Shillong atanga Mizoram ka haw (1984 kum tawp) hnu chuan ka nih tum ve thin chu ka hlat ta tawlh tawlh mai a. Kum tam a vei hnu phei chuan ka nunna atan hial pawh keimah leh keimah chu hlauhawm ka ni tep zawk ta mai. Rilru siam nghetin, Antam zuar te, ramhnuaia thla tel inhlawhfa leh thil dang danga inhlawh chawp ten ka buai ve ta zeuh zeuh a, rilru pawh a hlim sawt viau mai.
Tichuan, kapa hnenah America ka kal theih nan min sponsor tu tur min zawnpui turin ka ngen ta a. Group tour ang chi leh thil dang dang pawn kal theihna kawng dap dan tur dap peih tan chuan a tam ang, mahse pa te hnena pangchang theia ka la awm kha ka inchhir lo khawp mai.
Ka pa sikul luhpui thin, Pi Changliani pasal, Pu Eddy Poey in min sponsor na bawhzui chuan tul ang ang te ka buaipui ve a Calcutta lam ka pan ve ta a. Visa dil hlawhchham ka hmu nual a, chung te chuan a harsat zia an sawi reng mai si, ka huphurh lutuk chuan zu te chu ka in ta vak mai a, avan mawl thlak tak em!
Engpawh nise, kamiz pawr fep fawp chu kekawrtlawn ah benglutin, kum 5 vela upa ka pheikhawk neih chhun chu bun bawkin ka va inlan (interview) ve ta rawih mai a. Hemi tum hian Mizo dang, pastor pahnih leh tlangval pakhat an awm ve nangin, vanduai thlak takin Mizo dang te chuan visa an hmu talo a ni.
Aizawl ka chhuahsan dawn, ka pi ka hmuh hnuhnun ber:
Ka pawisa neih chhun te chuan ticket man ilo a daih ta mang si lova, ka pa ka han pur leh ta. Tichuan, a dap khawm min rawn thawn te nen chuan ticket te ka lei ta a, Reagan National Airport (Washington, DC) a tum turin British Airways ah chuan ka chuang ve ta.
Heathrow Airport, London ah darkar sarih zet kan han chawl mai kha chu ka van ning tak em. Darkar 20 hnuah chuan Washington, DC ka tum ta a, custom hoin min han check vel chu, pawisa ken leh thuamhnaw ka nei tlem lutuk chu min khung hrang leh ta.
Reagan National Airport ka thlen hian $4.00 chiah ka la nei a, thuamhnaw chu airbag ah pawh a te chi ka nun 2ndhand dawr a mi min lei sak ka nei a, chumi chhungah chuan towel te chi, toohbrush/toothpaste/razor (2ndhand bawm te a dah)leh underpant chiah a awm a ni.
Khing te lek kenga tourist visa nen US ka kal chu min ringhlel a, min khung hrang chu alo nia, a zahthlak angreng viau nangin min thawnhaw mawlh kha ka hlau ber mai.
Min lo hmuaktu thenkhat nen, ka ipte neih chhun akin:
Tichuan, min lo hmuaktu, Lianthuama Vangchhia, John Vangchhia, Pi Changliani leh an pa Pu Eddy Poey te chuan darkar chuang aliam hnu chuan min ngaihtuahin min rawn ngaihven ta a. Min sponsor tu ber Pu Eddy in custom & immigration ho hnenah intiamkamna a siam hnu, darkar rei tak hnu chuan min chhuah tir ta hram a ni. US khawtual thleng ve tawh e tilo chuan min thawn haw leh teuh ther ther ngei mai.
US ka thleng chu Pi Changliani ten an in nuam tak maiah min hruailut a. An ni hi Maryland state a Bowie khuaah khawsain, veng thar angreng, in nuam tak tak awmna a ni nghe nghe. Inbual chu angai ve ta ngei mai si a, bathroom ka hman tur ka zawt a, kan inkhar khum ve ta rap mai a.
