Tunkum ka pianchamphaphak alo thlen ni khan ka hun liam tawh te chu nasa takin ka thlir kir leh a. Ka khawvel nun pawh a chanve ka lo hmang ral ve ta der mai tih kan ngaihtuah chhuak tel bawk a.
Chhui kir tur ka ngahin, pawi tih leh inchhirna te pawh hun thenkhatah chuan min neih tir bawk a. Hetia nun kawng puanzar ka khar phui hma hian, chiang tak maiin ka nun kawng zawh chhuk chho tak tak te chuan koh kir theih loh nunhlui min dawn kir tir a ni.
Inchhirna thenkhat nei thin mah ila, sawi tham lek niin, lawmna tur alo tam zawk zia te ka ngaihtuah tel bawk a. Nu leh pa te hmangaihna tun hnu chauha kalo hrethiam hi mihring zia ve reng nge, ka thu a kalo kal thin zawk vang tih te ka ngaihtuah tel bawk.
Tih tur thaa ka hriat te chu nu leh pa thurawn aia tha tiin chulam zawh chang chu ka ngah thin hle. Khang te kha ka inchhirna zing ami a ni. Ka kawng zawh tur te chu fimkhur inti takin ka chhut ve thin a, hria anga ka awmna kha ka hriat loh vang alo ni reng mai.
Zirlai nih a nulat tlangvalna lama insum alo tul zia leh, inthiar fihlim a lo pawimawh zia ka hre tulh tulh a. Tlangval laia nula ngah (kawp tam nih) tum te kha a hun laiin nuam ti viau mah ila, a daih rei loh zia leh chhungrila inchhirna thlentu a nih hrechiang tute zing ami ka ni tih ka inhre nawn leh bawk.
Ruihtheih thil lah a hming kimin khawih loh a hleih ka nei heklo. Mahni thial sen loh kalo thial thinna chuan in sehruhna hlir min thlen a, ka chhak chhuak leh thei hi ka van lawm tak em.
Keima phak tawk baka nasa in, khawvel lamah chen loh a hlei ka nei tawh barin ka ringlo. Khawvel hlimhlawp naah tlan thin mah ila, kum leh tumruhna, chhungte beidawn lohna te avangin, ka tho chhuak leh tih ka chiang. Tu emaw ni thin kha, engmah lo vah ka inchhuah a, engmah lo atangin mi rualpawl tawkah ka chhuak leh ta. A vaia kan en kir leh hian, nun khawlo tam hle mahse, tun hun dam taka ka thlen avang hian ka lawm a ni.
Vawin hian, nu leh pa beidawng ngailo ka neihna leh kan chhungkua chu Pathian mawlsawmna ropui ber alo ni tih ka hre nawn leh a. Kan fate hi kan hlimna leh rilru ti hahtu, kan dam hun chhung thlenga thu neitu an nihna tam tak a awm tih thlengin ka ngaihtuah chhuak bawk.
Ropuina chu Pathianin chang se tunah leh chatuan thleng pawhin, pi leh pu ten, “Aia upa te zah thiamin,an thu te awihin zawm fo rawh,” an lo tih thin kha sawi mai alo nilo tih thangthar te hian hrethiam mawlh rawh se.
July 27th, 2011 at 9:05 am
A dik khawp ang hei hi
July 27th, 2011 at 9:05 am
nia … (Y)
July 27th, 2011 at 9:09 am
A ril thin mang e aw…
July 27th, 2011 at 9:14 am
Ka va han duh em em ve aw .. Pu HV .. Hetiang lampang hi thangthar leh zualte hnenah hian chhakchhuah fo ava tha em ve le aw. Heng – ruihhlo chen hlimna, nulat-tlangval nun – te hi, lo tawng tawha, lo tlan tawh te ngeiin a inchhir thlak zia inzirtir tawn hi ava tul tak em.
Very very good post (Y) (Y)
July 27th, 2011 at 9:19 am
@4 ka thlawp e…
good post…
July 27th, 2011 at 9:33 am
A dikin a tha hle mai… A mal te te a ka thalai puite chhiar tura sem diat diat tak ka nap e..
