Ka tet lai chuan “Vai” tih hi ka hrethiam ve lova. Kan veng naupang ho nen kan inkawm a vai leh mizo kan awm pawh ka hre ngai lo, chak-ai kan khawrh hova, ulawng kan in man siak a. Buk sahovin kan in bai-lem-chhuan a, tui kan khuap a kan ulawng mante chu ka chhuah leh a, sairawkherh-a kan indona hmun thlang chiah-ah Sorkar Office Bus ding thin kha – a acid kan liak thin a. Sertawk ball-ah Goal ven te leh thalasikah tui kang nghah pah a sava veh te kha nuam ka ti. Ka ngai bang thei lo.Sunday sikul ah ka thiante ka zui a, Chang zirin “Davida fakna hla” kan sa ve luah luah thin a nih kha!!
School ah tawngtaina hruai turin min ruat a, Bible chang chhiarin tawngtaina ka kaihruai ve thin lai te ka ngaihtuah chhuak ta. Ka nu leh pate hi Christian nilo mahse Bible Bung leh Chang (Chapter and verses) inthen dan te, tawngtaina kaihruai hun a ka chhiarchhuah tur Bible chang min zawnpui a, thenawm Pi Hmuaki te kan rawn a, tawngtaina kaihruai dan te ka zir ve a nih kha! A la rei lo ve..!!
Sikul chawlh ah Pu Rova te lo zawhna ah kan kal a, Baibing, Tumbu, Rawtuai kan khawrh a,ka hawn ve teuh a. Rilru ah an la cham reng e!! “Feh tura thian dun an kal in, kalkawng peng anih chuan kawng pengah chuan feh kal lam ah tiang pakhat an dah thin a, a haw hmasa zawkin a lo la, a hnuhnung zawk chuan a kalpui chu a haw tawh tih a lo hre thei thin a ni” tih an sawite kha hemi tuma ka thil hriat a ni.
Naupan laia A AW B kan zir tan lai khan “A,AW,B.. Ai Awka Bawm, CH D E – Chhun Denga Ek…” tiin kan au luah luah thin a. Pawl 4 ka nih laia ka thil hriat reng pakhat chu, Exam na – ah khan “Sentence Formation” tih vel kha chhan tur a ni a.
Heng thumal hmang hian Sentence Siam rawh tih kha a ni a. Intohdelh tih kha a thumal chu ani a. Mahse khami lai khan Intohdelh tih kha awmzia ka hre miah lo mai a. Mark 1 lai a pu bawk si a, kan chhang “risk” alawm mawle.. “Intohhdelh hi a tha lo”. tiin ka chhang ve tawp a. Inah ka haw a, ka pa(fam) chuan a tihdan pangngai-in question paper nen min thut pui a, ka mark hmuh zat tur min chhut pui a. “Intohdelh tih hi engtin nge i chhan?” a ti a, kei chuan “Intohdelh hi a tha lo ” tiin sentence ka siam ka ti a. A nui nasa kher asin. Hemi tum hian Mizo Subject ah ka hmu sang ber ve tlat. Ka zirchhoh zel na ah pawh Mathematics leh Mizo ah kher kher kha chuan mark hmusang ber pawl ka ni ve ziah.
Hetih hunlai vel hi ni ta in ka hria, eng engemaw boruak buai a awm a, Silchar velah mi pakhat “Vai” (Bengali) hian Mizo pakhat a lo that pek a ni awm e. Boruak a sosang nasa mai a, curfew meuh puan a nih tak kha. Hemi tum hian vai dawr rawk leh suasam kha a tam viau a ni awm a. Ka pu te dawr pawh kha an lo vawchhe vek mai a, a chhung bungrua te kha an lo la vek a. Ka la naupang a, a chhan ka la hrethiam chiah lo. Hun a kalzel a, ka hrethiam ve deuh ta a “Vai-ah” min lo chhiar tel ve vang ni ngei tur a ni. Mizoram mi ngei, mizoram mahni ram/ mahni ta anga ngai tlat chung si khan Silchar Vai tu emaw in pawi a khawih apiangin “fimkhur” a ngai ta tlat mai thin a. Vaiho ka huat phah vek..!!