Bathtub lian tha heng hawng takah chuan kan ding ve tau mai a, tui tih haw danah buaina ka nei ta. Tuilum leh tuivawt han herh chhuah dan/adjust dan kha ka hre der lo mai tih ka in hrechhuak ta a ni. Khami tum khan ka inbual chhung aiin, tui herh haw dan ka zawng rei zawk ngei ang.
Hnathawh hun (work schedule) tu vakmah inang heklo le (US hrim hrim) chawei hun pawh a inang thei lova, mahni ei duhzawng zawng kan insiam mai a engemaw zawng tak chuan a nuam phian mai.
Chawei thleng lah mahni hman kan sil zel mai bawk si. A tir lam chuan an thuk te ka hmang thiam chiah si lova, ka thaw a sa tha pap pap thin hle mai. Pi Changliani te nupa hian US sawrkara an intiam ai maha lawmawmin an in ka awm chhung hian min duhsakna an lantir, ka lawm ngei mai.
US ka thlen hnu hian min lo hmuaktu te tih lovah chuan Kulikawn mi, Biaksanga’n (Ku BS-a) min rawn tlawh hmasa ber a, a dawtah Saithangpuia Sailo a ni. Pi Changliani te hian min duatin min duhsak em em, mahse an veng lamah kei tourist visa maia kal tan chuan, thawh ve theih ang (hna dap tuma kal ni ta chu), ‘odd jobs’ han thawh mai tur avang hle mai.
Aizawl a ka pa, pa anga rawn nei tu, US ah pawh ka unaupa (cousin) Patrick Hauhnar (fam)in a hruaithlak, Lianthuama Vangchhia te in lamah hnazawn a remchan zawk avangin ka insuan phei ta a.
Lianthuama Vangchhia te hi College Park khua, Maryland state thova awm an ni. An kawmthlang maiah chuan ‘Greenbelt Plaza’ a awm a, chutah chuan dawr nghah hna dilin ka vei kual ta zak zak a. Hna remchang chang (odd jobs) dap ka nih avangin duh tui a theih lova, hmuh theih apiang hna tha a ni vek mai.
Dawr pakhat kan zawh lehna ah chuan ka kalna (zinna) apianga ka hmuh, ‘Lady’ tak Parte-i chuan dawr a lo nghak chu ka hmu ta thut mai a, kan hlim dun hawk hawk hle mai. Kalna khua (ram hla)apianga kan inhmu thei lutuk chu mak ve deuh a ni.
A ni chuan dawr nghah hna chu min dilpui ta a, a tuk atang chuan kar hnih chhung dawr nghah ka train ta char2, ka tih ngailoh a ni bawk nen fimkhur angai ngei mai. Mizoram dawr nghaktu te nghah dan kan lo hmuh ve thin nen a inang lo lutuk leh dawrtu (customer) an in ngaih pawimawh hleih zia chu ka hre rang kher mai.
Similar Posts:
- United States kal -2
- Min pui thei in awm mial em?
- Dawr nghah
- Mahni hmasial, hnu kawng khar
- Khawchhak Zinkawng Part-I
July 25th, 2011 at 9:26 am
1sttttttttt ve my2…
Report this comment
July 25th, 2011 at 9:32 am
ngaihnawm hle mai 2nd tlat
Report this comment
July 25th, 2011 at 9:33 am
chhiar chhuak dap ang…
Report this comment
July 25th, 2011 at 9:40 am
Pu HV-a hi mi tum ruh tak i nih dawn hi
A chhunzawmna kan lo chang reng e.
Chuan, ka rilru a awm ve reng thin pakhat chu nangni mi rama lo kal hmasa ho hian tun a mizoram thalai tam tak eizawnna nei ve lo ho hi puih theih dan in nei lo maw? Kal chak ve em em mahse khawhhmuhtu awm loh avanga kal ve thei lo tan hian in pawimawh khawpin ka hria.