Nula ngah (kawp tam)chungchang ah erawh ka rilru a hah dawn lo khawp mai. Kawp tur chu sawi loh, a mal pawh ka la hmu zo lo a niaaaa(h)!! 😛 😛
July 27th, 2011 at 9:46 am
Zirlai nih a nulat tlangvalna lama insum a lo tulzia leh, inthiarfihlim a lo pawimawhzia ka hre tulh tulh a. Tlangval laia nula ngah (kawp tam nih) tumte kha a hun laiin nuam ti viau mah ila, a daih rei lohzia leh chhungrila inchhirna thlentu a nih hre chiangtute zinga mi ka ni tih ka inhre nawn leh bawk.
He lai paragraph hi a hranpa ngata sawi zauna chipchiar thei ang ber awm thei se, a ngaihnawm awm vei! ;-(
July 27th, 2011 at 9:46 am
A dik hle mai, kan hlimna tur emaw kan tih hi kan nun tichhetu leh min vawlettu a lo ni fo tih hi la upa lua lo mah ila ka hre ve ta fu mai…Pathian thu zawm hi a lo inchhirawm lo ber mai.
July 27th, 2011 at 9:57 am
Pu HV a chu, zirlai i nih laia i insum loh thin tel la chu a ngaihnawm lehzual ang ka ring! 😀
July 27th, 2011 at 10:00 am
Nulat tlangvalna leh ruihhlo kher kher hi chu insum a ngaihlai ber hi insum har lai ber mai a ni bawk si a leh, ka mirin zawng tak te pawh thawkkhat chu a lo tibuai ve a nih hi le. Post tupa hetiang dinhmun atanga hetiang dinhmun thleng a, hetiang post tangkai i post hi (Y)
July 27th, 2011 at 10:06 am
He post zet chu(h), tha ka ti hle mai (Y)
Pu HV, mualpho pawh dawn lova midangte thatna tur nia i hriat, i tawnhriat kaltlanga i puang chhuak thei / ngam hi a ropui hle mai. Malsawmna tam tak dawng mawlh ang che.
July 27th, 2011 at 10:08 am
Pu HV.. I experience atanga teh hian…misual dot commer tam tak hian inzirtur kan ngah ngawt ang..!! I blog ka chhiar atanga ka chhutin a hunlai chuan engmah i tisual love..!! Hmalam hun hi hriatlawk a awm lova, han thlir let leh chiah hian a dik lai leh dik lo lai kan hre thei chauh thrin a ni..!! Post tha tak a ni!! (Y)
July 27th, 2011 at 10:18 am
Birthday=Piancham a tawk mai lo emni thin a??
July 27th, 2011 at 10:22 am
Post tha leh ropui tak a va ni em. Zirtur tam tak pu HVa nunah hian a awm ka ring. Mi awhawm tak, mi tum ruh leh entawn tlak a ni awm e.
July 27th, 2011 at 11:04 am
Tlawng luia riak ve mai mai, White house luhchilh thei Mizo tlangval damreng rawh se. (Y)
July 27th, 2011 at 12:22 pm
A tha hle mai, ngal fim in dam ang che.
July 27th, 2011 at 12:24 pm
Post sountrack atan, Road To Nowhere by Ozzy Osbourne 😀
http://www.youtube.com/watch?v=DaQScjyeZ6M
July 27th, 2011 at 12:34 pm
Post tha hle mai…!
Nun hlutzia leh that a poimoh zia hretur chuan a tha lo luhkhung fe hnu a that chhuah leh tluk a hlimom a awm chuang a ngem? Voikhat tih deuh theng thawng poh nei ngai lo a vanglai hmang liam tate hian zu hmun sa hmun nawmna leh a that loh zia hi a ti tawh te angin hian a hre ve awm si lo a. Chu nun nei a,khawvel sual a khat hnuaia a parzu awm ve ni a ngai a tlantu te hian he khawvel zeizia hi an hrethiam zawk a,mi khirh takah an chhuak ngai lo. Once in a bluemoon antih kha mawle… (Y)
July 27th, 2011 at 1:03 pm
Henry hi a tunhma cc chu ka witness ve nual a. Hetiang taka a ngaihtuahna leh a
nunzia a lo inthlak/ mature ta hi ka beisei phak ngai lo. Hun lo la kal zel tur atan duhsakna sang ber ka hlan e.