Vai hi a tha chi leh a chhe chi an lo awm ve a ni awm a. Kei hi a eng zawk nge ka nih ka hrechiang lo. Vai tha chi turah ka indah phawt mai 🙂 . Ka lo chhut dan mai mai chuan vai chhe chi kan tih hi silchar vai kan tih ang deuh khu an nih ka ring a. Vai hausa tak tak hi chu kan hmu vai chhia vak in ka hrelo. A engpawh nise, vai kan tihte pawh hi thliarhrang thiam thin ila te ka ti mai mai. Mizoram a dan anga awm nghet (1950 hmalam ), Mizoram tana inhuam leh damchhunga Mizoram ka ta ti a pawm tlat tu te hi chu vai an ni chiah lo ania. Ka piantirh atanga ka culture hriat leh zir chu Mizoram Culture a ni a.
“Mizo” tih hi chi hnih in han thlir dawn ta ila, Mizo tih hi hnam hming zawnga thlir theih a ni a, a awmzia chu Mizo Mizorama awm lo pawh Mizo an ni thei thova. Chuan thlirdan dang leh chu Mizorama cheng, awmnghet te hi “Mizo” a tih theih thova. A hnam hming zawnga thlir a nih chuan Vai ka ni maithei. Mahse Mizo hi Mizorama chengte mi sawinan kan hmang dawn a nih chuan “Mizo” chu ka ve ni tehlul em.
Hetah hian ka duhtawk rih phawt mai ang e, naktuk lamah a chhunzawmna ka lo post leh ang
July 27th, 2011 at 6:27 am
1st ve tlat mai.
July 27th, 2011 at 6:31 am
Kan ram ah hi chuan vai chhia kan tih båk hi chu kan hmu phåk vaklo nih hi maw keini thingtlang deuh tan phei chuan
July 27th, 2011 at 6:40 am
Ka ngaihdan mai2 ah chuan mikhual cham rei nih vang ringawt chuan nihna a in let thei dawn em ni? Sa phun bawk si loh chuan. Mikhual cham rei ka tih awmzia hi in hrethiam ang chu maw
July 27th, 2011 at 6:46 am
Mizoram a an chen rei tawh avang ringawt a mizo han nih tir ngawt mai chu(h).
July 27th, 2011 at 6:46 am
Vai means mizorama cheng(mizo) nilo zawng zawng chu vai tih thin a ni. E.g kawl vai, thlangkawr vai.
July 27th, 2011 at 6:53 am
@rumtea mizorama cheng ni lo zawng vai an ni kher em ni? Thlangkawr vai tih te chu hla thu a vai sawina mai emaw ka lo ti ve ringawt pek a!
July 27th, 2011 at 6:57 am
Mizoramah kum 100 pawh lo awmtawh mahse majumdar emaw singh tih vel annih chhung chu mizo an nithei don amawn’le.. Awmnghet pawh nise ‘mizorama vai awmnghet’ anni ve mai anga…
Mizo tih hi mizorama chengte hrim2 sawinan hman chuan a dikhlel deuh in ka hria. Mizoramah hnamdang antam em a! Chuvangin mizo han tih hi chuan a hnam zawnga thlir a ‘mizo’ kan tih ho hi mizo chu ni mai in ka hria.
July 27th, 2011 at 7:14 am
‘Vai’ tih hi, a origin chu a tha ang reng viau asin. ‘bhai’ (Unaupa), tih atanga lokal ania. Vaiho nen hian ‘V’ leh ‘B’ kan lam dan hi a inpersan hlauh a, ‘vai’ ti a kan ziah hi, anni chuan ‘bhai’ tiin an chhiar tlat a ni. Mi rama awm chu, mahni ram angin Thlä a muang sarh tak tak thei lo hi Missionary nih hrehawm ka tihna ber pawh a ni. Mizote tana kan thla angam sarhna hmun, Mizoram hi mizote tan hian ava hlu em.
July 27th, 2011 at 7:20 am
Kurtai chu kurtai a ni a, vai chu vai, mizo chu mizo, greek chu greek an ni mai. Chutih rualin mizo nilo hnamdang eg. Gurkhali kum 100 dawn mizoram a lo cheng tawh mizoram hi ka ram ti thei ve hial a mawi an awm ve tih erawh hriat a tha. Amaherawh chu hnam hi mahni duh thu2 a thlak mai chi chu a ni lovin ka hria. Tin, saphun tih pawh hi mizo leh hnamdang nilo in, mizo hnam leh mizo hnam inkar chauh a hman chi a ni.
July 27th, 2011 at 7:26 am
‘Intohdelh’ ni lovin ‘intodelh’ zawk a ni e.