Report this comment
July 25th, 2011 at 9:42 am
pu hv hi petrol pump ah te i thok toh em? In vengpa sawi ka hria a tak nge dawt aw? I ngaihsan awm khopmai. Mahni kea din don chuan han buai deuh niai chang chu tam duh ngot ang. Airport a an detain ch khian Tom Hank a channa Terminal min ti hre chhuak deuh…
Report this comment
July 25th, 2011 at 9:43 am
chhiar chhuak dap a, ngaihnawm hle mai…
Report this comment
July 25th, 2011 at 9:44 am
Chhiar a nuam leh hle mai. Harsatna harsa tak paltlanga, tluk hnua tho leh te hi kami ngaihsan an ni.
Saithangapuia Sailo khi drummer thin, hippies ho bula tal ve hrep kha a ni em? A ni hi a US lamtluang hriat chhian chak ber pawl a ni. Pu HV remchangah Saithangpuia US lam tluang min han hlui teh a. Aman a remtih chuan.
Report this comment
July 25th, 2011 at 9:55 am
Harsat na tawk chung a hlawhtlin hi a hlu zawl a lo ni…thawnthu a ti tam bawk si!
Chuan tar a lamah vawi khat na reng reng chu kal ve a chak awm khawp mai,mahse…
Report this comment
July 25th, 2011 at 9:55 am
i blog lamah ka chhiar thin,i ziak ngaihnawm thei khawp mai.Thawnthu/cowboy vel lampang i sawi ngaihthlak a chakawm ang reng live in
Report this comment
July 25th, 2011 at 9:55 am
Harsatna tawk chung a hlawhtlin hi a hlu zawk a lo ni…thawnthu a ti tam bawk si!
Chuan tar a lamah vawi khat na reng reng chu kal ve a chak awm khawp mai,mahse…
Report this comment
July 25th, 2011 at 9:56 am
Ka lo ti nawn a nih khi…a pawimawh em a
Report this comment
July 25th, 2011 at 9:57 am
A ngaihnawm leh hle mai…
a chhunzawmna chhiartur awm leh vat se a that dawn hi a….
Report this comment
July 25th, 2011 at 10:11 am
Midangte fuihtu a nih ka beisei.. Pu Hv ziak zel teh.. Chhangteval sawi ang hian i thalai puite hi han pui thei la ka va ti em ! Keini zong, kan tar ta saitawka te nen..
Report this comment
July 25th, 2011 at 10:16 am
“Parte-i
chuan dawr a lo nghak chu ka
hmu ta thut mai a, kan hlim dun
hawk hawk hle mai. Kalna khua
(ram hla)apianga kan inhmu
thei lutuk chu mak ve deuh a ni ”
pawisa a awmloh chuan ‘Ram hla’ hi kal har deuh mai ania. ‘Thar desert’ ah khan inlo inhmu toh em ni?
US Mizo ho hi in Maryland deuhvek zel mai hian ka hria.
A ngaihnawm hle mai!
Report this comment
July 25th, 2011 at 10:17 am
HV hi a chanchin a ngaihnawm thin hle mai. Thuziak thiam tak ni tur a ni, diary a ziak thin nge ni, a recollect detail thei si. A chhunzawmna lo nghak ang.
Report this comment
July 25th, 2011 at 10:27 am
Tunlai pu HVa hi a lungleng chiang mai…
..bei tha thuai thuai thin e,.
Report this comment
July 25th, 2011 at 10:51 am
Kei chu ka foreign kal naah chuan visa interview vel a ngai miah lo.
Report this comment
July 25th, 2011 at 11:06 am
Harsatna i paltlang tam takte ka han chiar hian mihuaisen tak i ni tih hi ka pawm thlap mai..i tumruhna, huaisenna,tawrhchelna ang hi nei vek ila cuan hlawhchham tih tawngkam hi atangkailo viau angte ka ti mai mai a..
Report this comment
July 25th, 2011 at 11:09 am
A ngaihnawm hle mai. Hei ai maha kala ngaihthlak chak chu i kal hma lam i tum dan vel… miten an sawi hnawmpui dan vel leh i tum tlat dan. kalna tur leh visa passport nei tura i intuak dan vel a ni ka hriat chak. han ti zel rawh.