July 27th, 2011 at 1:11 pm
Post tha hle mai. Nun siamthat nan hian camping vel a luh hi a lo tul ber lo khawp mai. Mahni tumruhna leh nu leh pa te support na atang hian mahni hi a in siamthat thei khawp mai.Ruihhlo a insum hi chu a har lo, mahse nulat tlangval na ah erawh hi chuan in sum har khawp mai. Luck deuh tan phei chuan har leh zual ang. 😀 (Y)
July 27th, 2011 at 1:45 pm
khawlai fa ka lo neih a ruka kan buai phahzia hretu chu ka nupui fanaute an ni. A thatlohzia hril lehchuan an ngai lo. Ka tatoo avangin khawlaiah kawr thehlep ka ha ngam lo tih pawh an hre vek. tatoo neive ru’ ti mah ila, an tang nasa viau ang. Ka pum leh ‘nerve’ thatloh vanga kan buai fo chhan hi zu leh ruihtheih dang ka lo tih nasat vang tih an hai lo.. an tih ve duh ka ring lo. Kan thian ho zingah ka pachhiat leh hlawh tlem ber chhan hi ka nun ka uluk loh vang tih ka fate hian an hre khawp. Hauh leh zirtir chiam ngai lovin, an ni chuan theihtawpa nun uluk an tum. Pu hahrehai, tha lo hian tha a hring thei, inchhir duh suh. Kei pawh ka inchhir buai peih lo..haha.
July 27th, 2011 at 2:30 pm
Sual kawng(mihring tehnaa) dai miah lova nun ziktluak aiin thawhleh dawn rau rau chuan sual dai hi a hlawk fe zawk ania, Isua pawhin tangka ba tu pahnih tehkhin thu hmanga a sawi chiah kha ania. Misual kan nih hi a duh lova, sual kanni tih inhrechiang erawh a duh em em lawi si.
Pu Hva nen hian kan nunkawng chu in ang teuh khawp mai, amaherawh chu kei aiin a tho tlaia a tumruhlo zawk e tih mai loh chu…hairehai 😉 (fiamthu) tumruh daihzawk ania…ka la tluk lo nasa a ni.
July 27th, 2011 at 2:43 pm
Good post. Pu HV
Ziak tha hle mai. (Y)
July 27th, 2011 at 3:04 pm
Pu Hv, a ngaihnawm kan ti theuhin ka ring. Mahse misual detectives rual hoin i thuziak hi chik taka an chin leh hnuah, before and after inkar hi a bo tlatin an hria a, ‘Ruihtheih thil hming kima ti thinin, i chhak chhuah leh theìh chhan’ leh ‘Engmahlo atanga rualpawl tawka i chhuah leh inkarah hian, a suihzawmtu a awm ngei tur ani. ‘Mihring siam that nana khawdur’ i nuna thleng chan chin hi, Misual Lalpa i nihna anga i inpuan leh law law an rawn phùt na khawp mai. hairehai.
July 27th, 2011 at 3:08 pm
Pu HV : I ziak pawnlang hle a, ngaihnawm an ti ve hle nia! Kan titi dun thin phei kha chu han chhuah la … hrethiam mai em? ka duh aiin i3inphawrh tawk lo, tactic i thlak chiang!
July 27th, 2011 at 3:47 pm
Phivawk #11 Mahni nunhlui inphawrh zeuh2 hi a thawl hawk hawk theih asin.
Fergie #19 kan â hlumlo chauh thin chu anih kha le. I hman chuan ka blog lamah ilo chiar belh dawn nia.
http://henryvangchhia.blogspot.com/
paeia em em lutuk a, upat dawn lamah biang i ti sen tawl tawl mai dawn alawm 😀
chawnghilh chu min fuihpawrh i tum hle mai maw hairehai 😛
July 27th, 2011 at 3:58 pm
24, 25@ hairehai hai,
Pu Chawnghilh hi inpuang ve tawh se aw.