Pu Gandhi khan Sap nih tumin theihtawpin a bei a, a tawpah chuan Choak Arawn chang tawn mai a ni dawn tih a hmuchhuak ta a, Englishman takin a Indian ta a nih kha. Mizo hi Mizoram a cheng zawng zawngte kan huaptir hunah chuan Mizo i ni e ti a rawn chibai hmasak ber che tumin rawn pan nal nal che ka duh ang. Mahse dam rei nghah thil piah lam daih a la nih hmel bawk si.
July 27th, 2011 at 7:50 am
#10 halleluiah (Y) (Y) (Y) (Y) (F) (F) (G) (Y) (Y) (Y) (Y)
July 27th, 2011 at 7:57 am
VAI short definition- Hmanah chuan Mizo (KUKI) ho khan Tripuri ho khu ‘VAI’ tiin an ko thin a, tuna vai kan tih ho hi chu ‘KAWR’ an ti thin. Tuna ‘VAI’ kan tih hi chu ‘Aryan’, ‘Dravidian’ leh an thlahpawlh ‘Bengali’ ho hi an ni. Arab ho khu chu Vai kan tih awm ka hrelo. Vai chu an tam lutuk 😛
July 27th, 2011 at 7:59 am
pa-para, hmanlaiin Arab an hmuh phak ka ringlo. Tunlaiah hian arab ho hi vai tiin ka ko, ka thiante ngei pawh 🙂 Vai tlat hek
July 27th, 2011 at 8:05 am
Vai an pung zel 😛
July 27th, 2011 at 8:12 am
@9 Chhuaklinga (Y) mizo chhungkua hnamdang kara rei tak awm a sei lian ‘Mizo’ ni reng tho te hi an fakawm thlawt . Mizo nih hi a nuam a niang , hnamdang Mizoram a awm te hian Mizo nih an chak thei e ,
July 27th, 2011 at 8:13 am
Ka hriat ve dan chuan kan pi leh pu te khan kawl ho tih loh hnam dang reng reng hi kawrvai an ti vek thin.
July 27th, 2011 at 8:13 am
Post tha khawp mai (Y)
Tun chauh ni lo, nakin hun kal zel tur ngaihtuah a ngai ani. Miin Mizoram hi a ram nia a ngaih a, Mizo ni a a in hriat a chuan Mizo ni mai rawh se.
Chakma leh Bru te pawn Mizo nia an inhriat theih nan hma kan la zawk ang chu.
July 27th, 2011 at 8:23 am
#10 : intodelh spelling chu ka ron ti dik lo hram a ni mo? Lo hrethiam hram..
July 27th, 2011 at 8:27 am
@lrpa, nie Chakma leh Bru te hi i chimral ang u 🙂 …. Chimral hlau ringawt lova chimraltu nih a hun e.
July 27th, 2011 at 8:27 am
#17 (Y) (Y)
July 27th, 2011 at 8:28 am
Mizoram awm rei apiang mizo an nilo, vai ramah pawh mizo awmrei tak tak an awm a vai an nilo,
a biological modernity long phase term in mysiological psychiatryoglo atanga teh chuan hei hi a lang chiang ani
July 27th, 2011 at 9:05 am
Mizo ni a inhria hi mizo an ni kher lo, chimral hlauhloh vangin chimralloh in an awm kher lo. Chakma in mizo ka ni ti se mizo a ni kher lo. Mizo arab ho ramah kum 100 pawh awm se arab a ni kher lo. Hehe NOI 😛
silchar vai zawng2 khuan mizo ka ni rawn ti se, nia mizo inni han ti mai ila chuh… -:O
July 27th, 2011 at 9:07 am
Mizo by birth a awm theih hun chu Independent neih hnuah (H)
July 27th, 2011 at 9:08 am
chutiang zelin Mizo ka ni lo ti nazawng hi Mizo an ni lo kher lo hehe (Y)
July 27th, 2011 at 9:11 am
@ pa-para, ni e, hei kan rilru sutthlek anih loh chuan a tuar tur chu keini tho kan ni.
Mizoram hmangaihna tello a hnam ringawt kan hmangaih chuan ka la boral ngei ang.
July 27th, 2011 at 9:17 am
Gorkha unaute hian Mizo vernacular-ah chuan a tawng neitu zawk Mizo-te hi min khum chiang hle hlawm thin. Arjun Chhetry pawh extempore speech-ah a thu pawh fuh an hlap tak tak mai chu, tawng pei hek suh —K. L. Liana te pawhin an cho pha lo deuh thin kha a nia!
