..tih leh tlarthumna khi..” Hallelui-ang chinlai deng kim se..”tiin ka lo hre thin a..ka hresual zawk a maw ni le..@ Post tu Pa..
Report this comment
July 22nd, 2011 at 1:38 pm
Chang tawp berna ; Khuathal Tui ang ka nghak che..Tlang za relthang dawn lo hian..tiin ka hre bawk a..Ka hriat dan nen a word then khi a dang hret mai a..Post Tupa..
Report this comment
July 22nd, 2011 at 1:44 pm
Khua a lo Thal a..Tui kang kan nghak ang mai hian,..mite min rel leh sawi dan turte pawh ngaihtuah lo lekin ka nghak che a” tih a sawina a ni a..Tlangza rel thang zing..han tih pawh tawngkam mawi tak, tum in ang ..dang hret a ni a..ka hriatdan hi a dik zawk e..tiin ka sawi fak ngam chuanglo a.
Report this comment
July 22nd, 2011 at 2:00 pm
Ni e, haleluiah a tih kha a ni tho a, ahunlaia kohhran hlimna nasat hun lai a ni a, duhzawk chuan a sak theih tho e, mahse lengzem hla a, halelui em chu ti tan mizo hla thu hman a ni tho e
Report this comment
July 22nd, 2011 at 2:03 pm
#Ainawn a lo sa lar tu te khan a phuahtu hriat loh a lo sa lar an ni a, a phuahtu hla thu ang tak leh a hla chang kim hian han sa se tha tur a nia..
Report this comment
July 22nd, 2011 at 5:54 pm
Excellent post.
Post tupa chu ka rilru ang pumi lo ni reng chein. He hla hi H.Lalthakima sak hi ka ngaithla nasain nalh pawh ka ti khawp mai. A phuahtu ka hriat loh pawh i zarah ka hriat phah ta.
@ Kan mizo hla chungchangah hi chuan a phuahtute hi ka khawngaih thin. A satu te an lar leh hlawk zawk chu sawi loh, an phuah original lyric leh thlûk ngaih pawimawh sak lova, mahni duh dan dana lo tidanglam duh kan zaithiam te zingah an awm tlat zel thin hi a ni.
@ He post hi a hlu ka ti hle mai. Hetianglam hi rawn post leh thin teh post tupa.
Report this comment
July 22nd, 2011 at 7:31 pm
A nih chu @ Post tu pa..tiang Mizo tawng Upa lam hi post tam a tha..
Report this comment