July 27th, 2011 at 4:52 pm
PKfanai #24 A thalo tih ka hria, nghei tumin gospel camping eg:Gospel Thunder team, TNT etc etc. ka lut ve thin. Ka chuah ni la la in mi hriatlo vin ka ti leh tan emaw, a hnu maiah ka tan leh mai thin. Mahniin tumna tak2 neih erawh chuan, mi hausa fate tih ang “thisen thlak” tih te pawh hi alo ngailo reng reng. Kan tuar char2 a, kan tuar chhuak mai. A aiawh a thildang tih te hi “Kan ti tlem deuh hrih teh ang,” tihna ang lek a ni; nghei/sim chuan, “A vaiin” ani nghal tawp turah ka ngai.
Meizial ka nghei dan pawh chutiang tho chu a ni. Nghei ka tum chuan ka zu ru leh a, mi hriatlo vin ka zuru vel thin. Keimah leh keimah ka inbum a, ho lutuk. Ka zuklai ka paih tawp a, a bawm ka thawhpui pa ka pek atang erawh kha chuan, hei ka zu leh ta hrihlo reng reng chu anih hi. Kum a kal leh nual ta mai.
It’s all up there. Chhia leh tha hriatna Pathianin kan lu chhungah kg 1 leh a chanve a dah a 7% pawh kan hman loh chuan pek chhan kan awm lovanga sin.
July 27th, 2011 at 4:55 pm
Post tha tak a ni e (Y)
July 27th, 2011 at 4:59 pm
Pu HV says:
“Meizial ka nghei dan pawh chutiang tho chu a ni. Nghei ka tum chuan ka zu ru leh a, mi hriatlo vin ka zuru vel thin. Keimah leh keimah ka inbum a, ho lutuk. Ka zuklai ka paih tawp a, a bawm ka thawhpui pa ka pek atang erawh kha chuan, hei ka zu leh ta hrihlo reng reng chu anih hi. Kum a kal leh nual ta mai”
A va han dik em..!! Meizial zuk nghei tum lai vel hian.. thiante bulah ka ngei ka ti laklawh tawh si.. a rukin kan zu vel a..!! Midang pawh an lo ni ve tho a nih hi..!! Thla khat vela a liam a, ka lo fawp ve, kan tia.. a hnu ah chuan ngai kan awh leh a..!! Hai re hai…!! engtia tih chi nge maw ni dawn le..!! zuk loh tluk a awmlo tih kan hrechiang ropui mai sia..
July 27th, 2011 at 5:10 pm
28. 100% in ka thlawp che. Mahse, thil pakhat, tleirawl lai vela hmeichhiat_mipatna lama lo tlan nasa deuh tan hi chuan, Nupui/pasal neih loh chuan thlemna hi do zawh ahar iti ve em? Nge kum 4/5+ pawh awm thei turah i inngai.(ka ti lutuk deuh em aw? Mahse, a pawimawh ka ti si)
July 27th, 2011 at 5:14 pm
PKfanai #31 theih loh a awmlo niin ka hria. Hmuh theih loh leh proff theih tak tak miah loh vanram pawh rinna avangin kal kan tum/in beisei ania. Hmuh theih leh tih theih chi chu rinna leh tumna a awm chuan alo harlo khawp mai. Thalo lam rilrua awm tur chu “Aih” bur mai ila (rilruah) kan tilo mai. Mahse, rilru in tlem tala remtihna a neih erawh chuan tumlo mah ila kan ti leh nge nge thin.
Chona (challenge) ani a, chona/min chotu chu hnehloh/tlawm zawk chang awm mahse, hnehtu/hnehtu zawka tan tum hi a MAN hrim2.
July 27th, 2011 at 5:31 pm
Pu PKfanai, heilai chu kan inrawlhna chi ni mang pawn ka hre lo. Pu HV`an a past life a rawn phawrh ani mai a. Thil pawi nasa tak dan phal loh a lo khawih leh kan mizoram yard lamin an hling anga ni mai a lawm. Nula a lo khawih chhiat hnem viau leh vanram lamah a khawih chhiat ho nen an la in chhuahchhal anga ti nia ( Fiamthur 😛 )
July 27th, 2011 at 6:10 pm
My dear doc, Pu Hv hi chu chhui ngailo chi ani ang. Yes chu Ni, No chu Nilo, ani mai. Behind the scene a awm ve lem lo. A expirienced turu lutuk erawh hi chu chhawrna tangkai tak a awm kan ring deuh alawm maw le.