Tet lai deuh chuan Assamese-ah anmahni Assamese naupangte aia ka score san chang a awm ve phauh phauh bawk.
Nimahsela, tawng an thiam emaw, kan thiam zawk vang hian kan hnam emaw an hnam emaw kan ni hran chuang lo. Ethnic hran kan ni hrim hrim.
Janmastami leh Dushera …etc., Puja an neih reng rengah, a thusa leh decoration lama an puipa ka ni fo. Onam festival thleng thlengin a thusaah ka tang fo —an hnam thil ka enjoy a, thianah ka siam a. Annin thian thaah min neih a. Thian thaa min neih chhan kha anmahni hnam ka va nih tak vang chu a ni lo.
Hnam dang kan awm khawm hlawm a, inngeih tlang ila, inkawm hlim ila, a tha mai! Vaiho lainat em em ka ni, Aizawl-ah buaina awm se, chhan ngai chu ka chhan lo thei lo. Guwahati vai pawh Aizawl buainaah Hotel-ah a tangkhang laklawh a, pawisa nen lam ka supply mai. An ramah buaina tawk ila, min hum ve dawn chiang bawk. Mizoram University-a thawk lecturer leh Reader (vai nu)-ho pawh ka tawng thlamuan a. Min puih chakin an hun an hmang zui tawh mai a ni.
Hnam dang thiana siam thiam hi talent chi khat a ni ve asin!
July 27th, 2011 at 9:18 am
Saphun tih hi mizo hnam inkara hman thin ani a, hnam dang atanga mizo a sengluhna dan sawina ka hriat chiah loh avang hian saphun tih hi ka hmang thla zen ve ngawt zel mai. Vai in Mizo ka ni ti se, a hnam dan leh culture, rilru put hmang thlak si lovin; Mizote tan enge sawngsawhlawtna awm ang.
July 27th, 2011 at 9:24 am
Thingtlang hmun pakhat a ka awm tawhnaah, ka thenawmah hian Vai chhungkua hi an awm a. Pa ber leh nu ber chuan vai tawng an la thiam a, mahse an fa te erawh chuan Vai tawng an thiam lo a. An inchhungah chuan Mizo tawng hi an tawng hman a ni. Tumkhat chu annu chuan a fapa upa ber chu a hau a, a fapa chuan tlan chhiat pah hian ‘Vainu, vainu…’ a ti lauh lauh mai a. A hlimawm dang dai ve khawp mai.
Pi leh pu te atanga Mizoram a khawsa, Mizorama Gurkhali ho pawh hian Nepali ti a koh an duh loh mai bakah, ‘Vai’ ti a koh an duh thak lo. Gurkhali tih an pawm a.
Hetia Mizorama, Mizo hnahtlak ni lo, mahse seilenna erawh chu Mizoram environment leh Mizo tawng a seilian, tam tak te phei hi chu a mizo aia Tlawmngaihna kawngah te pawh entawntlak hi an awm tlat. Hmel leh pian hmangah chuan Mizo ni lo tih hriat ngawih ngawih, mahse mizo tawng bak thiam lo, Mizoram a seilian a in beng bel hi ‘Non Mizo, but Mizo’ ti a pawm mai tur anni mai lo maw? Champhai khua, intih mizona khua, Vai ho in a dawr mumal tak anneih theihlohna hmunah pawh hian, ka awmna veng a YMA leader chu, khita ka sawi, ‘Non Mizo, but Mizo’ ang khi a ni tlat…
July 27th, 2011 at 9:27 am
Saphun (proselyte) ni tur hian tihdan kalhmang a awm ve zel, tawngpawng duh leh va tih mawp mawp thil a ni lo. Dan leh hrai a awm, sa kan va phunna tur hnamah.
Bawngtlai hi a va reh ve, khu lama saphun ta kha! An nihna hmasa an kalsan nain, bei nghet chuan an hre ve hle ang.
July 27th, 2011 at 9:31 am
@shailendra, chawnghilh te sawi hi tha lutuk.
July 27th, 2011 at 9:32 am
Gorkha zawng zawng hi Nepali an ni lo. Nepal rama Gorkha khu Nepali tiin a koh theih a —Mizo-te hi kan hak a zau phian, Mizoram chhunga awm kher lo Mizo kan ni thei tlat bik hi!