Report this comment
July 25th, 2011 at 11:16 am
Pu HV: I blog ah ka lo chhiar vek tawh.. Ngaihnom tak ani.. han ti zel teh..!! Tunlai chu ka buai ltk a.. ka lo misual hman thlawt lo ani..!! Midang chhiara atan lo tijel dawn nia..
Report this comment
July 25th, 2011 at 11:44 am
pu HV han chhunzawm vat teh le…
Report this comment
July 25th, 2011 at 11:51 am
Eddy Poey leh U Changliani kha min han biak ang che, ka ngai hle mai. U Sangi pawh ngei ngei.
Report this comment
July 25th, 2011 at 12:12 pm
Autobiography cum traveloque ngaihnawm lutuk a free in min rawn hlui thin a, a manhla thin hle mai.
Report this comment
July 25th, 2011 at 12:25 pm
chhiar chhuah loh a har thin. Eng ka ti nge maw ni kei hi, judy nu a post hma chu ka lungawi dawn lo..haha
Report this comment
July 25th, 2011 at 12:42 pm
nang zawng hlawhtling tlak i ni e
Report this comment
July 25th, 2011 at 1:21 pm
‘Ngaihnawm ka tih zawng tak a ni’ tih hi hman leh hman lo chunga ka comment talh duhna chu a ni.
Report this comment
July 25th, 2011 at 2:25 pm
Ngaihnawm hle mai….
Report this comment
July 25th, 2011 at 2:27 pm
I tawnhriat ngei i ziak ngaihnawm in, i tumruh leh i thawhrimna te a chhuanawm tak zet…
Report this comment
July 25th, 2011 at 2:27 pm
chhiar hnu hi a awm thei vak lo a nih hi.ngaihnawm e.
Report this comment
July 25th, 2011 at 2:36 pm
A ngaihnawm hle mai, a lian emaw a te emaw success story tluka min fuihtu tha hi a awm ngai lo ania ! Han ti zel teh, Pu HV…
Report this comment
July 25th, 2011 at 2:39 pm
Ka duhaiin i kaihtawi mah mah, i kal dawna i beihdan hi thalai tan apawimawh a nia. Mipakhat an tìh chu ilo ni e.
Report this comment
July 25th, 2011 at 2:56 pm
A va han ngaihnawmin a va han challenging ve. Pca sawi ang khian i kaitawi mah mah a ni
Report this comment
July 25th, 2011 at 3:05 pm
I lo zahawm hle mai a!
Report this comment
July 25th, 2011 at 3:11 pm
Ziak mi/chi i nih ka ring, hmai chhanah chuan tawngkam i thiam lo ang a, i tawngkam hi a bung vut lo maw? Reminiscene pawh a tha e.
Report this comment
July 25th, 2011 at 3:42 pm
Min fuihnaah ka lawm e
Pc-a: blog lamah…
Report this comment
July 25th, 2011 at 3:57 pm
Kei poh Foreign hi a hmingin vawi 3 ka kal ve ta..Nepal te, Burma te Bangladesh te..VISA ngai lo chin chiah chiah ka hrut. NOI
Report this comment
July 25th, 2011 at 4:36 pm
A ngaihnawmna phenah zir tur ka va ngah tehreng em. Chhunzawmna ka lo beisei e.
Report this comment
July 25th, 2011 at 4:48 pm
Hei pawh ngaihnawm leh khawp mai
Report this comment
July 25th, 2011 at 5:02 pm
Pu HV, i tumruhna leh taimakna ka ngaisang khawp mai. Midang tan malsawmna a nih ngei ka beisei.
Report this comment
July 25th, 2011 at 6:46 pm
chhiar aman hla thei khawp mai– Mi huaisen tumruh tak zawng i nih ngei don hi–Chhuanawm khawp mai!
Report this comment
July 26th, 2011 at 9:31 am
HV, Congratulations!…bengvar thlak khawp mai!! $4 nen leka US i thleng hi a “man” ve hrim hrim ha ha!! Ka lawmpui a che..
Report this comment