July 27th, 2011 at 6:11 pm
My dear doc, Pu Hv hi chu chhui ngailo chi ani ang. Yes chu Ni, No chu Nilo, ani mai. Behind the scene a awm ve lem lo. A expirienced turu lutuk erawh hi chu tangkai taka chhawrna a awm kan ring deuh alawm maw le.
July 27th, 2011 at 6:18 pm
#32 ami khi proof* 😛
July 27th, 2011 at 6:52 pm
Pu HV, heti zawng hian ka ngaihtuahna alo lut thut ..
“Nangma tumruhna leh ilo tawrh chhoh dan zawng zawngah hian i entawntlak zia hi chu thukhat-ah ka’n dah lawk anga. In Nu (I nupui) hian part ropui tak a play-in ka ring tlat. A support tha hle che in ka ring. In nu pawh hi a fel ngawtin ka ring.”
Inbawl lamah lo ngai lo la.
July 27th, 2011 at 7:14 pm
Uaiizzz #37 ka chhungte hi ka engkim an ni e (Y)
July 27th, 2011 at 7:41 pm
post tha tak a ni Pu HV hi Mizoram CM ni ta se hma kan sawn chak ngawt in ka ring (Y)
July 27th, 2011 at 7:44 pm
Pu hv, vawin chu i blog darjar 2 chuang zet ka han chhiar chu le. Nula lam expe chu turu khawp mai a! Nupui neih hnuah pawh a inang put vek tho awm sia!
July 27th, 2011 at 8:17 pm
Solomana pawn finna hmu chhuak tu chu a nihlawh a,Hriatthiamna hmu chhuak tu pawh a tih kha.Chhungkaw hlim tak ni zel turin ka duhsakna ka hlan a che.
July 28th, 2011 at 12:29 am
ka chhiar chhuak dap a,AMEN.
July 28th, 2011 at 1:20 am
Tip of the Iceberg (H)
July 28th, 2011 at 2:41 am
el-ar #40 enge niang aw in ang tura i ngaih chu :-S
albaldes<#41 ka lawm e… in fuihna thu takah ka ngai (Y)
July 28th, 2011 at 8:19 am
i pianchampha tih pawh ka lo hre lo a… pianchampha chibai buk pahin i thuziak tuna i nun ti tawh mai ang… a va ropui em Lalpan ropuina chang mawlh rawh se…..
July 28th, 2011 at 8:23 am
chemte, (Y) hre tlai angreng 😛
July 28th, 2011 at 8:30 am
nia, tunlai ka misual khat ltk bawk ani… i lehkha ziak a tha ltk tih sawi thawm ka hria a ka rawn tlan lut nghal alawm 😉
July 28th, 2011 at 9:58 am
I blog ka han chhiar chu a ropui dangdai khawp mai. Thil thenkhat kha chu a ropui lo dangdai ve hlawm bawk a. Khawvel chu i dai theu hneh ve khawpin ka hria. I hun tam tak kha chu i hman hoh ve hmel!! Mahse, a ti ngaihnawm tu an ni bawk si a!
July 28th, 2011 at 5:24 pm
Excellent post. Hlawkpui tham khawpa zirchian tlak a ni e.
July 28th, 2011 at 7:32 pm
Pu Hv,.hehe… Mahni i in sawisa ngam leh i nun,a tha lai leh tha lo lai pawh i phawrh ngam hi i chhuanawm ka ti. I pa officer ve lai ni si a, antam zuar a bazar a i thutpui thin te khan i tumruhzia leh hnathawh i hreh loh zia a ti lang.
July 28th, 2011 at 8:46 pm
Hei chu a khuhhawnna lek a va la ang ve. I sawi duhloh lai tak zel hi ka hriat chak lai tak a la ni tlat zel. :-). Mimal nun ka va hrechak tihna nilovin, a turning point, a key point, mamawh kan tam a nia. (Y)