Non-Mizo Christian Fellowship an ti emaw ni —chutah chuan vai pakhat kha Christian faith a pawm thar ve a, testimony a sawi a, “Tunah suan keimah pawh NON-MIZO ni be ta …” a ti e, an ti! 😀
July 27th, 2011 at 9:43 am
27 Xonas, nia tiraw kan pi leh pu te khan mizo hnahthlak ho nilo kha chu hnamdang reng2 mizo hnam a sengluh na dan an neilo tlat mai a, hnamdang mizoah an seng lut ngai lemlo a nih hmel e.
July 27th, 2011 at 10:00 am
26 chawnghilh: Dik viau mai..!! Ethnicity lampang atang a ngaihtuah chuan Hnamdang hrim hrim chu Mizo an ni thei ngai lo..!! Nihmasela, Mizoram a cheng, dan ang thlap a Mizoram domicile leh, Mizorama Citizenship based ho hi(geographical area a ngaihtuahin) “Mizo” kan tih loh pawn “Mizoram-i” ( Phai vai ho min tih dan) an ni..
Entirnan, Maharashtra ram a indegenios people chu Marathi nimahse Maharashtra a dan anga awm nghet Gujurati, Bengali pawh nise Maharashtrian an ti thova… Marathi kan tih chu hnam hming a ni a, culture, language, history dang daih nei an ni.. Mahse Maharastrian kan tih chuan culture, language, history hran daih mahse Maharstra State hi mahni ta anga pawm tu an ni… A dik in ti em?
July 27th, 2011 at 10:03 am
@31: chawnghilh Says: Non-Mizo Christian Fellowship an ti emaw ni —chutah chuan vai pakhat kha Christian faith a pawm thar ve a, testimony a sawi a, “Tunah suan keimah pawh NON-MIZO ni be ta …” a ti e, an ti!
Ka nui huk chu(h)….!!
July 27th, 2011 at 10:14 am
Tumkhat vai huat zual lai deuh khan – Tlangval rual khatin mi an rawn um chiam mai a, Police Station ah tlan lutin – PS verandah a tang chuan ‘Vai’ ka ni lo asin mawle!!! a ti bai2.Vai hmel a ang deuh ni ngei tur a ni. Khatih hun lai kha chuan vai hmel an pawh kha a den tlat…
July 27th, 2011 at 10:21 am
Vai thirchhe zawng changkang: Vai- Ka pu thirsia om em? PU- Awm lo. Vai- I can’t believe it!!! (OT ltk em?….)
July 27th, 2011 at 10:35 am
heheh.. 36 chu(h). SMS Joke ah khan va comment daih ta la.. hehehe 🙂
OT lovin ka hria.. vai lampang sawina a ni bawk a…!!
July 27th, 2011 at 10:37 am
Keini chu A Aw B Ai Awt Bawm,CH D E Chhun Denge Ek kan ti thin.Tlang a dan a,tihdan phung a lo dan hian tawngkam hmandan phung hrang hrang kan nei thin.Kei hi Aizawla piang leh seilian ka nih vang hian hei bak hi tihdan dang ka lo hre ngai miah lova.Tum khat Shillong ka kal tumin ka haw lam chu Vairengte check Gate ah khuan Permit min lo dil vel,tun hnua ka ngaihtuah kir leh hian a lo nuihzatthlak vakloh ta in ka hria.Ba ba Cha cha kan tih lauh lauh lai te tak kha aw,hmanlai an chang tak vawng vawng a
July 27th, 2011 at 10:56 am
kan thianpa pakhat, Pathian lam ngaihsak vak lo hi ‘non-christian mizo’ tiin an fiam a, a nui tawi khawp mai. Lolzzz..
July 27th, 2011 at 10:56 am
Kuki/Thahdo, Paite, Hmar, Mara leh adangte Mizoram a cheng lemlo, Mizo nih pawh chak em em lemlo ho tih Mizo phet tum ai chuan Mizoram a cheng ngei, Mizo nih pawh pawi ti lemlo ho nen hian han inpumkhat tum ta zawk ila a fuh zawk lo’ng maw? Bru ho Vote lo va siamsak ai chuan kan Pi leh Pute hunlai a tang a lo awm tawh, Mizo hnam dan pawh hre em em Gorkhali te hian Vote chu nei ve ta zawk se a tih chi lo’ng maw?
Mizoram mi leh sa, Mizo thinsen ngei mai tamtak ai hian thlah tute a tang a Mizoram a lo cheng tawh Chettry, Thappa, Kawaar etc. tih ho tam tak hian tlawmngaihna an ngah duh phian zawk.
Mikhual chamrei te inti elomaw? In lo mikhual zawk reng lo’ng maw?
July 27th, 2011 at 11:13 am
@ post tupa, i thil sawi hi thlirna hran mai ni lova i nihna tak tak anih chuan ka hriatthiam pui thei deuh riai ruai che, ka feel pha chiah erawh chu ka ti law…
Hetiang ang mi hi thian ka nei tlat mai. Kei aiin tawngkam a la thiam zawmah. KTP leh YMA hruaitu hun rei tak atang khan a ni tawhin a la ni char char lehnghal. Mizo te hi kan fiamthu leh thil dang reng reng ah hian racism lam hi a tel tam si a, chuvang chuan a bulah pawh hian he thumal ‘Vai’ tih hi chu hman ka insum viau thin. Chuvang chuan insumkarna tel miah lova han lam rik bawrh bawrh theih loh chuan an dan chu a…… maithei.
A enga pawh chu nise kan that tlan hun a la inher ve chawk ang chu maw. (Y)
OT: Forest Research Institute (FRI), Dehradun ah khuan guard pakhat a hming ‘Mawia’, tih a awm. FRI kal chang hian Mizo tawng ngatin min lo be ve ziah, a lawmawm phian lehnghal. Mahse amah chu a nu Mizo, a pa Vai sipai thin. Pension tawh avanga Dehradun a awm hlen ta an ni awm e.
July 27th, 2011 at 11:38 am
40
Alejendro@
Kuki/Thahdo, Paite, Hmar, Mara leh adangte Mizoram a cheng lemlo, Mizo nih pawh chak em em lemlo ho tih Mizo phet tum ai chuan Mizoram a cheng ngei, Mizo nih pawh pawi ti lemlo ho nen hian han inpumkhat tum ta zawk ila a fuh zawk lo’ng maw? Bru ho Vote lo va siamsak ai chuan kan Pi leh Pute hunlai a tang a lo awm tawh, Mizo hnam dan pawh hre em em Gorkhali te hian Vote chu nei ve ta zawk se.
Vote te chu an nei fur tawh a lawm, Metei te tlengin. Mahse, tlahpawlhte tal an niloh chuan an MIZO thei chuanglo. Mizorama cheng khua leh tui dik tak eraw an ni thei.
July 27th, 2011 at 11:51 am
38 Vittea : “A Aw B Ai Awt Bawm,CH D E Chhun Denge Ek ” i tih hi a adik zawk ang..!! Post a ka ziah khi chu ka lo hriat ve dan kha a nia..!!
July 27th, 2011 at 12:06 pm
@40&41 (Y) (Y)
Assam rama kan awm lai khan kan thenawmte chu an title ‘Sharma’ ‘Thakur’ te an ni hlawm a; kum engemaw zat kal tawha an thlahtute India ram hmun hrang atanga lo pem lut te an ni. Mahse ‘Assamese’ an ni vek. An inchhungah pawh Assamese tawng an hmang a, an khawsak dan pawh chutiang zelin. Assamese ni lova puh ngaihna a vang khawp.
Amaherawhchu, ‘Mizo’ tih hi pianpui hnam atan chauh hman kan ti anih chuan ‘Mizoram mi’ tih tawngkam te hi kan hmang mai dawn em ni – ‘Marathi’ leh ‘Maharashtrian’ te, ‘Malayalee’ leh ‘Keralite’ tih ang deuh hian?
July 27th, 2011 at 12:06 pm
Vai pakhat khan in chhunga ar rawn lut kha a hnawt chhuak a, ar chu a rawn lut nawn leh a, inti Zotawng thiam tak hian, “Teih ngilh nei mi?” te a ti vel!
July 27th, 2011 at 12:16 pm
Gurkha thlah, Mizorama tunhma atanga lo cheng tawh zingah pawh hian chi 2 an awm. Pakhat zawk chu Gurkha thlah han tih mai pawh inthlahrum awm khawp a mizo zia la, chhungkuaah pawh mizo tawng hlang hlak hmang, hmelah chiah danglamna awm an awm a. A pakhat leh chu, an mahni inchhung khur a gurkha tawng hmang, mahse khawlai leh thian kawmnaah chuan mizo tawng hmang an awm leh a. Hindu sakhua vuan a, nupui pasal neih pawlh hleih theih loh anni tlangpui. Mahse sawi ang khan Mizoram inti ta tu ve ve anni.
July 27th, 2011 at 12:51 pm
chak-ai kan khawrh hova, ulawng kan in man siak a. Buk sahovin kan in bai-lem-chhuan a, tui kan khuap a kan ulawng mante chu ka chhuah leh a, sairawkherh-a kan indona hmun thlang chiah-ah Sorkar Office Bus ding thin kha – a acid kan liak thin a. Sertawk ball- ah Goal ven te leh thalasikah tui kang nghah pah a sava veh te kha nuam ka ti. Ka ngai bang thei lo.Sunday sikul ah ka thiante ka zui a, Chang zirin “Davida fakna hla” kan sa ve luah luah thin a nih kha!
Helai para hian ka lung ati leng ve nawng2 mai a! Post tha hle mai (Y)
July 27th, 2011 at 1:15 pm
Vai sawi sawi takah chuan Vaipa leh Mizonu inkar a piang, Mizo society a cheng si te hi an chep hlein ka hria. Mizo thiltih nikhua a tel an zak ru si, tel chak bawk si, tel loh ngawt hreh si, an khawngaihthlak takzet a ni. An rebellious duh viau bawk.
July 27th, 2011 at 1:26 pm
Ziaktupa rilru (a tak tak ni turah ngai ta ila) ang hi Mizoram-a vaiho hian pu vek se chuan a zia zia pawh a awm deuh mahna.
July 27th, 2011 at 1:30 pm
49 hlatekhua : A tak tak ni e…!! hai re hai..
July 27th, 2011 at 2:00 pm
@nick: mizo tamtak aiin i mizo zawk. Keichuan ka pawm thlap che, unaupa…
July 27th, 2011 at 2:15 pm
@51 saint sammoo: (Y)
July 27th, 2011 at 2:17 pm
Mizo tih hi kan sawi nasa tawh. Hnam (Chi) bil hrang hrang te awmkhawmin Mizo tih a lo piang chhuak a. Kum za nufa pawh a la ni lo ang. Hei hi a kal zel ang. Mizoram chhunga cheng nghet leh Mizona rilru neite chu Mizo an nih zel theih hi ram anga lungrualna tur chu ani mai e.
Gorkhali/Chakma/Bru te pawh he Mizo kal mekah hian len tirin huam tel ila enge pawi ang le?
Hnam dangah chhiar lui tlatin en hrang tlat ila enge chu chuan thil tha a thlen ang le?
Mizo tih definition hi kal zel se kum za/zahnih ah chuan Mizoram chhung amite hi hnam khat kan la ni mai dawn ani.
July 27th, 2011 at 2:24 pm
53 lrpa :ka thlawp khawp mai che…! Short term ltk a ngaihtuah lo ta ila.. In pawmtlang in inzah thiam ta ila.. Mizoram hian hma a sawn chak zawk ka ring…!
July 27th, 2011 at 2:31 pm
Mizovin, “Vai” kan tih hian negative connotation a nei deuh reng rengin ka hria.
Chhungkuaah pawh athen Mizo athen Israel te pawh kan awm nawk bawk 😀
July 27th, 2011 at 3:20 pm
56 rinfelasailo: ka lo la reply ang e..!!
July 27th, 2011 at 3:25 pm
Mizorama a chen avangin Liana, Gorkhali hnam chu Mizo hnam a ni theilovang. Mizo Pradesh a mi chu a ni thei. Hnam kher kher hi chu intawm theih a ni lau.
Mizoram hi Mizo hnam hming chawia phuah niawm tak a ni a, Mizorama cheng anìh avang ngawtin Mizo a nih ve ngawtna tur a awm lo. Gorkhali a ni thau thau.
Englanda ka chen avangin English ka ni kher lo. Mizo hnarbawng, zangtawi ka ni tho tho.
July 27th, 2011 at 3:30 pm
56 rinfelasailo: Heta ka post leh i link rawn dah hi a inhmu tlat lo mai ah.. I thil rawn sawitum ka man pha lo…!! Post hmasa kha ka lo hmu lova, ka rawn chhang e.. lo chhiar dawn nia..!!
July 27th, 2011 at 4:16 pm
Ka pa pa hi hnamdang a nia, mahse mizo culture leh tradition chauh kan chhawm. Tunlai tleirawl tam tak aiin ka mizo fe zawk in ka hre bawk. Mizo maw ka lo inti ve char2 hehe..
July 27th, 2011 at 4:26 pm
@no-nick, mizoram a pian a, mizotawng a tawng a, mizo culture nunpui avang khan mizo nih tum kher a ngai hlei nem..mahse, mizo nihloh avang khan mikhual rilru put kher tur poh a ni chuanglo a, mizo mi dik tak, nuamsa um a, mahni hnam leh ram hmangaihna tak tak neilo a thle mai2 te ai chuan mizoram chu i hmangaih fe thei tho alom.. I thisenah hnamdang a awm anih chuan mizo nih phet i tum chuan chu i hnam pakhat zok chu i phatsan tihna a ni. Poimoh ber eroh chu ‘hnam fever’ vei tok lek level ah chenglo la, chu aia sang fe atang chuan hringnun hi thlirin nung roh le, mihring vek kan ni. 🙂
July 27th, 2011 at 4:31 pm
@BaKcHeh, I (Y) e. Tin, @Pc-a, i comment tlar tawp khi 😀
July 27th, 2011 at 4:45 pm
no_nick: MIZO hi a la naupang em a ni. Lo tuar hram hram mai rawh. Nakinah a la zia ang.
Pu HS Thapa min ti hrechhuak nawlh mai a. Mizotawng a thiam em em a. Chu mai bakah Thlai leh Thing hming phei chu Pu C Rokhuma paw’n a zawt thin a ni awm e! A hre khawp mai, hretak a ni.
July 27th, 2011 at 4:46 pm
60 ReMpY_ScisSoR :Mizo a hnam zawnga i sawi a nih chuan Mizo ka ni ka ti thei lovang..! Mizoram a awm nghet Mizo ni si lo hi “Maharashtrian” kan tih ang deuh hian hming a awm awm ka hre si lova.. Mizo ka inti ve ta. tihna a nih chu..!1 Mizo nih phet ka tum tihna a ni love..!! Vai – II a lo chhuak trep tawh ang.. min lo chhiarsak leh hran dawn nia.. Mizoram ka hmangaih lam ka rawn ziak tel a nia..!
July 27th, 2011 at 4:48 pm
@62 Ignatia (33-115 AD) : Pu HS Thapa a titi ngaihthlak te chu anuam asin..!! Pu HS Thapa a kha vai han ti chhin la, a chhang thiam fu ang..!!
July 27th, 2011 at 4:55 pm
no_nick: A thusawi hmang hi a ngaihnawm sa reng mai ni tiraw.. A thawhpui tamtak aiin a tlawmngai zawk bawk asin. Hotu hmuh leh hmuh loh lam a ngaihtuah ngai lo, class lak pawh thahnem a ngai thin khawp mai. Pu RK Thapa pawh hi mizo tana a contribution hi thahnem tak a ni. An hlutzia teh duh pawh kan tam leh pek lovang. Kan vannei ngawt mai!
July 27th, 2011 at 5:04 pm
Ziak ngaihnawm hle mai. Chutichu keipawh vawiin atangin VaiVa khi Mizo ah ka pawm e!
😀
July 27th, 2011 at 5:06 pm
Han sawi mai tur ka va nei lo ve maw le. Han chhui vaka sawng saw hlawt tur a awm chuang bawk si lo a 😀
July 27th, 2011 at 5:06 pm
@65: nia . zep vak hi anei lova.. vaiwkhat pawh veng pakhatah Gorkhali chhiat tawk an awm a.. an veng VC khan mic(loudspeaker) ah Chhiat tawh thu an au pui ve lova.. Pu Thapa a hian an kap zek mai anih kha.. a thil sawi kha VC hruaitu te pawh khan an pawm viauin ka hria..! Tlailamah chuan vengchhung mi thenkhatin ” saw pa saw tunge a” ti tu ka hmu zeuh zeuh mai a.. a thil sawi kha an amen ve viau in ka hria..
July 27th, 2011 at 5:08 pm
helamah chuan han chhui tur vak a awm si lova.. detective doc_lib a chu(h) a hawi a hawi mai dawn a ni mo.. Rempy kha MHIP a nih leh nihloh kha i lo chhui char char la..!! a cover han blow teh le..!! Chhui tur ka neih hunah ka rawn ruai ve ngei ang che..!!
July 27th, 2011 at 10:58 pm
I va ngaihsan awm ve- Pachuau thlah ni chung hian kei ai in mizotawng pawh I ziak thiam.. Cl-X1 ka zirlai in mizo ah ka failed a, Computer Science kala daih.
no_nick (Y)
July 28th, 2011 at 5:11 pm
” Mizo nihna hi Mizorama awm rei tawh vanga neih ngawt theih a ni lo. Thisen atangin a ni zawk”, tih ka rawn sawi ve lawk e.